გიორგი ვოლსკი: ძალადობაზე ლაპარაკობს ნიკა მელია – „ნაცმოძრაობამ“ ძალადობით ათასობით ადამიანს სიცოცხლე მოუსპო
Read Time:30 Second
ძალადობაზე ლაპარაკობს ნიკა მელია – მათ ძალადობით ათასობით ადამიანს სიცოცხლე მოუსპეს, – ამის შესახებ პარლამენტის პირველმა ვიცე-სპიკერმა ევროკავშირის ოფისთან ნიკა მელიასა და ირაკლი კობახიძეს შორის დაპირისპირებაზე საუბრისას განაცხადა.
გიორგი ვოლსკის თქმით, ნიკანორ მელიამ კიდევ ერთი პერფორმანსი ჩაატარა, რომელიც იმაზე ლაპარაკობს, რომ თურმე, მისთვის ძალადობა მიუღებელია.
„ასეთ განცხადებებს ეს ხეპრე ადამიანი ლაპარაკობს. ძალადობა მიუღებელია ჩვენთვის და დმანისის ინციდენტზე დავაკავეთ შესაძლო დამნაშავე. მათ ვინ დაუკავებიათ ისეთი დანაშაულისთვის, როგორიც არის ადამიანის წამება? რა უქნეს კობა დავითაშვილს, ვალერი გელაშვილს. ეს ადამიანები ცემით სიკვდილამდე მიიყვანეს. დღეს დმანისის სამწუხარო ფაქტი ისე შეიცხადეს, თითქოს, უფრთო ანგელოზები არიან. „ნაციონალურ მოძრაობას“ სადისტური მეთოდებით მართვის გარდა, არაფერი გაუკეთებია“, – განაცხადა გია ვოლსკიმ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
