გერმანიაში სათამაშოების გამოფენაში 3 ქართული კომპანია მიიღებს მონაწილეობას

თბილისის მერის, კახა კალაძის განცხადებით, რეგიონში რთული მდგომარეობის დროს, ქვეყნის საწინააღმდეგო საქმიანობა დაუშვებელია.კითხვაზე, რას ემსახურება მედიით გავრცელებული „ჰადსონის ინსტიტუტის“ კვლევა, თითქოს „ირანის ისლამური რესპუბლიკა გეგმაზომიერად და ორგანიზებულად აფართოებს გავლენასა და გავლენის ინფრასტრუქტურას საქართველოში“, კახა კალაძე პასუხობს, რომ მსგავსი განცხადებების გაკეთება მოღალატეობრივი ნაბიჯია.„პირველი შემთხვევა არაა, როცა ვხედავთ კონკრეტულ ადამიანებს, ვინც ქვეყნის საწინააღმდეგო საქმიანობაში არიან შემჩნეული. ისინი ჩვეულებრივი მოღალატეები არიან. არანაირი კავშირი, ინტერესი საქართველოსთან მიმართებით არ აქვთ, მხოლოდ ის აინტერესებთ, როგორ გადადგან მტრული ნაბიჯები. რა თქმა უნდა, ეს ძალიან დამაზიანებელია. არანაირი ფაქტი, კონკრეტიკა არ არსებობს. ეს არის ცილისწამება და სიცრუე. იმ მოცემულობაში, რაც დღეს რეგიონში და ზოგადად მსოფლიოში ხდება, ამ ტიპის განცხადებების თუ კვლევების გაკეთება, ქვეყნის მიმართ მტრული საქმიანობაა და ამით შესაბამისი უწყებები უნდა დაინტერესდნენ“, – აღნიშნა კახა კალაძემ.რაც შეეხება კიდევ ერთ კითხვას, მსგავსი ტიპის კვლევა ხომ არ არის საქართველო-ამერიკის შეერთებული შტატების ურთიერთობის გაჯანსაღებისთვის ხელის შეშლის მცდელობა, როგორც კალაძემ განაცხადა, მტერს არ ესიამოვნება, რომ საქართველო-აშშ-ს ურთიერთობები ახალი ფურცლიდან დაიწყოს.„რა თქმა უნდა, მსგავსი ქმედებები ყველაფერს ემსახურება. მტერს არ ესიამოვნება, რომ საქართველო-აშშ-ს შორის ურთიერთობები ახალი ფურცლიდან დაიწყოს, დალაგდეს. ისინი ყველაფერს გააკეთებენ, რომ ამ პროცესებს ხელი შეუშალონ. თუ ქვეყანა და ხალხი უყვართ, მით უმეტეს ასეთ რთულ ვითარებაში, ასეთი ტიპის განცხადებებს როგორ უნდა აკეთებდნენ?“, – აღნიშნა კალაძემ.ამასთან, კახა კალაძის თქმით, აშშ-ის პრეზიდენტის ამჟამინდელი ადმინისტრაციის პირობებში, საქართველოს მთავრობას ორ ქვეყანას შორის ურთიერთობის გადატვირთვის მოლოდინი აქვს.„რაც შეეხება ურთიერთობების გადატვირთვას, ჩვენ ოპტიმიზმს ვინარჩუნებთ. ჩვენი მხრიდან არაერთი განცხადებაა გაკეთებული, რომ საქართველოს მთავრობა მზად არის, ურთიერთობები ახალი ფურცლიდან დაიწყოს. ჩვენთვის კატეგორიულად მიუღებელი იყო ჯო ბაიდენის ადმინისტრაციის არასამართლიანი დამოკიდებულება ჩვენ მიმართ. მხოლოდ და მხოლოდ ტყუილი, მუქარა, შანტაჟი გვესმოდა, რაც არც მეგობრობაა, არც ნორმალური ურთიერთობა. შესაბამისად, დონალდ ტრამპის ადმინისტრაციის პირობებში გვაქვს მოლოდინი, რომ ორ ქვეყანას შორის ურთიერთობები გადაიხედება. თუნდაც საქართველოს პრეზიდენტისა და საგარეო საქმეთა მინისტრის აშშ-ის სახელმწიფო მდივან მარკო რუბიოსთან შეხვედრაც იძლევა ოპტიმიზმის საშუალებას“, – განაცხადა დედაქალაქის მერმა.კახა კალაძის კომენტარს თბილისის მერია ავრცელებს. 

