მამა აკაკი მელიქიძე წყევლის შესახებ

„ოცნებას“ თუ სურდა ამერიკასთან ურთიერთობის გადატვირთვა, საკმარისი დრო ჰქონდა, თავად გადატვირთულიყო. რას უნდა ველოდოთ, რა გადატვირთვაზეა საუბარი?, – ამის შესახებ „გახარია საქართველოსთვის“ წევრმა, გიორგი შარაშიძემ განაცხადა.მისი თქმით, ის დონე, რა დონეზეც აშშ-ი შეხვედრები ტარდება კიდევ ერთხელ ადასტურებს, რომ „ოცნების“ ხელისუფლებას სერიოზულად არავინ უყურებს.„აშშ-ში შეხვედრები ლამის კორიდორებში მიდის, იმის იქით არა, კორიდორებში ხვდებიან ძალიან დაბალი რანგის წარმომადგენლებს. მაშინ როდესაც ჯერ კიდევ 4 წლის წინ სახელმწიფო მდივნებს და ვიცე-პრეზიდენტს პირადად ვმასპინძლობდით ამ ქვეყანაში, ვიზიტები უმაღლეს დონეზე იყო და, ზოგადად იყო სტრატეგიული ურთიერთობა საქართველოსა და ამერიკას შორის. დღეს გვაქვს ვითარება, როდესაც საქართველოსთან სტრატეგიული ურთიერთობა საერთოდ არ არსებობს, გაწყვეტილია ყველანაირი ურთიერთობა. ჩვენი მეზობლები სომხეთი და აზერბაიჯანი მაქსიმალურად ცდილობენ, გამოიყენონ შეცვლილი გეოპოლიტიკური ვითარება და ვხედავთ, ფაქტობრივად პირადად მეგობრობენ, შეიძლება, ითქვას, ამერიკის შეერთებულ შტატებთან. მარტო ხელის ჩამორთმევა აღარ არის, ეს არის უკვე სერიოზული პარტნიორული ურთიერთობა და დღე-დღეზე ელოდებიან ამერიკის ვიცე-პრეზიდენტის ვიზიტს. და ჩვენ, „მადამ ტუსოს“ მუზეუმში თუ შევა საგარეო საქმეთა მინისტრის მოადგილე და იქ ტრამპის ცვილის ფიგურას თუ ჩამოართმევს ხელს და ამას სინამდვილედ თუ გაასაღებს, თორემ, რეალურად იქ რომ არანაირი ხელშესახები შედეგი არ იქნება, სამწუხაროდ, ფაქტია“, – განაცხადა გიორგი შარაშიძემ.მისი თქმით, ისიც საინტერესოა, რომ „გახარია საქართველოსთვის“ ინფორმაციით, აშშ-ში მამუკა მდინარაძეც იმყოფება.„სუსს თუ ჰგონია, რომ საკმარისია ერთი განცხადება, თურმე მდინარაძე თბილისშია, ჩვეულებრივად მუშაობს, ეს ასე არ არის. სავარაუდოდ, იმიტომაც ვერ აღიარებენ მის ამერიკაში ყოფნას, რომ რეალურად ეს ვიზიტი, რომელიც ბატონი მდინარაძის იქ ყოფნის პარალელურად მიდის, არის ასეთ დაბალ დონეზე, ვერანაირი ხელშესახები შედეგები ვერ დაიდო“, – განაცხადა გიორგი შარაშიძემ.

რადიკალური ოპოზიციის წარმომადგენლები ამბობდნენ, რომ საჭირო იყო განათლების რეფორმა. როგორც კი რეფორმაზე საუბარი დაიწყო, ამ სიკეთეს მყისიერად გაემიჯნენ, რადგან, როგორც წესი, სიკეთეს ემიჯნებიან ხოლმე, – ამის შესახებ „ხალხის ძალის“ აღმასრულებელმა მდივანმა, გურამ მაჭარაშვილმა განაცხადა.მისი თქმით, განათლების სისტემაში ბევრი კითხვა არსებობდა, რაზეც პასუხი გაეცა.„განათლების სისტემა რეფორმას საჭიროებდა. ამაზე შეთანხმება არსებობდა, მათ შორის რადიკალური ოპოზიციის წარმომადგენლები ამბობდნენ, რომ საჭირო იყო განათლების რეფორმა. როგორც კი განათლების რეფორმაზე საუბარი დაიწყო, ამ სიკეთეს მყისიერად გაემიჯნენ, რადგან, როგორც წესი, ისინი სიკეთეს ემიჯნებიან ხოლმე. განათლების სისტემაში ბევრი კითხვა არსებობდა, რაზეც პასუხი გაეცა“, – განაცხადა გურამ მაჭარაშვილმა.

