გიორგი ვოლსკი: უზნეობაა შტურმზე ლაპარაკი, თითქოს თვითონ არც შტურმი ჩაუტარებიათ და არც ადამიანის სიცოცხლე და ჯანმრთელობა გაუთელიათ ფეხქვეშ
Read Time:38 Second
გიორგი ვოლსკის განცხადებით, „ნაციონალური მოძრაობისთვის“ პარლამენტზე შტურმი და ოჯახებში შევარდნა ყოველთვის ჩვეულებრივი ამბავი იყო. ამის შესახებ პარლამენტის პირველმა ვიცე-სპიკერმა ჟურნალისტებს განუცხადა.
„ისინი ძალიან თავისუფლად ფიქრობენ და წყვეტენ საკითხს, როდესაც საქმე ეხება მაგალითად, პარლამენტზე შტურმს. კადრებში ჩანს, რომ მელია ლიდერია. სასამართლომ უნდა გადაწყვიტოს, რამდენად ლიდერი იყო და რა დონის დანაშაული მიუძღვის.
მე მოსამართლე არ ვარ, მაგრამ პარლამენტზე შტურმი, ოჯახების შტურმი, შევარდნა და დაჭერა ყოველთვის ჩვეულებრივ ამბად მიაჩნდათ. დღეს „ნაციონალური მოძრაობის“ ოფისის შტურმზე ნუ საუბრობენ, არ არის მართებული. რა იქნება, როგორ იქნება, სასამართლოს გადაწყვეტილების აღსრულების რა ფორმა იქნება მიღებული, დაჭერის თუ დაკავების, ამას მომავალი გვიჩვენებს. უზნეობაა შტურმზე ლაპარაკი ისე, თითქოს ფრთაშესხმულ ანგელოზებთან გვაქვს საქმე, რომლებსაც არც შტურმი ჩაუტარებიათ და არც ადამიანის სიცოცხლე და ჯანმრთელობა გაუთელიათ ფეხქვეშ. ეს კოლექტიური სააკაშვილიზმით დაავადების ერთ-ერთი მთავარი სიმპტომია“, – განაცხადა გიორგი ვოლსკიმ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
