ლოცვა, რომელიც კვირაცხოვლობას უნდა წაიკითხოთ

აშშ-ში, სმიტსონის ზოოპარკში, ინდური სპილოს ნაშიერმა ლინ მეიმ პირველი მეგობარი იპოვა. ამის შესახებ The Washingtonian-ი წერს.ლინ მეი გახდა პირველი სპლიყვი, რომელიც ზოოპარკში ბოლო 25 წლის განმავლობაში დაიბადა. ის 2 თებერვალს მოევლინა ქვეყანას. თუმცა მალევე დედამ, ნჰი ლინმა, მასზე უარი თქვა, მსგავსი შემთხვევები სპილოებში იშვიათი არ არის.მიტოვებულ სპლიყვზე ზრუნვა ზოოპარკის თანამშრომლებმა ითავეს. მათ უწევთ ლინ მეიზე დაკვირვება და ყოველ ორ საათში ერთხელ ბოთლით სპეციალური  რძით კვება. „ეს ერთ-ერთი ყველაზე დამქანცველი სამუშაოა, რაც კი ოდესმე გამიკეთებია“, — აღიარა ზოოპარკის სპილოების მთავარმა კურატორმა რობი კლარკმა.კლარკის თქმით, ლინ მეი უკვე ავლენს თავის ხასიათს. „ის მოუსვენარია. თამამი. თამაშის მოყვარული. ძალიან უყვარს ბანაობა“, - აღწერა მან. მიუხედავად იმისა, რომ სპლიყვმა დედასთან ურთიერთობის დალაგება ვერ მოახერხა, ის სხვა სპილოსთან, 52 წლის სვარნასთან დამეგობრდა. სვარნას არასოდეს ჰყოლია შვილები, თუმცა იცის, როგორ მოექცეს მათ.სპლიყვის ისტორიამ ბევრს იაპონელი პანჩის ამბავი გაახსენა.პატარა იაპონური მაკაკა, ინტერნეტვარსკვლავი მას შემდეგ გახდა, რაც გავრცელდა ვიდეო, თუ როგორ ეხუტებოდა ის ძველ, ფუმფულა სათამაშო-მაიმუნს, მას შემდეგ რაც  დედამ მასზე უარი თქვა. პანჩის სხვა მაიმუნებთან შეგუებაც გაუჭირდა. სოციალურ ქსელებში ვირუსულად გავრცელდა კადრები, სადაც ჩანს, როგორ აგრესიულად ექცევიან მას ზრდასრული მაკაკები. რის შემდეგაც შეშინებული პანჩი დასამალად მის ერთადერთ მეგობართან, სათამაშო ორანგუტანგთან გარბის.კადრებმა, სადაც ის სათამაშოს ისე ებღაუჭება, როგორც დედას, მილიონობით ადამიანის თანაგრძნობა გამოიწვია.მოგვიანებით, კი გავრცელდა ინფორმაცია, რომ  პანჩი ზოოპარკში მცხოვრებ სხვა მაიმუნებს დაუმეგობრდა და გართობის ახალი გზა იპოვა. ორანგუტანგიც ნაკლებად უჭირავს ხელში.

