დასანანი ინფორმაცია ბუდუ ზივზივაძის შესახებ

თუ ადამიანი ინათლება რწმენით, სინანულით, ნათლობის შემდეგ გრძნობს ხოლმე ენით გამოუთქმელ, არამიწიერ ნეტარებას. სწორედ ამას ნიშნავს „ქრისტეს შემოსვა“ - იმისთვის, რომ შევინარჩუნოთ ეს მადლი ნათლისღებისა, უნდა ვიცხოვროთ ისე, როგორც მიგვითითებს ღმერთი, - ამის შესახებ უწმინდესმა და უნეტარესმა, სრულიად საქართველოს კათოლიკოს-პატრიარქმა, მცხეთა-თბილისის მთავარეპისკოპოსმა და ბიჭვინთისა და ცხუმ-აფხაზეთის მიტროპოლიტმა შიო III -მ საყოველთაო ნათლობის შემდეგ ქადაგებისად განაცხადა. პატრიარქის თქმით, ეს არის ღვთის მცნებების შესწავლა, მცნებების შესრულება, სინანული და ვედრება უფლისადმი, რომ გვაცხონოს, გადაგვარჩინოს. "სახელითა მამისათა და ძისათა და სულისა წმინდისათა! ჩვენთან არს ღმერთი! ძვირფასო მამებო, ძმებო და დებო, გილოცავთ ყოველთა წმინდანთა ხსენებას! ეს დღესასწაული დაემთხვა ამ ჩვენს დიდებულ მოვლენას – დღევანდელ საყოველთაო ნათლობას. განსაკუთრებით გილოცავთ ამ დღეს კიდევ ერთხელ, ჩვენი ბავშვების მონათვლას, თქვენი შვილების, თქვენი ნათლულების და მადლობას ვწირავ დღეს უფალს, რომ მოგვეცა შესაძლებლობა, გავაგრძელოთ სრულიად საქართველოს კათოლიკოს-პატრიარქ ილია II-ის მიერ დაწესებული საყოველთაო ნათლობები, რომელთაც ამდენი სიხარული და სიკეთე მოჰგვარა ჩვენს ქვეყანას და ჩვენს ხალხს. დღეს ვფიქრობთ ნათლობის მნიშვნელობაზე, ამ საიდუმლოებაზე, რომელიც ტარდება ჩვენს ეკლესიაში. შეგახსენებთ, რომ ერთხელ უფალი იესო ქრისტე ესაუბრა ნათლობის მნიშვნელობაზე თავის საიდუმლო მოწაფე ნიკოდიმოსს და უთხრა, რომ თუ ადამიანი არ იშვება წყლისა და სულისგან, ის ვერ შევა ღვთის სასუფეველში (ინ. 3, 5). მაშასადამე, ნათლობა ყოფილა აუცილებელი პირობა იმისა, რომ ადამიანი ეკლესიის წევრი გახდეს და ღვთის სასუფეველში შევიდეს. რა ხდება ამ დიდი საიდუმლოების დროს? სულიწმინდის მადლით ადამიანის სული უხილავად განიბანება და განიწმინდება. როდესაც ის ემბაზში ჩადის, კვდება ცოდვილი კაცი, ძველი კაცი, ხოლო როდესაც ემბაზიდან გამოდის, ეს არის უკვე ახალი ადამიანი, შობილი ღვთივსათნო ცხოვრებისთვის, განწმენდილი, განბანილი, შობილი ქრისტესგან. როგორც ხორციელად ყველანი ადამისგან ვართ დაბადებულნი, ასევე ნათლობის დროს იესო ქრისტესგან იბადება ადამიანი სულიერად, საიდუმლოდ; მიეტევება ადამიანს ყველანაირი ცოდვა, პირველქმნილი ცოდვაც და პირადი ცოდვებიც და მის სულში თვით უფალი შემოდის. დღეს ალბათ მოისმინეთ საგალობელი: „რაოდენთა ქრისტეს მიერ ნათელ გვიღებიეს, ქრისტე შეგვიმოსიეს“. „ქრისტეს შემოსვა“, ძვირფასო ძმებო და დებო, სწორედ ამას ნიშნავს, რომ უფალი შემოდის ადამიანის სულში. ძალიან ბევრი ყოფილა შემთხვევა, რომ თუ ადამიანი ინათლება რწმენით, სინანულით, ნათლობის შემდეგ გრძნობს ხოლმე ენით გამოუთქმელ არამიწიერ ნეტარებას. სწორედ ამას ნიშნავს „ქრისტეს შემოსვა“. მაგრამ ნათლობის შემდეგ თუ ადამიანი არ იცხოვრებს ქრისტიანულად, თუ ყოველგვარი ცოდვებით შეურაცხყოფს უფალს და სინანულით არ განწმენდს თავის სულს, მაშინ ის შეიძლება გახდეს მოუნათლავზე უარესი. როგორც ამბობს წმინდა პავლე მოციქული: „თქვენ გამო ღმერთი იგმობა წარმართთა შორის“ (რომ. 2, 24), იმიტომ, რომ წარმართებზე უარესად ცხოვრობთ. იმისთვის, რომ შევინარჩუნოთ ეს მადლი ნათლისღებისა, უნდა ვიცხოვროთ ისე, როგორც მიგვითითებს ღმერთი, როგორც ის გვთხოვს და არა ისე, როგორც გვეუბნება ჩვენი დაცემული, ყალბი გონება და ცოდვებით დაზიანებული გული. რას გვეუბნება ეს დაცემული გონება? – „იცხოვრე ისე, როგორც შენ გინდა, როგორც შენ იცი და არა ისე, როგორც ღმერთი გთხოვს“. ღმერთს კი რა სურს ჩვენგან? – რომ სასუფეველში შეგვიყვანოს. ამიტომ უფალი გვთხოვს, ვიცხოვროთ ისე, როგორც მან მიგვითითა, როგორც მან გვასწავლა. ეს არის ღვთის მცნებების შესწავლა, მცნებების შესრულება, სინანული და ვედრება უფლისადმი, რომ გვაცხონოს, გადაგვარჩინოს, როგორც ინებებს იგი. ეს იქნება კეთილდღეობით, თუ დაუშვებს ჩვენზე განსაცდელებს, თუ სნეულებას, თუ როგორც მისი წმინდა ნება იქნება, ოღონდ გვაცხონოს და არ დაგვაკლოს ღვთის სასუფეველს, რისი ღირსიც დაე, გავმხდარიყავით მადლითა და კაცთმოყვარებითა უფლისა ჩვენისა იესო ქრისტესითა, რომელსაც შვენის ყოველი დიდება, პატივი და თაყვანისცემა, უკუნითი უკუნისამდე, ამინ!", - აღნიშნა პატრიარქმა.

