მეუფე შიო: თუ გინდა იყო სულიერად დიდად წარმატებული, უნდა იყო მონა ყველასი

ირაკლი ღარიბაშვილის ადვოკატი ლილი გელაშვილი აცხადებს, რომ ყოფილი პრემიერ-მინისტრი საგამოძიებო უწყებაში მოწმის სახით დაიკითხა.მისივე თქმით, უახლოეს დღეებში თავად ირაკლი ღარიბაშვილი და მისი უფლებადამცველები გააკეთებენ განცხადებას.„გამოძიების ამ ეტაპზე, რადგან ირაკლი ღარიბაშვილს არც ბრალი აქვს წარდგენილი და არც ბრალდებული ყოფილა, მე საქმის მასალებსაც არ ვიცნობ. მხოლოდ მოწმის სახით გამოიკითხა და მხოლოდ ის შემიძლია გითხრათ, რომ მან გამოძიების მხრიდან დასმულ კითხვებს გასცა პასუხი, ახსნა გარკვეული დეტალები. სხვა დეტალებზე ისევ გამოძიების ინტერესებიდან გამომდინარე ამ ეტაპზე არ გავაკეთებთ კომენტარს.გააჩნია, რა ნაბიჯი იქნება გადმოდგმული ბრალდების მხრიდან, ვფიქრობ, უახლოეს დღეებში ირაკლი ღარიბაშვილი და მისი ადვოკატებიც აუცილებლად გავაკეთებთ განცხადებას, უფრო დეტალურები ვიქნებით. ეს დღეები ისეთი ინფორმაციები ვრცელდებოდა, არ ვიცი, რას ემსახურებოდა, საიდან და რატომ მოდიოდა. ფოტოები, ეს ყველაფერი, რაც ვრცელდებოდა, სიმართლეს არ შეესაბამებოდა. ეს არ არის ირაკლი ღარიბაშვილის ოჯახიდან ამოღებული, შესაბამისად, ეს მხოლოდ ხალხის ემოციებზე იყო გათვლილი და არასწორად იყო გათვლილი. არ ვიცი, რას ემსახურებოდა, უფრო სწორად შეიძლება, კარგადაც ვიცით, რასაც ემსახურებოდა, მაგრამ ამასთან დაკავშირებით საუბრისგან ამ ეტაპზე თავს შევიკავებ. დანარჩენზე კი, უახლოეს დღეებში ირაკლი ღარიბაშვილი თვითონ გააკეთებს განცხადებას და დარწმუნებული ვარ, უფრო დეტალურად უპასუხებს ჟურნალისტების კითხვებსაც. მესმის, რომ დიდი ინტერესია საზოგადოების მხრიდან ამ საქმესთან, ამ პიროვნებასთან დაკავშირებით“, – აღნიშნა ადვოკატმა.რაც შეეხება ირაკლი ღარიბაშვილის სახლიდან გამოძიების მიერ ამოღებული ნივთების შესახებ დასმულ კითხვას, ადვოკატის განმარტებით, ყოფილი პრემიერ-მინისტრის სახლიდან ოქროულობა არ არის ამოღებული.„განსაკუთრებით ცუდად მოხვდა ყველას თვალში ოქროულობა, ჯაჭვები და ა.შ. თითქოს არ განმარტეს, ეს საიდან და ვისგან იყო ამოღებული და რატომღაც ყველამ ეს ირაკლი ღარიბაშვილს მიაწერა. მე შემიძლია გითხრათ, რომ ეს არის ტყუილი და მისი სახლიდან არათუ რაოდენობრივად ამდენი, ერთი ნივთიც კი არ არის ამოღებული“, – განაცხადა ლილი გელაშვილმა.ცნობისთვის, სახელმწიფო უსაფრთხოების სამსაცხურში დღეს გამართულ ბრიფინგზე განაცხადეს, რომ ანტიკორუფციულ სააგენტოში გამოიკითხა ირაკლი ღარიბაშვილი, რომელმაც სრულად ითანამშრომლა გამოძიებასთან და აღიარა წლების განმავლობაში უკანონო შემოსავლების მიღების ფაქტი.ირაკლი ღარიბაშვილის, გრიგოლ ლილუაშვილის, ოთარ ფარცხალაძის და მათთან დაკავშირებული პირების საცხოვრებელ სახლებში ჩხრეკა 17 ოქტომბერს ჩატარდა. როგორც პროკურატურაში განაცხადეს, ამოღებულია სხვადასხვა ელექტრონული მოწყობილობა, დოკუმენტაცია და დიდი ოდენობით ფულადი თანხა.

