ქალმა ინტერნეტით აღმოაჩინა, რომ პაემანი ბავშვის მკვლელთან ჰქონდა

აჭარის უმაღლესი საბჭოს ფრაქცია „ქართული ოცნების“ 2026 წლის 31 მარტის სხდომაზე, რომელსაც ფრაქციის თავმჯდომარის მოადგილე - ლაშა სირაბიძე უძღვებოდა, ავტონომიური რესპუბლიკის უმაღლესი საბჭოს თავმჯდომარის კანდიდატურის შერჩევაზე იმსჯელეს.ფრაქციამ, აღნიშნულ თანამდებობაზე, ერთხმად დაუჭირა მხარი უმაღლეს საბჭოში ქობულეთის დელეგატისა და ადამიანის უფლებათა დაცვის საკითხთა კომიტეტის თავმჯდომარის - ცოტნე ანანიძის კანდიდატურას.სხდომის დაწყებისას, ფრაქციის წევრებმა საკანონმდებლო ორგანოში 10-წლიანი, ნაყოფიერი მოღვაწეობის, ღირსეული ხელმძღვანელობისა და რეგიონისთვის გაწეული ღვაწლისათვის მადლობა გადაუხადეს უმაღლესი საბჭოს ყოფილ თავმჯდომარეს - დავით გაბაიძეს, ხოლო მომავალ ხელმძღვანელს წარმატებები უსურვეს.ცოტნე ანანიძემ თანაგუნდელებს მადლობა გადაუხადა გამოცხადებული ნდობისათვის და აღნიშნა, რომ საკანონმდებლო ორგანოს ხელმძღვანელობა, პირველ რიგში, უდიდესი პასუხისმგებლობაა ხალხის, ქვეყნის, რეგიონისა და თანაგუნდელების წინაშე.ფრაქცია „ქართული ოცნება“ აჭარის ავტონომიური რესპუბლიკის უმაღლესი საბჭოს თავმჯდომარის თანამდებობაზე ცოტნე ანანიძის კანდიდატურას უახლოეს რიგგარეშე პლენარულ სხდომაზე წარადგენს.

დიდი ბრიტანეთისა და ჩრდილოეთ ირლანდიის გაერთიანებულ სამეფოში საქართველოს საგანგებო და სრულუფლებიან ელჩად და საერთაშორისო საზღვაო ორგანიზაციაში საქართველოს მუდმივ წარმომადგენლად ილია დარჩიაშვილი დაინიშნა.ილია დარჩიაშვილი 2022-2024 წლებში იყო საქართველოს საგარეო საქმეთა მინისტრი; 2017-2021 წლებში – პოლონეთის რესპუბლიკაში საქართველოს საგანგებო და სრულუფლებიანი ელჩი.მას ეკავა საქართველოს მთავრობის ადმინისტრაციის უფროსის და რეგიონული განვითარებისა და ინფრასტრუქტურის მინისტრის პირველი მოადგილის თანამდებობები. აგრეთვე, მუშაობდა აღმასრულებელი დირექტორის პოზიციაზე სსიპ „საქართველოს მუნიციპალური განვითარების ფონდში“.ილია დარჩიაშვილს მინიჭებული აქვს საგანგებო და სრულუფლებიანი ელჩის დიპლომატიური რანგი.ინფორმაციას საქართველოს საგარეო საქმეთა სამინისტრო ავრცელებს. 

