სრულყოფილება- “ყველაფრის მთქმელი კაბა” -მელანიას ჩაცმულობა მოდის სფეროს ექსპერტებმა დადებითად შეაფასეს

დღეს ევროსაბჭოს საპარლამენტო ასამბლეაში ყველაზე დიდი შეშფოთების საგანი არის შესაძლო ქიმიური იარაღის გამოყენების შესახებ ცნობები, რომელიც ივანიშვილის რეჟიმმა გამოიყენა საკუთარი მოსახლეობის წინააღმდეგ, პროევროპული დემონსტრაციების დროს , - ამის შესახებ „ნაციონალური მოძრაობის“ თავმჯდომარემ, თინა ბოკუჩავამ განაცხადა.მისივე თქმით, ისინი აქტიურად მუშაობენ იმისთვის, რომ შესაძლო ქიმიური ნივთიერების გამოყენებასთან დაკავშირებული პირები პასუხისგებაში მიეცნენ.„მაშინ, როდესაც ივანიშვილის რეჟიმის წარმომადგენლები აღარ იმყოფებიან ევროსაბჭოს საპარლამენტო ასამბლეაში, დემოკრატიულ პოლიტიკურ ძალებს გვაქვს შესაძლებლობა, რომ წარმოვადგინოთ ჩვენი ხალხის, ჩვენი ქვეყნის ინტერესები ამ უმნიშვნელოვანეს ასამბლეაში. დღეს ყველაზე დიდი შეშფოთების საგანი აქ, ევროსაბჭოს საპარლამენტო ასამბლეაში, არის შესაძლო ქიმიური იარაღის გამოყენების შესახებ ცნობები, რომელიც ივანიშვილის რეჟიმმა გამოიყენა საკუთარი მოსახლეობის წინააღმდეგ, პროევროპული დემონსტრაციების დროს. ჩვენ, რა თქმა უნდა, აქტიურად ვმუშაობთ ერთობლივი ძალისხმევით ყველა პოლიტიკურ ჯგუფთან, სხვადასხვა ეროვნულ დელეგაციებთან იმისთვის, რომ ყველა საერთაშორისო ინსტრუმენტი იქნას გამოყენებული და პასუხისგებაში იქნან მიცემული ის ადამიანები, ვინც გასცეს ბრძანება, ვინც შეასრულეს და ნებისმიერი ფორმით მონაწილეობა მიიღეს ამ უმძიმეს დანაშაულში. საკუთარი ხალხის წინააღმდეგ ქიმიური იარაღის გამოყენება ომის დანაშაულად ითვლება საერთაშორისო სამართალში“, - განაცხადა თინა ბოკუჩავამ.ცნობისთვის, ევროპის საბჭოს საპარლამენტო ასამბლეის დეპუტატებმა, საქართველოს ოპოზიციური პარტიების წარმომადგენლებთან ერთად, საქართველოში აქციების დასაშლელად აკრძალული ქიმიური ნივთიერების სავარაუდო გამოყენებასთან დაკავშირებით ბრიფინგი გამართეს. ისინი აღნიშნულ თემაზე საერთაშორისო გამოძიების ჩატარებას ითხოვენ და აცხადებენ, რომ ქართველი ხალხის გვერდით დგანან თავისუფლებისთვის ბრძოლაში.

ჩავხედე ვაშინგტონის ამინდის პროგნოზს და მზიანი, უნალექო ამინდია და როგორც ჩანს ვაშინგტონში ალაგ-ალაგ ქარი ქრის და შეიძლება იმ ალაგზე ცუდი ამინდია, - ასე ეხმაურება საქართველოს პარლამენტის თავმჯდომარე შალვა პაპუაშვილი, აშშ-ის ჰელსინკის კომისიის მიერ საქართველოში არსებული ვითარების შესახებ დაგეგმილი ბრიფინგის გადადებას, რომლის მიზეზადაც უამინდობა დასახელდა.შალვა პაპუაშვილის თქმით, ჰელსინკის კომისია საკუთარი თავის დისკრედიტაციას ეწევა, როდესაც მოწმედ იწვევს პრეზიდენტ ტრამპის მტერს - ლორა თორნტონს.„ვერ გეტყვით ან სხდომის მოწვევა რა იყო ან მისი გადადება რა იყო. თუმცა ერთი რამე კი თვალში საცემი იყო, როდესაც პრეზიდენტ ტრამპის მტერს ლორა თორნტონს, რომელიც მას სექსუალურ მოძალადედ მოიხსენიებს ჩვენების მისაცემად იწვევ, პირველ რიგში საკუთარი თავის დისკრედიტაციას აკეთებს ჰელსინკის კომისია. როდესაც პრეზიდენტ ტრამპის მტერს, ჰელსინკის კომისიის ის წევრები, რომლებიც „რესპუბლიკური პარტიას“ მიეკუთვნებიან იწვევენ მოწმედ ეს უკვე მეტყველებს, რომ ვერ ერკვევიან საკითხებში ვისთან აქვთ საქმე და თუ ასეთ ხალხს ეყრდნობიან თავისი აზრის ჩამოსაყალიბებლად, კარგად ყოფილა მათი საქმე“, - განაცხადა შალვა პაპუაშვილმა.

