წავიდა მის ზურასთან…მამუკა ონაშვილი გარდაიცვალა

ქუთაისის საერთაშორისო აეროპორტში ახალი ასაფრენ – დასაფრენი ბილიკის მშენებლობა ჩვენი ქვეყნის ერთ-ერთი უმნიშვნელოვანესი ინფრასტრუქტურული პროექტია, რომელიც ახლა აქტიურ სამშენებლო ფაზაშია. ქუთაისის აეროპორტი სტრატეგიული მნიშვნელობით გამოირჩევა – წლიდან წლამდე საკმაოდ სწრაფად იზრდება როგორც მგზავრთნაკადი, ისევე ავიარეისების სიხშირეები. აეროპორტს აქვს უდიდესი მნიშვნელობა საქართველოს ეკონომიკის, ასევე უშუალოდ ტურიზმის და ავიაციის სექტორების განვითარების კუთხით, – განაცხადა ეკონომიკისა და მდგრადი განვითარების მინისტრის მოადგილე მარიამ ქვრივიშვილმა.ქუთაისის დავით აღმაშენებლის სახელობის საერთაშორისო აეროპორტში ახალი, 3,5 კმ-იანი ასაფრენ-დასაფრენი ზოლისა და სააეროდრომო ინფრასტრუქტურის მშენებლობა აქტიურ ფაზაშია. სამშენებლო სამუშაოების დასრულების შემდეგ, ის იქნება პირველი აეროპორტი საქართველოში, რომელიც დიდი ზომის საჰაერო ხომალდების მიღებას შეზღუდვების გარეშე შეძლებს.მინისტრის მოადგილის განცხადებით, საქართველოს მთავრობა ავიაციისა და ტურიზმის სექტორებში ინფრასტრუქტურის განვითარებას მუდმივად უზრუნველყოფს, რაც მათ გაძლიერებას ხელს უწყობს.„ქუთაისში მიმდინარე ინფრასტრუქტურული სამუშაოები ხელს შეუწყობს აღნიშნული აეროპორტის შემდგომი განვითარებასა და გაფართოებას. აეროპორტი შეძლებს, მიიღოს კიდევ უფრო მეტი ავიარეისი და შეზღუდვის გარეშე მოემსახუროს დიდი ზომის საჰაერო ხომალდებს,“ – აღნიშნა მინისტრის მოადგილემ.მარიამ ქვრივიშვილის ინფორმაციით, ახალი ასაფრენ – დასაფრენი ბილიკის ექსპლუატაციაში შესვლა ხელს შეუწყობს ქუთაისის აეროპორტის შემდგომ განვითარებას, მათ შორის, კარგო ტვირთების მიღება – დამუშავებას.„ქუთაისის საერთაშორისო აეროპორტს განვითარების ძალიან დიდი პოტენციალი აქვს. ჩვენ ვაგრძელებთ პარტნიორ ავიაკომპანიებთან მოლაპარაკებებს, რომ შემოვიყვანოთ კიდევ უფრო მეტი ავიაკომპანია ქუთაისის საერთაშორისო აეროპორტში. ჩვენ გვაქვს შემდგომი განვითარების ხედვა სამგზავრო ტერმინალის განვითარების კუთხითაც, რომ აეროპორტმა უზრუნველყოს კიდევ უფრო მეტი მგზავრის გატარება მომდევნო წლების განმავლობაში. ამ ხედვის კვალდაკვალ ჩვენ მუდმივად და თანმიმდევრულად ვავითარებთ საჭირო ინფრასტრუქტურას, რომელიც ხელს შეუწყობს მეტი ავიარეისებისა და მეტი მგზავრის მიღებას ქუთაისის საერთაშორისო აეროპორტში,“ – აღნიშნა მარიამ ქვრივიშვილმა.

