ალეკო ელისაშვილი – ზიზღის დასრულება არც „ნაციონალურ მოძრაობას“ უნდა და არც „ქართულ ოცნებას“ ქვეყანას მივხედოთ, რომელიც სიღარიბეში იხრჩობა
Read Time:1 Minute, 9 Second
შერიგებაზე მიხეილ სააკაშვილი და „ნაციონალური მოძრაობა“ ან ირაკლი ღარიბაშვილი და „ქართული ოცნება“ გულწრფელად რომ საუბრობდნენ, ბედნიერი ვიქნებოდი, – ამის შესახებ პარტია „მოქალაქეების“ ლიდერმა, ალეკო ელისაშვილმა განაცხადა.
როგორც ალეკო ელისაშვილმა აღნიშნა, ამ დაპირისპირებული პოლიტიკური ძალებიდან დიდი სიძულვილი მოდის.
„შერიგებაზე მიხეილ სააკაშვილი და „ნაციონალური მოძრაობა“ ან ირაკლი ღარიბაშვილი და „ქართული ოცნება“ გულწრფელად რომ საუბრობდნენ, ბედნიერი ვიქნებოდი. ჩემზე ბედნიერი კაცი არ იქნებოდა, რომ გულწრფელად უნდოდეთ, ზიზღი დასრულდეს, შევრიგდეთ და საქმეს მივხედოთ. ამ შემთხვევაში საერთოდ გადავიხვეწებოდი და საჯარო სივრცეში თვალით ვერ დამინახავდნენ. ამ დაპირისპირებული პოლიტიკური ძალებიდან ამხელა სიძულვილი მოდის. იტყუებიან – ერთი გამოვა ამბიონზე და იტყვის, შევრიგდეთ, შემდეგ ღარიბაშვილი საზიზღრობას იტყვის და ისევ ზიზღს აღვივებს. სააკაშვილი ერთ აბზაცში იძახის, შევრიგდეთო. თან შერიგებაზე საუბრობს და თან საჯარო მოხელეებს საბოტაჟისკენ მოუწოდებს. ჯარს, პოლიციას და სპეცრაზმს რომ მოუწოდებ, „ქართულ ოცნებას“ არ დაემორჩილოო, ეს არის საბოტაჟი, სიძულვილის გაგრძელება და არა შერიგება. ორივე ყალბია, ჩვენდა სამწუხაროდ, ამ ზიზღის დასრულება არც ერთს არ უნდა, არც ერთს უნდა, ქვეყანას მივხედოთ, არადა, ქვეყანა სიღარიბეში იხრჩობა. ჩვენს გარშემო რეგიონში საშიში პროცესები მიდის, პაკისტანი მონაწილეობას აზერბაიჯანთან და თურქეთთან ერთად წვრთნებში ირანის წინააღმდეგ. აქეთ რუსეთია, ჩვენ ერთმანეთს ვაგინებთ და სააკაშვილის მხარდამჭერებს ჰგონიათ, რომ სააკაშვილის გარშემო დედამიწა ბრუნავს და აქეთ ღარიბაშვილისა და „ქართული ოცნების“ მხარდამჭერებს ჰგონიათ, რომ მთავარი „ნაციონალური მოძრაობის“ ზიზღია. ჩვენს გარშემო ისეთი რამეები ხდება, რომ შეიძლება, ჩვენი გვარი წაიშალოს. ეს არის უბედურება, ფარისევლობა, სიყალბე და სინამდვილეში ზიზღი. ცხრა წელია, ერთმანეთის ცხრა წელზე ლაპარაკობენ, რაც უბედურებაა. შერიგება რომ უნდოდეთ და საქმის კეთება, ვიტყოდი, ღმერთი გაგახარებთ-თქო“, – განაცხადა ელისაშვილმა.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
