იერუსალიმში, პრეზიდენტის რეზიდენციასთან ასობით მომიტინგე ანტისამთავრობო აქციას მართავს

უნგრეთის პრემიერ-მინისტრი ვიქტორ ორბანი პოლონეთის პრემიერ-მინისტრ დონალდ ტუსკის განცხადებას პასუხობს.როგორც ორბანი აღნიშნავს, ის რუსეთის პრეზიდენტ ვლადიმერ პუტინს მართლაც ესაუბრა და მასთან ომის დასრულებისა და ბუდაპეშტში აშშ-რუსეთის სამშვიდობო სამიტის ორგანიზების საკითხები განიხილა.„ძვირფასო დონალდ ტუსკ, ეს სიმართლეა. მე ვესაუბრე პრეზიდენტ პუტინს ომის დასრულებისა და ბუდაპეშტში აშშ-რუსეთის სამშვიდობო სამიტის ორგანიზების შესახებ. თქვენ რა გააკეთეთ მშვიდობისთვის?“, – წერს ორბანი სოციალურ ქსელში.მანამდე, როგორც პოლონეთის პრემიერ-მინისტრმა, დონალდ ტუსკმა სოციალურ ქსელში დაწერა, ორბანმა პუტინს განუცხადა, რომ ყველა საკითხში მის განკარგულებაშია.„ორბანმა პუტინს განუცხადა, რომ ყველა საკითხში მის სამსახურშია. კაროლ ნავროცკი, იაროსლავ კაჩინსკი, თქვენც უჭერთ ამაში ორბანს მხარს?“, – დაწერა ტუსკმა სოციალურ ქსელში. 

,,თქვენ წარმოდგენაც არ გაქვთ, რა არის ცივილიზაცია. მათ, ვინც მისი განადგურება სცადა, სავალალოდ მარცხი განიცადეს. „ცივილიზაცია“ ვერ განადგურდება. ის ღრმად არის ფესვგადგმული კულტურებში, ტრადიციებში და მისი ხალხის გულებში — მათ შთამომავლობაშიც კი. „ცივილიზაცია“ თავის კვალს მთელ მსოფლიოში ტოვებს. მას ხედავთ ლიტერატურაში, მეცნიერებაში და სამართალში. „ცივილიზაციას“ ხედავთ ბუნებაშიც — ცხოველებში, ხეებში, ყვავილებში, ფერებსა და სახელებში. სწორედ ეს ხდის მას ცივილიზაციად. თქვენ ვერ წაშლით „ცივილიზაციას“, და მით უმეტეს ვერ წაშლით ირანულ ცივილიზაციას. ირანული ცივილიზაცია ყველგან არის თქვენს გარშემო. ის მოიცავს პერიოდს კიროსის ცილინდრიდან, რომელმაც რელიგიური თავისუფლება და რასობრივი თანასწორობა დაამკვიდრა, სატრაპიულ სისტემამდე, რომელმაც შექმნა პირველი მასშტაბური ცენტრალიზებული ბიუროკრატია. ის აგრძელებს არსებობას ჩაფარ-ხანეში — საფოსტო სისტემაში, რომელმაც ჩამოაყალიბა განვითარებული საკურიერო ქსელი სარელეო სადგურებით — და ქანათებში, მსოფლიოს ერთ-ერთ ყველაზე განვითარებულ წყლის მართვის სისტემაში. ირანული „ცივილიზაცია“ ყველგან არის. მას ხედავთ მათემატიკაში — ალ-ხვარიზმის ალგებრაში; მედიცინაში — ავიცენას მიერ დაწერილ „მედიცინის კანონში“; ასევე ძველი ობსერვატორიების, აფთიაქებისა და ლაბორატორიების მემკვიდრეობაში. მას ხედავთ რუმის, ჰაფეზის, საადის და ათასობით სხვა პოეტის ლექსებში. მას ხედავთ ალ-ღაზალის, ალ-ფარაბის და მირდამადის ფილოსოფიაში. მას ხედავთ არქიტექტურაში, მუსიკაში, თეატრში და ისეთ თამაშებშიც კი, როგორიცაა პოლო (ჩოგანი) და ნარდი. ირანულ ცივილიზაციას ხედავთ რელიგიაშიც — ზოროასტრიზმში, რომელიც ერთ-ერთი უძველესი მონოთეისტური რელიგიაა და რომელმაც შემოიტანა ისეთი ცნებები, როგორიცაა სამოთხე და ჯოჯოხეთი, ეშმაკი და თავისუფალი ნება. ამ ცხოვრების მიღმაც კი, ირანულ ცივილიზაციას ხედავთ თავად „სამოთხის“ კონცეფციაში. ეს სიტყვა მომდინარეობს ძველი სპარსული pairidaeza-დან და აღნიშნავს სპარსულ ბაღებს — დიზაინს, რომელიც „დედამიწაზე სამოთხედ“ იყო გააზრებული, როგორც ეს სპარსელებმა ათასობით წლის წინ წარმოიდგინეს. ირანის გარეშე არ არსებობს სამოთხე — არსებობს მხოლოდ ჯოჯოხეთი''-სეიედ ალი მოუჯანი ირანის ისლამური რესპუბლიკის ელჩი საქართველოში წერს სოციალურ მედიაში.

განსაკუთრებით დიდი ოდენობით ქრთამის აღების ბრალდებით დაკავებული, სუს-ის ყოფილი უფროსი, გრიგოლ ლილუაშვილი კვლავ პატიმრობაში რჩება.აღნიშნული გადაწყვეტილება თბილისის საქალაქო სასამართლოს მოსამართლემ, ნატო ხუჯაძემ მიიღო.დღევანდელ სხდომაზე ასევე მტკიცებულებების დასაშვებობაზე იმსჯელეს, თუმცა, პროცესი აღნიშნულ ეტაპზე გადაიდო და ის 22 აპრილს ჩატარდება.ცნობისთვის, პროკურატურაში გამოკითხვაზე მისული სახელმწიფო უსაფრთხოების სამსახურის ყოფილი უფროსი გრიგოლ ლილუაშვილი 23 დეკემბერს დააკავეს. მას ბრალი ედება საქართველოს სისხლის სამართლის კოდექსის 338-ე მუხლის მე-2 ნაწილის ,,გ’’ ქვეპუნქტით და მე-3 ნაწილის ,,ე’’ ქვეპუნქტით, რაც წინასწარი შეთანხმებით ჯგუფის მიერ, განსაკუთრებით დიდი ოდენობით ქრთამის აღებას გულისხმობს და სასჯელის სახით 11-დან 15 წლამდე თავისუფლების აღკვეთას ითვალისწინებს.

ხონისა და სამტრედიის მიტროპოლიტმა საბამ დღევანდელი ქადაგებისას სრულიად საქართველოს კათოლიკოს-პატრიარქ ილია მეორის მიერ, ცხრა წლის წინ საპატრიარქო ტახტის მოსაყდრედ მეუფე შიო მუჯირის გამოცხადებასთან დაკავშირებით ისაუბრა.მეუფე საბას თქმით, პატრიარქი ამაზე დიდი ხნის განმავლობაში ფიქრობდა და ტახტის მოსაყდრედ მეუფე შიოს გამოცხადება არ იყო ერთ დღეში მიღებული გადაწყვეტილება.მიტროპოლიტმა საბამ ისაუბრა იმის შესახებ, რა უძღოდა წინ ამ ყველაფერს, ვიდრე პატრიარქი თავის გადაწყვეტილებას გააჟღერებდა.