ეგრეთ წოდებული ალიანსის შეკრებას ვუყურებდი და მათ განცხადებას ვუსმენდი, რომ 26 მაისამდე წავიდნენ რეგიონებში. ნაცვლად იმისა, თბილისში ილაპარაკონ, მართლა როგორი საქართველო უნდათ და რაზე თანხმდებიან, დაახვიეს რეგიონებში. 26 მაისამდე თვითონაც დაისვენეს და „ქოცებიც“ დაასვენეს, – ამის შესახებ „გირჩის“ ლიდერმა, იაგო ხვიჩიამ განაცხადა.მისივე თქმით, აბსურდია ყველაფერი, რასაც ახლა ოპოზიცია აკეთებს.„ზოგადად, ბიძინა ივანიშვილი ჭკვიანი კაცი მგონია და გამოვრიცხავ, არ იცოდეს, ჩერგოს და გვარამიას ალიანსი 2028 წლამდე რომ ვერ მიატანს. შესაბამისად, 2028 წელს თუ აპირებ არჩევნებს, მათ ერთად შეკრებას, დაფინანსებას, კარგად ჩაცმა-დახურვას, გაპიარებას არანაირი შინაარსი არ აქვს, რადგან მანამდე მაინც აფეთქდება ბევრჯერ და ეს ამბავი არ გამოვა. დავუშვათ, გინდა, გეგმა „ბ“ გქონდეს იმ შემთხვევისთვის, როცა ამერიკელებმა, ტრამპმა, ვიღაცებმა მოგთხოვეს ახალი არჩევნების დანიშვნა და გითხრეს, ჩვენთან თუ გინდა სიტუაციის დალაგება, არჩევნები უნდა ჩაატაროო. ამ დროისთვის აორგანიზებ ჯგუფს, ალიანსს, რომელთა ლიდერები არიან ჩერგო, გვარამია და ზუსტად იცი, რომ შანსი არ არის, ამ ხალხისგან რამე გამოვიდეს.ნებისმიერი კოალიცია დაიშლება მას შემდეგ, რაც ეს ხალხი სრულად წარმოაჩენს საკუთარ სახეს კოალიციის შიგნით. რაც არ უნდა ფული ჩაასხა ამაში, დიდი ხანი ვერ იქნება, მაგრამ მოკლევადიან პერსპექტივაში, თუ შემოდგომაზე აპირებ არჩევნებს, გჭირდება ბუა ოპოზიცია. შეიძლება, საერთოდ არ მიიღოს არჩევნებში მონაწილეობა, მაგრამ ბუა ოპოზიციად უნდა იყოს. გჭირდება საკუთარი ჯგუფის მობილიზება, რომელიც პირობითად, მაინც სულ მობილიზებული გაქვს. ასევე გჭირდება სწორი პოზიციის გამართვა ამერიკელებთან, რათა რაღაცნაირად მათთან ურთიერთობა აღდგეს. უკიდურესი აუცილებლობის შემთხვევაში, ამისთვის მათ სთავაზობ – მოდი, დავლაგდეთ ერთმანეთთან და ვატარებ არჩევნებს. ხალხის კიდევ ერთხელ შეცდომაში შეყვანის მიზნით, მანამდე აქეთა მხარეს ყველაფერი გაქვს მომზადებული – ხალხი არ ელოდება არჩევნებს და ასეთი სიტუაციით უცბად ისარგებლო, მიიღო არსებითი უმრავლესობა პარლამენტში, რათა შემდეგ რაც გინდა, ის აკეთო.აქედან გამომდინარე, მინდა, გავაფრთხილო ჩვენი ამომრჩევლები, ხალხი, რომელიც პოლიტიკით არის დაინტერესებული, ყურადღება მიაქციოთ, რომ აბსურდია ეს ყველაფერი, რასაც ახლა ოპოზიცია აკეთებს. ნაცვლად იმისა, ერთმანეთში მოილაპარაკონ, ვის რა უნდა, როგორ უნდა, ამ პერიოდის განმავლობაში ემზადებოდნენ, ლიდერებად ირჩევენ ჩერგოს და გვარამიას, 26 მაისამდე მიდიან რეგიონებში სალაპარაკოდ. 26 მაისს რაღაც მიტინგს ნიშნავენ, რომელსაც დაშლი. მანამდე კიდევ ნებისმიერი პროტესტის ჩახშობას შეუწყობ ხელს, რადგან 26 მაისს გაქვს დანიშნული მიტინგები. ხალხო, მოვემზადოთ არჩევნებისთვის. ჩვენ არ ვიცით, ნამდვილად იქნება თუ –  არა, მაგრამ „ქართული ოცნების“ გეგმა „ბ“ არის, რასაც ვუყურებ. სწორედ ამიტომ დგება ალიანსი, რომელიც დღეს რეგიონებში წავიდა და სწორედ ამიტომ დგება ასეთი შემადგენლობით, რომ არასდროს საფრთხე არ შეუქმნას „ქართული ოცნების“ ერთპიროვნულ მმართველობას“, – განაცხადა იაგო ხვიჩიამ.„ოპოზიციის ალიანსმა“ დღეს განცხადება გააკეთა მობილიზაციის კამპანიასთან დაკავშირებით. „31 მარტს ოპოზიციის ალიანსი ვიწყებთ, ერთობლივ, ეროვნული მობილიზაციის კამპანიას. ეს არის „ოპოზიციის ალიანსის“ ინიციატივა, მაგრამ ეს საქმე არ არის ექსკლუზიურად ჩვენი გასაკეთებელი, ეს არის ყველას გასაკეთებელი საქმე“, – განაცხადეს „ოპოზიციის ალიანსის“ წარმომადგენლებმა.

