ირაკლი კობახიძე: ორშაბათს შეიკრიბება საპარლამენტო უმრავლესობა და მივიღებთ გადაწყვეტილებას სამივე დეპუტატის მანდატების შეწყვეტის საკითხზე
Read Time:24 Second
სამი ოპოზიციონერი დეპუტატისთვის უფლებამოსილების შეწყვეტის საკითხზე საპარლამენტო უმრავლესობა ორშაბათს იმსჯელებს. ამის შესახებ „ქართული ოცნების“ ცენტრალურ ოფისში გამართულ ბრიფინგზე პარტიის თავმჯდომარემ, ირაკლი კობახიძემ განაცხადა.
„მე წინ ვერ გავუსწრებ მოვლენებს – ორშაბათს შეიკრიბება საპარლამენტო უმრავლესობა და მივიღებთ გადაწყვეტილებას სამივე დეპუტატთან დაკავშირებით. ამის შემდეგ ჩვენ ორშაბათსვე გავასაჯაროვებთ ჩვენს გადაწყვეტილებას“, – განაცხადა კობახიძემ.
ოთხი დეპუტატისთვის უფლებამოსილების შეწყვეტის შესახებ საკითხი პარლამენტში მომავალ კვირაში განიხილება. სამი მათგანი ოპოზიციის წევრია – ბადრი ჯაფარიძე, ელენე ხოშტარია და შალვა ნათელაშვილი, მეოთხე კი ყოფილი სპიკერი კახა კუჭავა, რომელსაც „ქართული ოცნების“ პარტიული სიიდან გია ცაგარეიშვილი ჩაანაცვლებს.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