სიბრძნე ისაა, გზა მანამდე დაინახო, ვიდრე ურემი გადაბრუნდება. სწორედ ეს შევძელით ჩვენ. არც ურემი გადავაბრუნეთ და არც ქვეყნის ჩარხი დავატრიალეთ უკუღმა, – ამის შესახებ საქართველოს პარლამენტის თავმჯდომარე შალვა პაპუაშვილმა მე-10 მოწვევის პარლამენტის საქმიანობის ანგარიშის წარდგენის დროს განაცხადა.პაპუაშვილის თქმით, ეს მისია დღეს მეთერთმეტე მოწვევის პარლამენტმა გადმოიბარა.„2024 წელს, ჩვენ გავიარეთ საარჩევნო კამპანია უპრეცედენტო უცხოური ჩარევის ფონზე. ჩვენ გვითხრეს, რომ ეს იქნებოდა ფინალური ბრძოლა, ყველა ერთის წინააღმდეგ. ეს იქნებოდა რეფერენდუმი. კოლექტიური „ნაცმოძრაობა“, მსხვილი თუ წვრილი „ენჯეოები“, აქტივისტი მედიამუშაკები, დესტრუქციული, პარტიული მედიაარხები, ტრეინინგ-გავლილი მზა დემონსტრანტები, უცხოელი დონორები და დიპლომატები, ყველა ერთად წარმოდგნენ რეფერენდუმად მონათლულ არჩევნებზე, მიმავალი და ყავლგასული პრეზიდენტით სათავეში. ცალ ფეხზე დგომის, უცხო ინტერესების შესატყვისი, ევროპერსპექტივის ქაღალდში შეფუთული დღის წესრიგი დაუპირისპირდა ნამდვილ, ქართულ, ეროვნულ ინტერესბზე აგებულ მშვიდობისა და კეთილდღეობის დღის წესრიგს, რომელსაც „ქართული ოცნება“ განასახიერებს. საბედნიეროდ, ისტორიის გაკვეთილებსა და ღრმა ცივილიზაციური მეხსიერების მქონე ქართველმა ერმა, ამომრჩეველთა სრულმა უმრავლესობა ზუსტად დაინახა, თუ სად იყო ჭეშმარიტება, სიმართლე და ქვეყნის ნამდვილი ინტერესი. დაინახა და სწორი არჩევანიც გააკეთა. ძალა ერთობაშია, სიკეთე ამთლიანებს, ბოროტი კი ჰყოფს. ისტორიულად საქართველოს დამარცხების ფორმულა სწორედ ეს იყო, ჩვენი დაქუცმაცება და გათითოკაცება. ეს პოლარიზაცია ამჯერადაც უცხოეთმა მოგვახვია თავს, მათი კანვასური თუ იუესაიდური პროპაგანდა, სიძულვილი თუ დაკანონებული ძალადობა ლამისაა მთლიანად ევროკავშირთან გაიგივდეს, ხოლო ამ ტრაგიკულ მოცემულობაში სწორედ ევროკავშირის ქვეყნების ზოგიერთ პოლიტიკოსსა და დიპლომატს მიუძღვის პირდაპირი წვლილი. მივიღეთ პარადოქსი, რომ დღეს, ქუჩაში, ძალადობა ევროკავშირის დროშაში გახვეული დადის. ასეთ ვითარებაში გამარჯვების ფორმულაა ერთობა, სიმტკიცე და რწმენა, შენი ქვეყნის, შენი ხალხის, შენი ისტორიის. ჩვენ ეს გადამწყვეტი ბრძოლა მოვიგეთ. მეათე მოწვევის პარლამენტი იქცა შემობრუნების წერტილად, როდესაც ჩვენ, ქვეყნის განვითარების ქვაკუთხედად ეროვნული ინტერესი ვაქციეთ, ხოლო პოლიტიკური გადაწყვეტილების მიღების წესად სიბრძნით მოქმედება. სიბრძნე კი ისაა, გზა მანამდე დაინახო, ვიდრე ურემი გადაბრუნდება. სწორედ ეს შევძელით ჩვენ. ჩვენ არც ურემი გადავაბრუნეთ და არც ქვეყნის ჩარხი დავატრიალეთ უკუღმა. ეს მისია დღეს მეთერთმეტე მოწვევის პარლამენტმა გადმოიბარა. დღეს ჩვენ ვაგრძელებთ დაწყებულ საქმეს და ქვეყნის ინტერესების შემდგომ მსახურებას. ქვეყნის გამთლიანება და თითოეული ჩვენი მოქალაქის კეთილდღეობა არის ჩვენი ორი უმთავრესი ეროვნული ამოცანა, ყველა სხვა მიზანი, განზრახვა და მისწრაფება ამ ორი საზომით გაიზომება. ამ საქმეში ღმერთი იყოს ჩვენი მფარველი“, – განცხადა შალვა პაპუაშვილმა.