„მისახვედრად ძნელი არ იქნება ალბათ, მე პირადად, რას ვფიქრობ, რას ვიტყვი და რას გავაკეთებ. ჩემთვის პირობა არის პატრიარქის დატოვებული ანდერძი, ის, რაც ეხება მეუფე შიოს. არის ისეთი დეტალები, რომლებიც ბევრმა არ იცის. ბევრმა იცის, მაგრამ არ უნდა, იცოდეს. მე გეტყვით თქვენ: რამდენიმე დღის წინ ერთ-ერთმა ჩვენმა მეგობარმა ბიზნესმენმა, საპატრიარქოსთან დაახლოებულმა ადამიანმა მითხრა, რომ ვიდრე პატრიარქი 9 წლის წინ აირჩევდა მოსაყდრეს, მეუფე შიოს, პატრიარქმა დაიბარა და უჩვეულო რამ დაავალა. წადი გურიაში და გამოიკვლიე მუჯირის გვარი, როგორი ხალხია, როგორი წარსული აქვთ და ყველაფერი მათ შესახებო. ეს ადამიანი ამბობს, ვერაფრით მივხვდი, რატომ მეკითხებოდა ამას, ვერ წარმოვიდგენდიო, მაგრამ პატრიარქის კურთხევა შეასრულა, წავიდა გურიაში, გაიგო ამ ხალხის შესახებ – ძალიან კარგი, კეთილი, ჩვეულებრივი, მორწმუნე, ეკლესიური და ეროვნული ადამიანები არიან. პატრიარქმა როდესაც გააცხადა მისი სურვილი, მეუფე შიოს – რომელიც არის გვარად მუჯირი – მოსაყდრედ წარდგინება, შემდეგ მიხვდა ის ადამიანი, რატომ სთხოვა პატრიარქმა. ანუ, ის ამას დიდი ხანი ფიქრობდა, ეს არ იყო ერთი დღის გადაწყვეტილება.მეორე – ვიდრე ამას გაამჟღავნებდა პატრიარქი, ერთ მშვენიერ დღეს, იყო რა სასულიერო პირებთან ერთად, უცებ თქვა, მოდი, წავიდეთ სიონში, პატრიარქებს უნდა ველაპარაკოთო. სიონში ხომ რვა პატრიარქია დაკრძალული. როდესაც მივიდნენ, უთხრა მათ, თქვენ გარეთ დაიცადეთ, მე მარტო დამტოვეთ ტაძარში, უნდა ვილოცო, პატრიარქებს ველაპარაკოო.  ჩვენ არ ვიცით, რა ელაპარაკა, მაგრამ რას სთხოვდა, ცხადია. ერთი საათის შემდგომ გამოვიდა პატრიარქი ტაძრიდან და ახლა სვეტიცხოველში წავიდეთ, მეფეებს უნდა ველაპარაკოო. იცით, რომ სვეტიცხოველში რამდენიმე მეფის საფლავია. ასევე წავიდა, იქ მარტო დარჩა ტაძარში და დიდხანს ილოცა. შემდეგ დაბრუნდა საპატრიარქოში, მამა დავითს უთხრა, კალამი და ფურცელი მომიტანე, რაღაც უნდა დავწეროო. ანუ, ის, რაც პატრიარქმა დაწერა თავისი ხელით და შემდეგ ჩვენ ყველამ ვიხილეთ, იყო ბრძანება, რომლის დაბეჭდვა არავის არ დაავალა, რადგან იცოდა, იქნებოდა უამრავი შეკითხვა და წინააღმდეგობაც კი. შეიძლებოდა, ვინმეს ჰქონოდა მცდელობა, რომ იქნებ გადაიფიქრო და ეს ასე არ იყოს. პატრიარქმა დაწერა ბრძანება, რომელიც მეორე დღეს, გიორგობის დღესასწაულზე წაიკითხა ქაშუეთის ტაძარში და მან ამ ტაძარში მეუფე შიო გამოაცხადა ტახტის მოსაყდრედ. ეს ყველაფერი ხდება 9 წლის წინ, 2017 წელს.