ორშაბათი, თებერვალი 17, 2025

სიყვარულის ფსიქოლოგია კაცები და აქლები

ურთიერთობის ფსიქოლოგია მამაკაცსა და ქალს შორის, ეს ის ამოუცნობი ფენომენია რომლის ახსნაც პრაქტიკულად შეუძლებელია. მას არ ასწავლიან სკოლაში და უნივერსიტეტში, არ ატარებენ სპეციალურად მის შემსწავლელ ტრენინგებს. მხოლოდ ცხოვრება და გამოცდილება გვაწვდის მის შესახებ ინფორმაციას, თუ როგორ უნდა მოვიქცეთ, ან როგორ უნდა მოვქცეულიყავით. დაგროვილი გამოცდილების საფუძველზე, შეგვიძლია ავხსნათ ურთიერთობის ფსიქოლოგიის არსი და ახალი ურთიერთობის დაწყებისას შევეცადოთ გავსაზღვროთ ის რისკ ფაქტორები, რაც წინა შემთხვევაში არ გავითვალისწინეთ. მომავალში ძალიან ბევრ სტატიას შემოგთავაზებთ, რომელიც შეეხება ურთიერთობის ფსიქოლოგიის კონკრეტულ ასპექტებს, “რა არის კარგი და ჯანსაღი ურთიერთობისთვის აუცილებელი?”, “რამ შეიძლება გამოიწვიოს დაშორება?”, “ზოგადი განმარტებით რატომ არის ყველა გოგო სულელი და ბიჭი ღორი?”, “როგორ მივიპყროთ მამაკაცის/ქალის ყურადღება?!” და სხვ. თუმცა კონკრეტულ საწყის პოზიციაზე, შევეცდები განგიმარტოთ თუ რას წარმოადგენს თავად ქალი და მამაკაცი და რა არის მათი ძირითადი მოთხოვნილებები და განმასხვავებელი ნიშნები ურთიერთობებში.   მამაკაცი ეს არის ძლიერი სქესის წარმომადგენელი, რომელიც ურთიერთობაში ცდილობს იყოს მაქსიმალურად დომინანტი. ქართულ რეალობაში ამ საკითხს აუცილებელი დატვირთვაც კი აქვს. თავისუფლება ძალიან მნიშვნელოვანია ყველას ცხოვრებაში, როდესაც ძლიერი სქესი თანხმდება თქვას მასზე უარი, გამოდი მას აქვს ურთიერთობისგან გარკვეული მოლოდინებიც. ძალიან ბევრი ფსიქოლოგი გვთავაზობს რამდენიმე ძირითად კომპონენტს, მაშ ასე რა სურთ კაცებს?

იგრძნონ თავი ძლიერებად – ისინი მამაკაცები არიან, შესაბამისად აუცილებელია მათი ძალაუფლების აღიარება. მამაკაცმა უნდა იგრძნოს რომ მას ეკუთვნის ბოლო სიტყვა. შეიძლება ფემინისტი იყოთ და სულ არ თანხმდებოდეთ ამას, მაგრამ ეს არ დაანახოთ! ამას ყოველთვის უკურეაქცია მოსდევს, თუმცა გააჩნია შემთხვევასაც, ყველა ინდივიდუალურია.

სითამამე – ურთიერთობაში მათთვის აუცილებელია იგრძნონ თავი თავისუფლად და თამამად. ნუ შეეცდებით მათ ჩარჩოებში მოქცევას, თქვენ ეს მაინც არ გამოგივათ და ამავდროულად ძალიან დაძაბავთ ურთიერთობას.

საკუთარ თავში დარწმუნებული – თქვენთან ურთიერთობისას მამაკაცი აუცილებლად უნდა იყოს საკუთარ თავში დარწმუნებული. ის ძლიერია, თამამია, შესაბამისად მას აქვს თავდაჯერებულობის მაღალი კოეფიციენტიც. აგრძნობინეთ რომ ის მართავს, თუმცა არ უთხრათ რომ თქვენ ხართ კისერი და თქვენ აძლევთ ამის მიმართულებას.

