მერია 2018 წელს ძეგლებისა და მემორიალების დადგმაში 500 000 ლარს დახარჯავს

ერთიანი ეროვნული და საერთო სამაგისტრო გამოცდებისთვის რეგისტრაცია დაიწყო. პროცესი შესაბამის ვებ-გვერდზე 11 მაისის საღამოს 6 საათამდე გაგრძელდება. ცვლილების თანახმად, წელს უმაღლეს სახელმწიფო სასწავლებლებში სწავლას სახელმწიფო სრულად აფინანსებს. თუმცა, კერძო უნივერსიტეტებში სახელმწიფომ გრანტების გაცემაზე უარი თქვა.შეფასებისა და გამოცდების ეროვნულმა ცენტრმა აბიტურიენტებისთვის ცნობარი რეგისტრაციის დაწყებამდე რამდენიმე დღით ადრე გამოაქვეყნა. მასში არის საგანმანათლებლო პროგრამების ჩამონათვალი, გამოცდებზე რეგისტრაციის ინსტრუქცია, საგამოცდო პროცედურები და წესები."ათასობით აბიტურიენტი ემზადება ეროვნული გამოცდებისთვის, როგორც საბაკალავრო, ასევე სამაგისტრო საფეხურზე. წელს რამდენიმე მნიშვნელოვანი სიახლით ვხვდებით. უპირველეს ყოვლისა, მმართველი გუნდის გადაწყვეტილებით, პირველკურსელები როგორც სამაგისტრო, ასევე საბაკალავრო საფეხურზე, რომლებიც ეროვნული გამოცდების შედეგად ჩაირიცხებიან უმაღლეს სასწავლებლებში, სახელმწიფო უმაღლეს სასწავლებლებში ისწავლიან უფასოდ. ამასთანავე, პირველად მოხდა, რომ ადგილების რაოდენობა სახელმწიფო უმაღლეს სასწავლებლებში განისაზღვრა შრომის ბაზრის კვლევის საფუძველზე. განისაზღვრა 21 600-მდე ადგილი 19 სახელმწიფო უმაღლეს სასწავლებელში, სადაც სწავლა უფასო იქნება. ასევე, პირველად ხდება ის, რომ ყველა აბიტურიენტს უმაღლეს სასწავლებელთან ერთად ექნება შესაძლებლობა, აირჩიოს რამდენიმე პროფესიული მიმართულება იმ შემთხვევაში, თუკი ისინი ვერ დააგროვებენ საკმარის ქულებს, რომ მოიპოვონ ადგილი უმაღლეს სასწავლებელში, მაგრამ გადალახავენ მინიმალურ ბარიერს, მათ ექნებათ შესაძლებლობა რომ სახელმწიფოს დაფინანსებით გააგრძელონ სწავლა პროფესიულ კოლეჯში," - აცხადებს გივი მიქანაძე.

საქართველო არ აჩვენებს დემოკრატიული უკუსვლის შემობრუნების ნიშნებს, - ამის შესახებ ევროკავშირის უმაღლესმა წარმომადგენელმა, კაია კალასმა ევროკავშირის წევრი ქვეყნების საგარეო საქმეთა მინისტრების შეხვედრის შემდეგ განაცხადა.მისი თქმით, მინისტრებს ცხადი მესიჯი ჰქონდათ, რომ საქართველომ უნდა შეცვალოს კურსი.„საქართველო არ აჩვენებს დემოკრატიული უკუსვლის შემობრუნების ნიშნებს. მინისტრებს ცხადი მესიჯი ჰქონდათ, რომ საქართველომ უნდა შეცვალოს კურსი და, რა თქმა უნდა, ადამიანის უფლებებზე დიალოგში გულწრფელი ჩართულობა ნიშანი იქნება, რომ მათ კურსის შეცვლა სურთ“, - განაცხადა კალასმა.კალასმა ასევე აღნიშნა, რომ მინისტრები სომხეთში ივნისის საპარლამენტო არჩევნებამდე ევროკავშირის სამოქალაქო მისიის გაგზავნაზე შეთანხმდნენ, რომელიც „გააძლიერებს ქვეყნის მდგრადობას მასიური სადეზინფორმაციო კამპანიებისა და კიბერთავდასხმების წინააღმდეგ“.ევროკავშირის უმაღლესმა წარმომადგენელმა განაცხადა, რომ აზერბაიჯანი მნიშვნელოვან პარტნიორად რჩება ენერგეტიკისა და დაკავშირებადობის საკითხებში და აღნიშნა, რომ „გვსურს ჩვენი კავშირების გაღრმავება და მალე გავაგრძელებთ ორმხრივი თანამშრომლობის ახალ შეთანხმებაზე მოლაპარაკებებს“.

