თბილისის გენგეგმაზე სამუშაოდ სითი ინსტიტუტს ვადა 1 ივნისამდე მიეცა

თურქეთის ქალაქ სტამბოლში, ქალი და მისი ორი შვილი გარდაიცვალნენ. ვარაუდობენ, რომ საკვებით მოიწამლნენ.მამა, ერთადერთი გადარჩენილი, ამჟამად მძიმე მდგომარეობაშია საავადმყოფოში. ადგილობრივმა ხელისუფლებამ სასტუმროს, სადაც თურქულ-გერმანული ოჯახი იმყოფებოდა, ევაკუაცია ჩაუტარა, თუმცა დაშავებულთა რაოდენობა ჯერ არ არის დადგენილი. მიმდინარეობს გამოძიება დედისა და ორი შვილის გარდაცვალების მიზეზის დასადგენად.თურქული მედიის ცნობით, ოჯახი გერმანიიდან სტამბოლში დასასვენებლად გაემგზავრა.11 ნოემბერს ისინი ორთაკოიში იმყოფებოდნენ, სადაც ქუჩის გამყიდველისგან მიდიები იყიდეს და შემდეგ ტრადიციული კერძი - შემწვარი ცხვრის სუბპროდუქტები სანელებლებით, პურთან და გამომცხვარი კარტოფილის დიდ ულუფასთან ერთად მიირთვეს.სასტუმროში დაბრუნების შემდეგ ოჯახის ოთხივე წევრს გულისრევა და ღებინება დაეწყო. მშობლებს პირველადი დახმარება აღმოუჩინეს და საავადმყოფოდან გაწერეს, თუმცა ბავშვების მდგომარეობა სწრაფად გაუარესდა.13 ნოემბრის საღამოს დედამ ორივე ბავშვი სასტუმროს ნომერში უგონო მდგომარეობაში იპოვა. სასწრაფო დახმარების სამსახურების სწრაფი ჩარევის მიუხედავად, ბავშვები საავადმყოფოში გარდაიცვალნენ. დედა მეორე დღეს, 14 ნოემბერს, გარდაიცვალა, მდგომარეობის უეცარი და მძიმე გაუარესების შემდეგ.მამა კვლავ ინტენსიური თერაპიის განყოფილებაში რჩება კრიტიკულ მდგომარეობაში. ამასობაში, იმავე სასტუმროში დარჩენილი კიდევ ორი ​​ტურისტი მსგავსი სიმპტომებით საავადმყოფოში მოათავსეს.„ჩვენ მთელ სტამბოლში ვატარებთ შემოწმებას“, - განუცხადა X News Agency-ს რეგიონულმა ჯანდაცვის დირექტორმა აბდულა ემრე გიუნერმა და დასძინა, რომ მოწამვლის შემთხვევების ანომალიური ზრდა ჯერ არ დაფიქსირებულა.გამომძიებლებმა აღმოაჩინეს, რომ სასტუმროს პირველ სართულზე ერთ-ერთი ოთახი ცოტა ხნის წინ პესტიციდებით იყო დამუშავებული.გაზეთ „ჰურიეთის“ ცნობით, პოლიციამ დააკავა სასტუმროს თანამშრომელი და ორი სურსათის უვნებლების კონტროლის სპეციალისტი, რითაც დაკავებულთა საერთო რაოდენობა შვიდამდე გაიზარდა.

სიმართლის პატივისცემისა და კრიტიკისადმი გახსნილობის გარეშე არანაირი „ევროპა“ არ არსებობს, – ამის შესახებ პარლამენტის თავმჯდომარე შალვა პაპუაშვილი სოციალურ ქსელში წერს.მისივე თქმით, ბრიუსელი დიალოგს გაურბის.„გასაკვირი არ არის, რომ ბრიუსელი დიალოგს გაურბის, თან სწორედ იმ საკითხებზე, რომლებზეც, რომ ჰკითხო, ყველაზე მეტი სათქმელი ექნებოდათ.მიზეზი მარტივია – როდესაც საკუთარი პოზიციები ცრუ ნარატივებზე და დეზინფორმაციაზე გაქვს აგებული, ზუსტად იცი, რომ პირველივე არგუმენტირებულ საუბარში ეს ყალბი კონსტრუქცია ერთი მართალი სიტყვის შეხებით ჩამოგეშლება.სიმართლის პატივისცემისა და კრიტიკისადმი გახსნილობის გარეშე არანაირი „ევროპა“ არ არსებობს“, – წერს პაპუაშვილი.ცნობისთვის, საქართველოს საგარეო საქმეთა სამინისტრომ განაცხადა, რომ 2025 წლის 21 ნოემბერს ბრიუსელში დაგეგმილი ადამიანის უფლებათა დაცვის საკითხებზე საქართველო-ევროკავშირის დიალოგის შეხვედრა ევროკავშირის მხარის გადაწყვეტილებით გადაიდო. როგორც საგარეო უწყებაში აღნიშნეს, დიალოგის გადადება აჩვენებს, რომ ბრიუსელი მზად არ არის, მოისმინოს ქართული მხარის პოზიციები.

