ჩვენ არ ვიცით რას იტყოდა ნიკა გვარამია, თუკი დაკავებული ბოკოვის და მისი გეგმების შესახებ ჯერ სუს-ის ბრიფინგიდან გავიგებდით, მაგრამ რაკი ვერ მოითმინა და ქართველ ხალხს ამცნო გიორგი გაბუნიას გადარჩენის ამბავი, ხელი კი რუსეთისკენ გაიშვირა, ამით მან დაადასტურა რომ ჟურნალისტის ლიკვიდაცია არა მხოლოდ პერსონალური ვენდეტა შეიძლება ყოფილიყო, არამედ ქვეყნის არეულობისა და დესტაბილიზაციის მცდელობაც, რაც ასევე კოხტად ჯდება რუსეთის მიზნებში,- ამის შესახებ საჯჯარო პოლიტიკის სპეციალისტმა გურამ ნიკოლაშვილმა ტელეკომპანია იმედის ეთერში განაცხადა. მისი თქმით, დღეს გავრცელებული ფარული ჩანაწერით, მინიმუმ ვიგებთ მიხეილ სააკაშვილის და ზურაბ ადეიშვილის უკმაყოფილებას იმ პროცესთან დაკავშირებით, რაც საქართველოში განვითარდა და რაშიც მთავარი წვლილი ნიკა გვარამიამ შეიტანა. ,,უკრაინულ ქსელში დღეს გავრცელებული ფარული ჩანაწერი, სადაც ქართული სასამართლოს ორი განსასჯელი, უკრაინის მოქალაქე მიხეილ სააკაშვილი და ზურაბ ადეიშვილი საუბრობენ, მათი დიალოგის მცირე ნაწყვეტს წარმოადგენს. ხსენებულ პირებს ზოგადად აკლიათ აზრის ნათლად ჩამოყალიბების უნარი, თუმცა მათი სიტყვებიდან როგორც მინიმუმ ვიგებთ უკმაყოფილებას იმ პროცესთან დაკავშირებით, რაც საქართველოში განვითარდა და რაშიც მთავარი წვლილი ნიკა გვარამიამ შეიტანა. დღევანდელი ხელისუფლების პრორუსულად წარმოჩენა ოპოზიციური ერთობის მთავარი პოსტულატია და ამ სტერეოტიპის დასამკვიდრებლად მაქსიმალურ ძალისხმევას მიმართავენ. სააკაშვილი და ადეიშვილი ჩანაწერის მიხედვით წუხან, რომ გვარამიამ ვერ მოითმინა, ოფიციალურ უწყებას დაასწრო და ბრიფინგზე გაახმიანა მისთვის ცნობილი ინფორმაცია და ვერსია დაკავებული ვასამბეკ ბოკოვის გეგმებისა და განზრახვის შესახებ. ოფიციალური უწყება კი სახელმწიფო უსაფრთხოების სამსახურია, რომელსაც ჯერჯერობით საქმე ძიებაში აქვს, დეტალებს არ ახმიანებს, თუმცა მის მიერ გავრცელებული ინფორმაცია მთავარ ასპექტში შორს არ არის გვარამიას ვერსიისგან. როგორც დასაწყისში აღვნიშნე, ჩვენ არ ვიცით რას იტყოდა ნიკა გვარამია, თუკი დაკავებული ბოკოვის და მისი გეგმების შესახებ ჯერ სუს-ის ბრიფინგიდან გავიგებდით, მაგრამ რაკი ვერ მოითმინა და ქართველ ხალხს ამცნო გიორგი გაბუნიას გადარჩენის ამბავი, ხელი კი რუსეთისკენ გაიშვირა, ამით მან დაადასტურა რომ ჟურნალისტის ლიკვიდაცია არა მხოლოდ პერსონალური ვენდეტა შეიძლება ყოფილიყო, არამედ ქვეყნის არეულობისა და დესტაბილიზაციის მცდელობაც, რაც ასევე კოხტად ჯდება რუსეთის მიზნებში. ოღონდ, მაშინ აღარ გამოდის მთავრობის რუსეთუმეობის გაყიდვა ქართველ ამომრჩეველზე და გამოდის რომ ოცნების ხელისუფლების მთავარ საფრთხეს რუსეთი წარმოადგენს. გვარამიას პატრონების უკმაყოფილების ძირითადი მიზეზიც სწორედ ესაა, ცხადია ისიც, რომ გვარამიას მოუწევს ჩვენების მიცემა შესაბამისი