გიორგი კვირიკაშვილი: რუსეთის პასუხი ტოვებს სივრცეს საუბრისთვის

გარდაიცვალა მოზარდ მაყურებელთა თეატრის მთავარი რეჟისორი, საქართველოს დამსახურებული არტისტი ოთარ ბაღათურია. ინფორმაციას ამის შესახებ მოზარდ მაყურებელთა თეატრი ავრცელებს.მათივე ცნობით, ოთარ ბაღათურიას შესრულებული აქვს გამორჩეული როლები სხვადასხვა სპექტაკლში, ასევე დადგმული აქვს მნიშვნელოვანი მხატვრული ღირებულების მქონე სპექტაკლები.„მოზარდ მაყურებელთა თეატრმა უმძიმესი დანაკლისი განიცადა – 84 წლის ასაკში ხანმოკლე, მძიმე ავადმყოფობის შემდეგ გარდაიცვალა თეატრის მთავარი რეჟისორი, საქართველოს დამსახურებული არტისტი, სახელმწიფო და ა.ახმეტელის სახელობის პრემიების ლაურეატი, ბატონი ოთარ ბაღათურია.მისი ცხოვრება და საქმიანობა 60 წელზე მეტია მჭიდროდაა დაკავშირებული ჩვენს თეატრთან. ის იყო ამ დასის ერთ-ერთი გამორჩეული არტისტი. მის მიერ შესრულებული როლები სპექტაკლებში „პრინცესა ტურანდოტი“, „მოკვეთილი“, „კიკვიძე“, „მე ვხედავ მზეს“, „რღვევა“, „ქამუშაძის გაჭირვება“, „შეაჩერეთ მალახოვი“, „ბედნიერი ბილეთი“, „კუკარაჩა“, „ჩვენებურები“ და მრავალი სხვა თეატრის ოქროს ფონდის კუთვნილებაა.ოთარ ბაღათურიას დადგმებია: „დარისპანის გასაჭირი“, „ავი ლომი“, „სათაგური“, „ღამის ამბავი“, „ბანკეტი“, „წითელქუდა“, „იავნანამ რა ჰქმნა“ და სხვა მნიშვნელოვანი მხატვრული ღირებულებით გამოირჩეოდა თეატრის რეპერტუარში.ჩვენს თეატრში დაიბადა დრამატურგი ოთარ ბაღათურიაც. მისი პიესების „ამიკო“, „მეფე ლირი თავშესაფარში“, „დედამიწა კი მიჰქრის“ ავტორისეული დადგმით პირველი ჩვენება სწორედ ჩვენთან შედგა და შემდგომ არაერთ თეატრში განხორციელდა. დიდია მისი ღვაწლი ქართული დუბლირებული ფილმებისა თუ მხატვრული ფილმების გახმოვანების საქმეში.ოთარ ბაღათურია აქტიურ პედაგოგიურ საქმიანობას ეწეოდა შოთა რუსთაველის სახელობის თეატრისა და კინოს სახელმწიფო უნივერსიტეტში, სტუდენტთა არაერთი თაობის აღმზრდელი, მუდამ ამაყობდა საკუთარი სტუდენტების წარმატებით.ჩვენგან წავიდა არაჩვეულებრივი ხელოვანი, რომლის ვარსკვლავიც 2013 წელს გაიხსნა მოზარდ მაყურებელთა თეატრის წინ და რომლის სახელს ვერასდროს დაივიწყებს ნოდარ დუმბაძის სახელობის მოზარდ მაყურებელთა თეატრი“, – ნათქვამია თეატრის გავრცელებულ ინფორმაციაში.

ბელგიის დედაქალაქ ბრიუსელში ერთა ლიგის 2026/2027 წლების სეზონის მეხუთე გათამაშების წილისყრა გაიმართა.ერთა ლიგის ახალ სეზონში საქართველოს ნაკრები კვლავაც B დივიზიონში ითამაშებს, „ჯვაროსნები“ წილისყრის შედეგად B2 ჯგუფში მოხვდნენ:ერთა ლიგა 2026-2027B2 ჯგუფიუნგრეთიუკრაინასაქართველოჩრდილოეთ ირლანდიაგანსხვავებით წინა წლებისგან, როცა სანაკრებო მატჩებისთვის სექტემბერში, ოქტომბერსა და ნოემბერში  სამი ფანჯარა იყო გამოყოფილი, ამჯერად, სექტემბერ-ოქტომბერში, 12 დღის განმავლობაში, გუნდებს ზედიზედ ოთხი მატჩის ჩატარება მოუწევთ, ბოლო ორი ტური კი ნოემბერში ხუთდღიან ინტერვალში ჩატარდება. პლეი ოფები, 2027 წლის მარტის ნაცვლად, ივნისში გაიმართება.გათამაშების კალენდარი მოგვიანებით გახდება ცნობილი.ერთა ლიგის თამაშების განრიგი:I ტური: 24-26 სექტემბერიII ტური: 27-29 სექტემბერიIII ტური: 30 სექტემბერი-3 ოქტომბერიIV ტური: 4-6 ოქტომბერიV ტური: 12-14 ნოემბერიVI ტური: 15-17 ნოემბერი

