ბაკურიანში, სათხილამურო ტრასაზე ახალგაზრდა კაცი დაიღუპა

ილია მეორე მიუძღოდა საქართველოს ტრადიციებისა და ქრისტიანული ზნეობისადმი ურყევი ერთგულებით. სულიერი წინამძღოლობის მიღმა, პატრიარქი სახელმწიფოსთვის სიბრძნის შუქურადაც იქცა, მისი მსახურების განმავლობაში ეკლესია არ ყოფილა მხოლოდ რელიგიური ინსტიტუტი, ის ქართული სახელმწიფოებრიობისა და ეროვნული იდენტობის მცველიც იყო, – ამის შესახებ საქართველოს პრემიერ-მინისტრმა, ირაკლი კობახიძემ ბუდაპეშტში, კონსერვატიული პოლიტიკური მოქმედების კონფერენციაზე (CPAC) სიტყვით გამოსვლისას განაცხადა.მთავრობის მეთაურის თქმით, სრულიად საქართველოს კათოლიკოს-პატრიარქმა ქრისტიანული იდეალები ქართული ხალხისთვის მარადიულ ძალად აქცია.„ჩემთვის დიდი პატივია ამ გამორჩეულ აუდიტორიას მივმართო და საქართველოს სახელით ვისაუბრო ფორუმზე, რომელიც ჩვენი ერების მომავლის განხილვის მნიშვნელოვან პლატფორმად იქცა.რადგან საერთო ღირებულებების განსახილველად შევიკრიბეთ, მსურს, საუბარი დავიწყო სრულიად საქართველოს კათოლიკოს-პატრიარქის, მისი უწმინდესობის ილია II-ის ხსოვნის პატივისცემით, რომელიც სამი დღის წინ გარდაიცვალა. მან ქრისტიანული იდეალები ქართული ხალხისთვის მარადიულ ძალად აქცია. დღეს მთელი საქართველო ერთიანია გლოვაში.მისი უწმინდესობის გარდაცვალება, რომელიც 48 წლის განმავლობაში ხელმძღვანელობდა საქართველოს მართლმადიდებელ ეკლესიას, ჩვენთვის ღრმად პირადულია, რადგან მან სიყვარულით აავსო ადამიანების გულები და თავადაც უდიდესი სიყვარული მიიღო ხალხისგან.ის მიუძღოდა საქართველოს ტრადიციებისა და ქრისტიანული ზნეობისადმი ურყევი ერთგულებით. სულიერი წინამძღოლობის მიღმა, პატრიარქი სახელმწიფოსთვის სიბრძნის შუქურადაც იქცა. მისი მსახურების განმავლობაში ეკლესია არ ყოფილა მხოლოდ რელიგიური ინსტიტუტი, ის ქართული სახელმწიფოებრიობისა და ეროვნული იდენტობის მცველიც იყო.პატრიარქის ხსოვნის პატივისცემით, საკუთარ თავს მოვუწოდებთ დავიცვათ ის, რასაც თავად ასე ერთგულად იცავდა – ჩვენი ქვეყნის ეროვნული და რელიგიური იდენტობა“, – განაცხადა პრემიერ-მინისტრმა.

იაპონიაში საქართველოს საელჩოში გახსნილ სამძიმრის წიგნში ჩანაწერები დატოვეს ქვეყანაში აკრედიტებული დიპლომატიური კორპუსის წარმომადგენლებმა, სახელმწიფოს სხვა ოფიციალურმა პირებმა.სრულიად საქართველოს კათოლიკოს-პატრიარქის, უწმინდესისა და უნეტარესის, ილია II-ის გარდაცვალებასთან დაკავშირებით სამძიმრის გამოსახატად საქართველოს საელჩოს ასევე ეწვივნენ და სამძიმრის წიგნში ჩანაწერები დატოვეს იაპონიის საგარეო საქმეთა სამინისტროს პროტოკოლის უფროსი, ელჩი ტადაიუკი მიიაშიტა, სახელმწიფოს სხვა ოფიციალური პირები.გარდა ამისა, ჩანაწერები დატოვეს იაპონიის საზოგადოებრიობისა და ქართული დიასპორის წარმომადგენლებმა.

