იაგო ხვიჩია: აქცია „წარმატებული“ იყო – თუ საპროტესტო მუხტის ჩაცხრობა და მიტინგის წარმატებულად დაშლა გინდოდა, ისე, რომ 100 000-კაციანი მიტინგიდან 10 დღეში აღარაფერი დარჩენილიყო, ეს ორგანიზატორებს კარგად და წარმატებით გამოუვიდათ
Read Time:36 Second
„გირჩის“ ლიდერი, იაგო ხვიჩია, თბილისსა და რეგიონებში, ბოლო დროს ჩატარებულ აქციებს ეხმაურება.
„ჩემი აზრით, აქცია იყო „წარმატებული“, იმ თვალსაზრისით, რომ თუ ადამიანებში საპროტესტო მუხტის ჩაცხრობა და მიტინგის წარმატებულად დაშლა გინდოდა, ისე, რომ 100 000-კაციანი მიტინგიდან 10 დღეში აღარაფერი დარჩენილიყო, ორგანიზატორებს ეს კარგად და წარმატებით გამოუვიდათ“, – აცხადებს იაგო ხვიჩია.
აქციის მონაწილეებმა მთავრობის ადმინისტრაციის ტერიტორია კონკრეტული გეგმის დასახელებისა და ახალი აქციის დაანონსების გარეშე დატოვეს.
აქცია „შინ ევროპისკენ“ გუშინ საღამოს, 20:00 საათზე, პარლამენტთან დაიწყო. სიტყვით გამოსვლების შემდეგ, აქციის მონაწილეები კონკრეტულ სამოქმედო გეგმას ითხოვდნენ, თუმცა, გეგმის ნაცვლად, ორგანიზატორებმა აქციის ადგილი მოულოდნელი შეცვალეს და პარლამენტთან შეკრებილებს „ქართული ოცნების“ ცენტრალური ოფისისკენ წასვლა მოსთხოვეს. ამ გადაწყვეტილებამ აქციის მონაწილეთა ნაწილის უკმაყოფილება გამოიწვია, მათ შორის – სტუდენტების.
მოგვიანებით, შეკრებილთა ნაწილმა მთავრობის ადმინისტრაციასთან გადაინაცვლა და იქ ღამე გაათია.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
