ელენე ხოშტარია უმრავლესობის წევრებს – ბარემ მანდილი ჩამოგვაფარეთ თავზე – ნუ ღლიცინებთ რაღაც სისულელეებზე
Read Time:29 Second
ბარემ მანდილი ჩამოგვაფარეთ თავზე – ნუ ღლიცინებთ რაღაც სისულელეებზე! – ამ განცხადებით უმრავლესობის წევრებს დეპუტატმა ელენე ხოშტარიამ საარჩევნო სისტემაში სავალდებულო გენდერული კვოტირების შემოღების ინიციატივის განხილვისას მიმართა.
ხოშტარიამ უმრავლესობას მოუწოდა, დისკუსიაში სერიოზულად ჩაებან და არსებულ პრობლემას თვალი გაუსწონ.
“კვოტირებაზე დისკუსიამდე აღმზრდელობით-საგანმანთლებლო პროცესია ჩასატარებელი, რაკი გგონიათ, რომ ჩოხოსნების და მეჩაიეების პრობლემაა ამ ყვეყანაში. შეხედეთ ქალებზე ძალადობის სტატისტიკას, შეხედეთ ქალებთან მოპყრობის სტატისტიკას. ასევე შეხედეთ, ველური ქვეყნების სიაში რომ ვართ – რამდენი ქალია წარმოდგენილი პარლამენტში თუ ადგილობრივ თვითმმართველობებში. გაუსწორეთ პრობლემას თვალი!“, – მიმართა ხოშტარიამ უმრავლესობის იმ დეპუტატებს, რომლებიც ინიცირებულ პროექტს მხარს არ უჭერენ.
პარლამენტი სავალდებულო გენდერულ კვოტირებასთან დაკავშირებით “საარჩევნო კოდექსში“ ინიცირებულ ცვლილებებს იხილავს.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0