მიცვალებულებისთვის ლოცვა ჩვენთვისაც სასარგებლოა, ვინც მათთვის ვლოცულობთ, იმიტომ, რომ უფრო მეტად ვფიქრობთ ამ მიწიური ცხოვრების წარმავალობაზე, სიკვდილის გარდაუვალობაზე, ვფიქრობთ ჩვენს ზეციურ სამშობლოზე, უფრო მეტად ვფიქრობთ იმაზე, რომ გამოვასწოროთ ჩვენი ცხოვრება და უფრო მეტად გვინდება, დავიმკვიდროთ სასუფეველი ცათა, - ამის შესახებ საპატრიარქო ტახტის მოსაყდრემ, სენაკისა და ჩხოროწყუს მიტროპოლიტმა შიომ (მუჯირი) თომას კვირის სამშაბათს, მიცვალებულთა ხსენების დღეს ქადაგებისას განაცხადა.„სახელითა მამისათა და ძისათა და სულისა წმინდისათა!ყოვლადსამღვდელონო მღვდელმთავარნო, პატიოსანნო მამანო, ძვირფასო ძმებო და დებო, დღეს შევიკრიბეთ, რომ მოვიხსენიოთ ჩვენი მიცვალებულები, ჩვენი ახლობლები და განსაკუთრებით მისი უწმინდესობა და უნეტარესობა, სრულიად საქართველოს კათოლიკოს-პატრიარქი ილია II.უფალმა იესო ქრისტემ სადუკეველებს, რომლებსაც არ სწამდათ მკვდრეთით აღდგომა, ერთხელ ასეთი სიტყვები უთხრა: „ღმერთი არ არის ღმერთი მკვდართა, არამედ ცოცხალთა“ (მარკ. 12, 27). ჩვენ გვწამს, რომ სიკვდილის შედეგად ადამიანი არ ქრება, არამედ გადადის სხვა, მარადიულ სამყაროში, ეზიარება სულიერ ცხოვრებას. ამიტომ ეკლესიის მოწოდებით ვართ დღეს აქ, რომ ჩვენი გარდაცვლილი ახლობლებისთვის ვილოცოთ. ისინი ცოცხლები არიან და დადგება დღე, როცა იქნება ჩვენი მკვდრეთით აღდგომაც, როდესაც კვლავ ვიხილავთ მათ, შევხვდებით. ამიტომ წმინდა ეკლესია ყოველდღიურად იხსენიებს მიცვალებულებს, ლოცულობს მათთვის, მაგრამ ეკლესიაში დადგენილია ასევე განსაკუთრებული დღეები მიცვალებულთა მსახურებისთვის, მათი მოხსენიებისთვის. ერთ-ერთი ასეთი დღე არის სწორედ დღეს - თომას კვირის სამშაბათი.როგორც იცით, ბრწყინვალე შვიდეულის განმავლობაში ეკლესია აღნიშნავდა ჩვენს უმთავრეს დღესასწაულს - ქრისტეს აღდგომას, როგორც ერთ დღეს. ყველა დღე აღდგომის ტოლფასია ბრწყინვალე შვიდეულში. უკვე თომას კვირის მეორე დღიდანვე ეკლესია ჩქარობს, რომ მიცვალებულებს ახაროს ქრისტეს აღდგომის შესახებ, რადგან სწორედ ეს სიხარული ახარა უფალმა იესო ქრისტემ, როდესაც თავისი მკვდრეთით აღდგომის შემდეგ ჩავიდა ჯოჯოხეთში და იქ, ვიმეორებ, ახარა მიცვალებულებს გამოხსნა მათი სულებისა და სიკვდილის დამარცხება.ამიტომაც არის, რომ ამ დღიდან იწყება მიცვალებულთა მსახურება. მანამდე არ ხდებოდა ეს ბრწყინვალე შვიდეულში, გამონაკლისები არის მხოლოდ მაშინ, როდესაც გარდაიცვლება ადამიანი და სრულდება წესის აგება. ოღონდ ის არა სამგლოვიარო, არამედ სააღდგომო ხასიათს ატარებს. ამაზე, სხვათა შორის, საუბრობენ ძველი წმინდა მამებიც. მაგალითად, იოანე ოქროპირი განმარტავს, რატომ ვიწყებთ მიცვალებულთა