ბექა ძამაშვილი სააკაშვილზე: მიუხედავად იმისა, რომ პატიმარმა თავად განაცხადა, რომ არ ჰქონდა მოწამვლის ეჭვები, ყოველგვარი სპეკულაციების გამორიცხვის მიზნით ექსპერტიზა მყისიერად დაინიშნა
Read Time:41 Second
მიუხედავად იმისა, რომ პატიმარმა თავად განაცხადა, რომ არ ჰქონდა მოწამვლის ეჭვები, ყოველგვარი სპეკულაციების გამორიცხვის მიზნით ექსპერტიზა მყისიერად დაინიშნა, – ამის შესახებ იუსტიციის მინისტრის მოადგილე ბექა ძამაშვილმა მიხეილ სააკაშვილზე საუბრისას განაცხადა.
„იუსტიციის სამინისტროს პოზიცია პირველივე დღიდან იყო ის, რომ რა თქმა უნდა, ნებისმიერი პატიმარი უნდა იყოს უზრუნველყოფილი იყოს შესაბამისი მკურნალობით და სწორედ ამიტომ, იგი საკმაო ხანია იმყოფება კერძო კლინიკაში. მას ექიმებისა და სპეციალისტების მხრიდან ყველა საჭირო მკურნალობა მიეწოდება, შესაბამისად, თუ რაიმე დამატებით მკურნალობა იქნება საჭირო, სამინისტრო ამას, რა თქმა უნდა, მხარს დაუჭერს. საქართველოს კანონმდებლობით პირი, რომელიც სასჯელს იხდის, ის სასჯელს უნდა იხდიდეს საქართველოს ტერიტორიაზე. თუ არის ჯანმრთელობის განსაკუთრებული მდგომარეობა, რომელიც გულისხმობს სარჩელის გადავადებას მკურნალობის მიზნით, ამ გადაწყვეტილებას იღებს სასამართლო. სამინისტროს ჰქონდა მყისიერი რეაგირება, როგორც კი ეჭვები გაჩნდა. მიუხედავად იმისა, რომ პატიმარმა თავად განაცხადა, რომ არ ჰქონდა მოწამვლის ეჭვები, ყოველგვარი სპეკულაციების გამორიცხვის მიზნით ეს ექსპერტიზა მაშინვე დაინიშნა“,- განაცხადა ბექა ძამაშვილმა.
Happy
0 %
Sad
0 %
Excited
0 %
Sleepy
0 %
Angry
0 %
Surprise
100 %
Comments
0
0
