შემოდგომა-ზამთრის პერიოდში გაცივებისგან არც დიდი ადამიანია დაზღვეული და არც პატარა. უბრალო გაცივება შეიძლება მრავალი გართულების საწინდარი იყოს, დაწყებული სინუსიტით, დამთავრებული გულის დაავადებებით.
ძალიან ბევრი ადამიანი ხომ გაცივრების დროს ექიმის მითითებებს ზედმეტ ფორმალობად მიიჩნევს – უფროსები სიცხისდამწევი საშუალებების დალევის შემდეგ სამსახურში მიიჩქრიან, ბავშვები კი სკოლასა და საბავშვო ბაღში მიჰყავთ. ხშირად, გრიპისადმი ასეთი ზერელე დამოკიდებულებას გართულებები მოჰყვება. ამიტომაც, სასურველია, საერთოდ არ შეგვხვდეს გრიპი ან ძალიან იოლ ფორმებში მოვიხადოთ. ეს განსაკუთრებით კომფორტულია მშობლებისთვის, რომლებსაც როგორც წესი, შინ მყოფი პატარებისთვის თავად “მიაქვთ” ვირუსები. გრიპიანი
ამ ყველაფრისგან თავდაცვა ვაქცინაციით არის შესაძლებელი. ეს ყველამ ვიცით, თუმცა რატომღაც გრიპის ვაქცინაცია არ არის ჩვენთან დიდად გავრცელებული. ამიტომ კიდევ ერთხელ შეგახსენებთ მის უპირატესობებს, მოქმედების წესსა და რიკებს.
ვაქცინაცია გრიპისაგან თავის დაცვის ყველაზე ეფექტური საშუალებაა. იმუნიტეტის ჩამოყალიბებას 2-3 კვირა სჭირდება, ამიტომ აცრა უნდა ჩაიტაროთ სეზონური გრიპის ეპიდემიის დაწყებამდე (იდეალურ შემთხვევაში სექტემბრის ბოლოდან, ოქტომბრის შუა რიცხვებამდე). ეს იმუნიტეტი ერთი წლის განმავლობაში ნარჩუნდება, თუმცა წლის ბოლოს მისი მოქმედების ძალა თანდათან იკლებს.
საქართველოში დარეგისტრირებული ვაქცინები არის 3 კომპონენტიანი და იცავენ 3 ტიპის, ყველაზე გავრცელებული ვირუსებისაგან (2 ტიპის ინფლუენზა A ვირუსი და 1 ტიპის ინფლუენზა B ვირუსი).
რადგან გრიპის ვირუსი მუდმივად იცვლება, ეფექტური იმუნიზაციისთვის გრიპის ახალი შტამების წინააღმდეგ ხდება ვაქცინების შემცველობის განახლება ყოველწლიურად ისე, რომ ისინი შეიცავდნენ ახალ ვირუსულ ანტიგენებს და იყვნენ ეფექტურები ახალი შტამით გამოწვეული ინფექციების მიმართაც.
ჯანდაცვის მსოფლიო ორგანიზაციის რეკომენდაციით, გრიპის ვირუსისგან თავდაცვის ძირითადი და ყველაზე ეფექტური გზა არის ვაქცინაცია. ვაქცინაცია რეკომენდებულია 6 თვეზე უფროსი ყველა ადმიანისათვის. გამოყოფენ ასევე მაღალ რისკ ჯგუფს, მას მიეკუთვნებიან: ქრონიკული თანმდევი დაავადებების მქონე პაციენტები, 65 წელზე მეტი ასაკის ადამიანები, ორსულები, ისინი ვინც გეგმავენ ორსულობას და სამედიცინო დაწესებულებებში მომუშავე პერსონალი. გაითვალისწინეთ, რომ ვაქცინები ორსულებში გამოიყენება მეორე ტრიმესტრიდან .
თუმცა, ვაქცინაცია პანაცეა არაა და მის მიმართაც გმართებთ სიფრთხილე. განვიხილოთ რამდენიმე აუცილებელი ასპექტი:
შეიძლება თუ არა გრიპზე ვაქცინიაცია ფეხმძიმობის დროს?
ვაქცინაცია არსებობს ორი სახის: “ცოცხალი” და “არაცოცხალი”. ვაქცინაცია ცოცხალი ვირუსებით დაუშვებელია ფეხმძიმესთვის. განსაკუთრებით საზიანოა იგი ნაყოფისთვის. რაც შეება არაცოცხალს, ის პრაქტიკულად უვნებელია. თიტქმის არ არსებობს ინფორმაცია, რომ ამ ტიპის ვაქცინას ზიანი მიეყენებინოს ნაყოფისთვის.
აცრის საკითხი ყველა შემთხვევაში ექიმთან შეათანხმეთ და საკუტარი ინიციატივით მისი ჩატარება-არჩატარებას ტავად ნუ გადაწყვეტთ.
როგორ მოვიქცეთ, თუ ქალმა აცრა გაიკეთა და შემდეგ შეიტყო, რომ ფეხმძიმედაა
პანიკაში ნუ ჩავარდებით, საშიში არაფერია. მრავალი გამოკვლევის შედეგად არ დადასტურდა კავშირი დედის დაავადებასა და ბავშვის დასნებოვნებას შორის.
მთავარია, ფეხმძიმობის პერიოდში დროულად გამოიკვლიოთ ინფექციები და გენეტიკური პათოლოგიები.
შეიძლება თუ არა ვაქცინაცია ძუძუთი კვების დროს
უმჯობესია, თავი შეიკაოთ. მიმართეთ გრიპისგან დამცავ სხვა მეთოდებს: ხშირად გამოირეცხეთ ცხვირი, გაანიავეთ ოთახი, მოერიდეთ სხეულის გადაცივებას და გაცივებულ ადამიანებთან ურთიერთობას.
გრიპზე ვაქცინაცია დაუშვებელია შემდეგ შემთხვევებში:
თუ ადამიანი უკვე გაცივებულია
როცა ადამიანს აქვს ალერგია კვერცხზე
ბავშვებისთვის 6 თვის ასაკამდე. აცრამდე უფროსი ასაკის ბავშვებიც კარგად უნდა გამოიკვლიონთ.
აცრაზე გადაწყვეტილება უნდა მიიღოს სპეციალისტმა, მან უნდა გამოიკვლიოს პაციენტის მდგომარეობა და ყურადღება მიაქციოს წარსულში გადატანილ ავადმყოფობებს.
გაითვალისწინეთ: გრიპის ვაქცინა იცავს გრიპისგან და არა იმ ვირუსებისგან, რომლებიც გრიპისმაგვარ სიმპტომებს იწვევენ. კონკრეტული აცრა კონკრეტული ვირუსისგან გიცავთ, თუმცა შეგიძლიათ სეზონურ ვირუსებზეც აიცრათ.
სპეციალისტთა განმარტებით, ვაქცინა მზადდება სეზონურად. აკვირდებიან, რომელი ვირუსებია გავრცელებული, შემდეგ კი ეს ყველაფერი მსოფლიოს ორ ცენტრში იკრიბება და კეთდება პროგნოზი, თუ რომელი ვირუსის გააქტიურებას და გავრცელებას უნდა ველოდოთ შემდეგ სეზონზე. ამის მიხედვით კეთდება რეკომენდაციები და ვაქცინაში შედის ის ელემენტები, რომლებიც მიმართული იქნება მოსალოდნელი ვირუსის წინააღმდეგ.