ფაქტობრივად, ოპოზიციურმა პარტიებმა პოლიტიკური სახე დაკარგეს და ეს ყოველ ჯერზე მოხდა, როცა ქვეყნის ინტერესებს, დემოკრატიას, არჩევნებს უპირისპირდებოდნენ, – ამის შესახებ საქართველოს პარლამენტის თვითმმართველობის კომიტეტის თავმჯდომარემ, ირაკლი ქადაგიშვილმა განაცხადა.ქადაგიშვილის თქმით, იმის გამო, რომ მოჯადოებული წრე ვერ გაარღვიეს და შედეგი ვერ დადეს, ახლა ერთმანეთს ადანაშაულებენ ანტიკონსტიტუციურ და ანტიდემოკრატიულ საქმიანობაში.„ოპოზიციაში არსებული დაპირისპირება ამ პარტიების რეალურ სახეს აჩვენებს. საპარლამენტო არჩევნების წინ ამბობდნენ, რომ საქართველოს გადარჩენა ამ პარტიების გაერთიანებაში იყო. ვნახეთ, რა ძალასთან გვაქვს საქმე. ეს პარტიები რომ ხელისუფლებაში ყოფილიყვნენ, მათი ურთიერთობებიდან გამომდინარეც შეგიძლიათ გაარკვიოთ“, – აღნიშნა ქადაგიშვილმა.

