ირაკლი კობახიძე: რუსეთ-საქართველოს ომის შემდეგ, სადაც 500 დაღუპული გვყავდა, ოპოზიცია რუსეთთან დაახლოებაზე საუბრობდა და ახლა საუბარი იმაზე, რომ ფრენების აღდგენა არის უმძიმესი მოვლენა, უბრალოდ სპეკულაციაა
„ქართული ოცნების“ თავმჯდომარე ირაკლი კობახიძე რუსეთიდან საქართველოში, რუსეთის ფედერაციის გადაწყვეტილების შემდეგ განხორციელებულ პირველ ფრენას გამოეხმაურა.
„ჩვენი პოზიცია ნათელია ამასთან დაკავშირებით. სანქციებს არ ვაწესებთ, ეს იყო ცალმხრივი გადაწყვეტილება, რომელიც მიიღო რუსეთის ფედერაციამ და შესაბამისად, შესრულდა ფრენები. რაც შეეხება ოპოზიციის დამოკიდებულებას, ეს არის აბსოლუტურად ანტისახელმწიფოებრივი. შეგახსენებთ, რომ 2008 წლის შემდეგ, მაშინ, როდესაც დაიღუპნენ ჩვენი გმირები, 500 ადამიანი შეეწირა რუსეთ-საქართველოს ომს, 30 ათასი ადამიანი იქცა დევნილად, მაშინ ისინი [ოპოზიცია] საუბრობდნენ რუსეთთან დაახლოების მნიშვნელობაზე. ამაზე საუბრობდა პირადად ხოშტარია, ამაზე საუბრობდა სააკაშვილი, ამაზე საუბრობდა მაშინდელი საგარეო საქმეთა მინისტრი, რომელიც რუსეთის მოქალაქე იყო და ა.შ. მაშინ ისინი საუბრობდნენ რუსეთთან დაახლოების მნიშვნელობაზე, როდესაც ახალი დასრულებული იყო რუსეთ-საქართველოს ომი და დაღუპული გვყავდა 500 ადამიანი უშუალოდ ამ ომში და 30 ათასი ადამიანი როდესაც იქცა დევნილად. მათი მხრიდან საუბარი იმაზე, რომ ფრენების აღდგენა არის უმძიმესი მოვლენა, ეს არის უბრალოდ სპეკულაცია და მეტი არაფერი. ერთ-ერთი ადამიანი, რომელიც საუბრობდა უმძიმეს დღეზე, თვითონ იღებს საკუთარ სახლში რუს მდგმურს, არის ხოშტარია, რომელიც რუსეთის ხაზინიდან იღებს პირდაპირ რუსულ რუბლებს, ეს რატომღაც არ არის მათთვის დისკომფორტის შემცველი, თუმცა ისინი დღეს საუბრობენ იმაზე, რომ არის უმძიმესი დღე, შესრულდა პირველი ფრენა და ა.შ. ეს ყველაფერი რა თქმა უნდა, მიუთითებს მხოლოდ იმაზე, რომ ისინი მოქმედებენ მხოლოდ ანტისახელმწიფოებრივი ფაქტებით და მეტი არაფერი“, – განაცხადა კობახიძემ.
About Post Author
ქეთევან ნინუა
Comments
გიორგი ვოლსკი: 2012 წლიდან მოყოლებული, ერთი მაგალითი დაგვისახელონ, როდესაც საქართველომ რუსეთის ინტერესებით იხელმძღვანელა. მე ათს დაგისახელებთ, თუ მეტს არა, როდესაც 2012 წლამდე ხელისუფლებამ რუსეთის ინტერესები გაატარა
ათს [მაგალითს ]დაგისახელებთ, თუ მეტს არა, როდესაც 2012 წლამდე ხელისუფლებამ არათუ რუსეთის ინტერესები გაატარა, რასაც დღეს ვხედავთ, რაც საქართველოს პრობლემაა,...
გიორგი გაბუნია: გუშინ მოვისმინე ერთ-ერთი ევროპელი პოლიტიკოსის განცხადება, რომ ევროკავშირში გაწევრიანება დაკავშირებულია მსაჯობის პრინციპთანო. ეს მომხვდა ყურში. ჩვენ არ გვჭირდება მსაჯები, საქართველოს სჭირდება მეგობრები, პარტნიორები
გუშინ მოვისმინე ერთ-ერთი ევროპელი პოლიტიკოსის განცხადება, რომ ევროკავშირში გაწევრიანება დაკავშირებულია მსაჯობის პრინციპთანო. ეს მომხვდა ყურში. ჩვენ არ გვჭირდება მსაჯები, საქართველოს...
გიორგი ვოლსკი აქციებზე: თუ ვკითხულობთ, ვინ აფინანსებს ამ ღონისძიებებს, ნანუკა ჟორჟოლიანი რომ არ კრებს ფულს, ხომ გასაგებია?!
ვინ აფინანსებს ამ ღონისძიებებს [აქციებს], ნანუკა ჟორჟოლიანი რომ არ კრებს ფულს, ხომ გასაგებია?!, - ამის შესახებ პარლამენტის პირველმა ვიცე-სპიკერმა, გიორგი...
რეჯეფ თაიფ ერდოღანი: ჩვენი შეხვედრის დროს, საქართველოს პრემიერ-მინისტრთან მქონდა საუბარი რეგიონულ და გლობალურ საკითხებზე
ჩვენი შეხვედრის დროს, საქართველოს პრემიერ-მინისტრთან მქონდა საუბარი რეგიონულ და გლობალურ საკითხებზე, - ამის შესახებ თურქეთის რესპუბლიკის პრეზიდენტმა რეჯეფ თაიფ ერდოღანმა...
ირაკლი კობახიძე: ოპოზიციის ფრონტის მთავარი მიზანი იქნება სწორედ ფრონტის გახსნა, თუ სალომე ზურაბიშვილს კოლექტიურ „ნაცმოძრაობაში“ გამოაცხადებენ ლიდერად, ეს იქნება კარგი ჩვენი საარჩევნო შედეგებისთვის
კოლექტიური „ნაცმოძრაობა“ ორ წელიწადზე მეტია იბრძვის, რომ რამენაირად არიონ ქვეყანა, ქვეყანაში გამოიწვიონ მეორე ფრონტი და ეს ფრონტი დააანონსა რეალურად სალომე...
ირაკლი კობახიძე ოთხი საგარეო საქმეთა მინისტრის საპროტესტო აქციაში მონაწილეობაზე: ეს აისახება არა მხოლოდ შესაბამისი ქვეყნების იმიჯზე უარყოფითად, არამედ ეს მთლიანობაში აისახება ევროკავშირის იმიჯზეც
პრემიერ-მინისტრის შეფასებით, საპროტესტო აქციებში ოთხი ქვეყნის საგარეო საქმეთა მინისტრის მონაწილეობა არასერიოზულია. როგორც მთავრობის მეთაურმა ჟურნალისტებს თურქეთში განუცხადა, ეს უარყოფითად აისახება...