ამასაც ვიტყვი – ამ წლების მანძილზე პატრიარქს, მის სიცოცხლეშივე, რამდენჯერმე ჰქონდა სურვილი და მცდელობაც, პირდაპირ უთხრა მეუფე შიოს და მის გარეშეც ჩვენც – ახლა წაგიყვან, ახალ საპატრიარქო რეზიდენციაში დაგტოვებ, მე გადავალ ძველ საპატრიარქოში, გადავდგები და შენ გააგრძელე ეკლესიის მართვა. ჩვენ ამას ვეწინააღმდეგებოდით, თუ შეიძლება ითქვას,  სისხლის უკანასკნელ წვეთამდე და ყველანაირ შესაძლებლობას ვიყენებდით.იყო შემთხვევები, როდესაც პრემიერიც კი მოგვიყვანია იმისთვის, რომ ეთხოვა პატრიარქისთვის, ეს არ გაეკეთებინა.  პატრიარქი რატომ აკეთებდა ამას, ესეც ცხადია ჩემთვის. მიგვაჩნდა, რომ ეს იქნებოდა ჩვენთვის ძალიან დიდი სირცხვილი, ჩვენი ისტორიისთვის, პატრიარქისთვის კი არა, ჩვენთვის, რომ დაგვეშვა, ასეთი რამ პატრიარქს გაეკეთებინა და არ დაგვეცვა ის მომავალი რაღაც უსიამოვნებებისგან, რომლის საშიშროებაც შეიძლება, დღეს არსებობდეს.უფრო მეტს გეტყვით, შეიძლება, ძალიან ბევრს არ სურდეს და ეს არ მოეწონოს, მაგრამ ფაქტია, პატრიარქის ნათქვამია – ამ წლების მანძილზე, სადღაც შუალედში პატრიარქმა ბრძანა, თუ გაჩნდება სხვა ვინმე, მას ღმერთი არ მიიღებს. მეტი რა უნდა თქვას და გააკეთოს პატრიარქმა, რომ ჩვენ მივხვდეთ, რა იყო მისი სურვილი, მისი ნება და რა არის საერთოდ ნება ღვთისა“, – განაცხადა მიტროპოლიტმა საბამ.ამასთან, მეუფე საბამ ისაუბრა თავისი პირადი მოსაზრების შესახებაც, თუ რატომ აირჩია პატრიარქმა მოსაყდრედ მეუფე შიო.მეუფე საბას აზრით, ილია მეორე აკეთებდა შედარებას თავის ცხოვრებასთან, თავის განვლილ დროსთან და მეუფე შიოში დაინახა ამ ყველაფრის გამგრძელებელი.„ვიტყვი ჩემს მოსაზრებას, რატომ აირჩია პატრიარქმა მეუფე შიო, ძალიან ბევრი კრიტერიუმების გამო. ასე ვფიქრობ, რომ ის ალბათ აკეთებდა შედარებას თავის ცხოვრებასთან, თავის განვლილ დროსთან. ჯერ ერთი, კი არავის ვერჩი, ღმერთმა დამიფაროს, ჩემთვის ყველა ძვირფასია და ყველასთან ჩემი ურთიერთობები მაქვს, წლები მაკავშირებს, მაგრამ პატრიარქს ჰქონდა ეს ხასიათი, ეს, არ ვიცი, რა დავარქვა ამას. აი, შეხედეთ მეუფე შიოს, პიროვნულად, გარეგნულად, რამდენად მშვენიერია და სასიამოვნოა მისი ყურება, მასთან ურთიერთობა, მისი ქადაგება, მისი სიტყვა, მისი განათლება, მისი სულიერება. და უფრო მეტიც, პატრიარქი იყო ერთ-ერთი გამგრძელებელი მონაზვნური, ბერული ცხოვრებისა, რომელიც კავშირშია ათონურ ცხოვრების წესთან, რომელიც ბოლო პერიოდში საქართველოში დამკვიდრებული იყო სენაკში. მისი მოძღვარი, მამა შიო ძიძავა სწორედ იქ მოღვაწეობდა. იქ მოღვაწეობდა არქიმანდრიტი კონსტანტინე ქვარაია და უფრო მეტიც, იქ მოღვაწეობდა წმინდა ალექსი ბერი შუშანია, რომელიც იყო საწყისი და გამგრძელებელი საქართველოში ამ ყველაფრის, ათონური მონაზვნური ცხოვრებისა.