თამარ ჩიბურდანიძე: ტრამპმა განაცხადა, რომ ამერიკაში დემოკრატია და თავისუფლება ბრუნდება, ანუ აქამდე არ არსებობდა. არადა ყოფილი ადმინისტრაცია დემოკრატიის უკუსვლაში ჩვენ გვადანაშაულებდა

მინდა, მკაფიოდ ვთქვა – არ უნდა დავღვაროთ ცრემლები ირანის რეჟიმისთვის. ამ რეჟიმს მოჰქონდა სიკვდილი და რეპრესიები საკუთარი ხალხისთვის, – ამის შესახებ ევროკომისიის პრეზიდენტმა, ურსულა ფონ დერ ლაიენმა ბრიუსელში, ევროკავშირის წევრი ქვეყნების ელჩების შეკრებაზე განაცხადა.ურსულა ფონ დერ ლაიენის თქმით, ამ რეჟიმმა გამოიწვია დესტაბილიზაცია და ნგრევა რეგიონში.ევროკომისიის პრეზიდენტის განცხადებით, ირანელი ხალხი იმსახურებს თავისუფლებას და ღირსეულ ცხოვრებას.„თქვენ მოისმენთ განსხვავებულ შეხედულებებს იმის შესახებ, კონფლიქტი ირანში არის არჩევანი თუ აუცილებლობა, მაგრამ, ჩემი აზრით, ეს დისკუსია აცდენილია მთავარ საგანს. ევროპა უნდა იყოს ფოკუსირებული შექმნილი სიტუაციის რეალობაზე, რომ დაინახოს სამყარო, როგორიც ის სინამდვილეში არის დღეს. და მინდა, მკაფიოდ ვთქვა – არ უნდა დავღვაროთ ცრემლები ირანის რეჟიმისთვის. ამ რეჟიმს მოჰქონდა სიკვდილი და რეპრესიები საკუთარი ხალხისთვის. მათ დახოცეს 17 ათასი ახალგაზრდა ადამიანი. ამ რეჟიმმა გამოიწვია დესტაბილიზაცია და ნგრევა რეგიონში მათი მარიონეტებისა და რაკეტების, დრონების გამოყენებით. ბევრმა ირანელმა, ისევე როგორც ქვეყნის შიგნით, ასევე მსოფლიოში და ევროპაში იზეიმა აიათოლა ხამენეის სიკვდილი. მათ აქვთ იმედი, რომ ამ მომენტს შეუძლია, გზა გახსნას თავისუფალი ირანისკენ. ვფიქრობ, ირანელი ხალხი იმსახურებს თავისუფლებას, ღირსეულ ცხოვრებას და უფლებას, თავად გადაწყვიტონ საკუთარი მომავალი, იმ შემთხვევაში, თუ ჩვენ ვიცით, რომ ამას თან ახლავს საფრთხე, დესტაბილიზაცია ომის დროს და შემდეგ“, – აღნიშნა ურსულა ფონ დერ ლაიენმა.მისვე თქმით, ახლა სახეზეა რეგიონული კონფლიქტი გაუთვალისწინებელი შედეგებით. ურსულა ფონ დერ ლაიენის განცხადებით, ეს კონფლიქტი უკვე აისახება ენერგეტიკაზე, ფინანსებზე, ტრანსპორტზე და ვაჭრობაზე, ხოლო გრძელვადიან პერსპექტივაში აჩენს ეგზისტენციალურ კითხვებს წესებზე დამყარებული საერთაშორისო სისტემის მომავალთან დაკავშირებით.„მეტად აღარ შეიძლება, ევროპა იყოს ძველი მსოფლიო წესრიგის დამცველი, იმ მსოფლიოსი, რომელიც გაქრა და აღარ დაბრუნდება. ჩვენ ყოველთვის შევინარჩუნებთ და დავიცავთ წესებზე დამყარებულ სისტემას, რომელიც მოკავშირეებთან ერთად ავაშენეთ, მაგრამ ჩვენ მხოლოდ ამ სისტემას ვეღარ დავეყრდნობით ჩვენი ინტერესების დასაცავად. ჩვენ ვერ ჩავთვლით, რომ ეს სისტემა დაგვიცავს კომპლექსური საფრთხეებისგან, რომლის წინაშეც ვართ. ჩვენ უნდა ავაშენოთ ჩვენი ევროპული გზა და ვიპოვოთ ახალი გზები პარტნიორებთან თანამშრომლობისთვის; მეორე, რაც აუცილებელია, ჩვენ უნდა შევხედოთ მკაფიოდ და მკაცრად ჩვენს საგარეო პოლიტიკას დღევანდელ მსოფლიოში. მათ შორის, თუ როგორი ხდება ამ პოლიტიკის ფორმირება და გატარება. ჩვენ დაუყოვნებლივ გვჭირდება დაფიქრება, რამდენად არის ჩვენი დოქტრინა, ინსტიტუტები და გადაწყვეტილების მიღების პროცესები – რომელთა ფორმირებაც მოხდა ომის შემდგომი სტაბილურობისა და მულტილატერალიზმის დროს – დღეს მიმდინარე ცვლილებებთან შესაბამისი, რამდენად არის ჩვენ მიერ შექმნილი სისტემა – შექმნილი თავისი კეთილი განზრახვებით, კონსენსუსებით და კომპრომისებით – დღეს ხელშემწყობი ან, პირიქით, დამაბრკოლებელი ჩვენი სანდოობის, როგორც გეოპოლიტიკური აქტორისა“, – განაცხადა ურსულა ფონ დერ ლაიენმა.