სტრუქტურებისთვის და მათთვის ინფორმაციის მიწოდება”,- განაცხადა გურამ ნიკოლაშვილმა. აქვე, საჯარო პოლიტიკის სპეციალისტი ამბობს, ჩანაწერის ავთენტურობის დადგენამდეც ლოგიკურია საუბრის შინაარსიც და თემაც, ქართველისთვის უცხო და მოულოდნელი არაფერია. ,,მასობრივი არეულობის ორგანიზების ბრალდებით გასამართლებული და შემდგომ პოლიტპატიმრად თვითგამოცხადებული ირაკლი ოქრუაშვილი დღეს სტაბილურობის და სიმშვიდის საჭიროებაზე საუბრობს, ხოლო ხელისუფლების რუსეთთან კავშირის ახსნას სპეკულაციითა და შეთქმულების თეორიული ვერსიით ცდილობს. პირველ რიგში უნდა აღვნიშნოთ, რომ კარგია, როცა ოპოზიციური მედიაც სვამს შექმნილი პოლიტიკური კონტექსტის ამსახველ მთავარ კითხვას, მიუხედავად იმისა, რომ მასზე პასუხად შეთქმულების თეორიას იღებს. თუკი თეორიებს გავყვებით, დავინახავთ, რომ ოპოზიცია მზადაა ნებისმიერი თეორიის შემუშავებისთვის, გარდა შეთქმულების ისეთი თეორიისა, რომელიც ნაცმოძრაობის კარამდე მიდის. საინტერესოა, რაზე დაყრდნობით გამორიცხავენ ამას, რომელი ლიდერი ჰყავს ნაცმოძრაობას ძალაუფლებისთვის რამის არმკადრებელი? რაც შეეხება ჩანაწერს. ავთენტურობის დადგენამდეც შეიძლება ითქვას, რომ ლოგიკურია საუბრის შინაარსიც და თემაც, აქ ქართველისთვის უცხო და მოულოდნელი არაფერია. საინტერესოა, როგორ შეაფასებენ უკრაინაში მათი მოქალაქის და ბოლომდე გაურკვეველი რანგის საჯარო თუ არასაჯარო მოხელის ჩარევას და ჭარბ ყურადღებას მეგობარი ქვეყნის შიდა საქმეებში და რა რეაქცია ექნებათ პოლიტიკურ ფიგურებს“,- აცხადებს გურამ ნიკოლაშვილი.
გურამ ნიკოლაშვილი: ჩანაწერის ავთენტურობის დადგენამდეც შეიძლება ითქვას, რომ ლოგიკურია საუბრის შინაარსიც და თემაც, აქ ქართველისთვის უცხო და მოულოდნელი არაფერია
ევროკომისია უკრაინისთვის შეიარაღების შესაძენად დამატებით 6.1 მილიარდ ევროს გამოყოფს
ევროკომისია უკრაინისთვის შეიარაღების შესაძენად დამატებით 6.1 მილიარდ ევროს გამოყოფს, - ინფორმაციას ევროკომისიის პრესსამსახური ავრცელებს.ევროკომისიამ უკრაინისთვის 90 მილიარდი ევროს ოდენობის სესხის ფარგლებში, დამატებით 6.1 მილიარდი ევროს გამოყოფა დაამტკიცა, რომლითაც უკრაინა Patriot-ის სისტემებისთვის PAC-3-ის ტიპის რაკეტებს, საჰაერო თავდაცვის სისტემებს, საბრძოლო მასალას, დრონებსა და რადიოელექტრონული ბრძოლის საშუალებებს შეიძენს.ევროკომისიის პრეზიდენტის, ურსულა ფონ დერ ლაიენის განცხადებით, უკრაინა Patriot-ის სისტემების აღჭურვილობის შეძენას შეძლებს, რათა რუსეთის თავდასხმებისგან თავი უკეთ დაიცვას.„დღეს ჩვენ დავამტკიცეთ 6.1 მილიარდი ევროს გამოყოფა, რათა უკრაინას თავდაცვის სხვადასხვა საშუალების შეძენაში დავეხმაროთ. ჩვენს წევრ სახელმწიფოებთან და ნატო-სთან ერთად, უკრაინის მხარდაჭერის უზრუნველყოფასა და ევროპის თავდაცვითი შესაძლებლობების გაძლიერებას გავაგრძელებთ“, - აღნიშნა ევროკომისიის პრეზიდენტმა.