ირანის წინააღმდეგ სამხედრო ოპერაციის პირველი 100 საათი აშშ-ს 3,72 მილიარდი დოლარი დაუჯდა. ინფორმაციას ამის შესახებ სტრატეგიული და საერთაშორისო კვლევების ცენტრის სპეციალისტები ავრცელებენ.მათი გათვლებით, ოპერაცია „ეპიკური მრისხანების“ პირველი 100 საათი აშშ-ს 3,72 მილიარდი დოლარი დაუჯდა, ანუ დღეში 891,4 მილიონი.ამ ხარჯის ძირითადი ნაწილი მოდის საბრძოლო მასალაზე, რომლითაც ხორციელდება დარტყმები ირანზე. პირველ 100 საათში ამერიკელმა სამხედროებმა გამოიყენებს 3,1 მილიარდი დოლარის ღირებულების ბომბები და რაკეტები.როგორც ექსპერტები აცხადებენ, სამხედრო ოპერაციის ხარჯების ნაწილი, მაგალითისთვის ტექნიკის ექსპლუატაცია, უკვე იყო გაწერილი  სამხედრო ბიუჯეტში, თუმცა ძირითადად საუბარია არასაბიუჯეტო ხარჯებზე, რაც მოითხოვს აშშ-ის თავდაცვის დეპარტამენტისთვის დამატებითი დაფინანსების გამოყოფას ან უკვე გაწერილი ხარჯების სხვა პროგრამებზე გადანაწილებას.

მტერს არ ვუსურვებ იმ მდგომარეობაში ყოფნას, როგორშიც უკრაინა იმყოფება. უმძიმესი მდგომარეობაა. მინდა, მშვიდობა ვუსურვო უკრაინელ ხალხს, უკრაინა ამას ნამდვილად არ იმსახურებდა, – ამის შესახებ თბილისის მერმა, კახა კალაძემ განაცხადა.მისი თქმით, საქართველოს ხელისუფლებას გული შესტკივა უკრაინელ ხალხზე, თუმცა მისი უმთავრესი საზრუნავი ქვეყნის სუვერენიტეტის და ქართველი ხალხის ინტერესის დაცვაა.„რა თქმა უნდა, ჩვენ გული შეგვტკივა უკრაინელ ხალხზე, მაგრამ, პირველ რიგში, ვფიქრობთ და ვზრუნავთ ჩვენს ქვეყანაზე და ხალხზე. შესაბამისად, ჩვენი პოლიტიკით მომავალშიც ყველაფერი უნდა გავაკეთოთ, რომ, პირველ რიგში, დავიცვათ საქართველო, ქვეყნის სუვერენიტეტი და ქართველი ხალხის ინტერესი. ყველაფერი უნდა გავაკეთოთ, რათა ქვეყანაში არ გვქონდეს ის ვითარება და მდგომარეობა, რაც დღეს უკრაინაშია, რისკენაც მოგვიწოდებდნენ, გვაშანტაჟებდნენ, გვავალდებულებდნენ, გვემუქრებოდნენ, რომ მეორე ფრონტი გახსნილიყო და მივერთებოდით სანქციებს. ჩვენი სწორი პოლიტიკით, პრაგმატული ხედვით და გადადგმული ნაბიჯებით შევინარჩუნეთ მშვიდობა და დავიცავით ქვეყნის ინტერესები“, – განაცხადა კახა კალაძემ.

