გერმანიასა და საფრანგეთს უკრაინისთვის იარაღის მიწოდების გამო უთანხმოება აქვთ – Bloomberg
Read Time:50 Second
ევროკავშირის ქვეყნები, მათ შორის გერმანია და საფრანგეთი, სულ უფრო მეტად ადანაშაულებენ ერთმანეთს უკრაინის საკმარისად იარაღის არ მომარაგებაში, იმუქრებიან ბლოკის ერთიანობის დაშლით, რადგან კიევი ომის გადამწყვეტ ფაზაში შედის, – ამის შესახებ Bloomberg-ის სტატიაშია ნათქვამი.
როგორც მედია წერს მოგეხსენებათ, უკრაინის პრეზიდენტმა ვოლოდიმირ ზელენსკიმ მოუწოდა მოკავშირეებს მეტი დაფინანსების გამოყოფისკენ და აღნიშნა, რომ ამის შეუსრულებლობა სარგებელს მოუტანს რუსეთის პრეზიდენტ ვლადიმირ პუტინს და საფრთხეს უქმნის დასავლეთის უსაფრთხოებას.
„იზრდება შეშფოთება იმის გამო, რომ კიევის მხარდაჭერა კითხვის ნიშნის ქვეშ რჩება, რადგან აშშ-სა და ევროკავშირის დახმარება ჭიანურდება პოლიტიკური შიდა დაპირისპირების გამო. გერმანიის კანცლერი ოლაფ შოლცი და საფრანგეთის პრეზიდენტი ემანუელ მაკრონი სავარაუდოდ განიხილავენ ამ საკითხს ორშაბათს საღამოს ბერლინში“, – წერენ გამოცემის ავტორები.
მედიის ცნობით, გერმანია დაჟინებით მოითხოვს, რომ ევროკომისიამ, ევროკავშირის აღმასრულებელმა ორგანომ, შეადგინოს და წარადგინოს წევრი ქვეყნებიდან უკრაინის დაგეგმილი ფინანსური და სამხედრო დახმარების მიმოხილვა.
„1-ელ თებერვალს საგანგებო სამიტის წინ, ლიდერები შეეცდებიან შეთანხმდნენ უკრაინის დახმარების 50 მილიარდი ევროს გამოყოფის შესახებ, რომელიც უნგრეთმა დეკემბერში დაბლოკა“, – წერს მედია.
გამოცემა დასძენს, რომ ევროპული დახმარება უკრაინისთვის კრიტიკული ხდება, რადგან აშშ-ის დაფინანსება კონგრესში რჩება დაბლოკილი და კიევში, შესაძლოა, დეფიციტი მარტში დაიწყოს.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
