პარასკევი, ნოემბერი 20, 2026

ირაკლი ჩიქოვანი – თავდაცვის ძალების განვითარების საქმეში უმნიშვნელოვანესი ადგილი უჭირავს საერთაშორისო პარტნიორობის გაღრმავებას

საქართველოს პარლამენტის გაერთიანებული კომიტეტების სხდომაზე, სადაც საქართველოს მთავრობისათვის ნდობის გამოცხადების საკითხს განიხილავენ, თავდაცვის მინისტრობის კანდიდატმა თავდაცვის ძალების განვითარების საქმეში საერთაშორისო პარტნიორობის გაღრმავებაზე ისაუბრა.

როგორც ირაკლი ჩიქოვანმა აღნიშნა, საქართველო წარმატებით ახერხებს ევროპული და ევროატლანტიკური ინტეგრაციის გზაზე სვლას, რისი მკაფიო დადასტურებაც არის გასულ წელს ქვეყნისთვის მინიჭებული ევროკავშირის კანდიდატის სახელმწიფოს სტატუსი.

ირაკლი ჩიქოვანმა თავდაცვის ძალების განვითარების საქმეში საერთაშორისო პარტნიორობის გაღრმავების კუთხით გეგმებსა და ხედვებზე გაამახვილა ყურადღება. მისი თქმით, ერთ-ერთი პრიორიტეტი პარტნიორებთან პოლიტიკური და პრაქტიკული მხარდაჭერის გაძლიერებაა და ამ მხრივ ნატო-სთან, ევროკავშირთან, მთავარ სტრატეგიულ პარტნიორთან – ამერიკის შეერთებულ შტატებთან, რეგიონში საქართველოს პარტნიორ სახელმწიფოებთან და სხვა პარტნიორ ქვეყნებთან ორმხრივი და მრავალმხრივი თანამშრომლობის ფარგლებში თანამშრომლობა გაგრძელდება.

თავდაცვის მინისტრობის კანდიდატმა საქართველოს სტრატეგიულ პარტნიორთან – ამერიკის შეერთებულ შტატებთან ორმხრივ თანამშრომლობაზეც გაამახვილა ყურადღება. მან ხაზგასმით აღნიშნა საქართველოს თავდაცვისა და შეკავების გაძლიერების ინიციატივა, რომელიც მიმართულია ქვეყნის შეკავების, ტერიტორიული თავდაცვის, წინააღმდეგობისა და მედეგობის შესაძლებლობების გაძლიერებისკენ და ხელს უწყობს ნატო-სთან თავსებადობის გაზრდას, ინსტიტუციური რეფორმების განხორციელებას და საქართველოს თავდაცვის ძალების მოდერნიზაციის პროცესის დაჩქარებას.

ირაკლი ჩიქოვანმა რეგიონის ქვეყნებთან პარტნიორობის მნიშვნელობაზეც ისაუბრა. მან აზერბაიჯანისა და თურქეთის რესპუბლიკებთან სამმხრივ ფორმატში თანამშრომლობაზე გაამახვილა ყურადღება და აღნიშნა, რომ სამმხრივ თავდაცვის მინისტერიალს წელს საქართველო უმასპინძლებს.

ქეთევან ნინუაhttp://tiflisnews.ge
საინფორმაციო სააგენტო tiflisnews.ge კონტაქტი- ☎️ 555 100 929

მამა სამსახურში ყოფილა წასული… სამი ბავშვი – სკოლაში…ახალი დეტალები თაიას ოჯახის შესახებ

,,წარმოუდგენელი ტრაგედია ტრიალებს ამ ოჯახის თავს... სწორედ აქედანაა გადარჩენილი თაია.დედა და შვილი დადასტურებულად გარდაცვლილი, ამოცნობილი.და ნანგრევებში კიდევ ერთ ბავშვს ეძებენ.მამა სამსახურში ყოფილა წასული...სამი ბავშვი - სკოლაში.მის გულში ახლა რა ცეცხლი და კაეშანი ტრიალებს, წარმოდგენაც არ მინდა...ვწუხვარ, ვიზიარებ...იმედია, გლოვის დღე გამოცხადდება და ყველა დაგეგმილი გასართობი ღონისძიება გადაიდება.გარდაცვლილებს ეს ვერ გააცოცხლებს, მაგრამ ამით მცირედ მაინც მივაგებთ პატივს მათ ხსოვნას..- სოციალურ ქსელში მომხმარებელილაშა ბერულავა წერს და ფოტოს გვიზიარებს.

