დღეს საქართველოში ოჯახის სიწმინდისა და მშობლების პატივისცემის დღე აღინიშნება

ბრანდენბურგის (გერმანია) ფედერალური მიწის პედიატრს ასობით დანაშაულებრივ ქმედებაში ედება ბრალი, მათ შორის - არასრულწლოვნების მიმართ სექსუალური ძალადობის მუხლით. სავარაუდო დანაშაული მან 2013-დან 2025 წლამდე პერიოდში ჩაიდინა.გლეინიკეს ხიდი პოტსდამს ბერლინთან აკავშირებს. 2025 წლის 14 ოქტომბერი რალფ ჰირშბერგერი / საინფორმაციო სააგენტო „ფრანს პრესი“ამ შემთხვევამ შოკში ჩააგდო მთელი გერმანია და ქვეყნის ჯანდაცვის სისტემაში ბავშვთა დაცვისა და ზედამხედველობის მდგომარეობის კუთხით, საყოველთაო შეშფოთება გამოიწვია. გერმანელი პროკურორების განცხადებით, ექიმმა-პედიატრმა, სამედიცინო შემოწმებისა და მკურნალობის სესიების დროს, სექსუალურად იძალადა რამდენიმე ბავშვზე, რომლებიც მისი პაციენტები იყვნენ.ეჭვმიტანილი, რომლის ვინაობა არ სახელდება, ბერლინის მახლობლად, ბრანდენბურგის მხარეში მდებარე კლინიკებში მუშაობდა. გავრცელებული ინფორმაციით, დანაშაულები მან, სავარაუდოდ, 12 წლის განმავლობაში ჩაიდინა. ინფორმაციაში არ არის დაზუსტებული, თუ რამდენი ბავშვი გახდა მისი მხრიდან ძალადობის მსხვერპლი.„ბრალდებულს სექსუალური თავისუფლების წინააღმდეგ მიმართული 130 დანაშაულის ჩადენა ედება ბრალად. მათ შორის არის დამამძიმებელ გარემოებებში ბავშვთა მიმართ სექსუალურ ძალადობისა და გაუპატიურების ბრალდებები“, - აცხადებს პოტსდამის პროკურატურა. გერმანიის ხელისუფლება აღნიშნავს, რომ სავარაუდო დანაშაულები მოხდა 2013 წლის 1 დეკემბრიდან გასული წლის 5 ნოემბრამდე პერიოდში, უმეტეს შემთხვევაში - „პროფესიული მოვალეობის შესრულებისას, რატენოვისა და ნაუენის საავადმყოფოებში“. 46 წლის ექიმი ნოემბრიდან წინასწარ პატიმრობაში იმყოფება. მისი დაკავება მას შემდეგ მოხდა, რაც ერთ-ერთი პაციენტის დედას გაუჩნდა ეჭვი, რომ რატენოვის საავადმყოფოს პედიატრიულ განყოფილებაში მის შვილზე მკურნალობის დროს იძალადეს, და ამის შესახებ სამართალდამცავებს შეატყობინა.იანვარში,როდესაც ეს საქმე გახმაურდა, კლინიკების ჯგუფმა, HavellandKliniken-მა განაცხადა, რომ ექსპერტების მონაწილეობით, შიდა გამოძიებას ატარებდა. შექმნილი კომისიის დასკვნით, ყოველთვის არ იყო დაცული „ოთხი თვალის პროტოკოლი“, რომლის მიხედვითაც, ბავშვის გასინჯვას ორი ადამიანი აუცილებლად უნდა ესწრებოდეს.„ეს ბრალდებები ძირს უთხრის პაციენტებისა და მათი ოჯახების ნდობას“, - განაცხადა ჯგუფის სამედიცინო დირექტორმა, მაიკ ლესნაუმ.პედიატრს, რომლის ვინაობაც კონფიდენციალურობის გერმანული კანონების გამო არ სახელდება, ბრალად ედება ბავშვებისა და მოზარდების მკურნალობის პროცესში ნდობისა და უფლებამოსილების ბოროტად გამოყენება.ამ საქმემ გერმანიაში აღშფოთება გამოიწვია, რადგან ექიმები და პედიატრები პასუხისმგებელნი არიან ბავშვებზე ზრუნვაზე და ოჯახებს ხშირად წლების განმავლობაში უწევენ სამედიცინო დახმარებას. ბავშვთა დაცვის ორგანიზაციები და იურიდიული ექსპერტები აცხადებენ, რომ ეს ბრალდებები ხაზს უსვამს ჯანდაცვის დაწესებულებებში ბავშვთა დაცვის უფრო მკაცრი პროცედურების აუცილებლობას.გერმანიის ხელისუფლების ცნობით, ბრალდებული ექიმი ყოველგვარ დანაშაულს უარყოფს და, გერმანული კანონმდებლობის თანახმად, უდანაშაულოდ ითვლება მანამ, სანამ მისი ბრალეულობა სასამართლოში არ დამტკიცდება.

