თბილისში გამართული საბავშვო ევროვიზიის ფინალი 2,6 მილიონმა მაყურებელმა ნახა
Read Time:42 Second
საბავშვო ევროვიზიის ფინალი, რომელიც 2017 წელს თბილისში ჩატარდა, 2,6 მილიონმა მაყურებელმა ნახა. ევროპის მაუწყებელთა კავშირ EBU-ს მონაცემებს 1 TV აქვეყნებს.
EBU-ს ცნობით, წინა წელთან შედარებით, 2017 წელს მუსიკალური კონკურსი 1,3 მილიონი მაყურებლით ნაკლებმა ნახა. თბილისში გამართულ საბავშვო ევროვიზიას 15 ქვეყანაში 2,6 მილიონმა ადამიანმა უყურა.
ყველაზე მეტი ადამიანი, 2017 წლის საბავშვო ევროვიზიის ფინალს, პოლონეთიდან ადევნებდა თვალს. ამ ქვეყანაში კონკურსი 866 ათასმა მაყურებელმა ნახა. პოლონეთი ამ მხრივ უკვე მეორე წელია პირველ ადგილს იკავებს, თუმცა 2016 წელს მაყურებელთა რაოდენობა გაცილებით დიდი იყო – 2,8 მილიონი ადამიანი.
2017 წელს თავად მასპინძელ ქვეყანაში კონკურსს 2013 წლის შემდეგ ყველაზე მეტი მაყურებელი ჰყავდა. ასევე, ბოლო ხუთი წლის განმავლობაში მაყურებელთა ყველაზე დიდი რაოდენობა სომხეთიდან დაფიქსირდა.
2017 წლის საბავშვო ევროვიზიის კონკურსიში 16 ქვეყანა მონაწილეობდა გამარჯვება კი რუსეთის წარმომადგენელმა პოლინა ბოგუსევიჩმა მოიპოვა. საქართველოს ევროვიზიაზე გრიგოლ ყიფშიძე წარმოადგენდა. მან 185 ქულით მეორე ადგილი დაიკავა.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0