მაია სანდუ რატომღაც ფიქრობს, რომ აქვს რაიმე მორალური, პოლიტიკური, იდეოლოგიური უპირატესობა, რომ ქართველ ხალხს ამ ტონით ესაუბროს, – ამის შესახებ პარლამენტის თავმჯდომარემ, შალვა პაპუაშვილმა განაცხადა.მისივე თქმით, მოლდოვის პრეზიდენტის მხრიდან ანტიქართული რიტორიკის მოსმენა აღმაშფოთებელია.„უპირველეს ყოვლისა, შეგახსენებთ, რომ მაია სანდუ არის ის ადამიანი, რომელმაც ოთხ ოქტომბერს ხელისუფლების დამხობის პროცესს დაუჭირა მხარი. მაშინ, როდესაც პრეზიდენტის სასახლეზე მიდიოდა ძალადობრივი შტურმი, ზუსტად იმ წუთებში, მან საჯარო განცხადებით მხარი დაუჭირა ხელისუფლების დამხობაში მონაწილე ჯგუფს. ეს უკვე თავისთავად აჩვენებს თუ რა ღირებულებით საწყისებზე დგას ეს ადამიანი.დიდი ეჭვია, რომ მაია სანდუ ამას აკეთებს სხვების კარნახით. წელიწადში ერთხელ გავახსენდებით და რატომღაც ფიქრობს, რომ აქვს რაიმე მორალური, პოლიტიკური, იდეოლოგიური უპირატესობა, რომ ქართველ ხალხს ამ ტონით ესაუბროს. როდესაც ვისმენთ ამგვარ ანტიქართულ რიტორიკას მოლდოვის პრეზიდენტის მხრიდან, ეს არის სრულიად აღმაშფოთებელი და მნიშვნელოვანია, რომ ამაზე იყოს რეაქცია. ალბათ, თავის დროზეც უნდა გვქონოდა მკაფიო რეაქცია, გარდა განცხადებებისა, როდესაც მოლდოვის პრეზიდენტმა ღიად მხარი დაუჭირა ხელისუფლების დამხობაში მონაწილე ჯგუფებს.მაია სანდუ არის ადამიანი, რომელიც მხარს უჭერს საკუთარი სახელმწიფოს გაუქმებას. ამიტომ, არ მგონია, რომ რამე სალაპარაკო გვქონდეს სახელმწიფოებრივ ღირებულებებზე. შეგახსენებთ მოტივაციას, მისი დასაბუთება იყო, რომ მოლდოვა არის პატარა სახელმწიფო, პატარა სახელმწიფო ვერ გადარჩება და ამიტომ უნდა შეუერთდეს დიდ სახელმწიფოს, და არა ის, რომ მოლდოველ და რუმინელ ხალხს რაიმე კულტურული ან ეროვნული კავშირი აქვთ.  როდესაც სახელმწიფოს მეთაური ამბობს, იმდენად მცირედ მიაჩნია თავისი ქვეყანა, რომ გადარჩენისთვის უნდა გაუქმდეს, ფაქტია, რომ ღირებულებების მხრივ, სხვადასხვა ორბიტაზე ვართ“, – განაცხადა პაპუაშვილმა.ცნობისთვის, მოლდოვის პრეზიდენტმა, მაია სანდუმ ევროპის საბჭოს საპარლამენტო ასამბლეაში სიტყვით გამოსვლისას განაცხადა, რომ რუსეთმა საქართველო თავის ორბიტაზე დააბრუნა. „რუსეთმა საქართველო თავის ორბიტაზე დააბრუნა ომის შიშის იარაღად გამოყენებით და იმ გზავნილებით, რომ არჩევნებზე არასწორი არჩევანი მშვიდობის ფასად დაუჯდებოდათ“, – განაცხადა სანდუმ.

