რა უნდა ჭამონ ბავშვებმა საუზმეზე

ირანის პრეზიდენტი მასუდ ფეზეშქიანი აცხადებს, რომ აშშ-ისა და ირანის მოლაპარაკებების საფუძველი ვალდებულებების შესრულება უნდა იყოს.„აზრიანი დიალოგის საფუძველია ვალდებულებების შესრულება. ირანში აშშ-ის მთავრობის მიმართ ღრმა ისტორიული უნდობლობა კვლავ არსებობს, ხოლო ამერიკელი მაღალჩინოსნების არაკონსტრუქციული და წინააღმდეგობრივი სიგნალები მწარე გზავნილს შეიცავს – ისინი ირანის კაპიტულაციას ითხოვენ. ირანელები ძალას არ დაემორჩილებიან“, – განაცხადა ფეზეშქიანმა.ცნობისთვის, ირანში უარს აცხადებენ შეერთებულ შტატებთან მოლაპარაკებების მეორე რაუნდში მონაწილეობაზე, რომლის დაწყებასაც აშშ ლიბანთან ცეცხლის შეწყვეტის ათდღიანი ვადის გასვლამდე იმედოვნებდა.

ისრაელს ირანში საქმე არ დაუსრულებია, - ამის შესახებ ისრაელის პრემიერ-მინისტრმა, ბენიამინ ნეთანიაჰუმ განაცხადა. ბენიამინ ნეთანიაჰუს განცხადებით, ისრაელი და აშშ მთელ დასავლურ ცივილიზაციას იცავენ. „მსოფლიოს ისრაელის მტკიცე ნების ესმის, რომ მან საკუთარი თავი და კაცობრიობა ბარბაროსული ფანატიზმისგან დაიცვას“, - განაცხადა ბენიამინ ნეთანიაჰუმ. ამასთან, აშშ-ის პრეზიდენტმა, დონალდ ტრამპმა სოციალურ ქსელში დაწერა, რომ ის ირანის წინააღმდეგ ომში ისრაელს არ ჩაუთრევია. „მთელი ცხოვრების განმავლობაში არსებული ჩემი მოსაზრება, რომ ირანმა ბირთვული იარაღი არასდროს უნდა მოიპოვოს, 7 ოქტომბრის შედეგებმა გაამყარა. ირანში შედეგები საოცარი იქნება. თუ ირანის ახალი ლიდერები (რეჟიმის ცვლილება!) გონიერები არიან, მაშინ ირანს შესანიშნავი და აყვავებული მომავალი ექნება“, - დაწერა ტრამპმა Truth Social-ზე. ასევე, ტრამპმა Bloomberg-ს განუცხადა, რომ თუ ირანთან შეთანხმების მიღწევა არ მოხდება, მაშინ „ნაკლებად სავარაუდოა“, რომ ცეცხლის შეწყვეტის ვადას გაახანგრძლივებს. „ვაშინგტონის დროით ოთხშაბათს საღამოს იწურება, მაგრამ ნაკლებად სავარაუდოა, რომ გავახანგრძლივებ“, - აღნიშნა ტრამპმა.

საფრანგეთის პრეზიდენტი ემანუელ მაკრონი, ჰორმუზის სრუტეში არსებული ვითარების ფონზე, აშშ-სა და ირანს დეესკალაციისკენ მოუწოდებს.პოლონეთის პრემიერ-მინისტრ დონალდ ტუსკთან ერთად გამართულ პრესკონფერენციაზე მაკრონმა განაცხადა, რომ ირანმა სრუტის გახსნაზე თავდაპირველი პოზიცია შეიცვალა, სავარაუდოდ აშშ-ის გადაწყვეტილების გამო, რომელმაც ირანის მიმართ ბლოკადა შეინარჩუნა.„მიმაჩნია, რომ ეს შეცდომაა ორივე მხრისგან. ეს ყველაფერი არ უნდა გადაიზარდოს ესკალაციაში. პირიქით, უნდა დამტკიცდეს ის, რასაც პარასკევს მხარეებმა მიაღწიეს: ჰორმუზის სრუტის უპირობო გახსნა“, – აღნიშნა ემანუელ მაკრონმა.საფრანგეთის პრეზიდენტის თქმით, აუცილებელია კონფლიქტის დიპლომატიური გზით მოგვარება.„ჩვენი პოზიცია უცვლელია, პრობლემები დიპლომატიით უნდა გადაიჭრას. უნდა დავუბრუნდეთ გასულ კვირას მიღებულ გადაწყვეტილებებს: შევინარჩუნოთ ცეცხლის შეწყვეტა, მათ შორის ლიბანში, რაც შეიძლება დიდხანს და ბირთვულ საკითხზე, ბალისტიკური რაკეტებზე, ჰორმუზსა და სხვა საკითხებზე მოლაპარაკებების გზით მივაღწიოთ გრძელვადიანი სამშვიდობო გადაწყვეტას“, – განმარტა მაკრონმა.