ღალატია ის, როდესაც ხალხს 64-ივე მუნიციპალიტეტში წარმომადგენლის გარეშე დატოვებ, ბრძოლის ველს გაეცლები, მოღალატეობრივად გაიპარები და ხალხს მოუწოდებ, არჩევნებზე არ მივიდნენ, რუსთაველზე მივიდნენ, სადაც მშვიდობიანი დამხობაა დაანონსებული და ამაზე პასუხისმგებლობას არ აიღებ. შემდეგ კი, საერთოდ არ ხსნი, რატომ მოიქეცი ასე, ეს საჩუქარი რატომ გაუკეთე „ოცნებას“, – ამის შესახებ პარტიის „გახარია საქართველოსთვის“ წევრმა, გიორგი შარაშიძემ განაცხადა.მისი თქმით, ვინ არის მოღალატე, ამას ისტორია კარგად შეაფასებს.„ვიდრე ჩვენს ღალატზე ისაუბრებს ქალბატონ სალომეს გადაეცით, რომ სწორედ ეს არის ღალატი. ვინ არის მოღალატე, ამას ისტორია კარგად შეაფასებს. ჩვენ ყოველ დღე პარლამენტში „ოცნების“ წინააღმდეგ მწვავე ოპინირებას ვეწევით. ეს არის პოლიტიკური პროცესი. არავინ არავის დაჰპირებია, რომ 12 მანდატით „ოცნების“ უმრავლესობის 89 დეპუტატს დავძლევდით. ოპოზიციიდან პარლამენტში 61 დეპუტატიც რომ ყოფილიყო, სამწუხაროდ, ეს მაინც ვერ მოხდებოდა, მაგრამ პოლიტიკური პროცესი გაცილებით აქტიური იქნებოდა. ფაქტობრივად, მთელი ოპოზიციის გასაკეთებელს 12 ადამიანი ვაკეთებთ. სხვის ღალატზე ვიდრე ისაუბრებენ, საკუთარ მოღალატეობრივ მოქმედებაზე ისაუბრონ, მათ შორის იმაზე, რა შედეგი დააყენეს ამ ქვეყანაში 4 ოქტომბრის შემდეგ“, – განაცხადა გიორგი შარაშიძემ.საქართველოს ყოფილმა პრეზიდენტმა, სალომე ზურაბიშვილმა განაცხადა, „არიან პარტიები, რომლებიც ხან შედიან პარლამენტში, ხან „ოცნების“ გზავნილებსა და სხვა პარტიებზე „ოცნების“ დარტყმებს იმეორებენ. ესენი არიან მოღალატეები და მათთან ერთად ძალიან ძნელია ერთობა, მაგრამ მაინც მივაღწევთ“.

ისრაელის ჯანდაცვის სამინისტროს ინფორმაციით, ბოლო 24 საათის განმავლობაში ირანთან კონფლიქტის შედეგად საავადმყოფოებში 140 დაშავებული გადაიყვანეს.მათივე ცნობით, საავადმყოფოებში მყოფთა შორის ერთი მძიმე მდგომარეობაშია, 19-ის მდგომარეობა საშუალო სიმძიმისაა, ხოლო 114-ის  – დამაკმაყოფილებელი.როგორც ისრაელის ჯანდაცვის უწყებაში აცხადებენ, ოთხ ადამიანს შფოთვის გამო – მკურნალობა, ორს კი სამედიცინო შემოწმება ჩაუტარდა ან ამჟამად უტარდება.საბრძოლო მოქმედებების დაწყებიდან საავადმყოფოებში სულ 1 619 ადამიანის გადაყვანა გახდა საჭირო. მათგან 87 ამჟამად საავადმყოფოში ან სასწრაფო დახმარების განყოფილებაშია, დანარჩენებს კი მკურნალობა ჩაუტარდათ და გაწერეს. ამჟამად საავადმყოფოში მყოფი ოთხი ადამიანი მძიმე მდგომარეობაშია, თუმცა ორი მათგანი სარაკეტო დარტყმების შედეგად პირდაპირ არ დაშავებულა.