მოხსენიებას სწორედ ამ სამშაბათიდან. იმიტომ, რომ აღდგომიდან მეორე დღეს ახარებს უფალი მიცვალებულებს. ეს მეორე დღე ეკლესიის ლიტურგიკულ ენაზე ნიშნავს: „ერთი კვირის შემდეგ“. ერთი კვირა, როგორც გითხარით, ერთ დღეს უდრის. იგი ამბობს, რომ სწორედ ამ დღეს იკრიბებიან ადამიანები საფლავებზე, გადიან სასაფლაოებზე, იხსენიებენ მიცვალებულებს და ახარებენ, ზეიმობენ მათთან ერთად ამ დიდ მოვლენას. იმავეს ამბობს წმინდა ამბროსი მედიოლანელი და სხვა წმინდა მამები. ისინი ხსნიან, რატომ არის დადგენილი ეს დღე და აქამდე რატომ არ ხდებოდა მიცვალებულთა მოხსენიება. ასევე, ტრადიციისამებრ, იმისთვის, რომ ჩვენი ლოცვები გავაძლიეროთ მიცვალებულთათვის, ვურთავთ ამ ჩვენს ლოცვებს ქველმოქმედებას და მოწყალებას.დღეს განსაკუთრებით ვიხსენიებთ მის უწმინდესობას და უნეტარესობას, კათოლიკოს-პატრიარქ ილია II-ს. გვახსენდება მისი ცხოვრება, მისი მოღვაწეობა, ყოველი დეტალი, მისი ყოველი ნათქვამი. იგი მრავალმხრივ იყო მაგალითი ჩვენთვის სულიერ ცხოვრებაში, მაგრამ დღეს მინდა მათ შორის გამოვყო ერთი-ერთი თვისება. ალბათ მეუფეებიც და ყოველი თქვენგანიც დამეთანხმება, რომ მისი უწმინდესობისა და უნეტარესობის ერთ-ერთი ასეთი განსაკუთრებული თვისება იყო საოცარი მოწიწება მიცვალებულთა მიმართ, მისი მშობლების მიმართ, ჩვენ გვახსოვს, როგორი დამოკიდებულება ჰქონდა, წინაპრების მიმართ, მეფეების, დედოფლების, კათოლიკოს-პატრიარქების მიმართ, როგორი ცოცხალი დამოკიდებულება ჰქონდა და როგორ გვასწავლიდა ამ ყველაფერს ჩვენ. ეს მაგალითი დაგვიტოვა სხვა ყველაფერთან ერთად.ასე რომ, დღეს ჩვენ მას კიდევ ერთხელ ვიხსენიებთ დიდი სიყვარულით, დიდი მადლიერებით მისი ღვაწლისთვის, მისი დანატოვრისთვის და ღმერთმა მოიხსენიოს, აცხონოს და შეიწყალოს მისი უკვდავი სული!ღმერთმა დალოცოს და აცხონოს ჩვენი გარდაცვლილი ახლობლები, ჩვენი წინაპრები, ვისაც დღეს ვიხსენიებთ! ყველა აცხონოს და სასუფეველსა ცათასა დაამკვიდროს!მიცვალებულებისთვის ლოცვა, ძვირფასო ძმებო და დებო, ჩვენთვისაც სასარგებლოა, ვინც მათთვის ვლოცულობთ, არა მარტო მათთვის, არამედ ჩვენთვისაც. რატომ? იმიტომ, რომ უფრო მეტად ვფიქრობთ ამ მიწიური ცხოვრების წარმავალობაზე, სიკვდილის გარდაუვალობაზე, ვფიქრობთ ჩვენს ზეციურ სამშობლოზე, უფრო მეტად ვფიქრობთ იმაზე, რომ გამოვსწორდეთ, გამოვასწოროთ ჩვენი ცხოვრება და უფრო მეტად გვინდება, დავიმკვიდროთ სასუფეველი ცათა, რომლის ღირსიც გაგვხადოს უფალმა ჩვენმა, მკვდრეთით აღდგომილმა იესო ქრისტემ თავისი მადლით და კაცთმოყვარებით, რომელსაც შვენის ყოველი დიდება, პატივი და თაყვანისცემა, თანა მამით და სულიწმინდითურთ, აწ და მარადის და უკუნითი უკუნისამდე. ამინ!“ - განაცხადა მეუფე შიომ.