საქართველოს პრემიერ-მინისტრის, ირაკლი კობახიძის განცხადებით, ახალი კონფიგურაციიდან გამომდინარე, შესაძლოა, საჭირო გახდეს ზოგიერთი პოლიტიკური გაერთიანების აკრძალვის შესახებ საკონსტიტუციო სარჩელში პარტიების დასახელებების ცვლილება ან დამატება. ამის შესახებ მთავრობის მეთაურმა ჟურნალისტებს განუცხადა.კობახიძეს კითხვა დაუსვეს ე.წ. ოპოზიციის ალიანსთან დაკავშირებით გავრცელებულ ინფორმაციაზე, რომლის მიხედვითაც, „ერთ პარტიაში, „ნაცმოძრაობაში“ აპირებენ გაერთიანებას და არჩევნებში მონაწილეობას ერთი სიით მიიღებენ“.პრემიერ-მინისტრის თქმით, თითოეული მათგანი 2012 წლამდეც და 2012 წლის შემდეგაც დაკავშირებული იყო და არის „ნაცმოძრაობასთან“ ან რადიკალურ ოპოზიციასთან.„იცით, რომ ყველა ეს პარტია პრაქტიკულად არის „ნაცმოძრაობის“ წიაღიდან წარმოშობილი, აქედან გამომდინარე, ხდება შესაკრებთა უბრალო გადათამაშება. ერთადერთი, რასაც გამოიწვევს ეს ჩვენთვის, არის ის, რომ მოგვიწევს ალბათ იმ სარჩელის კორექტირება, რომელიც შევიტანეთ საკონსტიტუციო სასამართლოში. დაგვჭირდება პარტიების დასახელებების შეცვლა, გამომდინარე ახალი კონფიგურაციიდან, რომელიც არის ჩამოყალიბებული. შეიძლება, მათ შორის, დაემატოს, გამომდინარე იქიდან, რომ ერთად გამოხატეს საკუთარი პოზიცია პროცესებთან დაკავშირებით, შეიძლება, შეივსოს ეს სია საკონსტიტუციო სარჩელში, შეიძლება, ყველა შესაბამისი პარტიაც მოხვდეს სარჩელში. ამაზე, ბუნებრივია, ვიმუშავებთ და მივიღებთ შესაბამის გადაწყვეტილებას.რეალურად, ორი პარტია, რაც იყო წარდგენილი სარჩელში, არსებითად იმ ორ პარტიას იმეორებს ახალი ე.წ. ერთობა. „თავისუფლების მოედანიც“ შექმნილია „ნაცმოძრაობის“ წიაღიდან. აბსოლუტურად ყველა 2012 წლამდე იყო დაკავშირებული „ნაცმოძრაობასთან“ და 2012 წლის შემდეგაც, კონკრეტულად „ნაცმოძრაობასთან“ ან რადიკალურ ოპოზიციასთან არიან დაკავშირებული, თავმჯდომარით დაწყებული და ყველა ლიდერით გაგრძელებული. მათ შორის არის ლევან ცუცქირიძე. მან მიიღო მონაწილეობა არჩევნების გაყალბებაში თავის დროზე, რაც ცნობილია, ამაზე ბევრი საუბრობს. 2008 წელს მან მონაწილეობა მიიღო არჩევნების გაყალბების პროცესში. ამის მერე მისი საუბრები აბსოლუტურად მოკლებულია დამაჯერებლობას“, – განაცხადა ირაკლი კობახიძემ.შეგახსენებთ, საკონსტიტუციო სასამართლოში წარდგენილია სარჩელი, სადაც მოთხოვნილია „ნაციონალური მოძრაობის“, „კოალიცია ცვლილებისთვის“ და „ძლიერი საქართველო – ლელოს“ საქმიანობის არაკონსტიტუციურად ცნობა და აკრძალვა.

