ნარკოდანაშაულისთვის შეწყალებულების სტატისტიკა

აჭარის ჯანმრთელობისა და სოციალური დაცვის სამინისტროს ცნობით, აჭარაში ახალშობილი ტყუპების ოჯახების ერთჯერადი მატერიალური დახმარება იზრდება:"აჭარის ჯანმრთელობისა და სოციალური დაცვის სამინისტრო ზრდის ახალშობილი ტყუპების ოჯახების ერთჯერად მატერიალურ დახმარებას. 2026 წლიდან, ტყუპისცალზე გასაცემი თანხა 2 000 ლარამდე, ხოლო პროგრამის ბიუჯეტი 300 000 ლარამდე გაიზრდება.შესაბამისად, ორი ტყუპის შემთხვევაში (ორი ბავშვი) 4000 ლარი გაიცემა, სამი ბავშვის (ტყუპის) შემთხვევაში - 6000 ლარი.ახალშობილი ტყუპების ოჯახების მატერიალური დახმარების პროგრამა სახელმწიფო დემოგრაფიული პოლიტიკის ნაწილია და მიზნად ისახავს, შობადობის ხელშეწყობას, მშობლების ფინანსურ მხარდაჭერას და ბავშვების აღზრდის პირობების გაუმჯობესებას.2025 წელს, პროგრამით ისარგებლა 43-მა ოჯახმა, დაიბადა 87 ბავშვი, მათ შორის ერთ ოჯახში 3 ტყუპი".

სომხური მხარისგან მივიღეთ მოთხოვნა, სომხეთიდან რუსეთში ტრანზიტის დაშვებასთან დაკავშირებით, - აზერბაიჯანული მედიის ინფორმაციით, ამის შესახებ პრეზიდენტმა ილჰამ ალიევმა დავოსში, მსოფლიო ეკონომიკური ფორუმის ფარგლებში გამართულ პანელურ სესიაზე განაცხადა.მისი თქმით, ამჟამად ტრანსპორტირება საქართველოს გავლით ხორციელდება, თუმცა, არც ისე შორს არის დრო, როცა ტრანზიტი პირდაპირ სომხეთიდან აზერბაიჯანის გავლით მოხდება.„ჩვენ, ფაქტობრივად, ცალმხრივად გავხსენით დერეფნები სომხეთისთვის. დიახ, ამჟამად ტრანსპორტირება საქართველოს გავლით ხორციელდება. თუმცა, ერთ დღესაც ტრანზიტის უზრუნველყოფა პირდაპირ სომხეთიდან აზერბაიჯანის გავლით მოხდება და ეს დღე არც ისე შორს არის“, - აღნიშნა აზერბაიჯანის პრეზიდენტმა.ალიევის თქმით,აზერბაიჯანისთვის პრიორიტეტი რეგიონი და მისი უშუალო მეზობლებია.„მოხარული ვარ, რომ დამოუკიდებლობის წლების განმავლობაში ჩვენ მოვახერხეთ ძალიან მჭიდრო სამუშაო ურთიერთობების დამყარება ყველა ჩვენს მეზობელთან, რა თქმა უნდა, სომხეთის გარდა - კარგად ცნობილი მიზეზების გამო. ფაქტობრივი მშვიდობის დამყარების შემდეგ, ჩვენ ასევე დავიწყეთ ეკონომიკური თანამშრომლობა და ექსპორტის ოპერაციები“, - აღნიშნა ალიევმა.

კონკრეტული შედეგის გარეშე ნებისმიერ ერთობაზე ლაპარაკის კატეგორიულად წინააღმდეგი ვარ, - ამის შესახებ „ერთიანი ნაციონალური მოძრაობის“ ერთ-ერთმა ლიდერმა, ხატია დეკანოიძემ „პალიტრანიუსის“ გადაცემაში „360 გრადუსი“ განაცხადა.ხატია დეკანოიძის თქმით, პირველი ნაბიჯი ერთიანობისკენ იქნება გადადგმული თუ პოლიტიკური და საინფორმაციო გზავნილები იქნება დისციპლინირებული.„მე საერთო მაგიდის გარშემო ხელგადახვეული ოპოზიციური პარტიები ვერ წარმომიდგენია, მე წარმომიდგენია პროპაგანდასთან და საინფორმაციო ომში მეტანარატივებთან დაპირისპირების ძალიან მკაცრი დისციპლინა, რომელიც უნდა ჰქონდეს ყველა პოლიტიკურ ორგანიზაციას, პროტესტში თუ ამ ბრძოლაში ჩართულ ყველა ადამიანს იმისათვის, რომ ჩვენ არ წარმოვჩინდეთ ქართველი ხალხის წინაშე დაქსაქსულ, დაფანტულ მხარეებად. როდესაც სოციალური, პოლიტიკური თუ საინფორმაციო გზავნილები იქნება გასწორებული და ძალიან დისციპლინირებული, მე დარწმუნებული ვარ რომ ერთიანობის საქმის ნახევარი იქნება გაკეთებული. ამ ეტაპზე ერთიანობის სხვა პირველი ეტაპი ვერ წარმომიდგენია.მე კატეგორიულად წინააღმდეგი ვარ კონკრეტული შედეგის გარეშე ნებისმიერ ერთობაზე ლაპარაკის. ეს შეიძლება იყოს ადამიანებისთვის ფრუსტრაციის გამომხატველი. თუ იქნება შედეგი, მაშინ შეიძლება ვილაპარაკოთ. მე ასე წარმომიდგენია პირველი ნაბიჯი ერთიანობისკენ, საერთო საინფორმაციო გზავნილი იყოს, რას ველაპარაკებით საქართველოს მოქალაქეებს. ეს მეტწილად არის, მაგრამ მაინც ვფიქრობ, რომ უფრო დისციპლინირებული გზავნილები არის აუცილებელი. ჩვენ უნდა მოვერიდოთ ნებისმიერ ერთობაზე ლაპარაკს, სანამ კონკრეტული შედეგი არ დადგება.პირველი ეტაპი და საფეხური უნდა იყოს მკაცრი დისციპლინა, რას ველაპარაკებით ქართველ ხალხს, როგორ ვუწყვეტთ პრობლემას. ჩვენ ნამდვილად ვართ ის ხალხი, ვისაც უნდა მშვიდობა და ბიძინა ივანიშვილი არის ის ადამიანი, ვისაც უნდა ძალადობა და ქაოსი ამ ქვეყანაში იმისათვის, რომ შეინარჩუნოს ძალაუფლება. საქართველო დარჩა მეგობრების გარეშე, უმძიმეს მდგომარეობაში ვართ“, - განაცხადა ხატია დეკანოიძემ.