მოწოდებები პირდაპირ იყო მიმართული საქართველოში მოვლენათა ისეთი განვითარებისკენ, რომელსაც საბოლოო ჯამში, სამხედრო ავანტიურა და მეორე ფრონტის გახსნა უნდა მოეტანა, – ამის შესახებ საქართველოს პარლამენტის თავმჯდომარემ, შალვა პაპუაშვილმა მე-10 მოწვევის პარლამენტის საქმიანობის ანგარიშის წარდგენისას განაცხადა, როდესაც მეორე ფრონტის გახსნის საკითხზე საუბრობდა.პაპუაშვილის თქმით, საქართველოში მეორე ფრონტის გახსნა არ გამოუვიდათ.„ხომ დაუჯერებელია დღეს ამ გზავნილების მოსმენა? ჩვენს ოპონენტებს ხომ ასევე არ სჯეროდათ, როდესაც საქართველოს პრემიერ-მინისტრი და „ქართული ოცნების“ საპატიო თავმჯდომარე იდენტურ ამბებს ჰყვებოდნენ საქართველოს მთავრობაზე ზეწოლის შესახებ? ეს მოწოდებები პირდაპირ იყო მიმართული საქართველოში მოვლენათა ისეთი განვითარებისკენ, რომელსაც საბოლოო ჯამში, სამხედრო ავანტიურა და მეორე ფრონტის გახსნა უნდა მოეტანა. თუმცა, ეს არ გამოვიდა საქართველოში და ამიტომ ამ გეგმას მოგონილი დაარქვეს. კი მაგრამ, არ გაიხსნა მეორე ფრონტი რუსეთ-უკრაინის ომში?აბა გავიხსენოთ კურსკის ოპერაცია, როდესაც უკრაინამ რუსეთის ფედერაციის ტერიტორიის ნაწილი დაიკავა ზუსტად იმ მიზნით, რომ რუსული ძალების გადასროლა მომხდარიყო ძირითადი ფრონტიდან მოშორებით და ამით შემსუბუქებულიყო სამხედრო ზეწოლა. შევხედოთ ამ ოპერაციის მასშტაბებს: 15 000 ჯარისკაცი უკრაინის მხრიდან, 60 000 ჯარისკაცი რუსეთის მხრიდან და გავიხსენოთ 2008 წლის ომის მონაცემები. მასშტაბი ერთი ერთშია. სწორედ ეს კურსკი უნდა მომხდარიყო საქართველოში, რომელიც ბევრად უკეთესი პოლიგონი იქნებოდა პოლიტიკური მიზნების თვალსაზრისით. კიდევ ერთი მსხვერპლი სახელმწიფო, კიდევ ბევრი მგლოვიარე ქალი და ცრემლიანი ბავშვი, რაც დამატებითი წნეხი იქნებოდა სამხედრო დახმარებაზე მოყოყმანე ქვეყნებისთვის. ახლა კი დავფიქრდეთ, რა მოხდებოდა, „არაჟნის რევოლუციის“ გეგმა რომ განხორციელებულიყო და ამ ომს ხელისუფლებაში ის ე.წ. გულწრფელი მოქალაქეები დახვედროდნენ, ვინც უკრაინაში დაწყებული ომის პარალელურად უკრაინულ დროშაში გახვეულები რუსთაველიდან მეომრების გაგზავნას, ცის ჩაკეტვას და სანქციების დაწესებას მოითხოვდნენ? ხომ შევიდოდნენ იმ ესკალაციის სპირალში, რომლის ბოლოშიც გარანტირებულად ომია. ხომ მოხდებოდა აქ კურსკი. ხომ იქნებოდა აქ მეორე ფრონტი. ეს სცენარი ავარიდეთ ჩვენს ქვეყანას და სწორედ მეათე მოწვევის პარლამენტი ჩადგა ამ პოლიტიკური თავდაცვის ღონისძიებების ავანგარდში“, – განაცხადა შალვა პაპუაშვილმა.