ჯარედ კუშნერი – რუსეთი დავარწმუნეთ უკრაინისთვის ნატო-ს მე-5 მუხლის მსგავსი უსაფრთხოების გარანტიების მინიჭების აუცილებლობაში

რუსეთი დავარწმუნეთ უკრაინისთვის ნატო-ს მე-5 მუხლის მსგავსი უსაფრთხოების გარანტიების მინიჭების აუცილებლობაში, - ამის შესახებ აშშ-ის პრეზიდენტის წარმომადგენელმა ჯარედ კუშნერმა ბერლინში, „მსურველთა კოალიციის“ შეხვედრის დასრულების შემდეგ გამართულ პრესკონფერენციაზე განაცხადა.„ვიცი, რომ რუსეთში ამ კონცეფციის მიმართ დიდი სკეპტიციზმი და უნდობლობა არსებობს. მიმაჩნია, რომ ჩვენ შევძელით რუსების დარწმუნება ისეთი კონცეფციის აუცილებლობაში, რომლის თანახმადაც უკრაინისთვის უსაფრთხოების ნებისმიერი გარანტია მე-5 მუხლზე იქნება დაფუძნებული“, - განაცხადა კუშნერმა.მისი თქმით, რუსეთსა და ევროპას შორის დიალოგის განახლება აუცილებელია.„ამერიკის გადმოსახედიდან, ნატო-ს მე-5 მუხლის მსგავსი უსაფრთხოების გარანტიების მინიჭება ძალიან სერიოზული ნაბიჯია. ვფიქრობ, ამის განსახილველად პრეზიდენტი ტრამპი მზად არის. თუმცა, ცხადია, ეს აშშ-ის ინტერესებში უნდა შედიოდეს და ასევე, უსაფრთხოების უფრო ფართო პაკეტის ნაწილი უნდა იყოს“, - აღნიშნა კუშნერმა.ასევე, კუშნერის განცხადებით, ტრამპი ჩინეთიდან იმ განწყობით ბრუნდება, რომ უკრაინაში „მშვიდობის მიღწევა შესაძლებელია“.„ჩვენთვის წარმატებული შედეგი ომის დასრულების შემდეგ სუვერენული, დაცული, აყვავებული და თავისუფალი უკრაინის არსებობა იქნება“, - განაცხადა აშშ-ის პრეზიდენტის წარმომადგენელმა.

მიხეილ სარჯველაძე აცხადებს, რომ ფონიჭალაში აფეთქების შედეგად საავადმყოფოში გადაყვანილი პირების მდგომარეობა დამაკმაყოფილებელია, მამაკაცი კი, რომლის სახლშიც აფეთქება მოხდა, მძიმედ რჩება

