იან კელი: საქართველო სუვერენული სახელმწიფოა და არ უნდა იყოს დამოკიდებული სხვა ქვეყანაზე

თურქეთის პოლიციამ, ნარკოტიკების საქმეზე მიმდინარე გამოძიების ფარგლებში, მსახიობი ბერენ საათი და მომღერალი ქენან დოღულუ დააკავა, - ინფორმაციას თურქული მედია ავრცელებს.სტამბოლის პოლიციამ ნარკოტიკებთან და პროსტიტუციასთან დაკავშირებული სავარაუდო დანაშაულების გამოძიების ფარგლებში შოუ-ბიზნესის წარმომადგენლები, მათ შორის, ცოლ-ქმარი ბერენ საათი და ქენან დოღულუ, მსახიობი ენის არიქანი, მომღერალი ბერდან მარდინი და მუსიკოსი ოზან დოღულუ დააკავა.ცნობილი პირების დაკავების ოპერაცია სტამბოლის მთავარი პროკურატურის მიერ წარმოებული გამოძიების ფარგლებში სტამბოლის პოლიციის დეპარტამენტის ნარკოტიკების წინააღმდეგ ბრძოლის განყოფილებამ ჩაატარა.მედიის ცნობით, ეჭვმიტანილები დაკითხვისთვის სტამბოლის ნარკოტიკებთან ბრძოლის განყოფილებაში გადაიყვანეს, ხოლო მანამდე მათ სამედიცინო შემოწმება გაიარეს.ცნობისთვის, გასულ თვეში სტამბოლის პროკურატურამ, ნარკოტიკების საქმეზე მიმდინარე გამოძიების ფარგლებში, ათეულობით ცნობილი პირის დაკავების ორდერი გასცა. მათ შორის იყო ცნობილი თურქი მსახიობი სერენაი სარიქაიაც. ორდერის გაცემისას სარიქაია თურქეთში არ იმყოფებოდა. მსახიობმა სამშობლოში დაბრუნების შემდეგ განყოფილებაში ჩვენება მისცა და სამედიცინო შემოწმება გაიარა. სარიქაიას ანალიზებში ნარკოტიკების კვალი არ აღმოაჩნდა, რის შემდეგაც მსახიობი გაათავისუფლეს.

დავასრულეთ ვიზიტი ლონდონში, სადაც შევხვდით გაერთიანებული სამეფოს პარლამენტის ლორდთა და თემთა პალატის წევრებს, ასევე, საგარეო საქმეთა სამინისტროს წარმომადგენლებს. ივანიშვილის მცდელობის მიუხედავად, საქართველოს დასავლეთი არ მიატოვებს. ჩვენ დავიბრუნებთ სამშობლოს და დავაბრუნებთ მას მსოფლიო პოლიტიკაში ქართველი ხალხის საკეთილდღეოდ, – ამის შესახებ „ნაციონალური მოძრაობის“ თავმჯდომარე თინა ბოკუჩავა სოციალურ ქსელში წერს.ამასთან, თინა ბოკუჩავა პარტიის განახლებასთან დაკავშირებით მიხეილ სააკაშვილის განცხადებას გამოეხმაურა.„რაც შეეხება პრეზიდენტ სააკაშვილის განაცხადს „ნაციონალური მოძრაობის“ გახსნის, განახლებისა და რეფორმირების შესახებ, რა ხანია, ჯანსაღი ცვლილებების აუცილებლობაზე ვსაუბრობ. მივესალმები მის მზაობას, უამრავი გამოწვევის მიუხედავად, ეს პროცესი პარტიაში დაიწყოს. თავისუფლება რეჟიმის ტყვეებს! გამარჯვება საქართველოს!“ – წერს თინა ბოკუჩავა.ცნობისთვის, საქართველოს ყოფილმა პრეზიდენტმა, მიხეილ სააკაშვილმა განაცხადა, რომ „ერთიან ნაციონალურ მოძრაობაში“ რადიკალურ ცვლილებებს გეგმავს.„მე არა მხოლოდ ვარცხნილობა შევიცვალე, არამედ ვგეგმავ რადიკალურ ცვლილებებს „ნაციონალურ მოძრაობაში“, რეფორმირებისთვის შემოვიერთებთ ბრწყინვალე ნანუკა ჟორჟოლიანს“, – დაწერა სააკაშვილმა სოციალურ ქსელში.