რა არის კონკრეტული გეგმა შუა დერეფნის გამართული ფუნქციონირების უზრუნველსაყოფად, როდის ესაუბრეთ ბოლოს ქართულ მხარეს, ვიცი, კომისიამ ქართული მთავრობისადმი გარკვეული გადაწყვეტილება მიიღო, მაგრამ გეოგრაფიას ვერ შევცვლით, – ამის შესახებ ევროპარლამენტარმა, კრისტიან ტერესმა ევროპარლამენტის საგარეო საქმეთა კომიტეტის რიგგარეშე სხდომაზე განაცხადა, სადაც გაფართოების საკითხებში ევროკომისარ მარტა კოსს უსმენდნენ.„მინდა, პირდაპირ გკითხოთ სამხრეთ კავკასიის, კონკრეტულად კი საქართველოს მდგომარეობაზე. ახლა ორი რუკა მაქვს — ერთი ცენტრალური აზიისა და სამხრეთ კავკასიის, მეორე კი იმ მარშრუტებისა, რომლებიც ევროპას აზიასთან აკავშირებს. ერთი მარშრუტი რუსეთზე გადის, მეორე ე.წ. შუა დერეფანია, მესამე კი სამხრეთის დერეფანი – ინდოეთის ოკეანის გავლით. სამხრეთის მარშრუტს ამჟამად პრობლემა აქვს – ჰორმუზის სრუტე. ჩრდილოეთის, ანუ რუსეთის მარშრუტს კომისია იმედია, არ გამოიყენებს. შესაბამისად, ერთადერთი სცენარი შუა დერეფანია. გეოგრაფიას ვერ შევცვლით, ეს დერეფანი აზერბაიჯანსა და საქართველოზე გადის. ასევე, მიმდინარეობს დისკუსია სომხეთის ჩართვის შესახებ, ეს კარგი პროექტია, თუმცა ამ ინიციატივის დამსახურება ახლა ტრამპს მიეწერება, ვინაიდან ევროკავშირმა ვერ შეძლო მისი განხორციელება. ჩემი კითხვაა – რა არის თქვენი კონკრეტული გეგმა ამ დერეფნის გამართული ფუნქციონირების უზრუნველსაყოფად? როდის ესაუბრეთ ბოლოს ქართულ მხარეს? ვიცი, კომისიამ ქართული მთავრობისადმი გარკვეული გადაწყვეტილება მიიღო, მაგრამ გეოგრაფიას ვერ შევცვლით. რამდენიმე კვირის წინ სახელმწიფო დეპარტამენტის წარმომადგენელი ეწვია საქართველოს, შემდეგ კი მდივანმა რუბიომ პირდაპირ დაურეკა პრემიერ-მინისტრს. თუ ისინი ამას აკეთებენ, ჩვენ რატომ ვერ ვაკეთებთ? გვჭირდება საქართველო, გვჭირდება სომხეთი, გვჭირდება აზერბაიჯანი. რა არის თქვენი გეგმა მათი შენარჩუნებისთვის?“, – მიმართა ევროპარლამენტარმა კრისტიან ტერესმა მარტა კოსს.თავის მხრივ, ევროკომისარმა პასუხად განაცხადა, რომ დაკავშირებადობის დღის წესრიგზე საუბარი საქართველოს გარეშე შეუძლებელია. „ღია ვიქნებით საქართველოს ჩასართავად, თუ საქართველო თავადაც გამოავლენს მზაობას, ჩაერთოს სხვა სფეროებშიც“, – აღნიშნა კოსმა.

რამდენიმე თვეში 60 წელს გადაცილებული ადამიანების ზოგი საბანკო გადარიცხვა გარკვეული დროით შეიზღუდება. ახალი წესი ეროვნულმა ბანკმა 14 აპრილს მიიღო.საბარათე ოპერაციებზე ცვლილება 2026 წლის 1 სექტემბრიდან ამოქმედდება, სხვა ელექტრონული გადახდის ოპერაციების შემთხვევაში კი 2027 წლის 1 მაისიდან.რა იცვლება კონკრეტულად?ბანკები დროებით შეაჩერებენ იმ საბანკო გადარიცხვებს, რომლებიც შეეხება სავარაუდო მაღალი რისკის (თაღლითურ) ოპერაციებს.რისკიანად ჩაითვლება ოპერაცია, რომლითაც გათვალისწინებულია 500 ლარზე მეტი თანხის გაცემა:ან ონლაინ სავაჭრო (ე.წ. „ფორექსის“) პლატფორმაზე; ან საინვესტიციო მიზნით; ან სათამაშო ბიზნესში; ან ვირტუალურ აქტივებთან; ან გამოიხატება „უჩვეულო ქცევა“.რა მოხდება რისკის აღმოჩენის შემთხვევაში?ეროვნული ბანკი პროვაიდერს ავალდებულებს, დაუკავშირდეს კლიენტს და დაეხმაროს „ინფორმაციის უკეთ გაანალიზებაში“, „რითაც შემცირებული იქნება თაღლითების მანიპულაციის ქვეშ მომხმარებლის მიერ ოპერაციების განხორციელების რისკი“.„მომხმარებელს მის მიერ რისკიანი ან/და საეჭვო ტრანზაქციის ინიციირების შემდეგ 48 საათი ექნება იმისთვის, რომ მომხმარებელმა მიიღოს საბოლოო გადაწყვეტილება ტრანზაქციის განხორციელების შესახებ და აღნიშნული დაუდასტუროს მომსახურების პროვაიდერს“, - ამბობენ ეროვნულ ბანკში.