ჯანდაცვის მინისტრი მიხეილ სარჯველაძე აცხადებს, რომ ფონიჭალაში აფეთქების შედეგად საავადმყოფოში გადაყვანილი პირების მდგომარეობა დამაკმაყოფილებელია, მამაკაცი კი, რომლის სახლშიც აფეთქება მოხდა, მძიმედ რჩება.„საავადმყოფოში მყოფ პირების, განსაკუთრებით ბავშვების მდგომარეობა ნორმალურია. მათ სახიფათო და რთული დაზიანებები არ აქვთ. ექიმების მეთვალყურეობის ქვეშ არიან და ბუნებრივია, ასეც გაგრძელდება. უკლებლივ ყველა საჭიროება, რომელიც წარმოიშობა, უზრუნველყოფილი იქნება. ბავშვებთან დაკავშირებით, ვფიქრობთ, ფსიქოლოგის თუ ნებისმიერი სხვა სახის დახმარების ჩართვას საჭიროებისამებრ.ველოდებით სამძებრო სამუშაოებს. სამედიცინო დაწესებულებები მზადყოფნაში არიან, რომ ყველა სახის სამედიცინო დახმარება გაწეული იქნას“, – განაცხადა სარჯველაძემ.რაც შეეხება მამაკაცს, რომლის ბინაშიც აფეთქება მოხდა, ჯანდაცვის მინისტრმა აღნიშნა, რომ მისი მდგომარეობა მძიმეა.„სხეულზე მძიმე დაზიანება აქვს მიღებული. არ მინდა, წინასწარ რაიმე დასკვნები გავაკეთო. ექიმები ყველაფერს აკეთებენ, რომ მისი სიცოცხლე გადაარჩინონ. რა გამოვა, დრო და მკურნალობის შედეგები გვაჩვენებს.საავადმყოფოში მოთავსებული იყო ერთი ქალბატონი, რომელიც გაეწერა. მას არ ჰქონდა რამე ისეთი სახის დაზიანება, რომელიც საავადმყოფოში დაყოვნებას მოითხოვდა. ყველა რესურსი მობილიზებულია, რომ საჭიროების შემთხვევაში, ყველა სახის დახმარება იყოს გაწეული“, – აღნიშნა სარჯველაძემ.ცნობისთვის, ფონიჭალაში, საცხოვრებელ კორპუსში დღეს გაზის აფეთქებას ნგრევა მოჰყვა. უბედური შემთხვევის შედეგად ნანგრევებში შვიდი ადამიანი იყო მოყოლილი. მაშველებმა ნანგრევებიდან ხუთი ადამიანის ცხედარი ამოიყვანეს. ამასთან, ნანგრევებიდან უვნებლად ამოიყვანეს მცირეწლოვანი გოგონა.შემთხვევის ადგილზე სამძებრო-სამაშველო სამუშაოები გრძელდება.

საპატრიარქოს უწყებანი სამძიმრის წერილს აქვეყნებს

საპატრიარქოს უწყებანი მონაზონ ბაგრატ (ბაგრატიონის) გარდაცვალების შესახებ სამწუხარო ინფორმაციას ავრცელებს.„ამა წლის 18 ნოემბერს გარდაიცვალა სვეტიცხოველში არსებული წმინდა გიორგის სახელობის მამათა მონასტრის წევრი, მონაზონი ბაგრატი (ბაგრატიონი).მონაზონი ბაგრატი ამჟამად დასვენებულია სვეტიცხოვლის ტაძარში.შაბათს, 21 ნოემბერს, 14:00 საათზე იგი გადასვენდება თბილისში და დაიკრძალება მახათას მთაზე მდებარე ივერიის ყოვლადწმინდა ღვთისმშობლის ხატის სახელობის მამათა მონასტრის ეზოში.მწუხარებას გამოვთქვამთ მონაზონ ბაგრატის გარდაცვალების გამო და თანავუგრძნობთ მონასტრის საძმოსა და განსვენებულის ახლობლებს.უფალმა სავანესა მართალთასა დააწესოს მისი უკვდავი სული. გთხოვთ, ლოცვებში მოიხსენიოთ ახლად შესვენებული მონაზონი ბაგრატი“, - ვკითხულობთ პოსტში.

ამ დროისთვის ნანგრევებში 5 ცხედარია ნაპოვნი-ნანგრევებში 3 წლის თაიას დას ეძებენ

ფონიჭალაში, ჩამონგრეული კორპუსის ნანგრევებში მეხანძრე-მაშველები ბავშვს, სასწაულებრივად გადარჩენილი 3 წლის თაიას დას ეძებენ. 7 წლის ნუცა ნანგრევებში დედასთან ერთად მოყვა.ახალგაზრდა ქალის, ნინო ჭელიძის ცხედარი მაშველებმა ნანგრევებიდან უკვე ამოასვენეს.ამ დროისთვის ნანგრევებში 5 ცხედარია ნაპოვნი.

ბოლო სიახლეები