მას სჭირდება ქალი, რომელიც იქნება კარგი მეგობარი, საყვარელი, მოსაუბრე…მოკლედ რომ ვთქვათ მრავალფეროვანია არსება – ურთიერთობის ფსიქოლოგია დაფუძნებულია პირველ რიგში ერთმანეთის გაგებაზე, საერთო ინტერესების გაზიარებაზე. ვინაიდან მამაკაცი მონადირული ინსტიქტებით ხასიათდება, მისთვის ძალიან მნიშვნელოვანია არ იყოთ ბოლომდე ამოხსნილი ამოცანა, აუცილებლია შეინარჩუნოთ მრავალფეროვნების გარკვეული ხარისხი!

ის გრძნობს პასუხისმგებლობას თქვენს მიმართ – ნამდვილი მამაკაცი აცნობიერებს ურთიერთობის მნიშვნელობას და პასუხისმგებლობას. მისთვის ხართ სუსტი არსება, რომელზეც უნდა იზრუნოს. შესაბამისად მიეცით სივრცე ამისათვის, მათ თუ სურთ ყველაფერს გააკეთებენ თქვენთვის.

რაც შეეხებათ ქალებს, ქალები ძალიან ნაზი და სუსტი არსებები არიან. თუ მამაკაცის შემთხვევაში ეს უფრო ინსტიქტებში და სითამამეში გამოიხატება, ქალების შემთხვევაში აქ მთავარ როლს ემოცია განსაზღვრავს. რა სურთ ქალებს? ეს ის კითხვაა რომელზე პასუხის გაცემასაც ძალიან ბევრი შეეცადა, თუმცა

იგრძნონ თავი საჭიროდ – ქალისათვის აუცილებელია იგრძნოს თავი საჭიროდ მამაკაცის ცხოვრებაში. ის ძალიან ემოციურია, ეს ემოციები კი სიყვარულზე, საჭიროების განცდაზე და მისი როლის მნიშვნელობაზე გადის. მამაკაცებო! აგრძნობინეთ რომ ის თქვენთვის ერთადერთია, რომ მის გარეშე ძალიან გაგიჭირდებოდათ და ის ძალიან საჭიროა თქვენი ცხოვრებისათვის!

იგრძნონ თავი დაცულად – ”როგორი ძლიერიც უნდა იყოს ქალი, ის თავისზე ძლიერ მამაკაცს ეძებს. და არა იმისთვის, რომ მან ქალს თავისუფლება შეუზღუდოს, არამედ იმიტომ, რომ მან მისცეს ქალს უფლება – იყოს სუსტი…” – ერიხ მარია რემარკი. ქალს სჭირდება იმის განცდა, რომ ის დაცულია, რომ მის გვერდით არიან და მასზე ზრუნავენ. ის პატარა ბავშვივითაა, რომელიც მფარველს ეძებს. მიეცით მას დაცულობის შეგრძნება.

ბედნიერება – მამაკაცების გონიათ, რომ ქალის ბედნიერება ამოუცნობი ფენომენია და იმდენად რთული, რომ მისი ახსნა შეუძებელია. სინამდვილეში კი ყველაფერი ძალიან დიდ სიმარტივეშია. ქალისათვის მთავარია უყვარდეთ და ზრუნავდნენ მის ღიმილზე, ბედნიერენაზე, სწორეს ეს არის მათი ბედნიერება! არ დაგავიწდეთ! აუცილებელია ყურადღება და მზრუნველობა.

ქეთევან ნინუაhttp://tiflisnews.ge
საინფორმაციო სააგენტო tiflisnews.ge კონტაქტი- ☎️ 557 13 16 73

მას შემდეგ, რაც მსოფლიოში შეიცვალა სიტუაცია, ვიგრძენით, რომ უკვე არის სიტუაცია, საქართველოშიც ვეძიოთ სამართალი. აი, ეს იყო მთავარი მთავარი მიზეზი, რის გამოც ჩვენ შევიტანეთ...