აშშ-ის პრეზიდენტ დონალდ ტრამპის ოჯახის უძრავი ქონების კომპანია, პარტნიორებთან ერთად, თბილისში ახალ ცათამბჯენს ააშენებს.„უოლ სთრით ჯორნალის“ ინფორმაციით, ტრამპის ორგანიზაცია საქართველოს დედაქალაქში, ადგილობრივ პარტნიორებთან ერთად, 70-სართულიანი ფეშენებელური საცხოვრებელი კომპლექსის – Trump Tower Tbilisi-ის აშენებას გეგმავს.„კავკასიაში ტრამპის ბრენდის ახალი ცათამბჯენის აშენება იგეგმება, რაც კიდევ ერთი მაგალითია იმისა, თუ როგორ შეცვალა ტრამპის ოჯახის კომპანიამ საზღვარგარეთული ბიზნესისადმი მიდგომა ტრამპის მეორე ადმინისტრაციის დროს“, – წერს გამოცემა.„უოლ სთრით ჯორნალის“ სტატიაში წერია, რომ დასრულების შემდეგ, ეს იქნება ყველაზე მაღალი შენობა თბილისში.როგორც ცნობილია, პროექტში ასევე მონაწილეობს ნიუ იორკში დაფუძნებული დეველოპერი და ტრამპის ყოფილი პარტნიორი – Sapir Organization-ი.სტატიაში ასევე ნათქვამია, რომ ტრამპს საქართველოში წლების წინაც სურდა ცათამბჯენის აშენება, თუმცა, სხვა ქვეყნებში დაგეგმილი არაერთი პროექტის მსგავსად, „ინტერესთა პოტენციური კონფლიქტის წარმოშობის გამო მასზე უარი თქვა“.როგორც სტატიაშია აღნიშნული, ახალი პროექტი ასევე აცოცხლებს ტრამპის ბრენდსა და საქართველოს შორის უცვლელ ისტორიას.„2012 წელს ტრამპის ორგანიზაციამ გამოაცხადა უძრავი ქონების პროექტის გეგმები შავი ზღვის საკურორტო ქალაქ ბათუმში, თუმცა, კომპანიამ უკან დაიხია ამ პროექტიდან და სხვა მრავალი საგარეო გარიგებიდან, რადგან დონალდ ტრამპმა განაცხადა, რომ მას სურდა, თავიდან აეცილებინა ინტერესთა პოტენციური კონფლიქტის წარმოშობა”, – წერს გამოცემა.„უოლ სთრით ჯორნალი“ სტატიაში საქართველოს ახასიათებს ქვეყნად, რომელიც ცდილობს ურთიერთობების დაბალანსებას და ხელსაყრელი პირობების შექმნით კაპიტალის მოზიდვას.„თავად საქართველო გეოპოლიტიკურად მგრძნობიარე პოზიციას იკავებს, აბალანსებს რა ურთიერთობებს დასავლეთთან და ამავდროულად თავს ართმევს დაძაბულობას რუსეთთან. ბოლო წლებში ის ასევე ცდილობდა უცხოური კაპიტალის მოზიდვას ბიზნესისთვის ხელსაყრელი პოლიტიკის, შედარებით დაბალი გადასახადების და მზარდი ტურიზმის სექტორის პოპულარიზაციით“, – წერს გამოცემა.როგორც ცნობილია, პროექტის განხორციელებაში ასევე ჩართული იქნებიან ქართული კომპანიები – Archi Group-ი და Biograpi Living-ი.

დაჯგუფება „ჰეზბოლა“ აცხადებს, რომ ისრაელსა და ლიბანს შორის შეთანხმებულ ათდღიან ცეცხლის შეწყვეტას „პრაქტიკული მნიშვნელობა არ აქვს“.ამასთან, მათი თქმით, შეურაცხმყოფელია, რომ აშშ-მა ლიბანის მთავრობის სახელით ისაუბრა და გარიგება გამოაცხადა, თუმცა ყველამ იცის, რომ ის ლიბანის ხელისუფლებას არ შეხვედრია და გადაწყვეტილება თვითნებურად მიიღო.დაჯგუფება ასევე აცხადებს, რომ მისი მებრძოლები „დარჩებიან ბრძოლის ველზე ჩახმახზე თითებით“, რათა უპასუხონ ცეცხლის შეწყვეტის ნებისმიერ დარღვევას.„ჰეზბოლა“ აცხადებს, რომ მშვიდობის მისაღწევად აუცილებელია შემდეგი „ხუთი პუნქტის“ შესრულება: აგრესიის სამუდამოდ შეჩერება მთელ ლიბანში საჰაერო, სახმელეთო და საზღვაო გზით; ისრაელის მტრის გაყვანა ოკუპირებული ტერიტორიებიდან საზღვრებამდე. პატიმრების გათავისუფლება; მცხოვრებლების დაბრუნება თავიანთ სოფლებსა და ქალაქებში ისრაელის საზღვრამდე; ქვეყნის აღდგენა არაბული და საერთაშორისო მხარდაჭერითა და ეროვნული პასუხისმგებლობით.„ჰეზბოლა“ ღიაა ლიბანის ხელისუფლებასთან სრული თანამშრომლობისთვის“, – ნათქვამია განცხადებაში.ცნობისთვის, მანამდე, „სქაი ნიუსმა“ გაავრცელა ინფორმაცია, რომ ცეცხლის შეწყვეტის შეთანხმების მიუხედავად, ისრაელის სამხედრო ძალებმა სამხრეთ ლიბანში „ჰეზბოლას” ობიექტებზე იერიში მიიტანეს. ისრაელსა და ლიბანს შორის ცეცხლის შეწყვეტის შეთანხმება 17 აპრილს ამოქმედდა და ათი დღის განმავლობაში უნდა გაგრძელებულიყო.

