მარია ზახაროვა – სწორედ ზელენსკის ერევანში ვიზიტმა აჩვენა სომხეთის მოქალაქეებს ის მომავალი, რასაც ევროკავშირი მათ უმზადებს

საქართველოს გენერალური პროკურორის, გიორგი გვარაკიძის განცხადებით, 2024 წელს მიმდინარე აქციების დროს ზვიად მოსიაშვილის, ლევან ხაბეიშვილის და გურამ როგავას მიმართ განხორციელებული ძალადობის ფაქტებზე იდენტიფიცირებული და დაკავებულია 3 ყოფილი და ერთი მოქმედი სპეცრაზმელი. ასევე, ერთი შსს-ის დაცვის პოლიციის დეპარტამენტის მოქმედი თანამშრომელი."უფრო კონკრეტულად, 5 ბრალდებულიდან 2 უკვე იმყოფება პატიმრობაში სხვა სისხლის სამართლის და ადმინისტრაციული სამართალდარღვევის ფაქტებთან დაკავშირებით, ხოლო 3 ბრალდებული დღეს დავაკავეთ," - განაცხადა პროკურორმა.

ჩინეთის ორ ყოფილ თავდაცვის მინისტრს კორუფციისთვის სიკვდილით დასჯა მიუსაჯეს. გავრცელებული ცნობით, ყოფილი თავდაცვის მინისტრების, ვეი ფენგეს და ლი შანფუს განაჩენი ორწლიან გადავადებას ითვალისწინებს.ლი შანფუ ეჭვმიტანილი იყო ქრთამის სახით „უზარმაზარი თანხების“ მიღებაში, ასევე სხვების მოსყიდვაში, ხოლო გამოძიებამ დაადგინა, რომ ის „არ ასრულებდა პოლიტიკურ მოვალეობებს“ და „საკუთარი თავისთვის და სხვებისთვის პერსონალურ შეღავათებს ითხოვდა“.ვეი ფენგეს წინააღმდეგ 2023 წელს დაწყებული გამოძიებით დადგინდა, რომ მან ქრთამის სახით „უზარმაზარი თანხა და ძვირფასი ნივთები“ მიიღო და „სხვებს დაეხმარა პერსონალურ გარიგებებში უკანონო შეღავათების მიღებაში“.ლი შანფუ თავდაცვის მინისტრის თანამდებობას 2023 წლის მარტიდან ოქტომბრამდე იკავებდა, ხოლო ვეი ფენგე – 2018 წლის მარტიდან 2023 წლის მარტამდე. ჩინეთში სიკვდილით დასჯა, როგორც წესი, სამუდამო პატიმრობით იცვლება, თუ დამნაშავე ვადაზე ადრე არ ჩაიდენს დანაშაულს.სასჯელის შემსუბუქების შემდეგ მათ სამუდამო პატიმრობა მიესჯებათ შემდგომი შემსუბუქების ან პირობით ვადამდე გათავისუფლების შესაძლებლობის გარეშე.