ასტროფსიქოლოგი გიორგი ლობჯანიძე სოციალურ ქსელში ბერი ნიკოლოზის გარდაცვალებას ეხმიანება და წერს, რომ ბერს უამრავი ადამიანი ჰყავს გადარჩენილი და საოცრად გულისხმიერი პიროვნება იყო.ასტროფსიქოლოგი სალოსის ცხოვრებასა და მის მიმართ ხალხის დამოკიდებულებაზე წერს, სადაც აღნიშნავს, რომ გარკვეული კონტიგენტის და უსიამოვნო ნაბიჯების გამოც მახინჯდებოდა და კნინდებოდა მისი, როგორც პიროვნების სახელი.„ცნობისთვის, ბერ ნიკოლოზს სასახლეებში არ უცხოვრია, არც ძვირადღირებული ნივთები ჰქონდა და თაფლში ამოვლებული ცხოვრება.თუმცა მასთან იყო ფანატიკურად განწყობილი ხალხის გარკვეული ნაწილი, ხაზგასმით ვამბობ, ყველაზე არ მაქვს საუბარი, გარკვეული კონტიგენტი და არც თუ ისე ცოტა, რომელთა უსიამოვნო ნაბიჯების გამოც მახინჯდებოდა და კნინდებოდა მისი, როგორც პიროვნების სახელი. მიეწერებოდა მას, ხანდახან, ისეთი სიტყვები, რაც შეიძლება ეთქვა, მაგრამ ვერ ვასწავლე ბევრს, რომ როცა სალოსი საუბრობს, ამ საუბრის გაგება პირდაპირ არ შეიძლება, რამეთუ ის მეტაფორულია და ამ არასწორი ინტერპრეტაციით უარეს გაუკეთებდა საკუთარ თავსაც და მამაოსაც. კიდევ: სამწუხაროა, რომ ექიმები დროულად არ შეუშვეს მასთან. ჩანს ეს ერთ-ერთ ვიდეოში ნათლად, რომ მისული იყო მალხაზ ჯინორია (ბერი გაბრიელის მრევლი იყო მალხაზი, თავის დროზე) და არ შეუშვეს!იქამდეც რა ხდებოდა არ ვიცით დეტალებში. ეს საქმე ჯერჯერობით ბურუსითაა მოცული, თუმცა ერთი რამ ფაქტია, რომ ხანდახან გაფანატებულ მიდგომას მძიმე შედეგები მოჰყვება ხოლმე. თავად ბერი ნიკოლოზი გუშინაც ვთქვი და აღვნიშნე, რომ დიდი ძალის სასულიერო პირი იყო! ეს მოსწონს ზოგიერთს თუ არ მოსწონს, ამას ფაქტები მოწმობს.ბერ ნიკოლოზს, უამრავი ადამიანი ჰყავს გადარჩენილი და იყო საოცრად გულისხმიერი პიროვნება. ერთ-ერთი უდიდესი და უსპეტაკესი, ნატანჯი ბერი საქართველოსი და მთელი მსოფლიოსი, რადგან ლოცულობდა ყველასთვის!„ნუ განიკითხავთ და არ განიკითხებით“ - ზოგი ისე ილანძღება, სულ ბერი გაბრიელი მახსენდება: თქვენ რომ ბერი გაბრიელი გენახათ რას აკეთებდა ხოლმე, წარმომიდგენია რა დღეში ჩააგდებდა მას ქართველი ხალხი ... რა ბედნიერებაა რომ მაშინ ,,ინტერნეტი“ არ იყო ... ამიტომ, ამ ლანძღვით თავად აყენებთ სასწორზე თქვენს სულს და კეთილი, ვისაც გამოცდა გსურთ, ეს უკვე თქვენი არჩევანია. სალოსის ცხოვრება მძიმეა და ასეთია!