,,2023 წლის აპრილში, ქაბულში მივლინების დროს, ავღანეთის თავდაცვის სამინისტროს შენობაში, თალიბანის მთავრობის თავდაცვის მინისტრის მოადგილესა და ოფიციალურ წარმომადგენელთან საუბრისას, ერთი მნიშვნელოვანი აზრი გამოვთქვი, რომელიც დღემდე მახსოვს. მე მას ვუთხარი: „ირანის ისლამურ რესპუბლიკას გააჩნია მნიშვნელოვანი თავდაცვითი და შეკავების შესაძლებლობები და მალე თავადაც იხილავთ, რომ ამ რეალობას დიდი სახელმწიფოებიც კი აღიარებენ.“ მისი პასუხი მოკლე, მაგრამ საგულისხმო იყო: „ჩვენ ეს გზავნილი მივიღეთ.“ როგორც ჩანს, წუხანდელმა მოვლენებმა და ირანის ისლამური რესპუბლიკის შეკავებისა და თავდაცვის ოპერაციის დაწყებამ აჩვენა, რომ ეს გზავნილი მხოლოდ იმ პერიოდითა და იმ საუბრით არ შემოფარგულა. დღეს ის კარგად გაიგო მრავალმა რეგიონულმა და საერთაშორისო აქტორმა, მათ შორის ისრაელმაც. დღევანდელ არასტაბილურ და მღელვარე მსოფლიოში, შეკავების ძალა მხოლოდ სამხედრო ინსტრუმენტი არ არის; ეს არის ენა, რომელიც უზრუნველყოფს უსაფრთხოებას, სტაბილურობასა და ურთიერთპატივისცემას. ლომს კუდზე მხოლოდ სულელები აბიჯებენ!''-ინფორმაციას ამის შესახებ ირანის ელჩი ალი მოჯანი წერს

ვიზალიბერალიზაციას კონკრეტული წინაპირობები ჰქონდა და აქვს, რომელსაც საქართველო ყოველთვის აკმაყოფილებდა და აკმაყოფილებს, – ამის შესახებ საქართველოს პარლამენტის თავმჯდომარემ, შალვა პაპუაშვილმა ჟურნალისტებს განუცხადა.პაპუაშვილის თქმით, სამწუხაროდ, ვხედავთ, რომ გამოიგონეს პოლიტიკური წინაპირობები, როგორიცაა ის, საქართველომ რა კანონები მიიღოს და რა არ მიიღოს.„ეს ვიზალიბერალიზაციასთან რა კავშირშია, ვერავინ ხსნის. მაგალითად, საქართველომ უნდა დაუშვას ევროკავშირის ფარული დაფინანსება. არ ვიცი, რა წესია, რომ ჩვენ გვთხოვენ, რომ იმ მარწყვისთვის, რასაც ჰქვია ვიზალიბერალიზაცია, ჩვენი სუვერენიტეტი უნდა შევიზღუდოთ და დავუშვათ, რომ აქ ბრიუსელმა ფარულად აფინანსოს პოლიტიკური ჯგუფები. სუვერენიტეტი მარწყვზე არ იცვლება. როცა გეუბნებიან, შენ არ უნდა გქონდეს პრეტენზია, რომ მოსთხოვო ბრიუსელს, გაასაჯაროოს დაფინანსებები, რათა გქონდეს ვიზალიბერალიზაცია, ეს არის სწორედ მარწყვის სანაცვლოდ სუვერენიტეტის დათმობა“, – განაცხადა შალვა პაპუაშვილმა.

სოფელ დიდგორთან ავარიას 5 ახალგაზრდა ემსხვერპლა. გარდაცვლილებს შორის 2 ცოლ-ქმარი და ერთი გოგონაა.როგორც სოციალურ ქსელში ახლობლები და მეგობრები წერენ, ერთ-ერთი გარდაცვლილი ცოლ-ქმარი ალექსანდრე ჩხეიძე და ნათია ჯანაძეა.„ჩვენი სანდრო და ნათია აღარ გვყავს Alexander Chkheidze @ Natia Janadze. პანაშვიდი 8,9,10 ივნისი . მისამართი . დიდი დიღომი .მეოთხე მიკრორაიონი. მეთორმეტე კორპუსი . მეორე სადარბაზო. მეშვიდე სართული. გასვენება ხუთშაბათს 11 ივნისს დიდუბის ეკლესიიდან“-  წერს ახლობელი.