ვლადიმერ პუტინი – 2008 წელს ბუქარესტში ხელი მოაწერეს მემორანდუმს, რომელმაც ნატო-ს კარი გაუხსნა უკრაინასა და საქართველოს, თუ ერთი ნაბიჯი გადადგეს აშშ-ის ზეწოლით, სად არის გარანტიები, რომ არ გადადგამენ მეორესაც
2008 წელს ბუქარესტში ხელი მოაწერეს მემორანდუმს, რომელმაც ნატო-ს კარი გაუხსნა უკრაინასა და საქართველოს, თუ ერთი ნაბიჯი გადადგეს აშშ-ის ზეწოლით, სად არის გარანტიები, რომ არ გადადგამენ მეორესაც, – ამის შესახებ რუსეთის პრეზიდენტმა, ვლადიმერ პუტინმა რუსეთის უშიშროების საბჭოს სხდომის შემდეგ განაცხადა.
„დღევანდელი შეხვედრის მიზანია, მოვუსმინოთ კოლეგებს და განვსაზღვროთ ჩვენი შემდგომი ნაბიჯები ამ მიმართულებით, მათ შორის დონეცკისა და ლუგანსკის სახალხო რესპუბლიკების ლიდერების მიმართვა მათი სუვერენიტეტის აღიარების შესახებ და ამავე საკითხზე სახელმწიფო დუმის რეზოლუცია“, – აღნიშნა ვლადიმერ პუტინმა.
პუტინის თქმით, აშშ-ის პრეზიდენტმა ჯო ბაიდენმა ის დაარწმუნა, რომ „უკრაინის ნატო-ში მიღებას ხვალვე არ გეგმავენ, უფრო მეტიც, შესაძლოა, მორატორიუმი“.
„თუ რუსეთი აღმოჩნდება ისეთი საფრთხის წინაშე, როგორიც უკრაინის ჩრდილოატლანტიკურ ალიანსში მიღებაა, მაშინ საფრთხე ჩვენი ქვეყნისთვის მრავალმხრივ იზრდება“, – განაცხაცხადა პუტინმა.
მისი თქმით, არსებობს საფრთხე, რომ კიევი ყირიმის დაბრუნებისთვის ბრძოლას სამხედრო გზით დაიწყებს.
„მაშინ მთელი ჩრდილოატლანტიკური ბლოკი ვალდებული იქნება, ჩაერთოს ამ მოვლენებში“, – დასძინა პუტინმა.
მისი თქმით, ზოგიერთი ქვეყანა უკრაინის ნატო-ში გაწევრიანების წინააღმდეგია.
„თუმცა, ამის მიუხედავად, 2008 წელს ბუქარესტში ხელი მოაწერეს მემორანდუმს, რომელმაც ნატო-ს კარი გაუხსნა უკრაინასა და საქართველოს. რა არის პასუხი ჩემს კითხვაზე – რატომ გააკეთეთ ეს? აშშ-ის ზეწოლით. ეს არის პასუხი. თუ მათ ერთი ნაბიჯი გადადგეს აშშ-ის ზეწოლით, სად არის გარანტიები, რომ ისინი არ გადადგამენ მეორესაც“, – განაცხადა პუტინმა.
მისი თქმით, რუსეთი თავიდანვე ყველაფერს აკეთებდა, დონბასში არსებული წინააღმდეგობების მშვიდობიანად გადაწყვეტისთვის.
„ხალხმა განაცხადა, რომ ისინი ორ დამოუკიდებელ რესპუბლიკას აყალიბებდნენ – დონეცკისა და ლუგანსკის სახალხო რესპუბლიკებს. ამ მომენტიდან დაიწყო წინააღმდეგობა კიევის ხელისუფლებისა და ამ ტერიტორიაზე მაცხოვრებლების. ამასთან დაკავშირებით მინდა, გავამახვილო ყურადღება, რომ რუსეთი თავიდანვე ყველაფერს აკეთებდა, რომ მშვიდობიანი გზით გადაჭრილიყო წარმოქმნილი წინააღმდეგობა“, – განაცხადა პუტინმა.
მისივე თქმით, უკრაინის, როგორც ინსტრუმენტის გამოყენება რუსეთთან დასაპირისპირებლად საფრთხეს წარმოადგენს მოსკოვისთვის.
„დონეცკისა და ლუგანსკის სუვერენიტეტის აღიარების საკითხი მჭიდროდ არის დაკავშირებული უსაფრთხოების უზრუნველყოფის გლობალურ პრობლემებთან, კერძოდ ევროპაში, ვინაიდან უკრაინის, როგორც ინსტრუმენტის გამოყენება ჩვენს ქვეყანასთან, რუსეთთან დასაპირისპირებლად, ძალიან სერიოზულ საფრთხეს წარმოადგენს ჩვენთვის“, – აღნიშნა ვლადიმერ პუტინმა.
About Post Author
ქეთევან ნინუა
Comments
24 წელი ცოლის სასტიკი მკვლელობისთვის! – სასამართლო პროცესი, რომელსაც მთელი მსოფლიო ელოდა, დასრულდა
ყაზახეთის ყოფილი ეკონომიკის მინისტრის ბიშიმბაევის სასამართლო პროცესი დასრულდა. 44 წლის კაცი მეუღლის, 31 წლის სალტანატ ნუკენოვას განსაკუთრებული სისასტიკით ჩადენილ მკვლელობაში...
ცნობილი ტიკტოკ ვარსკვლავი მოკლეს
ბაღდადში ერაყელი TikTok-ვარსკვლავი ომ ფაჰადი მოკლეს. ამის შესახებ ადგილობრივ მედიაზე დაყრდნობით BBC იტყობინება. ერაყის შსს-ს ინფორმაციით, „სოციალურ მედიაში ცნობილი ადამიანი...
ლეკვი სასეირნოდ წაიყვანა და გაუჩინარდა… – 4 წლის წინ გაუჩინარებული ბიჭის ცხედარი სხვენში იპოვეს
2020 წლის აგვისტოდან დაკარგული ბიჭი იპოვეს იმ ბინის სხვენში, სადაც ის ბოლოს ნახეს. ამის შესახებ უცხოური მედია წერს. ორშაბათს ბუფალოს პოლიციის...
6.5 მაგნიტუდის სიძლიერის მიწისძვრა მოხდა
ახალი გვინეაში ძლიერი მიწისძვრა მოხდა. ბიძგების სიმძლავრემ 6.5 მაგნიტუდა შეადგინა. ინფორმაციას, ამერიკის შეერთებული შტატების გეოლოგიური სამსახური ავრცელებს.
G7-ის ლიდერები განცხადებას ავრცელებენ
დიდი შვიდეულის ლიდერები ირანის მიერ ისრაელზე განხორციელებულ თავდასხმასთან დაკავშირებით განცხადებას ავრცელებენ. "ისრაელისა და მისი ხალხის მიმართ სრულ მხარდაჭერას გამოვხატავთ. კიდევ...
ძალიან მძიმე ვითარება-ირანული მედია: ირანმა ისრაელის მიმართულებით ბალისტიკური რაკეტების პირველი ტალღა გაუშვა
ირანმა ისრაელის მიმართულებით ბალისტიკური რაკეტების პირველი ტალღა გაუშვა. ინფორმაციას ამის შესახებ ირანული მედია ავრცელებს. მანამდე ისრაელის თავდაცვით ძალებში დაადასტურეს, რომ ირანმა...