დმიტრო კულება: რუსეთი უკრაინაში სიტუაციის დესტაბილიზირებას შეიარაღებული ძალების გამოყენების გარეშე შეეცდება
Read Time:27 Second
რუსეთის ხელისუფლება უკრაინაში სიტუაციის დესტაბილიზირებას შეიარაღებული ძალების გამოყენების გარეშე შეეცდება. ამის შესახებ უკრაინის საგარეო საქმეთა მინისტრმა, დმიტრო კულებამ განაცხადა.
„ახლა რუსეთის საბაზისო სცენარი ასეთია: უკრაინის დესტაბილიზირების მიზნით სიტუაციის გამწვავება. მათთვის ეს იდეალურია – უკრაინაში სიტუაციის დესტაბილიზირება შეიარაღებული ძალების არა გამოყენებით, არამედ მათი გამოყენების მუქარით“, – აღნიშნა უკრაინის საგარეო უწყების ხელმძღვანელმა.
დმიტრო კულებას თქმით, რუსეთს შეუძლია მზაკვრულ სცენარებს მიმართოს.
„ეს შეიძლება იყოს კიბერთავდასხმები, დეზინფორმაციის კამპანიის საშუალებით საზოგადოების შერყევა. ამიტომ კიდევ ერთხელ ვადასტურებ იმას, რაც მთავარია: საჭიროა სიმშვიდის შენარჩუნება. არ უნდა ავყვეთ ემოციურ პროვოკაციებს, რომელშიც უკრაინის ჩათრევას შეეცდებიან“, – განაცხადა უკრაინის საგარეო საქმეთა მინისტრმა.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