აფხაზეთის ომის ვეტერანი ნუნუ ჯეირანაშვილი აფხაზეთის ომის დროს მომხდარ მძიმე ისტორიას იხსენებს.„ძალიან მძიმე ცხოვრება მაქვს გავლილი. პირველი ალბათ 9 აპრილი იყო ჩემთვის. 3 თვე ვიწექი. მე უკვე თავდაცვაში ვმსახურობდი ოფიცერი ვიყავი. დღეს პოლკოვნიკი ვარ. 1993 წელი იყო, აფხაზეთის ომი. სნაიპერი ქალბატონი იყო. პრიბალტიკელი, რომელიც აი არ ვიცი გაწყვიტა ყველა. ჩავუსაფრდი, ხეზე ვიჯექი ორი დღე და ღამე. მესამე დღეს მანაც დამინახა. მეც დავინახე. ვაჯობე იმით, რომ ქამრით მივები ტოტს. ვერ დამინახა და გასროლა მოხდა ამით. დანაღმული იყო ყველაფერი, ნაღმზე, რომ ფეხი დაადგა ნაკუწებად გაქცევს. არ ვიცი რა მოხდა, ეს ნაღმი აფეთქდა და ჩამიტანა, ჩავიტანე მე. დაზვერვის ბიჭები ამბობენ, რომ 45 წუთი იყავიო დამარხული სანამ ამომთხარეს და ამომიყვანეს. მორგში დამდეს, იქ ვიყავი 3 დღე და ღამე. ცხედრები, რომ გამოჰქონდათ დასამარხად მაშინ ავამოძრავე თითი. ამით გადავრჩი...“ - იხსენებს ნუნუ ჯეირანაშვილი.

ევროპარლამენტმა მხარი დაუჭირა რეზოლუციის პროექტს ქალთა უფლებებზე, სადაც საუბარია ტრანსგენდერი ქალების უფლებებზეც.ევროპარლამენტის მიერ მომზადებული რეზოლუცია ევროკავშირის საბჭოს მოუწოდებს, ტრანსგენდერი ქალები სრულფასოვან ქალებად აღიაროს.დოკუმენტში რამდენიმე ძირითადი პუნქტია მოცემული, რომელიც ტრანსგენდერ ქალებს ეხებათ, მათ შორის, არის ტრანსგენდერი ქალების სრულფასოვან ქალებად აღიარებაზე, საუბარია მათი ჩართულობის აუცილებლობაზე გენდერული თანასწორობისა და ძალადობის საწინააღმდეგო პოლიტიკის ეფექტურობისთვის, ასევე ტრანსგენდერი ქალებისთვის დაცვისა და მხარდაჭერის სერვისებზე თანაბარი წვდომის აღიარება.„მათი ჩართულობა აუცილებელია ნებისმიერი გენდერული თანასწორობისა და ძალადობის საწინააღმდეგო პოლიტიკის ეფექტურობისთვის. მოვუწოდებთ, აღიარონ ტრანსგენდერი ქალები და მათ თანაბარი წვდომა მიეცეს დაცვისა და მხარდაჭერის სერვისებზე“, – აღნიშნულია რეზოლუციის ტექსტში.

რაც ვთქვი, ისიც სავსებით საკმარია, რომ ხვალ უკან შემაბრუნონ, მაგრამ მგლის შიშით ცხვარი არ უნდა გაწყვიტო - ენდეთ ქართულ ანდაზებს, - ამის შესახებ კოალიცია „ცვლილებისთვის“ ლიდერმა, ნიკა გვარამიამ პატიმრობიდან გათავისუფლების შემდეგ ჟურნალისტებს განუცხადა.გვარამიას განცხადებით, „საერთოდ არ აღელვებს, რატომ წაუყენეს ახალი ბრალდება“.„არავის უკვირს ჩვენს თავს რაც ხდება, მაგრამ ჩვენი ოჯახების თავს რაც ხდება, არც ეს უნდა გვიკვირდეს, საკუთარი თანამდებობის პირების ოჯახებს რას უშვრებიან, „აშავებენ“, კატასტროფულად - რომ არ იკადრებ არასდროს, უბრალოდ, ნაცნობის მიმართაც კი. რასაც აკეთებენ, ეს არაფერში წერია. ჩემთვის ბოლო წვეთი იყო ბატონი ანზორი რომ ვნახე, ნიკას ბრალის მერე. ეს მართლა ბოლო წვეთია, რადგან რაღაც ადამიანური საზღვრები არსებობს, „ქოცებისთვის“, ეს საზღვრები არავისთან დაკავშირებით აღარ არსებობს. ნიკას ვინ დაეძებს, საკუთარ ოჯახის წევრებად რომ ჰყავდათ და იმ ცოლებთან და დედებთან რომ დადიოდნენ სავახშმოდ კვირაში ერთხელ, იმ ცოლებს და დედებს, ვინც სუფრას უშლიდნენ, აშავებენ და საშინელებებს წერენ მათზე. ისიც არ გამიკვირდება, რომ მათი ოჯახის წევრებიც დაიჭირონ. დარწმუნებული ვარ, ვინც ბრალი აღიარა და აქ ზის, იმიტომ ზის, რომ მათი დაჭერით ემუქრებოდნენ „ქოცები“, - განაცხადა ნიკა გვარამიამ.