ყველაფერი დაიწყო 2020 წლის წინასაარჩევნო კამპანიისას, როდესაც „ქართული ოცნება“ ღიად და პირდაპირ იღებდა მინიშნებებს, რომ მიუხედავად საარჩევნო შედეგისა თუ ხალხის ნებისა, უნდა დაეთმო ხელისუფლება, – ამის შესახებ საქართველოს პარლამენტის თავმჯდომარე შალვა პაპუაშვილმა მე-10 მოწვევის პარლამენტის საქმიანობის ანგარიშის წარდგენის დროს განაცხადა, როდესაც „სამართლიან არჩევნების“ მხრიდან 2020 წლის არჩევნების პარალელური დათვლის შედეგების გაყალბების საკითხზე საუბრობდა.მისი განცხადებით, ოთხი წლის შემდეგ, აშშ-ის ახალმა ადმინისტრაციამ გამოააშკარავა, რომ სწორედ USAID გამოიყენებოდა სხვა ქვეყნებში ხელისუფლებების დესტაბილიზაციისთვის.„თქვენ გახსოვთ ორი ვადის ამოწურვის შესახებ კამპანია, უცხო ქვეყნების ელჩების დემოკრატიის გაკვეთილები კოალიციური მმართველობის სიკეთეებზე და მსგავსი მინიშნებები. 2020 წლის 31 ოქტომბრის არჩევნებში „ქართულმა ოცნებამ” დამაჯერებელი გამარჯვება მოიპოვა, რომელსაც „ნაცმოძრაობის“ ირგვლივ კონსოლიდირებულმა ოპოზიციამ ტრადიციულად გაყალბებული უწოდა. ჩვენ ვიხილეთ რამდენიმეკვირიანი კამპანია, დემონსტრაციები და ცესკოსთან გამართული პროტესტი, რომელიც ენჯეო „სამართლიანი არჩევნების“ გაყალბებულ პარალელური დათვლის შედეგს ეფუძნებოდა. მეათე მოწვევის პარლამენტი 2020 წლის 11 დეკემბერს შეიკრიბა და დააანონსა, რომ შექმნიდა საგამოძიებო კომისიას, რომელიც სხვა საკითხებთან ერთად პარალელური დათვლის შედეგების გაყალბების საკითხსაც შეისწავლიდა. იმავე დღეს, საპარლამენტო გამოძიებით შეშინებულ „სამართლიან არჩევნებს“ საკუთარი ტყუილის საჯაროდ აღიარება მოუწია. მოგვიანებით კი, სხვა აღიარებაც მოვისმინეთ, რომ ყალბი შედეგების გავრცელებაში „სამართლიანი არჩევნების“ დონორი, აშშ-ის განვითარების სააგენტოც (USAID) იყო ჩართული. ეს იყო პირველი შემთხვევა, როდესაც ქართულმა საზოგადოებამ ამხილა ის, რაც, ოთხი წლის შემდეგ, აშშ-ის ახალმა ადმინისტრაციამ გამოააშკარავა. კერძოდ ის, რომ USAID გამოიყენებოდა ხელისუფლებების დესტაბილიზაციისთვის და სახალხო დემოკრატიის გარედან მართული დემოკრატიით ჩანაცვლებისთვის“, – განაცხადა შალვა პაპუაშვილმა.