პატრიარქი იყო ამის გამგრძელებელი და, ჩემი აზრით, ამის გამგრძელებელი დღევანდელ საქართველოში არის მეუფე შიო. არა მარტო იმიტომ, რომ ის იქ იყო არჩეული და ამის შესახებ გამოკვლევები აქვს და წერდა, არამედ იმ სკოლის გავლის გათვალისწინებით, რომელიც გაიარა ბერულ ცხოვრებაში, ეს ძალიან ახლოს არის ამ ყველაფერთან. პატრიარქმა ეს ყველაფერი შეისწავლა და თითქოს, ჩემი აზრით, მეუფე შიოში დაინახა ამ ყველაფრის გამგრძელებელი, თითქოს თავის ახალგაზრდობას უყურებდა მასში.მგონი, ყველაფერი ვთქვი, რაც მაწუხებდა, წესით, არ უნდა მეთქვა, მაგრამ თუ ყველა ამბობს, მე რატომ არ უნდა ვთქვა? ვის ვუჭერ მხარს? უპირობოდ მეუფე შიოს. არა იმიტომ, რომ მასთან პირადი ურთიერთობები მაკავშირებს 30 წელზე მეტია, ჯერ კიდევ ჩვენი ბერობიდან მოყოლებული. იმიტომ ვამბობდი, ჩემთვის პატრიარქი არის ერთადერთი ადამიანი, რომლის სიტყვას უპირობოდ ვენდობი და მივიღებ ჭეშმარიტებად, რომ ვიცი და ყოველთვის ვხედავდი პატრიარქში ღვთის ნების აღსრულებას. ამაზე ვიღაცები მეწინააღმდეგებოდნენ, ადამიანია პატრიარქი და რატომ არ შეიძლება, შეცდესო.მე ვხედავდი, რომ პატრიარქი არ ცდებოდა, იმიტომ კი არა, რომ შეუმცდარი ადამიანი იყო, იმიტომ, რომ ის ღმერთმა პატრიარქობაში მოიყვანა ისეთი სულიერი მდგომარეობით, თავის თავს არ აძლევდა საშუალებას, ღვთის ნებისთვის ოდესმე გადაეხვია. ამას გვასწავლიდა ძალიან ფაქიზად, შეიძლება, ხშირ შემთხვევაში, არაპირდაპირი სიტყვებით, მაგრამ თავისი ცხოვრების წესით, თავისი ქადაგებით, დამოკიდებულებით. დღეს თუ ჩვენ ვამბობთ, რომ პატრიარქს ვენდობოდით 50 წლის მანძილზე, პატრიარქი უპირობოდ წმინდა ადამიანია – და ეს დროც მალე დადგება – და ა.შ. მაშინ მაგრამ არ უნდა არსებობდეს. სიცოცხლეში თუ მისი ყოველი სიტყვა იყო მისაღები, უპირობოდ მისაღები, ეს ყველაფერი, რაც ვთქვი და თვალნათელია ყველასთვის, ხომ სიცოცხლეში განხორციელდა, სიცოცხლეში გაკეთდა, სიცოცხლეში ითქვა და იმედი მაქვს, ეს ასეც იქნება. ადამიანს შეუძლია და ღმერთმაც შეიძლება, დაუშვას, რომ ადამიანი არ დაემორჩილოს ღმერთის ნებას, ის გააკეთოს, რაც მას სურს და მიაჩნია სწორად, თავისი თავისუფალი არჩევანი გამოიყენოს ამისთვის, მაგრამ მოვა დრო, როდესაც ღვთის ნება მაინც აღსრულდება და იმ ადამიანს, თუ რაღაც საზოგადოებას მოუწევს სინანული ამისთვის, თუ არა სასჯელის ატანა“, – განაცხადა ხონისა და სამტრედიის მიტროპოლიტმა საბამ.