გარდაბანში მანქანა ქვეითს დაეჯახა.ინფორმაციას ამის შესახებ ადგილობრივი გამოცემა 24news ge ავრცელებს. მათივე ცნობით, შემთხვევა იმ ტერიტორიის მახლობლად მოხდა, სადაც 2 დღის წინ ავარიას 8 ახალგაზრდას სიცოცხლე ემსხვერპლა.ავარიის შედეგად ქვეითი დაშავდა ის სასწრაფო დახმარების ბრიგადამ საავადმყოფოში გადაიყვანა.ადგილზე პოლიციელები არიან მობილიზებული.

გუშინ, სპარსული ენისა და აბულყასემ ფირდოუსის ხსოვნის დღესთან დაკავშირებით, მქონდა პატივი, დავსწრებოდი ირანისტების, ლექტორების და ქუთაისის სახელმწიფო უნივერსიტეტის სპარსული ენის ფაკულტეტის სტუდენტების შეკრებას. ეს მნიშვნელოვანი შეხვედრა გაიმართა ირანის ისლამური რესპუბლიკის საელჩოს კულტურის განყოფილებისა და ამ უნივერსიტეტის ირანისტიკული კვლევების ჯგუფის თანამშრომლობით. ამ შეხვედრაზე მოკლედ შევადარე ფირდოუსის „შაჰნამე“ ბერძნულ და ინდურ ეპოსებს. აღვნიშნე, რომ ბერძნული ეპოსების დიდ ნაწილში მთავარი როლი ღმერთებსა და ზეციურ ძალებს ენიჭებათ, ხოლო მიწიერი ადამიანი ამ დიადი ძალების წინაშე უძლურად არის წარმოჩენილი. ინდური ეპიკური ტრადიციების ნაწილშიც გმირების ადგილს ხშირად მითოლოგიური არსებები, ცხოველები ან ადამიან-ცხოველები იკავებენ. ხოლო ფირდოუსი „შაჰნამეში“ ადამიანი დგას ღირებულების, გონიერების, გადაწყვეტილებისა და ბედისწერის ცენტრში. „შაჰნამეს“ გმირები არც ზეციური არსებები არიან და არც გამოგონილი ფიგურები; ისინი ჩვეულებრივი ადამიანები არიან — ადამიანები, რომლებიც გონიერებით, სიმამაცით, შეცდომებით, სევდით, სიყვარულითა და პასუხისმგებლობით ქმნიან ეპოსს. ფირდოუსი ძალასა და შედეგს არც ცაში და არც ბუნების იდუმალ ძალებში ხედავს; იგი მათ ადამიანურ საზოგადოებაში და მიწიერ სამყაროში განსაზღვრავს. ამ შეხვედრაზე ასევე აღინიშნა, რომ „შაჰნამე“ წარმოადგენს ომისა და ნადიმის, სიყვარულისა და სიძულვილის, შერცხვენისა და ღირსების, დიდებულებისა და დამცირების ფანჯარათა ერთობლიობას. ფირდოუსის ხედვაში ბოროტება იმდენად ზუსტად და ფუნდამენტურად არის განსაზღვრული, თითქოს იგი ადამიანურობის ფარგლებს სცილდება და „ავსულების“ სახით ვლინდება. სწორედ ამიტომ, „შაჰნამეს“ გმირთა ბრძოლა ავსულებთან და ბოროტ ძალებთან ბრძოლაა და არა — ადამიანის უარყოფა. ფირდოუსი ფერიდუნის შვილებს — ირაჯს, თურსა და სელმს — შორის მეტოქეობის აღწერის დროსაც მათ ძმებად განიხილავს, რომლებიც ყველა განსხვავების მიუხედავად, ერთად ქმნიან ისტორიასა და ცხოვრებას. მისი ხედვა, უპირველესად, ეთიკას, გონიერებასა და ადამიანურ პასუხისმგებლობას ეფუძნება. დასასრულს, ჩემთვის განსაკუთრებით სასიამოვნო იყო ის განცდა, რომ როგორც მდინარე რიონი (საქართველოს ერთ-ერთ მნიშვნელოვანი მდინარე) მიედინება ქუთაისის შუაგულში, სწორედ ასე ფირდოუსის პოეზიაც ცოცხლად და ბუნებრივად მოედინებოდა ამ უნივერსიტეტის სტუდენტთა ენასა და მეტყველებაში. დაე, მარადიულად დარჩეს ეს სიუხვე და სილამაზე ქუთაისის ბუნებაში, ხოლო ეს სიღრმე და საზრიანობა — დასავლეთ საქართველოს ახალგაზრდების, ირანისტებისა და აღმოსავლეთმცოდნეების აზროვნებაში-წერს ირანის ელჩი საქართველოში ალი მოჯანი.  