სგპ “სარფის” მებაჟე ოფიცრებმა დიდი ოდენობით არადეკლარირებული სიგარეტი გამოავლინეს
ფინანსთა სამინისტროს შემოსავლების სამსახურის მებაჟე ოფიცრებმა, ,,სარფის“ საბაჟო გამშვებ პუნქტზე არადეკლარირებული სიგარეტის ქვეყნის საზღვარზე კანონდარღვევით შემოტანის მცდელობის ფაქტები აღკვეთეს.მებაჟე ოფიცრების მიერ, საქართველოსა და უცხო ქვეყნის მოქალაქეების, როგორც ფიზიკური, ასევე კუთვნილი ბარგისა და მათი მართვის ქვეშ არსებული სატრანსპორტო საშუალებების დეტალური დათვალიერების შედეგად, ჯამში 642 კოლოფი არადეკლარირებული სიგარეტი აღმოაჩინეს.საქართველოს საბაჟო კოდექსის 168-ე მუხლის მე-3 ნაწილის შესაბამისად, ექვსივე კანონდამრღვევი მოქალაქე სანქციის სახით, დაჯარიმდა და ჩამოერთვა არადეკლარირებული საქონელი.
სურსათის ეროვნულმა სააგენტომ თბილისში მდებარე საზოგადოებრივი კვების რამდენიმე ობიექტს კრიტიკული შეუსაბამობების გამო საწარმოო პროცესი შეუჩერა
თბილისში კვების რამდენიმე ობიექტს კრიტიკული შეუსაბამობების გამო საწარმოო პროცესი შეუჩერდა.სურსათის ეროვნული სააგენტოს ცნობით, დედაქალაქში ჩატარებული არაგეგმური ინსპექტირების შედეგად თბილისის დეპარტამენტის ინსპექტორებმა კრიტიკული შეუსაბამობები, ეტიკეტირებისა და მიკვლევადობის წესების დარღვევები გამოავლინეს.„ობიექტებს საწარმოო პროცესი შეუჩერდათ, ბიზნესოპერატორები კი დაჯარიმდნენ. სახელმწიფო კონტროლი განხორციელდა თბილისში, აღმაშენებლის #36-ში მდებარე რესტორანში შპს „ბეთული“ (ს/კ 404727246); ბიზნესოპერატორი არ იყო რეგისტრირებული ეკონომიკურ საქმიანობათა რეესტში; გარდა ამისა, დაფიქსირდა ეტიკეტირებისა და მიკვლევადობის წესების დარღვევა, კრიტიკული შეუსაბამობა, რის გამოც შპს „ბეთული“ დაჯარიმდა და შეუჩერდა საქმიანობა.ეკონომიკურ საქმიანობათა რეესტრში რეგისტრაციის არქონის, კრიტიკული შეუსაბამობისა და ეტიკეტირების წესის დარღვევის გამო დაჯარიმდა და საქმიანობა შეუჩერდა ასევე შპს „ფუდაჰოლიკს“ (ს/კ 436059113), რომელიც 26 მაისის მოედანზე მდებარეობს.არაგეგმური ინსპექტირების შედეგად კრიტიკული შეუსაბამობები გამოვლინდა და საწარმოო პროცესი შეუჩერდა ინდივიდუალური მეწარმე უ. მ-ის საშაურმეს (ქეთევან დედოფლის გამზირი 65), შპს „სომხურ ეზოს“ (ს/კ 404809132; ქ.თბილისი, ვაჟა-ფშაველას N7ა), შპს „ევროზია ითს ბრაზერსს“ (ს/კ 402369405; ქ. თბილისი, დავით აღმაშენებლის გამზირი 112), შპს „ინდურ ზაიკას“ (ს/კ 406541470, ქ. თბილისი, ახმეტის ქუჩა 14) და ინდივიდუალური მეწარმე ჰ. ს-ის ობიექტს (ქ. თბილისი, გიული ჭოხონელიძის ქუჩა N16), შპს „ნიუ ქარიპოტს“ (ს/კ 400456396, ქ. თბილისი, ქეთევან დედოფლის გამზირი 47/49), შპს “არქეი რესთორანთ 02”-ს (ს/კ 405554684; ქ. თბილისი, ვაჟა-ფშაველას გამზ. N6), შპს „როიალ ქითჩენ ისანს” (ს/კ 405794868; ქ. თბილისი, აწყურის ქუჩა N76, შპს “ელაკკას” (ს/კ 406499294; ქ. თბილისი, აწყურის ქუჩა N19ა), შპს „მაუჯ ექსპრესს“ (ს/კ 405869074, ქ. თბილისი, ლუბლიანას ქუჩა 19ა) და შპს “რესტორან სეულს” (ს/კ 405185428, ქ. თბილისი, ბუდაპეშტის ქ. N7).