ირაკლი ღარიბაშვილი: განვლილი 12 წლის განმავლობაში, ჩვენმა ქვეყანამ, ხელისუფლებამ, ყველა სფეროში, ყველა მიმართულებით ხელშესახებ პროგრესს მიაღწია

ევროპული საბჭოს პრეზიდენტი ანტონიუ კოშტა აცხადებს, რომ ახლო აღმოსავლეთში ომის ერთადერთი გამარჯვებული რუსეთია. ამის მიზეზად კოშტა ენერგომატარებლების ფასების ზრდას და უკრაინის წინააღმდეგ რუსეთის ომისადმი ყურადღებას შემცირებას ასახელებს.„ჯერჯერობით, ამ ომში მხოლოდ ერთი გამარჯვებულია – რუსეთი. ენერგომატარებლების ფასების ზრდის გამო, ის ახალ რესურსებს იძენს უკრაინის წინააღმდეგ ომის დასაფინანსებლად. ის მოგებას იღებს სამხედრო შესაძლებლობების გადამისამართებით, რომლებიც სხვა შემთხვევაში შეიძლებოდა, უკრაინის მხარდასაჭერად გაეგზავნათ. ის სარგებლობს უკრაინის ფრონტზე ყურადღების შემცირებით, რადგან ახლო აღმოსავლეთში კონფლიქტი ცენტრალურ ადგილს იკავებს“, – განაცხადა კოშტამ ბრიუსელში ევროკავშირის ელჩების წინაშე გამოსვლისას.ევროპული საბჭოს პრეზიდენტმა ამასთან ხაზი გაუსვა ევროკავშირის მიერ საერთაშორისო წესებზე დაფუძნებული წესრიგის დაცვის აუცილებლობას, რომელსაც, მისი თქმით, ახლა შეერთებული შტატები ეჭვქვეშ აყენებს.„თავისუფლება და ადამიანის უფლებები ბომბებით ვერ მიიღწევა. მათ მხოლოდ საერთაშორისო სამართალი იცავს. ჩვენ უნდა ავიცილოთ თავიდან შემდგომი ესკალაცია. ასეთი გზა საფრთხეს უქმნის ახლო აღმოსავლეთს, ევროპას და მის ფარგლებს გარეთაც“, – განაცხადა კოშტამ.

არ მითქვამს, რომ საქართველოში ტერაქტების სერიის დაწყების რისკებია, რეგიონზე ვთქვი, რის საფუძველზე ვაკეთებ ამ განცხადებას, სუს-მა ჩემზე კარგად იცის, – ამის შესახებ ექსპერტმა გია ხუხაშვილმა სახელმწიფო უსაფრთხოების სამსახურში გამოკითხვაზე შესვლამდე განაცხადა.როგორც ხუხაშვილმა აღნიშნა, ტერაქტების სერიაზე საუბრისას მას მხედველობაში რეგიონი ჰქონდა და საქართველო არ უხსენებია.„არ მითქვამს, რომ რისკებია, ტერაქტების სერია საქართველოში დაიწყოს, რეგიონი ვთქვი. ალბათ, ისრაელის საელჩოს განცხადებასაც ნახავდით. დიდი ბოდიში, მაგრამ მე წარმოშობით ებრაელი ვარ, ასე რომ, პირად საფრთხესაც ვგრძნობ. ანალიზის საფუძველზე გავაკეთე ეს განცხადება, როდესაც ასეთი ჯგუფები არიან რეგიონში, რისკები სულ არსებობს“, – აღნიშნა ხუხაშვილმა.ხუხაშვილმა კიდევ ერთხელ ისაუბრა იმ ჯგუფებზე, რომლებიც, მისი თქმით, მომზადებას გადიან ამერიკის მიერ დასანქცირებულ „ალ მუსტაფას“ უნივერსიტეტში. ხუხაშვილის მტკიცებით, ამ ჯგუფებში საქართველოს მოქალაქეებიც არიან.„დაკავების ნამდვილად არ მეშინია, რომ დამაკავონ რა? წამოვწვები და წავიკითხავ წიგნებს. საქართველოს მოქალაქეები გადიოდნენ მომზადებას, რის საფუძველზე ვაკეთებ ამ განცხადებას ეს სუს-მა ჩემზე კარგად იცის, იმათ ჰკითხეთ. არსებობს ამერიკიდან სანქცირებული ჯგუფები, ეს უნივერსიტეტი რომაა ცნობილი და საქართველოში მათ ჰქონდათ აქტივობები“, – განაცხადა ხუხაშვილმა.ცნობისთვის, სახელმწიფო უსაფრთხოების სამსახურში გამოკითხვაზე იმყოფება, ექსპერტი გია ხუხაშვილი. ხუხაშვილი სუს-ში  გუშინდელ განცხადებასთან დაკავშირებით არის დაბარებული.კერძოდ, მან „პალიტრანიუსის“ პოლიტიკურ თოქშოუში, „360 გრადუსში“ განაცხადა: „ძალიან საფრთხილო სიტუაციაა. დეტალებს ვერ ვიტყვი. ღია წყაროებიდან ვფლობ ინფორმაციას, მაგრამ ინფორმაცია საკმაოდ დამაჯერებელია და აქედან გამომდინარე, ვფიქრობ, საფრთხე არის რეალური. შეიძლება, დაიწყოს ტერაქტების სერია“.

