ალეკო ელისაშვილი – რიკ დემისთან შეხვედრისას ვაპირებ, ვისაუბრო მართლმსაჯულების რეფორმაზე და ამ მიმართულებით „ქართული ოცნების“ ქცევაზე, ასევე 5 ივლისის მოვლენებზე
Read Time:37 Second
პარტია „მოქალაქეების“ ლიდერი ალეკო ელისაშვილი აცხადებს, რომ ევროპის საბჭოს საპარლამენტო ასამბლეის პრეზიდენტთან, რიკ დემისთან შეხვედრისას ერთ-ერთი განსახილველი თემა შარლ მიშელის დოკუმენტი იქნება.
როგორც ელისაშვილი ამბობს, ასევე აპირებს, რომ რიკ დემისთან შეხვედრაზე მართლმსაჯულების რეფორმასა და 5 ივლისს თბილისში განვითარებულ მოვლენებზე ისაუბროს.
„ერთ-ერთი მთავარი თემა იქნება შარლ მიშელის დოკუმენტი, რომელსაც ვისაც არ ეზარება, ყველა არღვევს ორივე მხრიდან. ბოლო დარღვევა უკავშირდება იმას, რომ ცესკო-ს თავმჯდომარის თანამდებობაზე სასურველი კანდიდატი გაიყვანოს შეთანხმების საწინააღმდეგოდ. ვაპირებ, ვისაუბრო მართლმსაჯულების რეფორმაზე და ამ მიმართულებით „ქართული ოცნების“ ქცევაზე. ასევე იმაზე, საით მიდის ქვეყანა – მთლად დემოკრატიისკენ ვერ მოვდივართ და ვერ ვვითარდებით. მძაფრი განხილვის ერთ-ერთი თემა იქნება 5 ივლისის მოვლენები – წაყრუება, წახალისება ძალადობის და რა გააკეთა ხელისუფლებამ მოძალადეების დასასჯელად, რომლებიც პოზაში დგანან და ამბობენ, რომ იმავეს იზამენ, როცა საჭიროდ ჩათვლიან“, – განაცხადა ალეკო ელისაშვილმა.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