საქართველოს ტექნიკური უნივერსიტეტის ბირთვული ინჟინერიისა და ინოვაციური ტექნოლოგიების ცენტრის ორგანიზებით და საქართველოს განათლების, მეცნიერებისა და ახალგაზრდობის სამინისტროს ფინანსური მხარდაჭერით, წარმატებით დასრულდა CERN/IPPOG საერთაშორისო მასტერკლასების ციკლი, რომელიც ახალგაზრდებში მეცნიერების პოპულარიზაციას ისახავდა მიზნად.ინფორმაციას საქართველოს ტექნიკური უნივერსიტეტი ავრცელებს.სტუ-ის ცნობით, პროექტი საქართველოს ტექნიკური უნივერსიტეტის ბაზაზე განხორციელდა და ქვეყნის სხვადასხვა რეგიონი მოიცვა, რითაც საჯარო სკოლების მოსწავლეებსა და სტუდენტებს საშუალება მისცა უშუალოდ გაცნობოდნენ თანამედროვე ფიზიკისა და ბირთვული ინჟინერიის ძირითად პრინციპებს.სტუ-ის ბირთვული ინჟინერიისა და ინოვაციური ტექნოლოგიების ცენტრის ხელმძღვანელის განცხადებით, მასტერკლასი ჩატარდა ბირთვული კვლევების ევროპული ორგანიზაციის (CERN) IPPOG კოლაბორაციის საერთაშორისო პროგრამის ფარგლებში, რამაც მონაწილეებს მისცა უნიკალური შესაძლებლობა რეალურ ექსპერიმენტულ მონაცემებზე ემუშავათ და ელემენტარული ნაწილაკების ფიზიკის აქტუალურ კვლევებს გაცნობოდნენ. პროფესორ ბესიკ კეკელიას თქმით, CERN/IPPOG საერთაშორისო მასტერკლასების სერიამ მოსწავლეთა მაღალი ინტერესი და აქტიური ჩართულობა გამოიწვია. პროგრამამ მნიშვნელოვანი წვლილი შეიტანა ახალგაზრდებში მეცნიერებისა და ინჟინერიის პოპულარიზაციაში, ხელი შეუწყო მათი კვლევითი და ანალიტიკური უნარების განვითარებას და კიდევ ერთხელ დაადასტურა მსგავსი ინიციატივების აუცილებლობა ქვეყნის საგანმანათლებლო სივრცეში.„პროგრამის ფარგლებში მონაწილეები ერთვებოდნენ ინტერაქტიულ ლექციებსა და პრაქტიკულ სესიებში, სადაც სწავლობდნენ, თუ როგორ ხდება დიდი ადრონული კოლაიდერის (LHC) მონაცემების ანალიზი და ახალი ნაწილაკების აღმოჩენა. პროექტის ერთ-ერთი მთავარი მიზანი იყო ახალგაზრდებში მეცნიერებისადმი ინტერესის გაღვივება, კრიტიკული აზროვნების განვითარება და მომავალი თაობის მოტივირება კვლევების მიმართულებით. ეს კიდევ ერთი მნიშვნელოვანი ნაბიჯია საქართველოში მეცნიერების პოპულარიზაციისა და საერთაშორისო სამეცნიერო სივრცეში ინტეგრაციისკენ“, - აცხადებს ბესიკ კეკელია. სტუ-ის ინფორმაციით, CERN/IPPOG საერთაშორისო მასტერკლასები ჩატარდა საქართველოს სხვადასხვა ქალაქში, კერძოდ: ქუთაისში - ქუთაისის საერთაშორისო უნივერსიტეტში; ბათუმში - ბათუმის შოთა რუსთაველის სახელმწიფო უნივერსიტეტში; თელავში - იაკობ გოგებაშვილის სახელობის თელავის სახელმწიფო უნივერსიტეტში; გორში - გორის სახელმწიფო უნივერსიტეტში; თბილისში - ივანე ჯავახიშვილის სახელობის თბილისის სახელმწიფო უნივერსიტეტში, ხოლო დასკვნითი მასტერკლასი საქართველოს ტექნიკურ უნივერსიტეტში.