გერმანიის ბუნდესტაგში ოპოზიციურმა ფრაქციამ, „ალტერნატივა გერმანიისთვის” წარადგინა კითხვები, რომელშიც გერმანიის მთავრობას სხვადასხვა საკითხთან დაკავშირებით განმარტებებს სთხოვს.მოთხოვნაში რამდენჯერმე არის ნახსენები საქართველო, როგორც ქვეყანა, სადაც გერმანიის მთავრობა, ფრაქციის აზრით, სხვა სახელმწიფოს შიდა საქმეებში ერევა.პირველ დოკუმენტში, რომელიც ეხება გერმანიის საგარეო საქმეთა სამინისტროს მიერ პროექტების დაფინანსებას, ფრაქციის დეპუტატები ასეთი პროექტის მაგალითად ასახელებენ GEO4E-ს. ფრაქციის შეფასებით, ეს პროექტი, რომელიც „ქართული სამოქალაქო საზოგადოების ევროკავშირთან ინტეგრაციას” ემსახურება, ლობირებს LGBTIQბუფლებებისა და  ე.წ. სქესთა თანასწორ ქორწინებას საქართველოში.დეპუტატებმა გერმანიის მთავრობას შემდეგი კითხვები დაუსვეს:„რა რაოდენობით დაფინანსება იყო გამოყოფილი GEO4EU-სთვის, რა ვადით და ბიუჯეტის რომელი მუხლიდან?“„მოხდა თუ არა ამ პროექტის შეფასება და, თუ მოხდა, დაბრუნდა თუ არა სახელმწიფოს სახსრები?“მეორე დოკუმენტში, რომელიც საზღვარგარეთ LGBTIQ-სა და გენდერის თემატიკის დაფინანსებას ეხება, ფრაქციამ „ალტერნატივა გერმანიისთვის“ საქართველოსთან დაკავშირებით შემდეგი კითხვები დასვა:„კითხვა 23: ჰქონდათ თუ არა გერმანელ დიპლომატებს ან საგარეო საქმეთა სამინისტროს რაიმე საჯარო განცხადება საქართველოში LGBTQ კანონთან და, თუ კი, რა შინაარსის?”„კითხვა 24: რატომ მიიჩნევს გერმანიის მთავრობა საქართველოში მიღებულ LGBTQ კანონს ანტიდემოკრატიულად?”„კითხვა 25: რა სახის „ყალბი ინფორმაცია” გაავრცელა საქართველოს მთავრობამ ევროკავშირისა და გერმანიის შესახებ და როდის?“აღნიშნული კითხვები ეხება 2024 წლის სექტემბერში საქართველოში მიღებულ კანონს LGBTQ პროპაგანდის შეზღუდვის შესახებ, რასაც გერმანიის საგარეო საქმეთა სამინისტრო გამოეხმაურა.ბუნდესტაგში წარდგენილ დოკუმენტში ფრაქცია „ალტერნატივა გერმანიისთვის” მთავრობას სთხოვს განმარტებას რიგი პროექტების დაფინანსებასთან დაკავშირებით. მათ შორის არის ნახსენები საქართველოში 2021 წელს გამართული გამოფენა Queer Chronicles-ი, რომლის ორგანიზატორად ან პარტნიორად მითითებულია გოეთეს ინსტიტუტი.ფრაქცია „ალტერნატივა გერმანიისთვის” ბუნდესტაგში წარდგენილ ორივე დოკუმენტში ამტკიცებს, რომ გერმანიის მთავრობა, მათ შორის გოეთეს ინსტიტუტისა და სხვა სახელმწიფო სტრუქტურების მეშვეობით, ფინანსურად უჭერს მხარს LGBTIQ  და გენდერის სფეროში მოქმედ ორგანიზაციებს მრავალ ქვეყანაში, მათ შორის ისეთებში, სადაც ეს საქმიანობა ადგილობრივ კანონმდებლობასთან ან ღირებულებებთან შეუთავსებელია.გერმანიის მთავრობამ ამ კითხვებზე პასუხი კანონით განსაზღვრულ ვადაში უნდა წარადგინოს.