ფინანსთა სამინისტროს შემოსავლების სამსახურის მებაჟე ოფიცრებმა შინაგან საქმეთა სამინისტროს ცენტრალური კრიმინალური პოლიციის დეპარტამენტის ნარკოტიკების უკანონო ბრუნვის წინააღმდეგ ბრძოლის მთავარი სამმართველოს თანამშრომლებთან ერთად ჩატარებული ღონისძიების შედეგად, საბაჟო გამშვებ პუნქტში ,,სარფი“, დიდი ოდენობით ნარკოტიკული ნივთიერება - ,,კოკაინის“ ქვეყნის საზღვარზე უკანონოდ (მალულად) შემოტანის ფაქტი აღკვეთეს.მებაჟე ოფიცრებმა ეჭვის საფუძველზე, უცხო ქვეყნის მოქალაქის მართვის ქვეშ არსებული სატრანსპორტო საშუალების დეტალური დათვალიერების შედეგად, 150 გრამამდე ,,კოკაინი“ აღმოაჩინეს. სამართალდამრღვევ მოქალაქეს ერთ შეკვრად დაფასოებული ნარკოტიკული საშუალება ყავის შეფუთვაში ჰქონდა განთავსებული.საქმის მასალები შემდგომი რეაგირების მიზნით, საქართველოს შინაგან საქმეთა სამინისტროს შესაბამის სამსახურს გადაეცა.

კორუფციის ბრალდებით, დაკავებულია უკრაინის ყოფილი ვიცე-პრემიერი და ზელენსკის უახლოესი გარემოცვის წევრი - ადგილობრივი მედიის ცნობით, ალექსეი ჩერნიშოვს სახელმწიფოს კუთვნილი თანხის მითვისებაში ადანაშაულებენ. სასამართლომ ყოფილ ჩინოვნიკს დაახლოებით მილიონი ევროს ოდენობის გირაო შეუფარდა. მის გადახდამდე კი ჩერნიშოვი იზოლატორში რჩება.გამოძიების ვერსიით, ჩერნიშოვი კორუფციული სქემის მონაწილეებისგან თანხას იღებდა და შემდგომ მის ლეგალიზებას ახდენდა. თავად ექსპრემიერი ბრალდებებს უარყოფს.შეგახსენებთ, რომ უკრაინაში მიმდინარე კორუფციულ სკანდალში ფიგურირებენ ზელენსკის უახლოესი გარემოცვის სხვა წევრებიც, მათ შორის მისი მეგობარი და ბიზნესპარტნიორი თემურ მინდიჩი, რომელიც ქვეყნიდან გაქცეულია.

ეს დივერსიული აქტები, რომლებსაც რუსები ჩვენს ტერიტორიებზე, სხვადასხვა ქვეყნებში აწყობენ, უკიდურესად სერიოზულია, – ამის შესახებ ევროკავშირის უმაღლესმა წარმომადგენელმა, კაია კალასმა განაცხადა.მისი თქმით, რუსეთის თავდასხმები ევროკავშირზე, მათ შორის პოლონეთის რკინიგზაზე დივერსია, ტერორიზმად უნდა შეფასდეს.კალასმა საუბრის დროს ნატო-ს გენერალური მდივნის, მარკ რუტეს სიტყვები მოიშველია, რომლის მიხედვითაც, რუსეთის მიერ ჩადენილ ჰიბრიდულ ინციდენტებს სახელი უნდა დაერქვას და „სახელმწიფოს მიერ დაფინანსებულ ტერორიზმად“ შეფასდეს.ამასთან, კაია კალასის თქმით, რუსეთს საზოგადოებაში შიშის დათესვა სურს და სწორედ ამიტომ ქვეყნისთვის პასუხის გაცემის დროს, ევროკავშირის წევრმა სახელმწიფოებმა გარკვეული ბალანსი უნდა დაიცვან.„რუსეთი სურს, რომ ჩვენს საზოგადოებას ეშინოდეს და რეაგირება ძალიან ძლიერი თუ იქნება, ეს ხალხის შეშინებას გამოიწვევს. ასე რომ, წევრმა სახელმწიფოებმა ბალანსი უნდა იპოვონ,“ – აღნიშნა კალასმა.ცნობისთვის, ინციდენტი 16 ნოემბერს ვარშავა-ლუბლინის მაგისტრალზე მოხდა. პოლონეთში სარკინიგზო მაგისტრალზე მომხდარი დივერსიისა და ტერორისტული საფრთხის გამო ქვეყნის მთავრობამ კონკრეტულ რკინიგზის ხაზებზე ტერორისტული საფრთხის დონე გაზარდა. ამასთან, პოლონეთის პრემიერ-მინისტრმა, დონალდ ტუსკმა განაცხადა, რომ სარკინიგზო მაგისტრალი უკრაინის მოქალაქეებმა ააფეთქეს, რომლებსაც კავშირი აქვთ რუსეთის დაზვერვასთან.