უზრუნველ ცხოვრებას ჩვენ ვარჩიეთ ქუჩაში დგომა, ქვეყნის თავისუფლებისთვის, ღირსებისთვის, ბრძოლა. სხვანაირად წარმოუდგენელია და ასე არის ათასობით, ათიათასობით, ასიათასობით ადამიანი, რომელიც ყოველდღიურად გამოდის ქუჩაში, – ამის შესახებ 4 ოქტომბრის საქმეზე დაკავებულა „ნაციონალური მოძრაობის“ წევრმა, ირაკლი ნადირაძემ სასამართლო პროცესზე დასკვნითი სიტყვის დროს განაცხადა.მისივე თქმით, აქციაზე დგომა მათი თვითმიზანი არ არის.„მართლა გგონიათ, რომ ხალხი აქციაზე დგომისთვის ფულს იღებს? ვინმეს მართლა გგონიათ, რომ ოჯახებთან, შვილებთან ყოფნას, საყვარელი საქმის კეთებას აქციებზე დგომა გვირჩევნია? ოჯახებში ელემენტარული შემოსავლის შეტანას აქციებზე გამოტანილი ჯარიმების შეტანა გვირჩევნია? პაატა ბურჭულაძის ერთი კონცერტის ჰონორარი შეიძლება აღემატებოდეს იმას, რაც პროკურორებმა შეიძლება, ჯამში ერთ წელიწადში აიღონ, მაგრამ ამ უზრუნველ ცხოვრებას ვარჩიეთ ქუჩაში დგომა, ჩვენი ქვეყნის თავისუფლებისთვის, ღირსებისთვის, სამართლიანობისთვის ბრძოლა. სხვანაირად წარმოუდგენელია და ასე არის ათასობით, ათიათასობით, ასიათასობით ადამიანი, რომელიც ყოველდღიურად გამოდის ქუჩაში. ჩვენი თვითმიზანი არ არის აქციებზე დგომა. ეს არც ჩვენი ჰობია, არც გატაცება და არც მშვიდობიან რევოლუციას ახსენებდა ვინმე, ქვეყანას რომ ჰყავდეს ხელისუფლება, რომელიც უსმენს, ემორჩილება ხალხის ნებასა და არჩევანს“, – განაცხადა ირაკლი ნადირაძემ.ირაკლი ნადირაძემ ასევე ისაუბრა, როგორ უნდა იცვლებოდეს დემოკრატიულ ქვეყანაში ხელისუფლება.„პროკურორმა მკითხა, როგორ უნდა იცვლებოდეს ხელისუფლებაო. დემოკრატიულ ქვეყანაში ხელისუფლება უნდა იცვლებოდეს არჩევნების გზით. ამისთვის გამჭვირვალე, სამართლიანი, დემოკრატიული არჩევნები უნდა ტარდებოდეს ქვეყანაში. ხელისუფლებას როდესაც შეუძლია დამარცხების აღიარება, ძალაუფლების გამარჯვებული მხარისთვის მშვიდობიანად გადაცემა. აი, მაშინ აღარავის დასჭირდება ქუჩაში გამოსვლა, „მშვიდობიანი რევოლუციის“ ხსენება.ბოლოს 2012 წლის პირველ ოქტომბერს მოხდა ხელისუფლების მშვიდობიანად გადაბარება. არჩევნების შედეგების გამოცხადებიდან ერთ საათში გამოვიდა მიხეილ სააკაშვილი და აღიარა დამარცხება, მიუხედავად იმისა, რომ „ქართული ოცნება“ უბინძურესი მეთოდებით მოვიდა ხელისუფლებაში. მიუხედავად იმისა, რომ მიშამ ზუსტად იცოდა, ვინ მოდიოდა ხელისუფლებაში და ამასთან დაკავშირებით დიდი ხნით ადრე აფრთხილებდა საზოგადოებას, სააკაშვილმა აბსოლუტურად მშვიდობიანად დათმო ხელისუფლება. რატომ? იმიტომ, რომ ასე იქცევიან ნამდვილი ლიდერები, ვისაც უყვარს თავისი ხალხი, ქვეყანა“, – განაცხადა ირაკლი ნადირაძემ.ამასთან, ირაკლი ნადირაძემ დასკვნითი სიტყვისას აღნიშნა, მისთვის წარმოუდგენელი იყო, რომ პრეზიდენტის სასახლესთან ადამიანების  დაკავება სისხლის სამართლის წესით მოხდებოდა და არა ადმინისტრაციულით. „როდესაც დავინახე, რომ ღობე იყო გადაჭრილი, დაზიანებული, გასაგები იყო, რომ ადამიანები, რომლებიც გადავიდნენ იქ ჩვენს ჩასვლამდე, დასაჭერად იყვნენ გამეტებული. აბსოლუტურად შეგნებულად, შიშველი ხელებით, ყველანაირი ძალადობის გარეშე შევედი ერთადერთი მიზნით, რომ მეც დავეკავებინე. ოღონდ, გულწრფელად წარმოუდგენელი იყო, რომ იმ ხალხსაც და ჩვენც სისხლის სამართლით დაგვიჭერდნენ და არა ადმინისტრაციული წესით. მანამდე ბევრი აქცია ყოფილა, ბევრი აქციის მომსწრე, მონაწილე ვარ, ამაზე მძიმე სურათებიც მინახავს, მაგრამ ეს ადამიანები ადმინისტრაციული წესის გარდა, არ ყოფილან დაკავებული. ასე უნდა მომხდარიყო ახლაც“, – აღნიშნა ირაკლი ნადირაძემ.

