ანრი ოხანაშვილი: უზენაესი სასამართლოს მოსამართლეობის კანდიდატებთან დაკავშირებით ინფორმაცია სრულად უნდა გავასაჯაროოთ
Read Time:38 Second
ის ინფორმაცია, რომელიც იუსტიციის საბჭოდან შემოვიდა უზენაესი სასამართლოს მოსამართლეობის კანდიდატებთან დაკავშირებით, სრულად უნდა გავასაჯაროოთ, – ამის შესახებ პარლამენტის იურიდიული კომიტეტის თავმჯდომარე ანრი ოხანაშვილმა პარლამენტისთვის ასარჩევად წარდგენილი უზენაესი სასამართლოს მოსამართლეობის კანდიდატებთან გასაუბრების დაწყებამდე განაცხადა.
მისი თქმით, საზოგადოების ყველა წევრს, ვინც დაინტერესებულია ამ საკითხით, უნდა ჰქონდეს სრული წვდომა ამ ინფორმაციაზე. „ჩვენი მოვალეობაა, ვიყოთ ამ პროცესში ჩართული და მივიღოთ მონაწილეობა. უნდა შევასრულოთ ჩვენი ამომრჩევლის ნება“,- აღნიშნა ოხანაშვილმა.
იურიდიულ საკითხთა კომიტეტში პარლამენტისთვის ასარჩევად წარდგენილი უზენაესი სასამართლოს მოსამართლეობის კანდიდატებთან გასაუბრების პროცესი დაიწყო.
საქართველოს პარლამენტის პრესსამსახურის ინფორმაციით, დღეს, კომიტეტი ორ კანდიდატს გოჩა აბუსერიძეს და გიორგი გოგიაშვილს გაესაუბრება.
პარლამენტისთვის ასარჩევად წარდგენილია უზენაესი სასამართლოს მოსამართლეობის 9 კანდიდატი: გოჩა აბუსერიძე, გიორგი გოგიაშვილი, ლევან თევზაძე, ქეთევან მესხიშვილი, გიორგი შავლიაშვილი, რევაზ ნადარაია, ბიძინა სტურუა, ეკა ზარნაძე და ლაშა ქოჩიაშვილი.
იურდიულ საკითხთა კომიტეტში უზენაესი სასამართლოს მოსამართლეობის კანდიდატებთან გასაუბრება 10 ივლისს დასრულდება.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