საქართველოს ტექნიკური უნივერსიტეტი უმწეო მდგომარეობაში მყოფი არასრულწლოვნის გაუპატიურების და არასრულწლოვანი დაზარალებულების მიმართ სექსუალური ხასიათის ქმედების ფაქტებზე დაკავებულზე, რომელიც უნივერსიტეტის თანამშრომელია განცხადებას ავრცელებს.სტუ აღნიშნავს, რომ მას შეუჩერდა უფლებამოსილება, საქართველოს ტექნიკური უნივერსიტეტის შიდა რეგულაციების შესაბამისად.„საქართველოს ტექნიკური უნივერსიტეტი, საზოგადოების მაღალი ინტერესიდან გამომდინარე, განცხადებას ავრცელებსსაქართველოს ტექნიკური უნივერსიტეტი ეხმაურება შინაგან საქმეთა სამინისტროს თბილისის პოლიციის დეპარტამენტის არასრულწლოვანთა საქმეთა მთავარი სამმართველოს თანამშრომლების მიერ არასრულწლოვნების გაუპატიურებისა და მათ მიმართ ჩადენილი სხვა სახის სექსუალური ძალადობის ბრალდებით 1960 წელს დაბადებული ზ.ა.-ს დაკავების ფაქტს.საქართველოს ტექნიკური უნივერსიტეტი მკაცრად გმობს ნებისმიერ ძალადობრივ ქმედებას, განსაკუთრებით მაშინ, როდესაც საკითხი ეხება არასრულწლოვანთა უფლებების შესაძლო დარღვევას და აღნიშნავს, რომ მსგავსი შემზარავი ქმედებები თავისი არსით ეწინააღმდეგება ჰუმანურობის, კაცთმოყვარეობის და ადამიანური ურთიერთობების ძირითად საფუძვლებს.საქართველოს ტექნიკური უნივერსიტეტი სრულად იცავს უდანაშაულობის პრეზუმფციის პრინციპს და მიუკერძოებელი სასამართლო განაჩენის გამოტანამდე სრულ მზადყოფნას გამოთქვამს, ითანამშრომლოს შესაბამის სამართალდამცავ ორგანოებთან საქმის ყოვლისმომცველი, ობიექტური და გამჭვირვალე გამოძიების უზრუნველსაყოფად.უნივერსიტეტი ადასტურებს, რომ ზ.ა.-ს, რომელიც დასაქმებული იყო ინფორმატიკისა და მართვის სისტემების ფაკულტეტზე, სამართლებრივი პროცესების დაწყებისთანავე, შესაბამისი უწყებების მიერ გატარებული ღონისძიებების პარალელურად, შეუჩერდა უფლებამოსილება, საქართველოს ტექნიკური უნივერსიტეტის შიდა რეგულაციების შესაბამისად.ამასთანავე, უნივერსიტეტი ხაზგასმით აღნიშნავს, რომ საუნივერსიტეტო სივრცეში კატეგორიულად მიუღებელია ნებისმიერი ფორმის ძალადობა, დისკრიმინაცია ან არაეთიკური ქცევა თუ ქმედებები, რაც სრულად ეწინააღმდეგება როგორც უნივერსიტეტის ეთიკის კოდექსს, სამოქმედო პრინციპებსა და ღირებულებებს, ასევე აკადემიურ და სამეცნიერო სივრცეებში დამკვიდრებულ და ფუნდამენტურად აღიარებულ ნორმებს; თუმცა აქვე დასძენს, რომ შეუძლებელია ჰქონდეს სრულყოფილი ინფორმაცია საუნივერსიტეტო საზოგადოების თითოეული წევრის (პროფესორი, მეცნიერი, ადმინისტრაციის თანამშრომელი, სტუდენტი) პირადი ცხოვრების შესახებ.