„ერთიანი ნეიტრალური საქართველოს“ წევრმა ნანა კაკაბაძემ გადაცემა „იმედის კვირაში“, „ერთიანი ნეიტრალური საქართველოს“ განცხადების საფუძველზე დაწყებულ გამოძიებაზე ისაუბრა და განიხილა რა იყო მთავარი მიზანი პროკურატურაში ამ სარჩელის შეტანის. „მას შემდეგ, რაც მსოფლიოში შეიცვალა სიტუაცია, განსაკუთრებით ამერიკის შეერთებულ შტატებში მოვიდა ახალი პრეზიდენტი, რომელმაც თვითონვე აღიარა და თქვა ის, რომ ამერიკის შეერთებული შტატების სახელმწიფო ფონდები, როგორიც არის USAID -ი, NED-ი და EED - ი, აფინანსებდნენ სხვა ქვეყნებში ხელისუფლებების გადატრიალებებს და იღებდნენ მონაწილეობას დანაშაულებრივ ქმედებებში, ვიგრძენით, რომ უკვე არის იმის სიტუაცია, საქართველოშიც ვეძიოთ სამართალი. აი, ეს იყო მთავარი მიზეზი, რის გამოც ჩვენ შევიტანეთ ეს სარჩელი პროკურატურაში. ოპოზიციური ძალები ფაქტობრივად იყენებდნენ ამ არასამთავრობო ორგანიზაციებს, როგორც თავიანთ ყულაბას. თქვენ იცით, რომ კანონით აკრძალულია ქვეყნის შიგნით პოლიტიკის დაფინანსება გარე ძალების მიერ, ამიტომ ისინი ამ არასამთავრობო ორგანიზაციებს იყენებდნენ, როგორც თავის ყულაბას და ამ ორგანიზაციის დაფინანსების ხარჯზე ხდებოდა ასეთი მიტინგების ორგანიზება. ასევე, მაგალითად პოლიტიკურმა პარტია „დროამ“ შექმნა ზუსტად იმავე სახელწოდების არასამთავრობო ორგანიზაცია „დროა“, რომელიც ქვეყნის გარედან იღებდა დაფინანსებას და ამ დაფინანსებას ის ახმარდა პირდაპირ რევოლუციურ სცენარებს, ანუ ქვეყნის ხელისუფლების გადატრიალების სცენარს. მთავარი არის, რომ ჩვენ მტკიცებულებებზე ვისაუბროთ. როდესაც არასამთავრობო ორგანიზაცია „დროას“ შენობაში ჩატარდა ჩხრეკა, იქიდან ამოიღეს ის პიროტექნიკა, რომელიც გამოყენებული იყო მიტინგებზე და მანიფესტაციებზე პოლიციელების წინააღმდეგ ცეცხლის გაჩენის მიზნით, პარლამენტის შენობის ოთახების გადაწვის მიზნით. თქვენ იცით რომ 47-მდე ოთახი დამწვარია პარლამენტის შენობაში“, - განაცხადა ნანა კაკბაძემ.

ცნობილი ქართველი ტიკ ტოკერის ოჯახს თავს დაესხნენ

ტიკტოკში ცნობილ მრავალშვილიან წყვილს მარიამ მამარდაშვილსა და გიორგი შუკაკიძეს უცნობი პირები სახლთან მიუცვივდნენ და საცხოვრებელს ქვები დაუშინეს, ამის შესახებ ცოლ-ქმარი სოციალურ ქსელში ვიდეოს აქვეყნებს. „ხუთბავშვიან ოჯახს წუხელ, ღამის ორის ნახევარზე, თავს დაგვესხნენ. სახლს ქვები ესროლეს და დააზიანეს გარე ფასადი. ჩემს მოსაკლავად იყვნენ მოსული —სამი ბიჭი. გადამეკიდნენ, რადგან დიდი აუდიტორია მყავს და ხალხი გვეხმარება,“ - ამბობს შუკაკიძე. ვრცლად ↓