გუშინდლიდან მოყოლებული არ წყდება პოსტები, როგორც დაბალი, ისე მაღალი რანგის საზოგადოების მხრიდან.ცუდია, მართლა ძალიან ცუდია, რომ აქამდე არ იღებდა ბევრი ხმას. რომ მოკვდება ადამიანი, მერე ყველა ერთიანად გლოვობს. სამწუხარო რეალობაა, ტრაგიკომედიას უფრო ჰგავს.და ბოლოს: ნუ გიპყრობთ ნიჰილიზმი!ბერმა გაბრიელმა, რაც იწინასწარმეტყველა, თუნდაც ბერ ნიკოლოზზე, ბევრი რამ ახდა! და არაა გამორიცხული, რომ ბევრი რამ ,,სულიერად“ ახდეს! აუცილებლობას არ წარმოადგენს, რომ ფიზიკურად ყოფილიყო ეს უკანასკნელი ყველაფრის სათავეში.და ბოლოს: ისევ ბერი გაბრიელის სიტყვებით დავამთავრებ:,,ნიკოლოზს ტრუბაში გააძვრენენ! მას სიგიჟესაც დააბრალებენ, მრუშობასაც, ხიბლში ყოფნასაც, მაგრამ ბერის ხვედრი ესაა! ბოლოს მართალ კაცად აღესრულება!“

2012 წლის 21 აპრილი, თარიღი, რომლითაც ქვეყნის პოლიტიკურ ცხოვრებაში ახალი ეტაპი დაიწყო. ბიძინა ივანიშვილის მიერ დაფუძნებულმა პოლიტიკურმა გაერთიანებამ „ქართული ოცნება – დემოკრატიული საქართველო“, ქართველ ხალხთან ერთად, შეძლო დამნაშავე პოლიტიკური რეჟიმის დამარცხება და საქართველოს სახელმწიფოს განვითარებაში გარდამტეხი როლის შეტანა, – ამის შესახებ თბილისის მერი კახა კალაძე სოციალურ ქსელში წერს.როგორც კალაძე აღნიშნავს, „ქართული ოცნების“ 14-წლიანი პოლიტიკის შედეგია მშვიდობა, ეკონომიკური სტაბილურობა, სახელმწიფოს და საქართველოს მოსახლეობის ინტერესების ხელშეუხებლობა, ქართული ეკლესიის, ჩვენი ტრადიციების, კულტურის დაცვა.ეს არ იყო უბრალოდ ახალი პოლიტიკური ძალის გამოჩენა, ეს იყო ქართველი ხალხის იმედი და მტკიცე მოთხოვნა მშვიდობიან, სტაბილურ მომავალზე, ისეთ სახელმწიფოდ ჩამოყალიბებაზე, სადაც გადამწყვეტი სიტყვა ეკუთვნის საქართველოს მოსახლეობას. „ქართულმა ოცნებამ“ ამომრჩევლის ეს მოთხოვნა სამოქმედო გეგმად და მთავარ პრინციპად აქცია, რომლისთვისაც არასდროს გადაუხვევია, რაშიც ყველაზე დიდი წვლილი მის დამფუძნებელს, ბატონ ბიძინა ივანიშვილს მიუძღვნის.მშვიდობა, ეკონომიკური სტაბილურობა, სახელმწიფოს  და საქართველოს მოსახლეობის ინტერესების ხელშეუხებლობა, ქართული ეკლესიის, ჩვენი ტრადიციების, კულტურის დაცვა, – ეს „ქართული ოცნების“ 14-წლიანი პოლიტიკის შედეგია.ვულოცავ „ქართული ოცნების“ დიდ ოჯახს და მის მხარდამჭერებს დღევანდელ დღეს. მადლობა საქართველოს ერთგულებისთვის!“ – წერს კახა კალაძე.