უნივერსიტეტი კიდევ ერთხელ აღნიშნავს, რომ ადამიანის უფლებების, უსაფრთხოების და ამასთან ერთად, უდანაშაულობის პრეზუმფციის დაცვა უმაღლესი პრიორიტეტია და აქვე აცხადებს, რომ დამატებითი ინფორმაცია საზოგადოებას მიეწოდება შესაბამისი საჭიროების შემთხვევაში, მოქმედი კანონმდებლობისა და ეთიკური სტანდარტების სრული დაცვით”, - ნათქვამია განცხადებაში.

კიევში გოლოსეევოს რაიონში, დღევანდელი სროლის შედეგად დაიღუპა ცოლ-ქმარი. მათი 11 წლის შვილი დაჭრილია და საავადმყოფოში იმყოფება. - ამის შესახებ გენერალურმა პროკურორმა რუსლან კრავჩენკომ განაცხადა. აღნიშნულია, რომ მამაკაცი მიღებული ჭრილობების შედეგად ადგილზე დაიღუპა. ქალი კი საავადმყოფოში გარდაიცვალა.„მათი 2015 წელს დაბადებული ვაჟი ცეცხლსასროლი ჭრილობით ბავშვთა სამედიცინო დაწესებულებაში იმყოფება, სადაც მას საჭირო დახმარება ეწევა“, - ნათქვამია განცხადებაში.დღევანდელი თავდასხმას უკვე მიეცა ტერაქტის კვალიფიკაცია. თავდამსხმელი ლიკვიდირებულია.გავრცელებული ცნობით, კიევში შეიარაღებულმა მამაკაცმა ჯერ ქუჩაში გამვლელების მისამართით სროლა დაიწყო, ხოლო შემდეგ სუპერმარკეტში შეიჭრა და მძევლები აიყვანა.სროლის შედეგად დაიღუპა 6 ადამიანი. მომხდარს უკრაინის პრეზიდენტი გამოეხმაურა. „ამჟამად 10 ადამიანი საავადმყოფოშია მიყვანილი ჭრილობებითა და ტრავმებით. ყველას მიეწოდება აუცილებელი დახმარება. ოთხი მძევალი გადაარჩინეს. დავავალე შინაგან საქმეთა მინისტრსა და ეროვნული პოლიციის ხელმძღვანელს, საზოგადოებას მიაწოდონ ყველა გადამოწმებული ინფორმაცია ამ შემთხვევის შესახებ“, – დაწერა ზელენსკიმ სოციალურ ქსელში.უკრაინის შინაგან საქმეთა მინისტრმა იგორ კლიმენკოს განცხადებით, თავდამსხმელი, რომელმაც ცეცხლი გახსნა მშვიდობიანი მოქალაქეების წინააღმდეგ, 58 წლის უკრაინის მოქალაქეა.„მან დემიევსკის ქუჩიდან დაიწყო თავისი განზრახვის შესრულება. გზად ოთხი ჩვენი მოქალაქე დახვრიტა, მეხუთე გარდაცვლილი კი მაღაზიაში მძევლად აყვანილი მოქალაქეა, ერთი ადამიანი მოგვიანებით საავადმყოფოში გარდაიცვალა“, – განაცხადა კლიმენკომ.