აკადემიკოსი ზაზა ალექსიძე გარდაიცვალა
საქართველოს განათლებისა და მეცნიერების მინისტრი მიხეილ ჩხენკელი ღრმა მწუხარებას გამოთქვამს ცნობილი მეცნიერის, ისტორიკოსის, ფილოლოგის, კორნელი კეკელიძის სახელობის საქართველოს ხელნაწერთა ეროვნული ცენტრის აღმოსავლური და სომხური ხელნაწერების განყოფილების ხელმძღვანელის, აკადემიკოს ზაზა ალექსიძის გარდაცვალების გამო.
მისი თქმით, ზაზა ალექსიძის გარდაცვალება უდიდესი დანაკლისია სამეცნიერო საზოგადოებისთვის.
„ღრმა მწუხარებას გამოვთქვამ გამოჩენილი მეცნიერის, ისტორიკოსის, ხელნაწერთა ეროვნული ცენტრის აღმოსავლური და სომხური ხელნაწერების განყოფილების ხელმძღვანელის, აკადემიკოს ზაზა ალექსიძის გარდაცვალების გამო.
ზაზა ალექსიძე საერთაშორისო მასშტაბით აღიარებული მეცნიერი გახლდათ, რომლის სამეცნიერო ნაშრომები გამორჩეულია ფართო კვლევითი დიაპაზონითა და მასშტაბურობით. მისი შემოქმედება განსაკუთრებით ღირებულია ჰუმანიტარიის სფეროში მომუშავე ყველა თაობის სპეციალისტისათვის როგორც საქართველოში, ასევე, მის ფარგლებს გარეთ.
ბატონი ზაზა მრავალი წლის განმავლობაში ერთგულად ემსახურებოდა ჩვენი ქვეყნისათვის უმნიშვნელოვანეს საქმეს. თავისი გამორჩეული სამეცნიერო მოღვაწეობით მან უდიდესი წვლილი შეიტანა არაერთი დარგის, განსაკუთრებით კი არმენოლოგიის განვითარებაში. მისი სამეცნიერო კვლევის სფეროები მოიცავდა ქრისტიანული კავკასიის ისტორიის, კულტურისა და რელიგიის, ქართული და სომხური პალეოგრაფიისა და ეპიგრაფიკის საკითხებს. განსაკუთრებით უნდა აღინიშნოს მისი წვლილი ალბანური პალიმფსესტების კვლევაში, ვინაიდან კავკასიის ალბანური მეცნიერებისთვის მანამდე უცნობი სფერო გახლდათ.
ზაზა ალექსიძე მრავალი წლის განმავლობაში ხელმძღვანელობდა კორნელი კეკელიძის სახელობის საქართველოს ხელნაწერთა ეროვნულ ცენტრს. გამორჩეულია მისი როლი ცენტრის წინსვლისა და განვითარების საქმეში.
ზაზა ალექსიძის გარდაცვალება უდიდესი დანაკლისია სამეცნიერო საზოგადოებისთვის. კიდევ ერთხელ, ვუსამძიმრებ და თანადგომას ვუცხადებ ბატონი ზაზას ოჯახს, მის ახლობლებს, მეგობრებს, კოლეგებსა და სრულიად საქართველოს.“ – აღნიშნავს მიხეილ ჩხენკელი.
About Post Author
ქეთევან ნინუა
Comments
საქართველოს ტექნიკური უნივერსიტეტის „წყალთა სახეობის ცენტრი – ტონუსის“ მოცურავეთა გუნდმა „გაზაფხულის თასის“ ჩემპიონატში მეორე საპრიზო ადგილი დაიკავა
საქართველოს ტექნიკური უნივერსიტეტის საცურაო აუზის - „წყალთა სახეობის ცენტრი - ტონუსი“, მოცურავეთა გუნდმა “გაზაფხულის თასის” ღია ჩემპიონატში მეორე საპრიზო ადგილი...
საქართველოს ტექნიკურ უნივერსიტეტში სამეცნიერო-პრაქტიკული კონფერენცია – "ოპერატიულ-სამძებრო საქმიანობის შესახებ" საქართველოს კანონის სამართლებრივი უსაფრთხოების აქტუალური საკითხები", ჩატარდა
საქართველოს ტექნიკური უნივერსიტეტის სამართლისა და საერთაშორისო ურთიერთობების ფაკულტეტზე "ოპერატიულ-სამძებრო საქმიანობის შესახებ" საქართველოს კანონის 25 წლისადმი მიძღვნილი ღონისძიებების ფარგლებში, სამეცნიერო-პრაქტიკული კონფერენცია...
დეპუტატების დაპირისპირება პარლამენტში: “ქინძი”, “ქათამი”, “მამაძაღლი”, “არაკაცი”
პარლამენტის პლენარულ სხდომაზე ერთმანეთს ირაკლი ქადაგიშვილი და პაატა მანჯგალაძე დაუპირისპირდნენ. სიტყვიერი დაპირისპირების მიზეზი ოპოზიციონერი დეპუტატის გამოსვლა გახდა. პაატა მანჯგალაძემ განაცხდა,...
საქართველოს უნივერსიტეტები ერთობლივ განცხადებას ავრცელებენ
საქართველოს უნივერსიტეტები, საქართველოს უმაღლეს საგანმანათლებლო დაწესებულებათა რექტორების მუდმივმოქმედი კონფერენციის წევრები ვეხმიანებით ქვეყანაში მიმდინარე მოვლენებს, რომლებმაც ასახვა პოვა უნივერსიტეტებში სასწავლო პროცესის...
საქართველოს ტექნიკურ უნივერსიტეტში ტრენინგი – „ხელოვნური ინტელექტი და ჩვენი უფლებები“ ჩატარდა
საქართველოს ტექნიკური უნივერსიტეტში ტრენინგ-პროგრამა „ხელოვნური ინტელექტი (AI) და ჩვენი უფლებები“, ჩატარდა. ამის შესახებ ინფორმაციას სტუ ავრცელებს. მისივე ცნობით, საქართველოს ტექნიკური უნივერსიტეტის...
პროტესტი პარლამენტთან – აპირებენ თუ არა დემონსტრანტები ღამის გათენებას და რა გეგმა აქვთ ორგანიზატორებს ხვალინდელ დღესთან დაკავშირებით
პარლამენტთან "უცხოური გავლენის გამჭვირვალობის შესახებ" კანონპროექტის საწინააღმდეგო აქცია გრძელდება. დემონსტრანტები ამაღამ, სავარაუდოდ, საკანონმდებლო ორგანოსთან აღარ გაათენებენ. როგორც, სიტყვით გამოსვლების დროს,...