ფაქტობრივად, ევროკავშირის ბიუროკრატიას ხელიდან გამოვაცალეთ ყველა ბერკეტი იმისთვის, რომ ჩვენთან შანტაჟის ენით ვერ ესაუბრათ. ერთადერთი ვიზალიბერალიზაცია დარჩათ. აქედან გამომდინარე, ვიზალიბერალიზაციის პროცესში პოლიტიკური გადაწყვეტილების ნაწილიც შეიტანეს, – ამის შესახებ „ქართული ოცნების“ წევრმა, ზვიად შალამბერიძემ განაცხადა.შალამბერიძე მიიჩნევს, რომ საქართველოს მოსახლეობას უვიზო მიმოსვლა არ შეუჩერდება.„პასუხისმგებლობის ტვირთი ხელისუფლებაზე თუ გადადის, ხელისუფლების წარმომადგენლებს დიპლომატიურ პასპორტებზე შეზღუდვები უკვე დაუწესდათ და ეს პასუხია. ხელისუფლება თუ პასუხისმგებელია უვიზო მიმოსვლაზე, ხალხი რატომ უნდა დაისაჯოს? – ხელისუფლება საზოგადოების დიდი ნაწილის არჩევანია. ხელისუფლების პასუხისმგებლობაზე თუ ვსაუბრობთ, ერთგვარად, ამ გადმოსახედით თითქოს დაისაჯა, მაგრამ ამაში დასჯას ვერ ვხედავ. ევროკავშირის ქვეყნებში ვიზიტი სამსახურებრივად თუ გვიწევს, რა თქმა უნდა, ვიზას ვიღებთ, ვიზას გვიკეთებენ. აქედან გამომდინარე, შეფერხების გარეშე მივდივართ. ფაქტობრივად, ევროკავშირის ბიუროკრატიას ხელიდან გამოვაცალეთ ყველა ბერკეტი იმისთვის, რომ ჩვენთან შანტაჟის ენით ვერ ესაუბრათ. ერთადერთი ვიზალიბერალიზაცია დარჩათ. აქედან გამომდინარე, იმ ნაბიჯების გადადგმა მოხდა, რომ ვიზალიბერალიზაციის პროცესში პოლიტიკური გადაწყვეტილების ნაწილიც შეიტანეს. ვფიქრობ, საბოლოოდ, საქართველოს მოსახლეობას უვიზო მიმოსვლა არ შეუჩერდება და უფრო პრაგმატულ პოლიტიკაზე გადავალთ, ვიდრე დღეს ვისმენთ“, – განაცხადა ზვიად შალამბერიძემ.

„ნაციონალურ მოძრაობას“ გაცხადებული პოზიცია აქვს, ვართ „ალიანსში“ და ჯერჯერობით არსად წასვლას არ ვაპირებთ, ვაგრძელებთ მუშაობას, – ამის შესახებ „ნაციონალური მოძრაობის“ წევრმა, ანა წითლიძემ განაცხადა.მისი თქმით, „ნაციონალურმა მოძრაობამ“ ზუსტად იცის, რა არის ერთობის ფასი რუსული ოლიგარქიული რეჟიმის წინააღმდეგ.„ალიანსთან დაკავშირებით მე რა სათქმელიც მქონდა, ყველაფერი ვთქვი. რაც შეეხება „ალიანსში“ ვრჩებით თუ არ ვრჩებით, ჩვენ გაცხადებული პოზიცია გვაქვს, ვართ „ალიანსში“ და ჯერჯერობით არ ვაპირებთ არსად წასვლას, ვაგრძელებთ მუშაობას. „ნაციონალური მოძრაობა“ ყოველთვის იყო ერთობის მომხრე, მათ შორის 2024 წლის საპარლამენტო არჩევნებზე. ამ საკითხში „ნაციონალური მოძრაობა“ არის მყარი და ყოველთვის ასე იქნება. ამ პრტიამ ზუსტად იცის, რა არის ერთობის ფასი რუსული ოლიგარქიული რეჟიმის წინააღმდეგ“, – განაცხადა ანა წითლიძემ.

