ირაკლი კობახიძე: ფაქტია და არა მუქარა, რომ თუ სააკაშვილი დაბრუნდება საქართველოში, ის სასჯელაღსრულების დაწესებულებაში შევა
Read Time:36 Second
მიხეილ სააკაშვილს ელოდება მართლმსაჯულება საქართველოში. მის წინააღმდეგ არის უკვე დასრულებული სისხლისსამართლებრივი საქმე. სასამართლომ მას შეუფარდა კონკრეტული სასჯელი, – ამის შესახებ „ქართული ოცნების“ აღმასრულებელმა მდივანმა, ირაკლი კობახიძემ „რუსთავი 2“-ის ეთერში განაცხადა.
მისი თქმით, არა მხოლოდ ქართულ მართლმსაჯულებას, არამედ სტრასბურგის სასამართლოსაც აქვს გირგვლიანის ეპიზოდში გამოკვეთილი სააკაშვილის დანაშაული.
„ის არის დამნაშავე, ის არის კრიმინალი. ფაქტია და არა მუქარა, რომ თუ სააკაშვილი დაბრუნდება საქართველოში, ის შევა სასჯელაღსრულების დაწესებულებაში. მართლმასუჯულება ბოლოს აუცილებლად იზეიმებს, რადგან ის დანაშაული, რაც მან ჩაიდინა, არის უმძიმესი. 8 წლის შემდეგ მოვისმინეთ მისი აღიარებითი ჩვენება. 8 წლის შემდეგ გაახსენდა თავისი უმძიმესი დანაშაულები და ამისთვის მოიხადა ბოდიში. ასეთი დანაშაულებისთვის ბოდიშს კი არ იხდიან, არამედ პასუხს აგებენ“, – განაცხადა ირაკლი კობახიძემ.
აგვისტოს ბოლოს მიხეილ სააკაშვილმა ვიდეომიმართვა გაავრცელა, რომელშიც მოსახლეობას შეცდომებისთვის ბოდიში მოუხადა და განაცხადა, რომ სამშობლოში ბრუნდება.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