გაფართოების საკითხებში ევროკომისრის, მარტა კოსის განცხადებით, მშვიდობა უკრაინაში შეცვლის რეალობას ევროპაში, განსაკუთრებით შავი ზღვის რეგიონში, თურქეთი ევროკავშირისთვის ძალიან მნიშვნელოვანი პარტნიორი იქნება.ამის შესახებ მარტა კოსმა თურქეთში გამგზავრებამდე „პოლიტიკოს“ განუცხადა.„ევროპაში მშვიდობისა და სტაბილურობისთვის სამზადისი გულისხმობს თურქეთთან ძლიერი პარტნიორობისთვის მზადებას. გაფართოების უკანასკნელ ანგარიშებში ჩვენ ვნახეთ ევროკავშირის სტანდარტებიდან დაშორებისკენ გადადგმული ნაბიჯები, განსაკუთრებით ეს ეხება კანონის უზენაესობას და დემოკრატიას. ვიცი, თურქეთს გააჩნია ხანგრძლივი დემოკრატიული ტრადიცია და ძლიერი სამოქალაქო საზოგადოება. სწორედ ამის გაძლიერების ხილვა გვსურს, რომ ევროკავშირსა და თურქეთს შორის ნდობა ავაშენოთ“, – განაცხადა ევროკომისარმა.როგორც „პოლიტიკო“ წერს, ანკარაში ვიზიტისას მარტა კოსი დაესწრება ევროპის საინვესტიციო ბანკისა და თურქეთის მთავრობას შორის ხელშეკრულების ხელმოწერას, რომელიც ანკარასთვის განახლებადი ენერგიის პროექტებში 200 მილიონი დოლარის გამოყოფას ითვალისწინებს.ამასთან ერთად, ევროკომისია წარადგენს კვლევას, რომელიც „რეგიონთაშორისი დაკავშირებადობის დღის წესრიგის წინ წაწევას“ ეხება და მოიცავს თურქეთს, ცენტრალურ ევროპას და სამხრეთ კავკასიას.„პოლიტიკოს“ ცნობით, კვლევაში საუბარია საჭირო ინვესტიციებზე ტრანსპორტის, ვაჭრობის, ენერგიისა და ციფრული დაკავშირებადობის სფეროში, ტრანსკასპიური დერეფნის ფარგლებში, რომელიც ჩინეთს, ცენტრალურ აზიას, სამხრეთ კავკასიას და შავ ზღვას აკავშირებს.ცნობისთვის, ევროკავშირსა და თურქეთს შორის ურთიერთობები წლების განმავლობაში იყო გაუარესებული. ბრიუსელი შეშფოთებას გამოთქვამდა თურქეთში ოპოზიციის წინააღმდეგ გადადგმული ნაბიჯების გამო. ანკარა ევროკავშირში წევრობის კანდიდატია, თუმცა მოლაპარაკების პროცესი 2018 წლიდან არის შეჩერებული.

