ვანო მერაბიშვილი: დასავლეთის ზეწოლა შიდა პროტესტების პარალელურად უნდა გაძლიერდეს. რაც მეტი იქნება შიდა პროტესტი, ჩვენი დასავლელი მეგობრები უფრო გაბედულად იმოქმედებენ
Read Time:44 Second
ვანო მერაბიშვილი დასავლეთს საქართველოს ხელისუფლებაზე ზეწოლის გაძლიერებისკენ მოუწოდებს. მერაბიშვილი ამბობს რომ დასავლეთის ზეწოლას, ზურგს შიდა პროტესტები უნდა უმაგრებდეს, რასაც „ნაციონალური მოძრაობის“ ახალი ხელმძღვანელობა უზრუნველყოფს. განცხადება შინაგან საქმეთა ყოფილმა მინისტრმა მარკ ფეიგინის გადაცემაში გააკეთა.
„დარწმუნებული ვარ, ჩვენი პარტია ძალიან მალე აქტიურ ქმედებებზე გადავა და ეს შედეგებს მოგვცემს. მთავარი პრეტენზია „ნაციონალური მოძრაობის“ წინა ხელმძღვანელობის მიმართ იყო პასიურობა, არასაკმარისი აქტიურობა სააკაშვილის დასაცავად და პასიური დამოკიდებულება აქციებსა და ზეწოლის მიმართ. ცოტა ხნის წინ ჩატარდა შიდა არჩევნები და მოხდა პარტიის ახალი ხელმძღვანელობის არჩევა. ძალიან კმაყოფილი ვარ იმით, რომ ამ კვირის განმავლობაში მთელს საქართველოში ჩატარდა სააკაშვილის მხარდამჭერი აქციები. დარწმუნებული ვარ, ახალი ხელმძღვანელობა მიაღწევს იმას, რომ თქვენც შეამჩნევთ როგორ შეიცვლება სიტუაცია საქართველოში და არა მხოლოდ საქართველოში. რამდენიმე დღეში, რამდენიმე კვირაში თქვენ და რაც მთავარია, საქართველოს მთავრობაც შეამჩნევს, რომ პარტიის ახალი ხელმძღვანელობა რეალურად იბრძვის სააკაშვილის დასაცავად. დასავლეთის ზეწოლა შიდა პროტესტების პარალელურად უნდა გაძლიერდეს. რაც მეტი იქნება შიდა პროტესტი, ჩვენი დასავლელი მეგობრები უფრო გაბედულად იმოქმედებენ“, – განაცხადა მერაბიშვილმა.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