"ტატიშვილის კლინიკიდან ექიმი შევიყვანე "რეზბალნიცაზე" ექოსკოპიით, დადგინდა, რომ ჩემი შვილი საოპერაციო იყო და უნდა გაეყვანათ, მაგრამ მუხაძე ("ქილერა") უარს ამბობდა გაყვანაზე, ჩვენ ექიმები გვყავს აქ, თუ არადა, თქვენი ექიმებიც მოვიდნენ და აქ გავუკეთებთ ოპერაციასო", - ამის შესახებ, დაზარალებულმა ნანა ქადაგიშვილმა, საქართველოს პარლამენტის დროებითი საგამოძიებო კომისიის სხდომაზე განაცხადა.ქადაგიშვილის თქმით, ალექსანდრე მუხაძეს ("ქილერა") ციხის კართან დახვდა და ბოლოს შეძლო, შვილი საოპერაციოდ გაეყვანა, თუმცა, ოპერაციიდან მეორე დღესვე უკან დააბრუნეს."ამაზე არც ჩემი შვილი დათანხმდა და არც მე დავთანხმდი, იმიტომ, რომ უკვე ვიცოდით, რა ხდებოდა იქ ოპერაციების დროს და ერთი თვე აწამა ამ ტკივილებით, არც "რეზბალნიციდან" გაუშვა. ბოლოს, მუხაძეს ციხის კართან დავხვდი დილით ადრე და ვუთხარი, ყველაფერს მე გადავიხდი, ბოლოსდაბოლოს ადამიანი ხომ ხარ, გამოვიყვან, ახალგაზრდა ბიჭი ცოდოა, არ გეცოდება-მეთქი? მაშინ, განცხადება დაწერეთ, რომ თქვენ ამ თანხას იხდითო, კი-მეთქი, ეს თუ პრობლემა იყო, ამდენ ხანსაც გადავიხდიდი. გავიყვანეთ და ოპერაციის შემდეგ ერთი დღე დატოვეს საავადმყოფოში, მეორე დღეს უკვე გადმოიყვანეს, თუმცა, ძალიან ვეხვეწე, ორი-სამი დღე დაეტოვებინათ. ახლა რომ გორაობს ის "ვივამედის" კლინიკაში, ეგრე კი არ იყო, მეორე დღესვე გადმოიყვანეს ჩემი ნაოპერაციები შვილი," - განაცხადა ნანა ქადაგიშვილმა.როგორც მან აღნიშნა, ოპერაციის შემდეგ, შვილთან კონტაქტი საერთოდ აღარ ჰქონდა, თუმცა, ერთ დღეს მას უკვე დაკავებულმა სულხან მოლაშვილმა დაურეკა და დაამშვიდა, რომ დავით მირცხულავასთან ერთად, ის უვლიდან ქადაგიშვილის ნაოპერაციებ შვილს და ნემსებსაც ისინი უკეთებდნენ. ამის მიუხედავად, არჩილ ქადაგიშვილი B ჰეპატიტით მაინც დაავადდა, მას ციხიდან გამოსვლის შემდეგ, უკვე მეოთხე სტადიის ციროზი ჰქონდა და ამ დაავადების შედეგად გარდაიცვალა."შემდეგ საერთოდ აღარ მქონდა ჩემს შვილთან კონტაქტი, ძალიან ვნერვიულობდი, დილით მივდიოდი, შუაღამით მოვდიოდი, მაინც ვერავისგან ვერაფერს ვიგებდი და ბოლოს ზარი გაისმა ჩემს ტელეფონზე, მირეკავს სულხან მოლაშვილი და მეუბნება, რომ ქალბატონო ნანა, არ ინერვიულოთ, მე და დათო ვუვლით მას, ნემსებსაც ჩვენ ვუკეთებთო. ვიცი, რაზეც ნერვიულობთ, მაგრამ არ ინერვიულოთ, ჩვენ მათ ამის საშუალებას არ მივცემთ, არ მივაკარებთო და ყველაფერს ისინი უკეთებდნენ. ასე გადარჩა აჩიკო იმ დროს, მაგრამ ბე ჰეპატიტი მაინც შეყარეს მას. დაიღუპა ბე ჰეპატიტის შედეგად, ციხიდან რომ გამოვიდა, უკვე მეოთხე სტადია ციროზი ჰქონდა", - განაცხადა ნანა ქადაგიშვილმა.