გიორგი ხელაშვილი: ვიცე-ადმირალმა შენბახმა აღიარა, რომ საქართველო მზად არის ნატოს წევრობისთვის
Read Time:28 Second
გიორგი ხელაშვილმა გერმანელი ვიცე-ადმირალის, კაი-ახიმ შენბახის განცხადება შეაფასა. პარლამენტის საგარეო ურთიერთობა კომიტეტის თავმჯდომარის პირველი მოადგილე აღნიშნავს, რომ რუსეთის მიმართ დამთმობი რიტორიკის მიუხედავად, ადმირალმა აღიარა, რომ საქართველო ნატოს წევრობისთვის მზად არის.
„ის ამბობს, რომ საქართველო ფაქტობრივად მზადაა ნატოს წევრებისთვის და აკლია მხოლოდ დასავლეთიდან ერთი ნაბიჯი – მხოლოდ და მხოლოდ დასავლეთის თანხმობა, იმისთვის რომ ნატოში გაწევრიანდეს. ეს იყო ძალიან სიმპტომატური გამოსვლა. მიუხედავად იმისა, რომ ეს გამოსვლა, სამწუხაროდ, გაჯერებული იყო რუსეთის მიმართ დამთმობი რიტორიკით, მაგრამ საქართველოსთან მიმართებაში ამ ადმირალსაც არ გამოუვიდა რაიმე კრიტიკული გამონათქვამი. მან მთლიანად აღიარა, რომ საქართველო მზად არის ნატოს წევრობისთვის“, – განაცხადა ხელაშვილმა.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
