მონტენეგრო რუს დიპლომატს გააძევებს

დღეს განსაკუთრებული პატივით აღვნიშნავთ საქართველოს მართლმადიდებელი ეკლესიის ავტოკეფალიის აღდგენის დღეს, თარიღს, რომელმაც ისტორიული სამართლიანობა აღადგინა და საფუძვლად დაედო ჩვენი ეკლესიის დამოუკიდებლობას, ეროვნული იდენტობის განმტკიცებასა და საზოგადოების ერთიანობას, – ამის შესახებ საქართველოს ვიცე-პრემიერი, თავდაცვის მინისტრი ირაკლი ჩიქოვანი სოციალურ ქსელში წერს.ირაკლი ჩიქოვანის თქმით, ქართველი ერის სულიერი გამარჯვების ამ დიდ გზაზე უმნიშვნელოვანესი იყო საქართველოს კათოლიკოს-პატრიარქის, ილია მეორის ღვაწლი.„მისი სიბრძნე, სიმტკიცე და შეუდრეკელი მსახურება გახდა ის ძალა, რომელმაც გააძლიერა ეკლესია, გააერთიანა საზოგადოება და მნიშვნელოვანი წვლილი შეიტანა ჩვენი ეკლესიის ავტოკეფალიის საერთაშორისო აღიარებაში. ჩვენი პატრიარქის ფასდაუდებელი მემკვიდრეობა გვაკისრებს განსაკუთრებულ პასუხისმგებლობას – ერთიანობით, რწმენითა და ღირსებით ვიზრუნოთ ჩვენს ქვეყანასა და ეკლესიაზე. მისი ცხოვრება და მოღვაწეობა მარად დარჩება ჩვენი ერის სულიერ საყრდენად და გზამკვლევად“, – აღნიშნავს ირაკლი ჩიქოვანი.

და, აი, გადამოწმებული და დამოწმებული ინფორმაცია სანდო წყაროსგან, რომელსაც არ დავასახელებ.რა სწორად მიხვდი, ია, რომ რაღაც მოხდა, კი.საერთოდ არ უნდა ყოფილიყო თამარის გამოსვლა გუშინ, გვითხრეს, რომ დღეს არ გამოვიდოდა და, პირველივე სესიის დასრულებისთანავე, მოულოდნელად, საქართველო გამოაცხადეს, ტექსტი სადღაც გვერდზე ედო საერთოდ.რა თქმა უნდა, ისე ინერვიულა, რომ საერთოდ ვერაფერს ვერ ვხედავდი თავიდანო, ზეპირად ამბობდა, ნუ, მოსალოდნელი იყო, გამოცდილი სპიკერები იბნევიან ასეთ დროს და პირველად გამოვიდა ქალი სიტყვით.აქ ძალიან პოზიტიურად მიიღეს, ერთ-ერთი ყველაზე შინაარსიანი გამოსვლა ჰქონდა, მერე საუბრებშიც აღნიშნავდნენ. არავის არ უკვირს აქ ასეთი შეცდომები..." - წერს სოციალურ ქსელში მსახიობი ია ფარულავა და გუშინ გლობალურ სამიტზე "ერთად უკეთესი მომავლისთვის" თამარ ბაგრატიონის გამოსვლას ეხმაურება