„დინამოს“ პრეზიდენტის, რომან ფიფიას ინიციატივით გაიმართა შეხვედრა ბორის პაიჭაძის სახელობის ეროვნული სტადიონის „დინამო არენის“ ავტორებთან – ინფორმაციას ცნობილი არქიტექტორების, გია და არჩილ ქურდიანების სტუდია ავრცელებს.არსებული ინფორმაციით, რომან ფიფიას ინიციატივით დაიწყო არსებული სტადიონის პრობლემების, თანამედროვე მოთხოვნებთან შესაბამისობისა და მათი გადაჭრის შესაძლო გზების განხილვა. სტადიონის ავტორებმა, გია და არჩილ ქურდიანების არქიტექტურულმა სტუდიამ კი განახლებული „დინამო არენის“ კონცეფცია შეიმუშავა.„დინამო არენის“ ისტორია, ეს პირველ რიგში სტადიონის აშენების დღიდან მისი მუდმივი რეკონსტრუქციის და არქიტექტურული ტრანსფორმაციის 90-წლიანი ისტორიაა და ამ ყველაფერს, 1936 წლიდან დაწყებული ქურდიანების არქიტექტურული დინასტიის ოთხი თაობა ახორციელებს.განიხილება „დინამო არენის“ ტევადობის 70 000-მდე გაზრდა; გადახურვის განახლება თანამედროვე დიზაინით; სარბენი ბილიკების გაუქმება და არენის წმინდა საფეხბურთო სტადიონად გადაქცევა; პირველი იარუსის სრული სახეცვლილება; დამატებითი შესასვლელები; საპარკინგე ადგილების შექმნა.

ჩვენ უკრაინის საკითხში რუსეთის მოკავშირეები არ ვართ, – ამის შესახებ სომხეთის პრემიერ-მინისტრმა, ნიკოლ ფაშინიანმა განაცხადა.სომხეთის მთავრობის ხელმძღვანელმა გაიხსენა, რომ სომხეთმა უკრაინას ჰუმანიტარული დახმარება გაუგზავნა.უკრაინის პრეზიდენტის, ვოლოდიმირ ზელენსკის მიერ აზერბაიჯანისთვის 2020 წლის ომის შემდეგ მილოცვის შესახებ დასმულ კითხვაზე პასუხის გაცემისას, ფაშინიანმა აღნიშნა, რომ აზერბაიჯანს „კოლექტიური უსაფრთხოების ხელშეკრულების ორგანიზაციის“ წევრებმაც მიულოცეს, როგორიცაა ბელარუსი.ნიკოლ ფაშინიანის თქმით, ალმა-ათის დეკლარაციას სომხეთისთვის ფუნდამენტური მნიშვნელობა აქვს და ერევანი აზერბაიჯანთან ურთიერთობების დამყარებისას ამ დეკლარაციას ეყრდნობა.სომხეთის პრემიერ-მინისტრმა აღნიშნა, რომ 2022 წლის 6 ოქტომბრის პრაღის განცხადებამდე რუსეთის პრეზიდენტმა ორჯერ თქვა, რომ ყარაბაღი აზერბაიჯანის ნაწილია.