მაშინაც და დღესაც დამოუკიდებლობის განცდა საგანგებოდ მნიშვნელოვანია, – ამის შესახებ პარლამენტის პირველმა ვიცე-სპიკერმა, გია ვოლსკიმ განაცხადა.მისი თქმით,  დღესაც, ადამიანთა ჯგუფია, ვისთვისაც დამოუკიდებლობა სხვანაირად ითარგმნება.„სამწუხაროდ, დღესაც, ადამიანთა ჯგუფია, ვისთვისაც დამოუკიდებლობა სხვანაირად ითარგმნება – დამოკიდებული უნდა იყო რომელიღაც ძალაზე, რომელსაც რესურსი გააჩნია, პროცესებზე გავლენა იქონიოს. მათთვის მნიშვნელობა არ აქვს, ეს გავლენა საქართველოს წინააღმდეგ იქნება მიმართული თუ სასარგებლოდ. მათი მიზანია, ოღონდ იმ ძალების ქვეშ იყოს, რომელთაც გარკვეული ძალა გააჩნიათ და პროცესების მართვა შეუძლიათ. მიუხედავად იმისა, რომ მცირე ჯგუფია, არ ესმით, რა არის საერთო განცდა, როცა ქვეყნის დამოუკიდებლობა, თვითმყოფადობასა და ისტორიულ მემკვიდრეობაზე მიდის საუბარი“, – განაცხადა გია ვოლსკიმ.

მსგავსი ჩარევა სხვა ადგილობრივი ეკლესიის მხრიდან, რომელიც არ უნდა იყოს, ჩვენთვის წარმოუდგენელია და მიგვაჩნია ეს სრულიად შეუძლებლად, - ასე ეხმაურება „ინტერპრესნიუსთან“ საპატრიარქოს საზოგადოებასთან ურთიერთობის სამსახურის ხელმძღვანელი, დეკანოზი ანდრია ჯაღმაიძე რუსეთის საგარეო დაზვერვის სამსახურის განცხადებას, სადაც აღნიშნულია, რომ მსოფლიო პატრიარქი ბართლომეოსი საქართველოს მართლმადიდებლურ ეკლესიაზე გავლენის გაძლიერებას ცდილობს და პატრიარქის თანამდებობაზე ორ კანდიდატს უჭერს მხარს.ანდრია ჯაღმაიძის თქმით, „უცნობია ამ გავრცელებული ინფორმაციის საფუძველი“.ცნობისთვის, რუსეთის საგარეო დაზვერვის სამსახურის განცხადებით, კონსტანტინოპოლის პატრიარქი ბართლომეოსი „აგრძელებს მართლმადიდებლობაში განხეთქილების მზაკვრული ხაზის შენარჩუნებას და ამჯერად აპირებს ისარგებლოს სრულიად საქართველოს კათოლიკოს-პატრიარქის ილია II-ის გარდაცვალებით და საქართველოს მართლმადიდებლურ ეკლესიაზე თავისი გავლენა გააძლიეროს“.უწყების განცხადებაში აღნიშნულია, რომ მსოფლიო პატრიარქს სურს საქართველოს მართლმადიდებლური ეკლესიის მეთაურის თანამდებობაზე დაწინაურდეს კანდიდატი, რომელსაც დაეყრდნობა.„ფანარიოტს ვაკანტურ თანამდებობაზე საქართველოს მართლმადიდებლური ეკლესიის ისეთი წარმომადგენლის დაწინაურება სურს, რომელზე დაყრდნობასაც შეძლებს. ბართლომეოსი ამ როლისთვის კანდიდატებად განიხილავს დასავლეთ ევროპის მიტროპოლიტ აბრაამს (გარმელია) და ფოთისა და ხობის მიტროპოლიტ გრიგოლს (ბერბიჭაშვილი). ის მათ თავის უახლოეს გარემოცვაში წარმოაჩენს, როგორც მისი ნების ყველაზე შესაფერის შემსრულებლებს“, - აღნიშნულია ინფორმაციაში.