კონსტანტინოპოლიდან დაბრუნების შემდეგ, გვიან ღამით, როდესაც სიონის საკათედრო ტაძარი გააღებინა, იქ გახლდით მეც, ბავშვი ვიყავი. ტრაპეზზე როდესაც დააბრძანა ტომოსი და ავტოკეფალიის აღიარების ფიდმანი, პატრიარქმა რამდენიმე სიტყვა თქვა და თავისი გამოსვლა დააგვირგვინა შემდეგი ფრაზით: „ძალიან ახლოა ჩვენი ერის თავისუფლება“, – ამის შესახებ სრულიად საქართველოს კათოლიკოს-პატრიარქის ფონდის ხელმძღვანელმა, ლაშა ჟვანიამ განაცხადა.ჟვანიას თქმით, პატრიარქმა ზუსტად იცოდა, რომ საქართველოს ეკლესიის დამოუკიდებლობის აღიარებას აუცილებლად მოჰყვებოდა საქართველოს დამოუკიდებლობაც.„დღეს ისტორიული დღის აღნიშვნაა, ამ ისტორიულ დღეს მრავალი საქართველოს კათოლიკოს-პატრიარქის შრომა შეეწირა, თუმცა დააგვირგვინა სრულიად საქართველოს კათოლიკოს-პატრიარქმა, მისმა უწმინდესობამ, ილია მეორემ. ეს არ ყოფილა პროცესი, როდესაც იგი ერთხელ ეწვია კონსტანტინეპოლის ეკლესიას და შემდეგ პასუხი მიიღო. თუ ამოიღებთ ​ეპისტოლარულ მიმოწერას, ათწლეულების მანძილზე, 60-იანი წლებიდან მოყოლებული, ნახავთ, რომ არც ერთი წერილი არ არის ისე დაწერილი, სადაც არ არის ნახსენები სიტყვები „პრობლემა“, „კამათი“, „საპრობლემო საკითხი“ და სხვა მსგავსი სიტყვები ორივე მხრიდან. ეს ნიშნავს, რომ საქართველოს კათოლიკოს-პატრიარქმა შეარჩია კონკრეტული ტაქტიკა: იგი მსოფლიო ეკლესიების მეთაურებს ეუბნებოდა, რომ საქართველოს ეკლესიის ავტოკეფალია და პატრიარქის ტიტული მათი მხრიდან თუ არ იქნებოდა აღიარებული, ეს სერიოზულ პრობლემად იქცეოდა ეკლესიებს შორის ურთიერთობაში. მართალია, ეს პირდაპირ სიტყვებით არ ჩანდა, მაგრამ მიხვდებით, რომ ზუსტად მთელი შინაარსი ამ მოძრაობისა, რომელიც მან წამოიწყო მსოფლიოში არა მარტო ერთი მიმართულებით, სწორედ ამას ნიშნავდა. საბოლოოდ, 1990 წელს იქნა აღიარებული.კონსტანტინოპოლიდან დაბრუნების შემდეგ, გვიან ღამით, როდესაც სიონის საკათედრო ტაძარი გააღებინეს, მეც იქ ვიმყოფებოდი, ბავშვი ვიყავი. ტრაპეზზე როდესაც დააბრძანა ეს ტომოსი და ავტოკეფალიის აღიარების ფიდმანი, პატრიარქმა რამდენიმე სიტყვა თქვა და თავისი გამოსვლა დააგვირგვინა შემდეგი ფრაზით: „ძალიან ახლოა ჩვენი ერის თავისუფლება“. მან ზუსტად იცოდა, რომ საქართველოს ეკლესიის დამოუკიდებლობის აღიარებას აუცილებლად მოჰყვებოდა საქართველოს დამოუკიდებლობაც“, – აღნიშნა ჟვანიამ.ამასთან, მისივე თქმით, დღეს ყველასთვის კვლავ მძიმე დღეა.„პატრიარქის გარდაცვალებიდან მეცხრე დღეა. სინოდის წევრებმა და საპატრიარქო ტახტის დროებითმა მმართველმა, მეუფე შიომ აღავლინეს ლოცვა და ჩვენც ყველამ მათთან ერთად ვილოცეთ მისი უწმინდესობის სულის ცხონებისთვის. ჩვენ გულწრფელად გვჯერა, რომ იგი უკვე ცხონებულია, უფრო მეტიც, თუმცა ეს არის ტრადიცია, როდესაც ჩვენ ველოდებით მე-40 დღეს, მიცვალებულის უფალთან მიახლების დღეს. დარწმუნებული ვარ, მისი სიწმინდე და წმინდანობა გამოჩნდება კიდევ თითოეული ჩვენგანის ცხოვრებაში, როგორც ინდივიდუალურად, ისე საზოგადოდაც. ხალხის უწყვეტი ნაკადიც პატივისცემის გამოხატულების გარდა, არის მისი სიწმინდისა და წმინდანობის აღიარებაც“, – აღნიშნა ლაშა ჟვანიამ.

