დავით ზალკალიანი: ევროკომისიის პრეზიდენტთან შეხვედრა მაქსიმალურად გამოვიყენეთ „აღმოსავლეთ პარტნიორობის“ სამიტისგან არსებულ მოლოდინებზე სასაუბროდ
Read Time:58 Second
საგარეო საქმეთა მინისტრის, დავით ზალკალიანის განცხადებით, ევროკომისიის პრეზიდენტთან შეხვედრა ქართულმა მხარემ ჩვენ მაქსიმალურად გამოიყენა იმისთვის, რომ ესაუბრა იმაზე, რა მოლოდინები აქვს „აღმოსავლეთ პარტნიორობის“ სამიტისგან.
„ეს ძალიან მნიშვნელოვანი ვიზიტია, განსაკუთრებით იმ ფაქტის გათვალისწინებით, რომ ამ ფორმატში ასოცირების ტრიოს შეხვედრა პირველად პრემიერ-მინისტრების დონეზე იმართება. პრემიერ-მინისტრები ხვდებიან სამ პრეზიდენტს – ევროკომისიის, ევროპული საბჭოს და ევროპარლამენტის პრეზიდენტებს და ეს კიდევ ერთხელ მიანიშნებს ამ ვიზიტის მნიშვნელობაზე და იმაზე, თუ რა მაღალი მოლოდინია ამ სამიტთან მიმართებაში. ევროკომისიის პრეზიდენტთან შეხვედრა ჩვენ მაქსიმალურად გამოვიყენეთ იმისთვის, რომ გვესაუბრა იმაზე, რა მოლოდინები გვაქვს „აღმოსავლეთ პარტნიორობის“ სამიტისგან. პირველ რიგში ეს არის ჩვენი ევროპული არჩევანისა და ევროპული მისწრაფების შესაბამისი ასახვა, ქვეყნის სუვერენიტეტისა და ტერიტორიული მთლიანობის პრინციპის მხარდაჭერა. განსაკუთრებული აქცენტი გაკეთდა დაკავშირებადობაზე. ეს არის ერთ-ერთი მთავარი პრიორიტეტი ჩვენი ევროკავშირთან შემდგომი ურთიერთობის და ის, თუ როგორ შეიძლება პრაქტიკულ განზომილებაში ევროკავშირის მიერ წარმოდგენილი ხუთი საფლაგმანო პროექტის გადაყვანა და კონკრეტული შედეგების მიღწევა. ასევე, მნიშვნელოვანი აქცენტები გაკეთდა ერთიან ევროპულ ბაზარზე წვდომის კუთხით, რაც უკრაინისა და მოლდოვასთვისაც პრიორიტეტულია. საუბარი იყო ბევრ სხვა ძირითად თემაზე, განსაკუთრებით რეგიონში შექმნილ სიტუაციაზე. პოზიტიურად აღინიშნა ის მედიატორის როლი, რომელსაც საქართველო ასრულებს აზერბაიჯანსა და სომხეთს შორის და ჩვენი ინიციატივა, რომელიც „სამეზობლოს სამშვიდობო ინიციატივის“ სახელითაა ცნობილი. ევროკავშირის მხრიდან ამ ინიციატივას ძალიან ძლიერი მხარდაჭერა აქვს“, – განაცხადა ზალკალიანმა.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