საფრანგეთში ისრაელის ელჩმა, ჯოშუა ზარკამ განაცხადა, რომ ისრაელის შეიარაღებული ძალები ომის დასახულ ამოცანებს დაგეგმილ ვადებზე სწრაფად აღწევენ.ზარკას თქმით, პირველადი შეფასება, რომ კონფლიქტი რამდენიმე კვირა გაგრძელდებოდა, უცვლელი რჩება.„ზუსტად რამდენი კვირა, ვერ გეტყვით“, – აღნიშნა საფრანგეთში ისრაელის ელჩმა.ირანის უზენაესი ლიდერის მემკვიდრის, მოჯტაბა ხამენეის  არჩევასთან დაკავშირებით ელჩმა განაცხადა,  რომ ეს არ ყოფილა ირანელი ხალხის ნებაყოფლობითი არჩევანი.ზარკამ ასევე აღნიშნა, რომ ახალი უზენაესი ლიდერის მიზნები და მისი ურთიერთობა ირანის ისლამური რევოლუციის გუშაგთა კორპუსთან ჯერჯერობით გაურკვეველია.„თუ ის მამამისის გზას გააგრძელებს, დაემატება იმ ადამიანთა სიას, ვინც უნდა განადგურდეს“, – აღნიშნა  საფრანგეთში ისრაელის ელჩმა, ჯოშუა ზარკამ.

საქართველო არასოდეს იყო გამოყენებული სანქციების გვერდის ავლისთვის და ქვეყანა ნებისმიერ აღებულ ვალდებულებებს პირნათლად იცავს, – ამის შესახებ პარლამენტის კულტურის კომიტეტის თავმჯდომარემ, გიორგი გაბუნიამ განაცხადა.მისივე თქმით, ევროკომისიის გადაწყვეტილება, ყულევის ტერმინალი სანქციების პაკეტიდან ამოიღონ, ამტკიცებს, რომ ამ საკითხის ირგვლივ ცრუ ბრალდებები ვრცელდებოდა.„ევროკომისიამ ყულევის ტერმინალი სანქციების პაკეტიდან ამოიღო. ვიდრე ეს გადაწყვეტილება გამოცხადდებოდა, ვიცით, როგორი აქტიური კამპანია მიმდინარეობდა და დეზინფორმაცია ვრცელდებოდა ორგანიზებულად. გერმანიის ელჩის განცხადებაც გვახსოვს, რომ ყულევის ტერმინალი მეოცე პაკეტში იყო შეტანილი. მინდა, გერმანიის ელჩს ვკითხო, სად არის არგუმენტები და ეს მტკიცებულებები? თუ მტკიცებულებები იყო, მაშინ ყულევის ტერმინალი სანქციების პაკეტიდან რატომ ამოიღეს?  ვხედავთ, რომ ევრობიუროკრატია საქართველოს შიდა პოლიტიკურ სივრცეში საინფორმაციო დივერსიას აწყობს და ადგილი აქვს მთელ რიგ ცრუ ბრალდებებს, რომლის ნათელი დასტურია ყულევის ნავთობტერმინალის საკითხი. ამ თვალსაზრისით აქტიურ კამპანიას ეწეოდა სალომე ზურაბიშვილიც. ამ ადამიანების ცრუ ბრალდებები კიდევ ერთხელ დადასტურდა. საქართველო არასოდეს იყო გამოყენებული სანქციების გვერდის ავლისთვის და ქვეყანა ნებისმიერ აღებულ ვალდებულებებს პირნათლად იცავს“, – განაცხადა გაბუნიამ.ცნობისთვის, ევროკავშირმა საქართველოში მდებარე ყულევის ნავთობის ტერმინალი რუსეთის წინააღმდეგ სანქციების მე-20 პაკეტში არ შეიყვანა. შესაბამისი გადაწყვეტილების შესახებ სანქციების საკითხებში ევროკავშირის სპეციალურმა წარმომადგენელმა, დევიდ ო’სალივანმა საქართველოს საგარეო საქმეთა მინისტრს, მაკა ბოჭორიშვილს წერილით აცნობა.