თბილისის მერის, კახა კალაძის განცხადებით, ის მიესალმება ფაქტს, რომ ქვეყანაში პროდუქტებზე ფასების დარეგულირების საკითხში ბიზნესიც ჩართულია და პრემიერ-მინისტრის ინიციატივას იზიარებენ.„მივესალმები პრემიერ-მინისტრის ინიციატივას პროდუქტების ფასებთან დაკავშირებით. ზოგადად ფასების დასტაბილურების საკითხზე არაერთი შეხვედრა გაიმართა სხვადასხვა დარგის წარმომადგენელთან. ჩვენ ბევრჯერ გავაკეთეთ განცხადება, თუ რამდენად მნიშვნელოვანია, რომ ეს ყველაფერი მოწესრიგებული იყოს. რა თქმა უნდა, ბიზნესი თავისუფალია, ხელშეუხებელია და მას არავინ ეხება, თუმცა ფასების დარეგულირების საკითხში მათი ჩართულობა და თანამონაწილეობა ძალიან მნიშვნელოვანია“, – აღნიშნა თბილისის მერმა.რაც შეეხება ჟურნალისტის შეკითხვას ეკონომიკურ ზრდასთან დაკავშირებით, კახა კალაძის თქმით, ამ შედეგების ეჭვქვეშ დაყენება სასაცილოა, რადგან არსებობს საერთაშორისო სტატისტიკა და შესაბამისი დასკვნები.„საერთაშორისო ორგანიზაციები მუდმივად აქვეყნებენ სტატისტიკას ქვეყანაში ეკონომიკურ ზრდასთან დაკავშირებით. ამის ეჭვქვეშ დაყენება სასაცილო მგონია. ქვეყანა ეკონომიკურად ვითარდება, წინ მიდის. შეიძლება ეს ჩვენს ოპონენტებს არ სიამოვნებთ, მაგრამ რეალობა ასეთია. ცხადია, ჯერ კიდევ რჩებიან ოჯახები, ვისაც ეკონომიურად უჭირთ, თანადგომა სჭირდებათ. მე როგორც დედაქალაქის მერმა, შემიძლია გითხრათ, რომ მუნიციპალიტეტს აქვს უამრავი სპეციალური პროგრამა. ვიდრე ასეთი ოჯახები არსებობენ, ჩვენ მათ ყოველთვის გვერდით დავუდგებით. ყველაფერი შედარებითია. გადავხედოთ წინა წლებს, შევადაროთ რამდენი გაჭირვებული ადამიანი იყო, ახლა რამდენია. იმის ილუზია არავის გვაქვს, რომ ქვეყანაში ყველაფერი საუკეთესოდ არის და გულზე ხელის ბჯენით ვთქვათ: აუ, რა მაგრები ვართო. ცხადია, ასე არაა და ჩვენ უფრო უკეთესი შედეგები და ქვეყნის მეტად ეკონომიკური წინსვლა გვინდა“, – განაცხადა დედაქალაქის მერმა.

ფსიქოტროპული მედიკამენტების არამართლზომიერად და ჭარბი ოდენობით გამოწერის გამო, ათ მედიკოსს პროფესიული პასუხისმგებლობა დაეკისრა, – ინფორმაციას ჯანდაცვის სამინისტრო ავრცელებს.უწყების ცნობით, ერთ ექიმს საექიმო საქმიანობის სერტიფიკატი სამუდამოდ გაუუქმდა, რვა ექიმს საქმიანობის უფლება ექვსი თვის ვადით შეეზღუდა, ერთს კი წერილობითი გაფრთხილება მიეცა.„გამოვლენილი დარღვევების ცალკეული შემთხვევები, სამართლებრივი შეფასებისთვის საგამოძიებო უწყებებს გადაეცა.მედიკამენტების არამართლზომიერად გამოწერის შემთხვევები ჯანდაცვის სამინისტროს პროფესიული განვითარების საბჭოზე განიხილეს. საბჭოზე კრიტიკული ნაკლოვანებები და რისკები გამოვლინდა.დადგინდა, რომ ექიმების მიერ, ფსიქოტროპული მედიკამენტების რეცეპტების გაცემა ხდებოდა დასაბუთების, დიაგნოსტირებისა და პაციენტთან კონსულტაციის გარეშე. ასევე, ერთ პაციენტზე, ერთდროულად, გამოწერილი იყო სხვადასხვა დასახელების, ისეთი ძლიერმოქმედი ფსიქოტროპული მედიკამენტები, როგორიცაა: „ლირიკა“, „დიაზეპამი“ და „ბაკლოფენი“. ცალკეულ შემთხვევებში, ფსიქოტროპული მედიკამენტების რეცეპტს გასცემდა ექიმი, რომელსაც შესაბამისი ნებართვა არ ჰქონდა. ასევე, მედიკამენტი გაიცემოდა, დღიურ დოზასთან შედარებით, ორჯერ და სამჯერ დიდი დოზით.მიხეილ სარჯველაძის განმარტებით, განხორციელებული მონიტორინგისა და ანალიზის შედეგად გამოვლენილი დარღვევები საჭიროებს შესაბამის რეაგირებას, რომელიც განხორციელდება მოქმედი კანონმდებლობის ფარგლებში. ამასთან, სამინისტრო მუშაობს ნორმატიული ბაზის განახლებაზე, რათა შემცირდეს მსგავსი რისკები და გაძლიერდეს კონტროლის მექანიზმები.საბჭოს წევრების განცხადებით, ფსიქოტროპული მედიკამენტების არამიზნობრივი გაცემის პრაქტიკის აღმოფხვრის პროცესში მნიშვნელოვანია ექიმების როლი, პროფესიული და ეთიკური სტანდარტების მკაცრი დაცვა“, – ნათქვამია სამინისტროს ინფორმაციაში.