უნგრეთის პრემიერ-მინისტრი ვიქტორ ორბანი აცხადებს, რომ უკრაინის ხელმძღვანელობამ ხაზი გადაკვეთა და ბუდაპეშტი ახლა მათი თავდასხმის სამიზნეა.მისივე თქმით, მუქარის მიუხედავად, უნგრეთის ხელისუფლება ქვეყნის ინტერესების დაცვას გააგრძელებს.„უკრაინის ხელმძღვანელობამ ხაზი გადაკვეთა. ჩვენ კონფლიქტს არ ვეძებთ, თუმცა უკვე რამდენიმე დღეა, უნგრეთი სამიზნეშია. მიუხედავად ამისა, არც პრეზიდენტის, არც საგარეო საქმეთა მინისტრის და არც ექსტრემისტული სამხედრო დაჯგუფებების მუქარა არ შეგვიშლის ხელს უნგრელების ინტერესების დაცვაში.ჩვენ ფულს არ გავუგზავნით უკრაინას. უნგრული ფული უნგრულ ოჯახებთან უკეთესია, ვიდრე უკრაინელი ოლიგარქის აბაზანაში; ჩვენ არ დავუშვებთ რუსული ნავთობისა და გაზის იმპორტის აკრძალვას, ამის გარეშე ვერ მოხდება კომუნალური გადასახადების შემცირება და უნგრული ოჯახებისთვის ენერგიის ხელმისაწვდომობა; ჩვენ არ დავუშვებთ, რომ უკრაინა ორ წელიწადში ევროკავშირის კანონმდებლობის დარღვევით ევროკავშირში შევიდეს – ეს ომის იმპორტირებასაც ნიშნავს. ვიდრე უნგრეთს პატრიოტული მთავრობა ჰყავს, ამ საკითხებზე გადაწყვეტილებები არც კიევში და არც ბრიუსელში არ მიიღება. ეს უკრაინაშიც კარგად ესმით. სწორედ ამიტომ სურთ მათ ბუდაპეშტში ახალი, პროუკრაინული მთავრობა და მუქარა არასდროს წყდება. უნგრეთის მომავალს უნგრელები გადაწყვეტენ“, – წერს ორბანი.ცნობისთვის, უნგრეთი უკრაინას საარჩევნო პროცესებში ჩარევაში სდებს ბრალს. 27 იანვარს ცნობილი გახდა, რომ უკრაინის ელჩი უნგრეთის საგარეო საქმეთა სამინისტროში დაიბარეს.„ჩვენ არ შევეგუებით უნგრეთის არჩევნებში რაიმე ჩარევას, მათ შორის უკრაინის მცდელობებს, გავლენა მოახდინოს შედეგებზე“, – განაცხადა უნგრეთის საგარეო საქმეთა მინისტრმა პიტერ სიიარტომ.უნგრეთში საპარლამენტო არჩევნები 12 აპრილს გაიმართება.

ინდოეთის ჯანდაცვის სამინისტრომ რამდენიმე საათის წინ გამოაქვეყნა ინფორმაცია, რომ მხოლოდ 2 პაციენტთან დადასტურდა ამ ვირუსის არსებობა. ამ 2 პაციენტთან კონტაქტი 196 ადამიანი იყო, ძირითადად გამოვლინდა მკურნალ პერსონალში და არცერთ მათგანთან არ დაფიქსირდა ეს ვირუსი. ვირუსის გადაცემის გზა მარტივი არ არის,- ამის შესახებ ივანე ჩხაიძემ პრესკონფერენციაზე განაცხადა.მისი თქმით, არ ყოფილა არცერთი შემთხვევა, რომ ეს ვირუსი გასცილდეს იმ 5 ქვეყნის ფარგლებს, სადაც ის ფიქსირდება. ეს არის: ბანგლადეში, ინდოეთი, ჰონგ-კონგი, მალაიზია და ფილიპინები.რაც შეეხება სიმპტომებს, იწყება როგორც ჩვეულებრივი გრიპი, მაგრამ შემდეგ წინა პლანზე გამოდის თავის ტვინის დაზიანება. ეს გარდაცვალების შემთხვევები განპირობებულია თავის ტვინის ანთებასთან, ტვინის შეშუპებასა და კომასთან. ეს ყველაფერი სწრაფად მიმდინარეობს, ინფიცირებიდან 2-3 დღეში შესაძლოა მოკვდეს ადამიანი. ამ ვირუსის საწინააღმდეგო ეფექტური საშუალება არ არსებობს. ჯანმო-ს ეს ვირუსი შეყვანილი ჰყავს შესაძლო პანდემიის გამომწვევი ვირუსების კატეგორიაში. ინტენსიური კვლევები მიმდინარეობს ვაქცინების შესაქმნელად. მედიკამენტების მხრივ ჯერ პერსპექტივა არ გვაქვს“, - აღნიშნავს ივანე ჩხაიძე.როგორც ივანე ჩხაიძე აღნიშნავს, არანაირი საჭიროება, რომ საქართველომ ან სხვა ქვეყანამ განსაკუთრებული კონტროლი გაუწიოს ინდოეთიდან მომავალ მგზავრებს, არ არსებობს.„ჯერ არ არსებობს არცერთი ქვეყანა, ინდოეთის მეზობელიც კი, რომელმაც სახელმწიფოს დონეზე მიიღო გადაწყვეტილება ტურისტული ნაკადის შეზღუდვაზე ან თვითმფრინავში მგზავრების განსაკუთრებულ შემოწმებაზე.