სტუ-ის ვიცე-რექტორის თქმით, IPPOG საერთაშორისო ინიციატივაა, რომელიც აერთიანებს CERN-ის მეცნიერებს, მკვლევრებსა და აკადემიურ პერსონალს. მისი მთავარი მიზანია მოზარდებსა და ახალგაზრდებში მეცნიერების, ტექნოლოგიების, ინჟინერიის, ფიზიკისა და მათემატიკის მიმართ ინტერესის გაღრმავება და ამ სფეროებში მოტივაციის გაზრდა. როგორც პროფესორი თამარ ლომინაძე აცხადებს, პროგრამის ფარგლებში გამოყენებული იყო ინტერაქტიული და პრაქტიკაზე ორიენტირებული მეთოდოლოგია, რაც მონაწილეებს აძლევს შესაძლებლობას მაქსიმალურად მიუახლოვდნენ თანამედროვე მეცნიერების რეალურ გარემოს.„ჩვენთვის განსაკუთრებით მნიშვნელოვანია, რომ ახალგაზრდებს ვაძლევთ შესაძლებლობას ადრეული ასაკიდანვე გაეცნონ თანამედროვე მეცნიერების უახლეს მიღწევებს. CERN/IPPOG საერთაშორისო მასტერკლასების ციკლი სწორედ ასეთი უნიკალური პლატფორმაა, რომელიც მოსწავლეებსა და სტუდენტებს უქმნის საუკეთესო გარემოს რეალურ მონაცემებთან მუშაობისა და თანამედროვე კვლევითი პროცესების აღქმისთვის. განსაკუთრებით აღსანიშნავია, რომ ახალგაზრდებს ჰქონდა შესაძლებლობა დამოუკიდებლად ემუშავათ რეალურ ექსპერიმენტულ მონაცემებზე - ვგულისხმობთ ATLAS ან CMS ექსპერიმენტების ფარგლებში დეტექტორებიდან მიღებულ მონაცემებს - გაეკეთებინათ საკუთარი ანალიზი და დასკვნები. თითოეული დღის ბოლოს ისინი ერთვებოდნენ საერთაშორისო ონლაინ დისკუსიაში, სადაც მათი შედეგები განიხილებოდა CERN-ის ექსპერტებთან ერთად. აღნიშნული პროცესი ხელს უწყობს კრიტიკული აზროვნების, ანალიტიკური უნარებისა და გუნდური მუშაობის განვითარებას. აღნიშნულმა მასტერკლასებმა, რომელსაც საქართველოს ტექნიკური უნივერსიტეტის ბირთვული ინჟინერიისა და ინოვაციური ტექნოლოგიების ცენტრი 2018 წლიდან ახორციელებს, მნიშვნელოვანი პოპულარობა მოიპოვა ახალგაზრდებში. წლევანდელი მასტერკლასები 180 მონაწილეზე იყო გათვლილი, თუმცა შემეცნებით ღონისძიებებში, ფაქტობრივად, 253 მოსწავლე ჩაერთო, რაც კიდევ ერთხელ უსვამს ხაზს პროგრამის მიმართ მაღალ ინტერესსა და მის აქტუალობას. საქართველოს ტექნიკური უნივერსიტეტი მომავალშიც აქტიურად გააგრძელებს მსგავსი ინიციატივების მხარდაჭერას, რადგან გვჯერა, რომ მეცნიერების პოპულარიზაცია და განათლებაში ინოვაციური მიდგომების დანერგვა ქვეყნის განვითარების ერთ-ერთი მნიშვნელოვანი წინაპირობაა“, - აცხადებს თამარ ლომინაძე.სტუ-ის ინფორმაციით, CERN/IPPOG საერთაშორისო მასტერკლასების მონაწილეებმა გაიარეს ერთდღიანი „მეცნიერის გამოცდილება“, რომლის ფარგლებშიც მაღალი ენერგიებისა და ნაწილაკების ფიზიკის კვლევების მიზნებს, ექსპერიმენტულ მეთოდებსა და თანამედროვე ტექნოლოგიებს გაეცნენ.