საქართველოს კათოლიკოს-პატრიარქის, ილია II-ის გარდაცვალებასთან დაკავშირებით, გერმანიის ფედერაციულ რესპუბლიკაში, საქართველოს საელჩოში გახსნილ სამძიმრის წიგნში გერმანიის ფედერალური პრეზიდენტის, ფრანკ-ვალტერ შტაინმაიერის სახელით, სამძიმრის ჩანაწერი გაკეთდა.ცნობისთვის, სრულიად საქართველოს კათოლიკოს-პატრიარქს, ილია მეორეს კვირას, 22 მარტს სიონის ტაძარში დაკრძალავენ.კათოლიკოს-პატრიარქი ილია მეორე 17 მარტს 93 წლის ასაკში გარდაიცვალა.

"მან საეკლესიო იერარქიის ყველა საფეხური განვლო და დამოუკიდებლობისთვის მებრძოლი ქართველი ერისთვის უმთავრეს მორალურ საყრდენად იქცა" - ასე ეხმაურება Le Figaro ილია მეორის გარდაცვალებას.ფრანგული გაზეთი პატრიარქის ბიოგრაფიის შესახებ ვრცელ სტატიას ავრცელებს, რომელშიც წერია, რომ "უდიდესი ავტორიტეტის მქონე საქართველოს ეკლესიის რიგით 141-ე კათალიკოსმა, გადამწყვეტი როლი შეასრულა პოლიტიკური კრიზისების დაძლევაში და ხშირად იყო მედიატორი დაპირისპირებულ მხარეებს შორის".

,,მინდა ამ სურათის ისტორია გიამბოთ. ბერლინში, გულის ოპერაციის შემდეგ, უწმინდესს რეაბილიტაციაზე გაჩერება მოუწია რამდენიმე კვირით. მე ლონდონიდან ჩავედი, რომ მენახა. დილით მივდიოდი და საღამოს ლოცვამდე ვჩერდებოდი. ახალ საგალობელს წერდა. უწმინდესი მელოდიას მღეროდა და სვიმონ ჯანგულაშვილს ნოტებზე გადაჰქონდა. ერთხელ, საუზმეზე, მკითხა: – დღეს რა ნახეთ, აქ რომ მოდიოდით? მეც ვუყვები, რომ ტიერგარდენში, რომელიც სასტუმროს გვერდით იყო, ვნახე ძალიან საინტერესო კომპოზიცია სამი კომპოზიტორის ძეგლი: ბეთჰოვენი, მოცარტი და ჰაიდნი. ვინაიდან რაიხსტაგის სიახლოვესაა, მეორე მსოფლიო ომის დროს ეს ძეგლი დაინგრა და 2000 წელს ბერლინელებს აღუგენიათ. საუზმის შემდეგ საგალობელზე მუშაობა დაიწყო. უცებ უწმინდესმა სვიმონს უთხრა: – ჩვენ უნდა წავიდეთ, ის ძეგლი ვნახოთ და თან ვილოცოთ. მანდ ბევრი ადამიანი გარდაიცვალა ომის დროს, მათზე ხომ აღარავინ ლოცულობს. წავიდეთ და მათი სულის მოსახსენიებელი ვთქვათ. რამდენიმე წუთში ლიფტში ვიყავით ოთხნი: უწმინდესი, სვიმონ ჯანგულაშვილო, გიორგი დონაძე და მე. დელეგაციის წევრები კლინიკაში იყვნენ წასული. სასტუმროს ფოეში რომ ჩავედით, უწმინდესის მანქანა არ იდგა. სვიმონმა უთხრა, რომ მანქანები ჯერ არ არის და იქნებ მოგვიანებით წავიდეთო, როცა მოვლენ. უწმინდესმა ბრძანა: – მერე რა? ფეხით წავიდეთ. შორს არ იყო, 600 მეტრამდე, მაგრამ მაინც ვერ გავრისკეთ და ტაქსი გავაჩერეთ. გიორგი გაიქცა, რომ იქ დაგვხვედროდა. ეს სურათიც სწორედ მაშინ გადავიღე, როდესაც ტაქსიდან გადმოვედით და ძეგლისკენ მივდიოდით. მერე ვილოცეთ. სვიმონი და გიორგი გალობდნენ. მე სანთლების ანთება დამევალა. რაიხსტაგის მინის გუმბათი ხეებს შორის მოჩანდა. აი, ასე ლოცულობდა ჩვენი პატრიარქი ყველასთვის''- ამის შესახებ ირაკლი იმნაიშვილი  სოციალურ ქსელში წერს.