ნაციონალურმა მოძრაობამ ახალი საპენსიო პროგრამა წარადგინა. სიახლე პენსიონერებს პარტიის ლიდერმა ნიკა მელიამ გააცნო. მისი თქმით დღეს არსებული პენსია არარეალურია და მათი ხელისუფლებაში მოსვლის შემთხვევაში პენსია 400 ლარი გახდება. საპენსიო რეფორმის გატარებას, პარტია, ბიუროკრატიული ხარჯების შემცირებისა და სწრაფი ეკონომიკური ზრდის ხარჯზე აპირებს.
დაგროვებითი საპენსიო რეფორმის პროექტის პრეზენტაცია მთავრობამ 1 ოქტომბერს გამართა. რეფორმის ფარგლებში მომავალი პენსიისთვის თანხის წიანასწარ შეგროვება დასაქმებულებისთვის სავალდებულო ხდება. ისინი ხელფასიდან 2%-ს იხდიან, ამ თანხას კიდევ 2%-ს დამსაქმებელი, კიდევ ორს კი სახელმწიფო უმატებს.
2018 წლის მესამე კვარტლიდან კერძო დაგროვებითი საპენსიო სისტემა ამოქმედდება. დაგროვებითი პენსიების შესახებ კანონპროექტი განსაზღვრული შენატანის საპენსიო სქემის შექმნას გულისხმობს. პროექტი ეკონომიკის სამინისტროს ეკუთვნის.