არასწორია, ცესკოს და საკრებულოების საქმიანობის ერთმანეთთან დაკავშირება – ცესკო
Read Time:38 Second
ცენტრალური საარჩევნო კომისიის განცხადებით, მათ წინააღმდეგ დისკრედიტაციის შემცველი ინფორმაცია ვრცელდება.
“მაღალი საზოგადოებრივი ინტერესიდან გამომდინარე, ვეხმიანებით მანიპულაციურ და დისკრედიტაციულ ინფორმაციას, რაც დღეს მთელი დღის განმავლობაში საარჩევნო ადმინისტრაციის და ცესკოს თავმჯდომარის მიმართ ვრცელდება სხვადასხვა საინფორმაციო წყაროების საშუალებით.
გვინდა საზოგადოებას განვუმარტოთ, რომ არასწორია, ცესკოს და საკრებულოების საქმიანობის ერთმანეთთან დაკავშირება. ცესკო საკუთარ გადაწყვეტილებებში არის დამოუკიდებელი, საჯარო ინსტიტუტი, კოლეგიური ორგანო, რომელიც სხდომებზე ღებულობს გადაწყვეტილებებს კომისიის წევრების ხმათა უმრავლესობით. 25 ნოემბრის სხდომას, სადაც გადაწყდა საკრებულოების პირველი სხდომების 3 დეკემბერს გამართვა, 15 კომისიის წევრი ესწრებოდა (17-დან) და განკარგულებას მხარი დაუჭირა კომისიის 14-მა წევრმა. ცესკოს არც ერთ წევრს შენიშვნა და მოსაზრება აღნიშნულთან დაკავშირებით არ გამოუთქვამს,”- ნათქვამია ცესკოს განცხადებაში.
ოპოზიცია ცესკოს ადანაშაულებს იმაში, რომ საკრებულოების პირველი სხდომების გამართვის თარიღი უფრო ადრე შეიძლებოდა დანიშნულიყო, ამ გადაწყვეტილებით კი 2022 წლის ბიუჯეტის დამტკიცება ძველი შემადგენლობის საკრებულოებმა შეძლეს.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