მიხეილ მესხის სახელობის სტადიონის საპრესკონფერენციო დარბაზში, საფეხბურთო ნაკრების მთავარ მწვრთნელთან, ვილი სანიოლთან ერთად, ნაკრების ახალი კაპიტანი ხვიჩა კვარაცხელია იმყოფებოდა და ისრაელთან მოახლოებულ შეხვედრაზე ისაუბრა.„უპირველესად მინდა, რომ საქართველოს ჩვენი პატრიარქის გარდაცვალება მივუსამძიმრო. ბედნიერი ვარ, რომ მასთან შეხვედრის ბედნიერება მქონდა.რაც შეეხება ისრაელთან მატჩს, ყველაფერს გავაკეთებთ, რომ საუკეთესო შედეგი დავაფიქსიროთ.რას ნიშნავს ჩემთვის კაპიტნობა და რა მიზნები მაქვს? ეს პასუხისმგებლობაა, მით უფრო, რომ კანკავას და კაშიას კაპიტნობის დროს დავიწყე ნაკრებში თამაში. შევეცდები, ჩემი თავის საუკეთესო ვერსია ვიყო.მსაჯებთან პრობლემები მაქვს? არ ვფიქრობ, რომ ასეა. თუმცა, როდესაც ნაკრების კაპიტანი ხარ, უფრო მობილიზებული უნდა გახდე და შევეცდები, ასეთი ვიყო“.საქართველოს ეროვნული ნაკრები წლის პირველ მატჩს 26 მარტს თბილისში, „მიხეილ მესხი არენაზე“ გამართავს და ისრაელს დაუპირისპირდება, ხოლო 29 მარტს ლიეტუვას კაუნასში ესტუმრება. ორივე შეხვედრის რეპორტაჟს საქართველოს პირველი არხი და პირველი არხი სპორტი შემოგთავაზებთ.

საქართველოში არსებობს რადიკალური ძალა და არა ოპოზიცია. ყველაფერი უნდა გავაკეთოთ, რათა ეს ძალა ქვეყანას არასოდეს დაემუქროს, – ამის შესახებ პარლამენტის კულტურის კომიტეტის თავმჯდომარემ, გიორგი გაბუნიამ განაცხადა.გიორგი გაბუნიას თქმით, საქართველო ატარებს ეროვნულ ინტერესებზე დაფუძნებულ პოლიტიკას, რადიკალური ძალა კი ანტიეროვნული და გარედან მართულია.„საქართველომ არასოდეს უნდა დაუშვას, რომ ხელისუფლებაში მოვიდეს გარედან მართული ძალა მაშინ, როცა თავად აღიარებენ, რომ ისინი გარედან იმართებიან, მუდმივი კონტაქტი აქვთ გარე დამფინანსებლებთან და პატრონებთან. ეს ადამიანები იმუქრებიან, რომ ხელისუფლებაში მოვლენ. გეკითხებით, როგორ მოვლენ? არჩევნებში არ მონაწილეობენ, პარლამენტში არ შემოვიდნენ. მათი ერთადერთი მიზანი ძალადობა და რევოლუციური პროცესებია. გასული არიან ლეგალური პოლიტიკური სივრციდან. ეს ძალები პოლიტიკურ პროცესში მონაწილეობას არ იღებენ, შესაბამისად, მათი ერთადერთი მიზანია დესტრუქცია და რადიკალიზაცია, რასაც ქვეყანა არ დაუშვებს. თითქოს ეს სიტყვები გაცვდა, მაგრამ გაიხედეთ, გარეთ რა ხდება, გინდათ ჩრდილოეთში, გინდათ სამხრეთში, ყველგან ომია. ჩვენი ქვეყნის ირგვლივ ყველგან ტყვია გავარდა და ამ ურთულეს გარემოში საქართველოში არა მხოლოდ მშვიდობაა, არამედ ეკონომიკა ვითარდება“, – აღნიშნა გიორგი გაბუნიამ.