განმეორებითი კრიტიკული შეუსაბამობებისა და ეტიკეტირების წესის დარღვევის გამო ინდივიდუალური მეწარმე ი. შ (თბილისი, პეკინის 31ბ) და შპს „იომი 1977“ (ს/კ 404747716; ქ. თბილისი, გამრეკელის ქ. 3) 5 000-5 000 ლარით დაჯარიმდნენ.მომხმარებელთა ჯანმრთელობის დაცვის მიზნით სურსათის ეროვნული სააგენტო საზოგადოებრივი კვების ობიექტებს მთელი ქვეყნის მასშტაბით ამოწმებს“, – აღნიშნულია ინფორმაციაში.
გურამ მაჭარაშვილი – მარტა კოსი ევრობიუროკრატიის პოზიციას აჟღერებს და გვეუბნება, დაუპირისპირდით რუსებს, ჩინეთს, აშშ-ს, მერე ჩამოგართმევთ ყველა სუვერენულ უფლებას და გაგაწევრიანებთო
რომელი ჭკუათმყოფელი ქვეყანა და ერი გადაწყვეტს, რომ გაერთიანდეს ნებისმიერ გაერთიანებაში, როდესაც მსოფლიოში სამ ყველაზე ძლიერ ქვეყანაზე გვეუბნება დაუპირისპირდითო, – ამის შესახებ პარტია „ხალხის ძალის“ აღმასრულებელმა მდივანმა, გურამ მაჭარაშვილმა განაცხადა.მისივე თქმით, მარტა კოსი აჟღერებს ევრობიუროკრატიის პოზიციას აჟღერებს.მარტა კოსი აჟღერებს ევრობიუროკრატიის პოზიციას და გვეუბნება, დაუპირისპირდით რუსებს, ჩინეთს, შეერთებულ შტატებს, ამის მერე ჩამოგართმევთ ყველა სუვერენულ უფლებას და მერე გაგაწევრიანებთო.ახლა რომელი ჭკუათმყოფელი ქვეყანა და ერი – გადაწყვეტს რომ გაერთიანდეს ნებისმიერ გაერთიანებაში როდესაც მსოფლიოში სამ ყველაზე ძლიერ ქვეყანაზე გვეუბნება დაუპირისპირდითო. მათ შორის აშშ არის სტრატეგიული პარტნიორი, რომელთანაც ბოლო თვეებია, ნელ-ნელა ნაბიჯები იდგმება პარტნიორობის აღდგენისკენ. გვეუბნება რომ იმ მოძრაობას დაუპირისპირდი, რომელიც არის დაფუძნებული დღევანდელი შეერთებული შტატების პრეზიდენტის მიერ – ესაა ზუსტად ის გზავნილი, რომ რეალურად თუ გინდა შემოდი, როგორც მონა თუ არადა მაშინ არ შემოგიშვებ.რეალურად ჩვენ რასაც ვამბობდით „ხალხის ძალა“ წლების წინ, რეალურად იგივე თქვა ახლა მარტა კოსმა, უბრალოდ ამას ამბობდნენ კულისებში და ახლა უკვე ამბობენ საჯაროდ. მარტო ისლანდიის მაგალითი რად ღირს, როდესაც ამ სახელმწიფომ და იქ შემავალმა საზოგადოების უდიდესმა ნაწილმა გადაწყვიტა, რომ აღარ გაერთიანდეს ევროკავშირში“, – განაცხადა მაჭარაშვილმა.გაფართოების საკითხებში ევროკომისარმა, მარტა კოსმა განაცხადა, რომ ევროკავშირში გაწევრიანების მსურველმა ქვეყნებმა დონალდ ტრამპის MAGA-ს მოძრაობასთან კავშირები უნდა გაწყვიტონ, რათა ორგანიზაციის წევრობა შეძლონ.
