აშშ-ში საგანგებო მდგომარეობა გამოცხადდა
Read Time:48 Second
კორონავირუსის გავრცელების გამო აშშ-ის პრეზიდენტმა, დონალდ ტრამპმა ქვეყანაში საგანგებო მდგომარეობა გამოაცხადა. ამის შესახებ მან თეთრ სახლში გამართულ პრესკონფერენციაზე განაცხადა.
ეს ნაბიჯი ფედერალურ მთავრობას საშუალებას მისცემს საგანგებო სიტუაციებისთვის განკუთვნილი თანხები კორონავირუსთან საბრძოლველად გამოიყენოს.
საგანგებო მდგომარეობის გამოცხადება 1984 წლის სტეფორდის კანონის შესაბამისად მოხდა, რომელიც ფედერალური ხელისუფლების მიერ ადგილობრივი ხელისუფლებებისთვის დახმარების გაწევას ითვალისწინებს. უბედური შემთხვევების დროს დახმარების გაწევის ფონდში 42 მილიარდი დოლარია აკუმულირებული და ფედერალურ ხელისუფლებას წვდომა ექნება ამ თანხებზე საგანგებო მდგომარეობის დროს.
6 მარტს აშშ-ის პრეზიდენტმა დონალდ ტრამპმა ხელი მოაწერა კონგრესის მიერ მიღებულ კანონს კორონავირუსის გავრცელებასთან საბრძოლველად 8,3 მილიარდი დოლარის გამოყოფის შესახებ.
ჯანდაცვის მსოფლიო ორგანიზაციამ კორონავირუსთან დაკავშირებით პანდემია 2020 წლის 11 მარტს გამოაცხადა. მანამდე კი, 30 იანვარს ჯანმომ კორონავირუსი გლობალურ საფრთხედ გამოაცხადა. ჩინეთში პნევმონიის აფეთქება 2019 წლის დეკემბერში დაიწყო. ის გამოწვეულია კორონავირუსის აქამდე უცნობი შტამით.
21 იანვარს ჩინეთმა დაადასტურა, რომ კორონავირუსი გადამდებია. მომხდარის გამო ქვეყნის ორ ქალაქში კარანტინი გამოცხადდა.
მართალია თუ არა, რომ კორონავირუსმა უხანის სამეცნიერო ლაბორატორიიდან გაჟონა? ამ ბმულზე ნახეთ.
რა უნდა ვიცოდეთ პანდემიის შესახებ, წაიკითხეთ აქ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