საქართველოში არის ჩამოსული ეუთო-ს საპარლამენტო ასამბლეის პრეზიდენტი, დელეგაციასთან ერთად, –  ამის შესახებ საქართველოს პრემიერ-მინისტრმა, ირაკლი კობახიძემ ჟურნალისტებს განუცხადა.მთავრობის მეთაურმა დღის წესრიგის ძირითად საკითხებზე გაამახვილა ყურადღება.„ჩვენ მზად ვართ, ვიმსჯელოთ ყველა თემასთან დაკავშირებით, რაც უკავშირდება ჩვენს ქვეყანაში პოლიტიკურ პროცესებს, ჩვენ გარშემო მიმდინარე პროცესებს. ასევე, ჩვენ შეგვიძლია, ვისაუბროთ ორმხრივ თანამშრომლობაზე საქართველოსა და საპარლამენტო ასამბლეას შორის. ეს იქნება დღის წესრიგის ძირითადი საკითხები“, –  განაცხადა პრემიერ-მინისტრმა.

თინა ხიდაშელი რომ თავის განცხადებას უარყოფს, ეს გარკვეული პოზიციაა, რომელიც შეიძლება, იმ შემთხვევაში გამოადგეს, თუ გამოძიება უფრო ღრმად დაინტერესდება მის მიერ გაკეთებული განცხადებით და იმ ზარალით, რაც შეიძლება, ქვეყანას მიყენებოდა,- ამის შესახებ საქართველოს პარლამენტის პირველმა ვიცე-სპიკერმა, გია ვოლსკიმ განაცხადა.ვოლსკის თქმით, ხიდაშელმა ქვეყანას ზარალი უკვე მიაყენა.„ფაქტია, რომ შეკვეთა იყო. ამბობს, გარკვეულ საშიშროებაზე მისი მიზანი ყურადღების მიქცევა იყო და მან გაიგო და გაიმეორა, რომ საქართველოში ტერორისტები მზადდებიან, ეს სიცრუეა. ფაქტია, რომ სცენარი ერთია. ყველაფერი ზედაპირზეა, ხიდაშელი, კაპანაძე, კანდელაკი, სააკაშვილი, სანიკიძე ის ადამიანები არიან, ვინც კონკრეტულ მიზანს ემსახურებიან და ამ „სამსახურისთვის“ ხელფასს იღებენ. სახელმწიფოს წინააღმდეგ მოქმედება პროფესიად ჩამოაყალიბეს, ამით ცხოვრობენ და ამაში ხელფასს იღებენ. ასე მუშაობენ და ეს მათი პროფესია გახდა. უნისონში გაკეთებული განცხადებები ვნახეთ, რომლის მიზანია, საკუთარ ქვეყანაზე დარტყმების განხორციელება, რასაც არანაირი გამართლება არ აქვს. რაიმე მტკიცებულებაც რომ არსებობდეს, ვალდებული არიან, ეს ინფორმაცია შესაბამის უწყებებს მიაწოდონ. ასეთ განცხადებებს როცა საჯაროდ აკეთებენ, რასაკვირველია, აქ მიზანი სხვაა“, – განაცხადა ვოლსკიმ.

საქართველოში მიწისძვრა მოხდა. ინფორმაციას ამის შესახებ დედამიწის შემსწავლელ მეცნიერებათა ინსტიტუტი ავრცელებს.მათივე ცნობით, მიწისძვრის ეპიცენტრი ყვარლის მუნიციპალიტეტის სოფელ თივიდან 6 კილომეტრში იყო.მიწისძვრის სიმძლავრემ 3.5 მაგნიტუდა შეადგინა.