ხვალინდელი შეხვედრა უფრო ტექნიკური ხასიათისაა, სადაც აღმასრულებელი ხელისუფლების სხვადასხვა რგოლის წარმომადგენლები იქნებიან. ვთვლი, რომ საუბარი უფრო მეტად იქნება იმ საკითხებზე, იმ პირობების შესრულებაზე, რა პირობებიც იყო მაშინ, როდესაც საქართველო ვიზალიბერალიზაციასთან დაკავშირებით ხელშეკრულებას აფორმებდა, – ასე უპასუხა პარლამენტის რეგიონული პოლიტიკისა და თვითმმართველობის კომიტეტის თავმჯდომარემ, ირაკლი ქადაგიშვილმა საქართველოს პირველი არხის გადაცემის „დღის თემა“ წამყვანის შეკითხვას, რა მოლოდინები აქვს ბრიუსელში ხვალ დაგეგმილ შეხვედრასთან დაკავშირებით და რამდენად ელოდება რამე კონკრეტულ გადაწყვეტილებას, რომ შესაძლოა, მომავალში უვიზო მიმოსვლის შეჩერება შეეხოს არა მხოლოდ დიპლომატიური და სამსახურებრივი პასპორტის მფლობელებს, არამედ საქართველოს ყველა მოქალაქეს.„ეს პირობები ეხება კონკრეტულად ვიზის, პასპორტის, მიგრაციული პროცესების მართვის, რეადმისიის, საზღვრის კონტროლის საკითხებს და შეიძლება ითქვას, ამ მხრივ საქართველო ნამდვილად ძალიან წარმატებულ პოლიტიკას ატარებს. ამიტომ რამე ისეთი განსაკუთრებული შენიშვნა საქართველოს მიმართ არ იქნება, თუმცა, შარშან შემოიღეს საქართველოსთან მიმართებით სწორედ ერთგვარი პოლიტიკური შეფასების კრიტერიუმი, რომელსაც კონკრეტული შკალა არ აქვს და ზოგადად არის საუბარი, რომ შეფასდება ამა თუ იმ ქვეყანაში დემოკრატიის მდგომარეობა. რა არის ახლა ეს დემოკრატიის მდგომარეობა და ვინ რას ჩათვლის დემოკრატიის უკუსვლად ან წინსვლად, ეს არის აბსოლუტურად პოლიტიკური გადაწყვეტილების საკითხი. ამიტომ, ამ გადაწყვეტილებას ხვალ ვერავინ მიიღებს, ელემენტარულად, მათი კომპეტენცია ეს არ არის და ეს საკითხი ალბათ, საბოლოო ჯამში, ან წლის ბოლოს, ან მომავალი წლის დასაწყისში უფრო პოლიტიკური განსჯის საგანი იქნება“, – განაცხადა ქადაგიშვილმა.მისი თქმით, ევროკომისია წერს, რომ საქართველოში შელახულია ადამიანის ფუნდამენტური უფლებები, რაც ასე არ არის.„წერენ, რომ საქართველოში შელახულია ადამიანის ფუნდამენტური უფლებები და ერთი მითხარით, რომელი ფუნდამენტური უფლება არის საქართველოში შელახული? ფუნდამენტური უფლება, რასაც ადამიანის უფლებები ჰქვია, საქართველოში არ არის შელახული“, – აღნიშნა ქადაგიშვილმა.თამთა სანიკიძემ გადაცემის სტუმარს შეახსენა, რომ ანგარიშში მითითებულია 2024 წლის ბოლოს აქციებზე განვითარებული მოვლენები, დემონსტრანტების მიმართ მოპყრობა, იქ კონკრეტული ძალადობრივი შემთხვევები და ასე შემდეგ, რაზეც ირაკლი ქადაგიშვილმა განაცხადა, რომ ეს არ არის ფუნდამენტურ უფლებაზე ლაპარაკი, აქ არის კონკრეტული აქცია, რომელიც იყო ძალადობრივი აქცია და რომელიც აღკვეთეს კანონის თანახმად საპოლიციო ძალებმა.როგორც პარლამენტის რეგიონული პოლიტიკისა და თვითმმართველობის კომიტეტის თავმჯდომარემ აღნიშნა, საქართველოს ხელისუფლება არაფერს ისეთს არ აკეთებს, რაც ევროპის ქვეყნებში არ არის.