პარიზის პროკურორის, ლორ ბეკოს განცხადებით, ლუვრიდან 88 მილიონი ევროს ღირებულების სამკაულები მოიპარეს. ინფორმაცია მან RTL-ის ეთერში, მუზეუმის დირექტორის შეფასებაზე დაყრდნობით გაავრცელა.„თანხა შთამბეჭდავია, მაგრამ ის ვერ შეედრება ისტორიულ ჭრილში მიყენებულ ზიანს“, - თქვა პროკურორმა.მისივე განცხადებით, მძარცველები ვერ მიიღებენ მსგავს თანხას, „თუ თავში მოპარული სამკაულების გადადნობა მოუვათ“. ის იმედოვნებს, რომ მძარცველები ექსპონატებს უმიზეზოდ არ გაანადგურებენ.პროკურორმა დასძინა, რომ უშუალოდ ძარცვაში ოთხი ადამიანი მონაწილეობდა, თუმცა საქმეში შეიძლება სხვა​ ფიგურანტებიც იყვნენ, რომლებიც მათ დანაშაულის ჩადენაში ეხმარებოდნენ.ლუვრი 19 ოქტომბერს, სამუშაო საათებში გაძარცვეს. ნიღბიანმა დამნაშავეებმა საიმპერატორო კოლექციიდან 9 ექსპონატი მოიპარეს, მათ შორის ნაპოლეონისა და მისი მეუღლის ჟოზეფინას კუთვნილი ნაკეთობები.

სამართალდამცველებმა რუსთაველის გამზირზე საპროტესტო აქციის ერთ-ერთი მონაწილე, საზოგადოებრივი მაუწყებლის სამეურვეო საბჭოს წევრი ლიკა ბასილაია-შავგულიძე დააკავეს.ლიკა ბასილაია-შავგულიძე ადმინისტრაციული წესით არის დაკავებული.შეგახსენებთ, დაახლოებით 20:00 საათიდან რუსთაველის გამზირზე შეკრებილმა საპროტესტო აქციის რამდენიმე მონაწილემ საავტომობილო გზა გადაკეტა. შსს-ს ცნობით, სამართალდამცველებმა ადმინისტრაციული წესით აქციის 20-მდე მონაწილე დააკავეს. უწყების ინფორმაციით, პოლიციამ დააკავა ის პირები, რომლებიც უშუალოდ მონაწილეობდნენ გზის უკანონოდ გადაკეტვის მცდელობაში.ლიკა ბასილაია-შავგულიძე საზოგადოებრივი მაუწყებლის სამეურვეო საბჭოს წევრად 2022 წელს „ნაციონალური მოძრაობის“ კვოტით აირჩიეს.

ვულოცავ მზია ამაღლობელს და ანდჟეი პოცობუტს სახაროვის პრემიის მიღებას, – ამის შესახებ საქართველოს ყოფილი პრეზიდენტი მიხეილ სააკაშვილი სოციალურ ქსელში წერს.როგორც სააკაშვილი აღნიშნავს, ეს ჯილდო არის მთელი საქართველოს გამარჯვება.„მზია ამაღლობელი არის მშვიდობიანი წინააღმდეგობის სიმბოლო. ეს ჯილდო არის მთელი საქართველოს გამარჯვება“, – წერს სააკაშვილი.ცნობისთვის, „ევროპის სახალხო პარტიის“ წარდგინებით, მზია ამაღლობელს სახაროვის პრემია გადაეცა.

ადმინისტრაციული წესით დაკავებულია აქციის 20-მდე მონაწილე, ვინც უშუალოდ მონაწილეობდა გზის უკანონოდ გადაკეტვის მცდელობაში, - ამის შესახებ ინფორმციას შსს ავრცელებს.რაც შეეხება ახალგაზრდა ქალს, რომელიც პოლიციის ავტომანქანაზე ავიდა, ის დაკავებულია საქართველოს სისხლის სამართლის კოდექსის 239-ე მუხლით, რაც ხულიგნობას გულისხმობს.„დღეს, დაახლოებით 20:00 საათიდან, რუსთაველის გამზირზე შეკრებილმა აქციის რამდენიმე მონაწილემ უკანონოდ სცადა გზის გადაკეტვა.მიუხედავად იმისა, რომ საპატრულო პოლიციის წარმომადგენლებმა მომიტინგეები არაერთხელ გააფრთხილეს, არ ჩაედინათ კანონსაწინააღმდეგო ქმედება, რადგან მათი რაოდენობა არ იძლეოდა გზის სავალი ნაწილის გადაკეტვის კანონიერ უფლებას, აქციის მონაწილეებმა სამართალდამცველთა მოწოდება არ გაითვალისწინეს.შესაბამისად, ადმინისტრაციული წესით დაკავებულია აქციის 20-მდე მონაწილე, ვინც უშუალოდ მონაწილეობდა გზის უკანონოდ გადაკეტვის მცდელობაში.რაც შეეხება ახალგაზრდა ქალს, რომელიც არ დაემორჩილა სამართალდამცველთა კანონიერ მოწოდებას, საპატრულო პოლიციის ავტომანქანაზე ავიდა და შეურაცხყოფა მიაყენა სამართალდამცავი უწყების წარმომადგენლებს, მათ ღირსებასა და მუნდირს, ასევე საზოგადოებას - ის დაკავებულია საქართველოს სისხლის სამართლის კოდექსის 239-ე მუხლით, რაც ხულიგნობას გულისხმობს.შინაგან საქმეთა სამინისტრო კიდევ ერთხელ მოუწოდებს აქციის მონაწილეებს, თავი შეიკავონ გზის სავალი ნაწილის ხელოვნურად, უკანონოდ გადაკეტვისგან და სისხლის სამართლის დანაშაულის ჩადენისაგან, წინააღმდეგ შემთხვევაში მათ მიმართ გატარდება კანონით გათვალისწინებული ზომები“, - ნათქვამია განცხადებაში.