„2018 წლის საპრეზიდენტო არჩევნების მეორე ტური საქართველოში არ შედგა, ანუ ქალბატონი სალომე ზურაბიშვილი არ არის ლეგიტიმური პრეზიდენტი, მან ლეგიტიმაცია ვერ მიიღო ქართველი ხალხისაგან...“, -  ამის შესახებ „ემსახურე საქართველოს” ლიდერმა, მურმან დუმბაძემ გადაცემა „ვახო ხუზმიაშვილის თავისუფალ სივრცეში“ განაცხადა. 

ენერგეტიკა, ვაჭრობა, მიგრაცია და ეკონომიკის ზრდა უნდა იყოს ცენტრალური თემები მათთვის, ვისაც სურს ძლიერი და გაერთიანებული დასავლეთის ხილვა, – ამის შესახებ აშშ-ის პრეზიდენტმა, დონალდ ტრამპმა დავოსის მსოფლიო ეკონომიკურ ფორუმზე განაცხადა.ტრამპის თქმით, ევროპელები უნდა ჩამოსცილდნენ იმ კულტურას, რომელიც ბოლო ათი წლის განმავლობაში შექმნეს.„საშინელი სანახავია, რასაც ისინი აკეთებენ, რასაც საკუთარ თავს უკეთებენ, რასაც უკეთებენ ამ ლამაზ ადგილებს. ჩვენ გვსურს ძლიერი მოკავშირეები და არა სერიოზულად დასუსტებულები. ჩვენ გვინდა, რომ ევროპა იყოს ძლიერი. ეს ეროვნული უსაფრთხოების საკითხია.არაფერი ხდის სიტუაციას უფრო მკაფიოს, ვიდრე ის, რაც ხდება გრენლანდიის გარეშემო. გსურთ, რამდენიმე სიტყვა ვთქვა გრენლანდიაზე? ვიფიქრე, ეს ნაწილი სიტყვიდან ამომეღო, მაგრამ ვფიქრობ, ამას ცუდი გამოხმაურება მოჰყვებოდა. ძალიან დიდი პატივს ვცემ გრენლანდიელ და დანიელ ხალხს, მაგრამ ნატო-ს ყველა მოკავშირე ვალდებულია, შეძლოს საკუთარი ტერიტორიის დაცვა. ფაქტი კი ის არის, რომ არცერთი ცალკე აღებული ქვეყანა ან ქვეყნების ჯგუფი არ არის იმ პოზიციაში, რომ შეძლოს გრენლანდიის დაცვა, გარდა აშშ-ისა. ჩვენ დიდი ძალა ვართ. იმაზე დიდი, ვიდრე ხალხს ეგონა. ვფიქრობ, მათ ეს აღმოაჩინეს ორი კვირის წინ ვენესუელაში. ჩვენ ეს ასევე ვიხილეთ მეორე მსოფლიო ომის დროს, როდესაც დანია გერმანიის ხელში აღმოჩნდა მხოლოდ ექვსსაათიანი ბრძოლის შემდეგ. მან ვერ შეძლო ვერ საკუთარი თავის და ვერც გრენლანდიის დაცვა. მაშინ აშშ იძულებული გახდა და იგრძნო ვალდებულება, გაგვეგზავნა ჩვენი ძალები გრენლანდიის ტერიტორიის შესანარჩუნებლად. ჩვენ ეს გავაკეთეთ, რაც ძალიან დიდ ფასად დაგვიჯდა. დანიელებს არ ჰქონდათ შანსი. დანიამ ეს იცის.ჩვენ გრენლანდიაზე ბაზები დანიისთვის განვათავსეთ. ჩვენ ვიბრძოლეთ დანიისთვის. ვიბრძოდით მათ დასაცავად. ეს არის დიდი, ლამაზი ყინული ნაჭერი. ჩვენ გადავარჩინეთ გრენლანდია და წარმატებით მოვახდინეთ პრევენცია, რომ ჩვენს მტრებს ფეხი არ მოეკიდებინათ ჩვენს ნახევარსფეროში. ასე რომ, ეს ჩვენთვისაც გავაკეთეთ. ომის შემდეგ, რომელიც ჩვენ მოვიგეთ, ჩვენ გარეშე თქვენ, ყველანი ახლა გერმანულად და ცოტა იაპონურად ილაპარაკებდით. ომის შემდეგ გრენლანდია უკან დავუბრუნეთ დანიას. როგორი სულელები ვიყავით, მაგრამ მაინც დავაბრუნეთ“, – განაცხადა დონალდ ტრამპმა.