ავღანეთიდან შვედეთის მოქალაქეების ევაკუაციის პროცესში გაწეული დახმარებისთვის დავით ზალკალიანმა შვედი კოლეგისგან მადლობის წერილი მიიღო
Read Time:42 Second
შვედეთის საგარეო საქმეთა მინისტრი ენ ლინდე, საქართველოს ვიცე-პრემიერს, საგარეო საქმეთა მინისტრს დავით ზალკალიანს ავღანეთიდან შვედეთის მოქალაქეების ევაკუაციის პროცესში გაწეული დახმარებისთვის მადლობას უხდის და შესაბამის წერილს უგზავნის, – ამის შესახებ ინფორმაცის საგარეო საქმეთა სამინისტრო ავრცელებს.
„ძვირფასო დავით, მსურს გამოვხატო ჩემი უდიდესი მადლიერება საქართველოს მიერ ავღანეთიდან შვედეთის მოქალაქეების ევაკუაციის პროცესში გამოხატული მხარდაჭერისთვის, რამაც თბილისის გავლით მგზავრების უსაფრთხოდ გადაყვანის საშუალება მოგვცა. თქვენი სამინისტროსა და აეროპორტის ხელმძღვანელობის მიერ გაწეული თანამშრომლობა და დახმარება ნამდვილად გამორჩეული იყო“, – წერს ენ ლინდე.
სამინისტროს განცხადებით, საქართველო აქტიურად იყო ჩართული პარტნიორების მიერ ავღანეთიდან სამოქალაქო პირების გამოყვანის მიზნით ჰუმანიტარული და საევაკუაციო პროცესების მართვაში.
თბილისის აეროპორტში განხორციელდა ნატოს სამხედრო-სატრანსპორტო გადაზიდვების ორგანიზაციის სამხედრო-სატვირთო თვითმფრინავების განლაგება, რომლებიც ყოველდღიურად ასრულებდნენ ფრენებს ქაბულის მიმართულებით. ხოლო შემდგომ ქაბულიდან თბილისის აეროპორტში ევაკუირებული მგზავრების გადაყვანა ხორციელდებოდა სხვადასხვა ჩარტერული რეისის საშუალებით. აღნიშნულ პროცესში ქართველი, ამერიკელი, ნორვეგიელი, შვედი და ნატოს წევრი სხვა ქვეყნების სამხედრო და სამოქალაქო პერსონალი მონაწილეობდა.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
Comments
0
0