ლეგენდარული იტალიელი მსახიობი ორნელა მუტი საქართველოს სტუმრობს. ლეგენდა თბილისშია  - წერს ფონდის „ცხოვრება მშვენიერია“ ხელმძღვანელი ნიკა ესაკია და კადრებს სოციალურ ქსელში აზიარებს.ფონდის ინიციატივით დღეს მარჯანიშვილის თეატრში, ქალთა მიმართ ძალადობის წინააღმდეგ მიმართული საქველმოქმედო საღამო გაიმართება, სადაც ორნელა მუტიც მონაწილეობს.

,,უკვე ორი დღეა დასავლეთ საქართველოში, გზებს, ქუჩებსა და სოფლის ბილიკებს მივუყვები. ეს გზები გაზაფხულზე ამ ქვეყნის ბუნებას ადამიანის თვალწინ ცოცხალ ტილოდ წარმოსახავენ. საქართველო განსაკუთრებული ქვეყანაა, რომელსაც ერთდროულად შეუძლია, უმასპინძლოს ბუნების მოყვარულებს მთებში, ტყეებში, ველებსა და ხეობებში; კულტურისა და ისტორიის მოყვარულები რამდენიმე ათასწლეულის ძეგლებთან მიიყვანოს; ხოლო გემოსა და სასმელების დამფასებლებს გააცნოს ისეთი არომატები და გემოები, რომლებიც ამ ერის იდენტობის ნაწილად იქცა. ამ ორდღიანი მგზავრობისას, რომელმაც ათას ორას კილომეტრზე მეტი მოიცვა, ყველაზე მეტად ჩემი ყურადღება ამ ქვეყნის საგზაო ქსელმა მიიპყრო. ავტობანებიდან და მაგისტრალებიდან დაწყებული, პატარა სოფლის გზებით დასრულებული — ყველა მათგანს აქვს პოტენციალი, საქართველოს სილამაზისა და მიმზიდველობის ნაწილად იქცეს. თუმცა ამ დიდ შესაძლებლობასთან ერთად, თვალში საცემი კიდევ ერთი საკითხიც არის: საგზაო ინფრასტრუქტურის ნაწილის მოძველება და დაზიანებები, რომლებიც ზოგიერთ მონაკვეთზე მძიმე მოძრაობისა და სატრანზიტო დერეფნების დატვირთვის შედეგად გაჩნდა. ბოლო დღეებში მწუხარებით შევიტყვე, რომ მხოლოდ ერთ კვირაში საქართველოში რამდენიმე ადამიანი საგზაო შემთხვევებს ემსხვერპლა. ამ მოგზაურობის დროს მეც საკუთარი თვალით ვნახე რამდენიმე ავარია — შემთხვევები, რომლებიც ზოგჯერ გზის საფარის დაზიანებით, ასფალტის ტალღოვნებით ან ინფრასტრუქტურის დაზიანებით იყო გამოწვეული. საქართველო თავისი ეკონომიკური, ტურისტული და სატრანზიტო მომავლისთვის საჭიროებს უფრო ფართო ინვესტიციებს საგზაო ქსელის განახლებასა და გამაგრებაში. ქვეყანა, რომელიც აღმოსავლეთისა და დასავლეთის, ჩრდილოეთისა და სამხრეთის დამაკავშირებელ წერტილში მდებარეობს, თუკი შეძლებს თავისი საგზაო ინფრასტრუქტურის თანამედროვე სტანდარტების შესაბამისად გაძლიერებას, არა მხოლოდ მეტ უსაფრთხოებასა და კეთილდღეობას მოუტანს საკუთარ მოსახლეობას, არამედ შექმნის ახალ შესაძლებლობებს ვაჭრობისთვის, ტრანსპორტისა და ტურიზმისთვისაც. გზად ვესაუბრებოდი ირანში გზებისა და ხიდების მშენებლობის ერთ გამოცდილ კონტრაქტორს. მისი აზრით, საქართველო, საკუთარი საგზაო ქსელის გაძლიერებით, შეიძლება რეგიონში ტვირთისა და მგზავრთა გადაადგილების ერთ-ერთ უმნიშვნელოვანეს მარშრუტად იქცეს და საკუთარ ხალხს მდგრადი კეთილდღეობა მოუტანოს. მან ერთი ფრაზა თქვა, რომელიც, როგორც ჩანს, ირანელ კონტრაქტორებს შორის ერთგვარ დევიზად და სამუშაო პრინციპად ითვლება. ეს სიტყვები გონებაში ჩამრჩა: „კარგი ასფალტი, პროგრესისკენ მიმავალი მტკიცე ნაბიჯების საყრდენი წერტილია''-წერს ირანის ელჩი ალი მოჯანი.