ბიძინა კულუმბეგოვი: არცერთ ვაქცინას პლანეტაზე არ შეუძლია კორონავირუსის 100%-იანი პრევენცია, შესაბამისად, მსუბუქი ავადობა არ უნდა გაგვიკვირდეს
Read Time:32 Second
არცერთ ვაქცინას პლანეტაზე არ შეუძლია ამ დაავადების 100%-იანი პრევენცია, ანუ მსუბუქი დაავადების თავიდან აცილება, – ამის შესახებ იმუნოლოგ-ალერგოლოგმა ბიძინა კულუმბეგოვმა განაცხადა. მისივე თქმით, ამავე დროს კორონავირუსის საწინააღმდეგო ვაქცინები ადამიანს ლეტალური შემთხვევებისგან სრულად იცავს.
„შესაბამისად, რა თქმა უნდა, მთავარი კომპონენტი, რითაც ვაქცინის ეფექტიანობა ფასდება, არის მათი გავლენა ადამიანის სიკვდილიანობასა და მძიმე დაავადების განვითარებაზე, ანუ, მარტივად რომ ვთქვათ, ინტუბაციაზე. შესაბამისად, ყველა ვაქცინირებულ ადამიანს შესაძლებელია რისკი ჰქონდეს, მსუბუქი დაავადება დაემართოს ან ის იყოს მექანიკური გადამტარი და სრულიად ასიმპტომური მტარებელი. თუ ადამიანი არის ვაქცინირებული, მათ შორის ორჯერადად ვაქცინირებულიც კი, შესაძლებელია მსუბუქი დაავადება განუვითარდეს, მაგრამ ის 100%-ით დაცულია სიკვდილისა და ინტუბაციისგან. შესაბამისად, მსუბუქი ავადობა არ უნდა გაგვიკვირდეს“, – განაცხადა კულუმბეგოვმა.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