ანა დოლიძე – ქვეყანა მიშვებულია, ავტოპილოტზეა

საზარელი ტრაგედია ბათუმში და ენით აღუწერელი უსამართლობა - ბიძინას კისერზეა რაც ხდება ეს, - ამის შესახებ „ძლიერი საქართველოს“ ერთ-ერთი ლიდერი, ანა დოლიძე სოციალურ ქსელში წერს, რითაც ბათუმში მომხდარ ტრაგედიას ეხმაურება. მისი თქმით, „ქვეყანა იმართება მხოლოდ ერთ საკითხში: ოლიგარქატის გადარჩენა“. "საზარელი ტრაგედია ბათუმში და ენით აღუწერელი უსამართლობა. რა სიტყვებით უნდა ანუგეშო ადამიანმა ოჯახები ამ დროს. ბიძინას კისერზეა რაც ხდება ეს. ბიძინას სისტემა აკეთებს ამას. კორუფცია და სიხარბე, რომ არაფერი საჯარო უსაფრთხოებაზე არ მუშაობს, 10-15 ოჯახის კუჭის უსაფრთხოების გარდა. ქვეყანა იმართება მხოლოდ ერთ საკითხში: ოლიგარქატის გადარჩენა. დანარჩენი ავტოპილოტზეა. ამას ეწირება ყველაფერი, ბავშვებიც" , - წერს ანა დოლიძე.  

დიმიტრი ხვთისიაშვილი: რა სიგიჟეა ასეთი მოსაწვევის დაბეჭდვა?ხვალ შენი დაბადების დღეა და შენს თეატრში ალბომს წარვადგენ, შენს 55 წლიან ცხოვრებაზე..პირველი დაბადების დღეა უშენოდ, ბერიკ, ჩემო...

„ხვალ შენი დაბადების დღეა და შენს თეატრში ალბომს წარვადგენ, შენს 55 წლიან ცხოვრებაზე..პირველი დაბადების დღეა უშენოდ, ბერიკ, ჩემო ძმაო! რა სიგიჟეა ასეთი მოსაწვევის დაბეჭდვა? რას გვერჩოდი? რატომ დაგვაბერე ასე უცებ?“-წერს დიმიტრი ხვთისიაშვილი.

მარკო რუბიო – მომდევნო რამდენიმე კვირა და დღე განსაზღვრავს, არის თუ არა პუტინი სერიოზულად განწყობილი მშვიდობის მიმართ

მომდევნო რამდენიმე კვირა და დღე განსაზღვრავს, არის თუ არა პუტინი სერიოზულად განწყობილი მშვიდობის მიმართ, – ამის შესახებ აშშ-ის სახელმწიფო მდივანმა, მარკო რუბიომ „სიბიეს ნიუსთან“ განაცხადა. რუბიოს თქმით, პუტინმა გამოხატა მშვიდობისადმი ინტერესი ტრამპთან საუბრისას. ჟურნალისტის კითხვაზე, სჯერა თუ არა, რომ პუტინი მზადაა მოლაპარაკებისთვის და ბრძოლის დასასრულებლად, რუბიომ განაცხადა, რომ ზარს უნდა მოჰყვეს ქმედება. „ერთი სატელეფონო ზარი ვერ გადაწყვეტს ისეთ კომპლექსურ ომს, როგორიც ესაა, მაგრამ შემიძლია, გითხრათ, რომ დონალდ ტრამპი არის მსოფლიოში ერთადერთი ლიდერი, რომელსაც პოტენციურად შეუძლია ამ პროცესის დაწყება“, – აღნიშნა სახელმწიფო მდივანმა. რაც შეეხება უკრაინის პრეზიდენტთან შეხვედრას, რუბიომ განაცხადა, რომ ნახავენ, რა მოხდება მომდევნო რამდენიმე დღეში. „მშვიდობისკენ მიმავალი პროცესი არ არის ერთი შეხვედრის საქმე. ეს ომი უკვე დიდი ხანია, გრძელდება. ეს რთულია, კომპლექსურია, ომი სისხლიანი იყო, ძვირი დაჯდა. ასე რომ, არ იქნება ადვილი ასეთი კონფლიქტის დასრულება და არიან სხვა მხარეებიც, რომლებსაც აქვთ თავიანთი მოსაზრებები ამის შესახებ“, – ამბობს ამერიკის სახელმწიფო მდივანი.

ბოლო სიახლეები