მზია ამაღლობელი – მოძალადეს ბოდიში რომ არ უნდა მოვუხადო და რეჟიმს შეწყალება არ მოვთხოვო, ამისთვის რეკომენდაციები არ მჭირდება – ღირსების განცდაც საკმარისია
რეჟიმს შეწყალება რომ არ უნდა მოვთხოვო, ამისთვის რეკომენდაციები არ მჭირდება, ღირსების განცდაც საკმარისია , - ამის შესახებ „ნეტგაზეთისა“ და „ბათუმელების“ დამფუძნებელი, პატიმრობაში მყოფი ჟურნალისტი მზია ამაღლობელი წერილში წერს, რომელსაც „ბათუმელები“ ავრცელებს.ამაღლობელი მიმართავს „ქართული ოცნების“ წარმომადგენლებს, რომ ძალაუფლება და სახელმწიფო ინსტიტუციები მათ ხელშია, თავად კი საერთაშორისო მართლმსაჯულებას დაელოდება და იმ დღეს, როცა ადამიანის უფლებათა ევროპული სასამართლო მისგან გაწნილი სილის ბრალდებისა და სასჯელის კანონიერებაზე იმსჯელებს.ასევე, ამაღლობელი მიმართავს პარლამენტის თავმჯდომარეს შალვა პაპუაშვილს, რომ ისიც დაელოდოს ევროსასამართლოს მის მიერ მიღებულ „რეპრესიულ” კანონმდებლობაზე მართლმსაჯულებას.„გუშინდელი ბრიფინგი პარლამენტში უსინდისობის დემონსტრირება იყო და სხვა არაფერი. რეჟიმს მორალი არ აქვს – იმ უსამართლო განაჩენზეც კი არ უნდათ პასუხისმგებლობის აღება, რითაც ციხეში გამოგვკეტეს საქართველოს სახელით და საზოგადოებისთვის საშიში პირებად, კრიმინალებად გამოგვაცხადეს.ხელს ბრიუსელისკენ და ევროპელი დიპლომატებისკენ იშვერენ. გრცხვენოდეთ. მოძალადეს ბოდიში რომ არ უნდა მოვუხადო და რეჟიმს შეწყალება არ უნდა მოვთხოვო, ამისთვის რეკომენდაციები არ მჭირდება – ღირსების განცდაც საკმარისია.ჩემი საკანი სავსეა გაყალბებული ოქმებით, ცრუ მოწმეების ჩვენებებით, უკანონო ბრალდებებით და სასამართლო გადაწყვეტილებებით, პატიმრობა და დამცირებისთვის ორი წელი საკმარისი თუ არ არის, არ გაგიჭირდებათ, ამჯერადაც რამეს მოიფიქრებთ, თუ მოინდომებთ ციხეში ჩემს ჩატოვებას.ძალაუფლება და სახელმწიფო ინსტიტუციები თქვენ ხელშია.მე კი საერთაშორისო მართლმსაჯულებას დაველოდები, იმ დღეს დაველოდები, როცა ადამიანის უფლებათა ევროპული სასამართლო ჩემგან გაწნილი სილის ბრალდებისა და სასჯელის კანონიერებაზე იმსჯელებს.თქვენც დაელოდეთ ბატონო პაპუაშვილო, თქვენ მიერ მიღებული რეპრესიული, რუსული კანონების სამართლიანობასა და მართლზომიერებაზე, კონსტიტუციასა და დემოკრატიულ პროცესებთან შესაბამისობაზეც იმსჯელებს ევროსასამართლო“, - წერს ამაღლობელი წერილში.საქართველოს პარლამენტის თავმჯდომარე შალვა პაპუაშვილმა განაცხადა, რომ მსოფლიოში აღარავინ ამბობს, რომ მზია ამაღლობელი არის უდანაშაულო და დასძინა: "რა უდგას წინ იმის აღიარებას, რომ პოლიციელზე თავდასხმა არის დანაშაული?! - ვინც ციხეში რჩება, ბრიუსელის და ოპოზიციის უსინდისობის პატიმარია".