დავით მაღრაძე: ბატონმა ღარიბაშვილმა მკაფიოდ გამოხატა უკრაინელი ხალხის მიმართ თანადგომა ამ განსაცდელის დროს
„როდესაც ქვეყნის პირველი პირი მოსახლეობას გულახდილად დაელაპარაკა, ამან მოსახლეობის ერთი ჯგუფი დააბნია“, – აღნიშნა პოეტმა დავით მაღრაძემ გადაცემაში „იმედი LIVE“, პრემიერ-მინისტრის განცხადების შესახებ საუბრისას.
მისი თქმით, საქართველოს ხელისუფლება სოლიდარობასა და თანადგომას უცხადებს უკრაინელ ხალხს.
„პრემიერ-მინისტრისა და საგარეო საქმეთა მინისტრის მითითებით, საქართველოს საელჩოს თანამშრომლებმა კიევი არ დატოვეს. როგორც მე ვიცი, საქართველოს საელჩო იმ გამონაკლისებს შორისაა, რომელიც კიევში მუშაობს. მადლობა მინდა ვუთხრა უკრაინაში საქართველოს საელჩოს თანამშრომლებს, რომლებიც კიევში დარჩნენ და თავიანთი მხნეობით, მაგალითს აძლევენ და საქართველოს ღირსებას იცავენ და წარმოაჩენენ. ბატონმა ღარიბაშვილმა მკაფიოდ გამოხატა უკრაინელი ხალხის მიმართ თანადგომა ამ განსაცდელის დროს“, – განაცხადა დავით მაღრაძემ.
მან უკრაინის პრეზიდენტზეც გაამახვილა ყურადღება და აღნიშნა, რომ ქვეყნის პირველ პირს თავი ღირსეულად უჭირავს.
„დადგა განსაცდელის წინაშე და ამ განსაცდელიდან არსად არ წასულა. თავი ღირსეულად, მხნედ უჭირავს – გამომეტყველებაც, განცხადებაც, შინაარსიც, აღმოჩნდა, რომ განსაცდელის დროს თავის ძალიან ღირსეულად დაჭერა შეუძლია“, – აღნიშნა დავით მაღრაძემ.
მისივე თქმით, ეკონომიკური სანქციებით, მხოლოდ საკუთარი თავის დაზიანება შეგვიძლია და შესაძლოა, უკრაინელი ხალხისთვის ამან რაიმე სასარგებლო შედეგიც ვერ მოიტანოს.
„შვეიცარიამ უარი თქვა, რომ რუს ჩინოვნიკებს წვდომა შეუწყვიტოს საბანკო ანგარიშებზე, ახლა რა ვქნათ, შვეიცარიის საელჩოს მოვუწყოთ საპროტესტო მიტინგი?! ასე ვირბინოთ უკრაინის დროშებით სხვადასხვა ქვეყნის საელჩოებთან?! ეს არის ჩვენი ფუნქცია და ეს პათეტიკაა მხოლოდ ქართული პატრიოტიზმი?!. ჩვენს ახალგაზრდებს მინდა შევახსენო, რომ პატრიოტიზმი საკუთარი ქვეყნის სიყვარულს გულისხმობს და არა სხვისი ქვეყნის სიძულვილს. პატრიოტიზმი როგორ ესმით იცით, მიწა-წყალს რომ დაკარგავს, ამას უნდა დაარქვას გამარჯვება. ეს ის ხალხია,[„ნაციონალური მოძრაობა“] რომლებსაც გორი-თბილისის გზა რომ დარჩენოდათ, გორს ნიკოფსიას დაარქმევდა და თბილისს დარუბანდს და იტყოდნენ გადავჭიმეთ საქართველო ნიკოფსიიდან დარუბანდამდე-ო“, – განაცხადა დავით მაღრაძემ.
About Post Author
ქეთევან ნინუა
Comments
მარიამ ლაშხი 4 ქვეყნის საგარეო საქმეთა მინისტრებზე: ნებისმიერ სუვერენულ ქვეყანაში მსგავსი ტიპის აქტივობა არის დიპლომატიური სკანდალის საფუძველი – მოვუწოდებ, კიდევ ერთხელ გადაავლონ თვალი რა ტიპის მიტინგზე მიიღეს მათ მონაწილეობა
ნებისმიერ სუვერენულ ქვეყანაში მსგავსი ტიპის აქტივობა არის დიპლომატიური სკანდალის საფუძველი, - ამის შესახებ საგარეო ურთიერთობათა კომიტეტის თავმჯდომარის პირველმა მოადგილემ, მარიამ...
მამუკა მდინარაძე პრეზიდენტის ვეტოზე: დიდი მადლობა სალომე ზურაბიშვილს, რომელმაც საბოლოოდ დაადასტურა, რომ გამჭვირვალობის კანონის წინააღმდეგ არ არსებობს შენიშვნები და არგუმენტები
დიდი მადლობა სალომე ზურაბიშვილს, რომელმაც საბოლოოდ დაადასტურა, რომ გამჭვირვალობის კანონის წინააღმდეგ არ არსებობს შენიშვნები და არგუმენტები, ვეტოს ახალი ნაირსახეობის გამოგონებაზე...
ირაკლი ღარიბაშვილი: ოჯახის სიწმინდის იდეამ გააერთიანა მთელი საზოგადოება – მივესალმები გუშინდელ დღეს და მინდა მადლობა გადავუხადო ჩვენს პატრიარქს ამ ძალიან მნიშვნელოვანი, ეროვნული ინიციატივისთვის
„ქართული ოცნების“ თავმჯდომარე ირაკლი ღარიბაშვილი ქვემო ქართლის ადგილობრივი ორგანიზაციების ხელმძღვანელებს და პარტიულ აქტივს შეხვდა, - ამის შესახებ ინფორმაციას „ქართული ოცნების“...
ირაკლი ღარიბაშვილი: იქ არიან აპოლიტიკური ახალგაზრდები, ჩვენი გულანთებული ახლგაზრდა თაობა, მათთან საუბარი და დიალოგი აუცილებელია
"ყოველთვის მაგას ვამბობ, რომ აუცილებელია დიალოგი, ვითარების დამშვიდება. ვფიქრობ, ძალიან მნიშვნელოვანი ინიციატივა იყო, უნდა ვესაუბროთ ახალგაზრდებს." – ამის შესახებ „ქართული...
ირაკლი ღარიბაშვილი: ჩვენი პარტია უნდა მოემზადოს ძალიან ძლიერად, რომ ძლიერი შედეგი დავდოთ 26 ოქტომბრის არჩევნებზე
"დღეს კარგი შეხვედრა მქონდა რუსთავში, შევხვდით ქვემო ქართლის პარტიის აქტივს. რა თქმა უნდა, ვისაუბრეთ ჩვენი ქვეყნისთვის საჭირბოროტო საკითხებზე, მიმდინარე მოვლენებზე....
პრეზიდენტმა ” უცხოური გავლენის გამჭვირვალობის შესახებ” კანონს ვეტო დაადო
საქართველოს პრეზიდენტმა სალომე ზურაბიშვილმა "უცხოური გავლენის გამჭვირვალობის შესახებ" კანონს ვეტო დაადო. - ამის შესახებ პრეზიდენტმა ორბელიანის სასახლეში გამართულ ბრიფინგზე განაცხადა....