„რას მოგვიწოდებს ევროკავშირი ყველას და, მათ შორის, თავის შიგნით სწორედ ეს არის პოლარიზაციის და სიძულვილის დაძლევა, და როგორ დავძლიოთ? მოდით, დავძლიოთ იმავე მეთოდებით, რა მეთოდებითაც ამას ევროპის ქვეყნებში აკეთებენ. ყველა ამ ქვეყანაში სწორედ პატიმრობა, ჯარიმები ან სხვადასხვა ტიპის ადმინისტრაციული თუ სისხლისსამართლებრივი პასუხისმგებლობებია, მათ შორის, „ფეისბუქში“ გამოთქმული სიძულვილის, შეურაცხმყოფელი, დამაბულინგებელი და ათასგვარი ცუდი რამის მიმართულებით. ჩვენ ისეთს არაფერს ვაკეთებთ ან იმაზე მეტს, რაც ევროპის ქვეყნებში არ არის. ელემენტარულად, ის, რომ ჩვენ მოგვიწია რამდენიმე ანტიკონსტიტუციური, რევოლუციური თუ გადატრიალების სცენარის ჩაშლა და ესეც გაკეთდა კანონის ფარგლებში, თუ იყო ერთეული გადაცდომები პოლიციელის მხრიდან, ამაზე შესაბამისი სისხლის სამართლებრივი რეაგირება არის. ეს დემოკრატიის უკუსვლა კი არ არის, ეს არის დემოკრატიის დაცვა სწორედ გადატრიალებების, რევოლუციებისა და ამდაგვარი საქმიანობისგან“, – განაცხადა ქადაგიშვილმა.გადაცემის წამყვანის შეკითხვაზე, იმ პირობებში, როცა აშშ-ს შეჩერებული აქვს საქართველოსთან სტრატეგიული პარტნიორობა და ახლა მიმდინარეობს ურთიერთობის ნორმალიზება, როგორ აისახება ჩინეთთან სტრატეგიული პარტნიორობის კიდევ უფრო გაფართოება ამერიკასთან ურთიერთობის გადატვირთვის პროცესზე, ქადაგიშვილმა აღნიშნა, რომ ჩინეთთან სტრატეგიული პარტნიორობის კიდევ უფრო გაფართოება აშშ-თან ურთიერთობას ხელს არ უშლის.„მოდით, ცოტა რეალისტები ვიყოთ, რა უშლის ხელს აშშ-ს, ამ 35-წლიანი ისტორიის განმავლობაში საქართველოსთან დიდი საინვესტიციო პოლიტიკა გაეტარებინათ? რა უშლის ხელს? რომელიმე ხელისუფლებამ უთხრა, რომ შენ ინვესტიციებს არ შემოგატანინებ საქართველოში ან შენთან კულტურულ, ეკონომიკურ, სავაჭრო, პოლიტიკურ, უსაფრთხოების სფეროში კავშირებს არ დავამყარებ?“ – განაცხადა ქადაგიშვილმა.როგორც ქადაგიშვილმა აღნიშნა, დღეს მსოფლიოში ყველა ცდილობს, თავისი გარკვეული პოლიტიკური, ეკონომიკური, ჰუმანიტარული თუ სხვა კუთხის გავლენა გაავრცელოს, რაც ბუნებრივია და კომპრომისი არის ჩვეულებრივი მოვლენა, მაგრამ კომპრომისი არ შეიძლება, დადგეს ისეთი რამის ხარჯზე, რაც პირდაპირ ეწინააღმდეგება ქვეყნის ან კონსტიტუციას, ან ფუნდამენტურ სუვერენულ უფლებებს და ამაზე კომპრომისი არ დგება.მისივე თქმით, აშშ-თან გადატვირთვის პროცესში პროგრესია.„ახლა, სულ რაღაც ერთი კვირის წინ, როდესაც საქართველოს დამოუკიდებლობის დღისადმი მიძღვნილი მიღება იყო ამერიკის შეერთებულ შტატებში საქართველოს საელჩოში, სახელმწიფო მდივნის მოადგილემ, რაც ძალიან მაღალი პოზიციაა, განაცხადა, რომ დღეს გვაქვს ჩვენ ბრწყინვალე საშუალება საქართველოსთან ამ სტრატეგიული ურთიერთობის განახლებისო. ასე რომ, ვფიქრობ, ჩვენ უნდა მოთმინებით და თანმიმდევრულად მივყვეთ ჩვენი პოზიციების დაცვას“, – განაცხადა ქადაგიშვილმა.ცნობისთვის, სავიზო რეგულაციის ფარგლებში საქართველოს მხარესა და ევროკომისიას შორის ბრიუსელში პირველი შეხვედრა ხვალ, 11 ივნისს გაიმართება.